الفزعة يارجال الباترول جنني

[ناصر 01]

السلام عليكم ورحمة الله وبركاته

السالفة ومافيها عندي باترول 93 تماتيك وانت تمشي بمجرد ترفع رجلك من البنزين شعره يرتفع ضغط المكينة ويطلع صوتها كانه مرجع نمره واذا رجعت ودعست بنزين مره ثانية ينزل الضغط غيرت الزيت والفلتر ونفس الوضع وديته لورش متخصصة قيور يقولون لك القير سليم 100 في 100 لكن مايدرون وش المشكلة وليش يصير كذا . الي قد مرت عليه الحالة ذي يفيدني الله لا يهينه ...

[SGL]

عليكم السلام ورحمة الله وبركاته
ياغالي موترك وهو واقف وتدعسله بنزين الدعسه ترجع طبيعيه أو تعلق بسيط تشوف ضغط الهوا