العود عنده يالربع كلمتيني . صوتي 248.الحل:كفرلعبةالسيارات القديمه.حله:يمكن شاعر

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز اسناده للداهيه الرادار




العود . عنده .. يالربع .. كلمتيني
في اذن . ابومريم تجرا .. حلتها
غطوه سحبته من أقاصي . كنيني
أبيات شعري .. بالتماوه . كستها
عندي خبر .. حله . عسير يبيني
لكن على شرواك .. عسر . فلتها
ان طالت ازباها .. تجي رمعتيني
رمعه .. تذيرها . ورمعه . فنتها
لغزي . بنات . لملمن .. يافطيني
بنات .. لمهمه ... يلملم .. شتتها
كل وحدة .. بجوارها . جارتيني
هذي . تلت هذي . وهذي . تلتها
حوف الذي عمره يلاحي سنيني
مقدم وقوت .. والطيابه . سمتها
طراف . عذرا مالفن . اتخميني
سعد .. لناس . يابومريم . قنتها



https://b.top4top.net/m_600577gi0.m4a (https://b.top4top.net/m_600577gi0.m4a)

مع تحيات ابو ماجد

منتديات مكشات . خيمة الالغاز

[يمكن شاعر]

العود عنده يالربع كلمتيني
في اذن ابومريم تجرا حلتها
غطوه وحله ماهقيته هويني
لكن على شرواك عسرن فلتها
لغزي بنات/ن ليَمن يافطيني
بنات لمهمه يلملم شتتها
حوف الذي عمره يلاحي سنيني
مقدم وقوت/ن والطيابه سمتها
كل وحدة /ن بجوارها جارتيني
هاذي تلت هاذي وهاذي تلتها
طراف عذرى مالفت اتخميني
سعد/ن لناس/ن يابومريم قنتها






عليكم السلام
صح لسانك ملاييين يابوماجد
لاهنت لاهنت يالغالي الله يرفع قدرك


محاوله
كان في لعبه قديمه مشهوره بالمدينه
ويسمونها لعبه البرجوه


طبعن عباره عن احجار يجمعها اللاعب
ويحفر بالارض ثلاث حفرات متتاليه بين وحده والاخرى مسافه ثم يقوم اللاعب في رمي البرجوه اللي هي الحجاره


ممكن هاذي مقصدك وحوف الذي عمره كبير انه هي لعبه قديمه وسعد لناس بالترفيه فيها

[ابو ماجد 2]

العود عنده يالربع كلمتيني
في اذن ابومريم تجرا حلتها
غطوه وحله ماهقيته هويني
لكن على شرواك عسرن فلتها
لغزي بنات/ن ليَمن يافطيني
بنات لمهمه يلملم شتتها
حوف الذي عمره يلاحي سنيني
مقدم وقوت/ن والطيابه سمتها
كل وحدة /ن بجوارها جارتيني
هاذي تلت هاذي وهاذي تلتها
طراف عذرى مالفت اتخميني
سعد/ن لناس/ن يابومريم قنتها






عليكم السلام
صح لسانك ملاييين يابوماجد
لاهنت لاهنت يالغالي الله يرفع قدرك


محاوله
كان في لعبه قديمه مشهوره بالمدينه
ويسمونها لعبه البرجوه


طبعن عباره عن احجار يجمعها اللاعب
ويحفر بالارض ثلاث حفرات متتاليه بين وحده والاخرى مسافه ثم يقوم اللاعب في رمي البرجوه اللي هي الحجاره


ممكن هاذي مقصدك وحوف الذي عمره كبير انه هي لعبه قديمه وسعد لناس بالترفيه فيها

صح بدنك يابو مريم
وانت تستاهل معلقات
وما اسندت اليك اللغز الا لاجساسي ان لديك المام بالماضي
شرفني تواجدك والرمعه ماصادت يالغالي
ان طالت ازباها .. تجي رمعتيني ..... رمعه .. تذيرها . ورمعه . فنتها
ننتظر التي ستفنيها

[تميمي.1]

عليك السلام ورحمة الله ،
صح لسانك يامبدع ويستاهل الرادر الاسناد داهيه ماشاءالله تبارك الله وما نصف معه لكن لدي محاوله متواضعه ،
وش رايك في لعبة العكابه .

[ابو ماجد 2]

عليك السلام ورحمة الله ،
صح لسانك يامبدع ويستاهل الرادر الاسناد داهيه ماشاءالله تبارك الله وما نصف معه لكن لدي محاوله متواضعه ،
وش رايك في لعبة العكابه .

هلا بثالث الداهين
صح بدنك يالغالي
والابداع ان وجد بفضل الله ثم تفاعلكم وتحفيزكم لاعدمناكم
شرفتنا
انتظر الرمعه التاليه

[يمكن شاعر]

عليك السلام ورحمة الله ،
صح لسانك يامبدع ويستاهل الرادر الاسناد داهيه ماشاءالله تبارك الله وما نصف معه لكن لدي محاوله متواضعه ،
وش رايك في لعبة العكابه .

تستاهل الطيب يالغالي وجزاك الله خير يالتميمي

[يمكن شاعر]

طيب ي غالي
من اللعاب القديمه
اغطية الببسي القزاز كانو يجمعون الاغطيه ويجيبون خيط ويفتحون فتحه (ثقب) في كل غطاء ويحطونه بالخيط وكانو يزينونه يحطون غطا ببسي ووراه غطا ميرندا
ووراه غطا سفن اب ممكن هذولي الجارتين واللي مقصدك بها طراف عذرى ممكن اليد يضعون الاغطيه مثل الاسواره باليد

[تميمي.1]

طيب وش رايك في :
الحصى الثلاث اللي يركب عليها القدر

[عساف الضاري]

وعليك السلام ورحمة الله وبركاته
صح لسانك يابوماجد
لغز جزل من شاعر جزل و يستاهل ابومريم الاسناد
محاولة
القنارة والقربة
احترامي وتقديري لكم

[ابو ماجد 2]

هلا بكم يالربع
لي رده والرد كل على حده
من الثابت ان شاء الله تعالى
رمعة ابو مريم أتت بشق من الحل
اما يكملها او يكملها خشيره
أو سأكملها أنا وأعطيه الحل حال تواجدي عند الثابت

[يمكن شاعر]

طيب ي غالي


لعبه السياره


في هذه اللعبة تتجلى الدقة والمهارة والمنافسة و تصنع من أدوات أساسية مشتركة بين الجميع هي صندوق شاهي ربيع وعلبة جراك وأغطية البيبسي .. يصنع الهيكل أولا من قطعتين من الخشب ثم يوضع فوقه صندوق الشاهي الذي يمثل صندوق السيارة وعلبة الجراك تمثل الغمارة .. أما الكفرات فتخرم أغطية البيبسي من المنتصف وتنظم في حبل من المطاط وتلف على مكر خياطة


البنات اغطيه الببسي وهن كفرات
والعذرى اللي في طرفها السياره تشبيه

[ابو ماجد 2]

طيب وش رايك في :
الحصى الثلاث اللي يركب عليها القدر
هلا بثالث الداهين
طبت وطاب فالك
اللغز اجهز عليه ابو مريم

[ابو ماجد 2]

وعليك السلام ورحمة الله وبركاته
صح لسانك يابوماجد
لغز جزل من شاعر جزل و يستاهل ابومريم الاسناد
محاولة
القنارة والقربة
احترامي وتقديري لكم
هلا ومليوووووون هلا
صح بدنك يالغالي
الجزاله ماتجود به قريحتكم ولعلك تشنف آذاننا ببديعك عن قريب
اللغز اجهز عليه ابو مريم

[ابو ماجد 2]

طيب ي غالي


لعبه السياره


في هذه اللعبة تتجلى الدقة والمهارة والمنافسة و تصنع من أدوات أساسية مشتركة بين الجميع هي صندوق شاهي ربيع وعلبة جراك وأغطية البيبسي .. يصنع الهيكل أولا من قطعتين من الخشب ثم يوضع فوقه صندوق الشاهي الذي يمثل صندوق السيارة وعلبة الجراك تمثل الغمارة .. أما الكفرات فتخرم أغطية البيبسي من المنتصف وتنظم في حبل من المطاط وتلف على مكر خياطة


البنات اغطيه الببسي وهن كفرات
والعذرى اللي في طرفها السياره تشبيه
مابتعدت عن ظني يالغالي
انهيته بثاني مرماع
كفووووووووووووووووووووو كفوووووووووووووووووووووووووووووووو كفووووووووووووووووو
كفووووووووووووووووووو كفووووووووووووووووووو
نعم
كفرلعبة السيارات القديمه

http://www.mazarathy.com/upload//uploads/images/domain-ad37aab223.jpg

غطوات المشروبات الزجاجيه بيبسي ميرندا .... الخ
تجمع وتفتح من الوسط وتنظم تنظيم السبحه بربقه ثم تربط لتأخذ شكل الحلقه وتوضح بمكره لتستخدم ككفر بالسيارات القديمه

http://www.alriyadh.com/media/thumb/ab/ed/1000_a73b83d1a7.jpg

لله درك وصح لسانك ملايين

[يمكن شاعر]

لاهنت يابوماجد
وكفوك الطيب يالغالي
وصح لسانك ملاييين ماقصرت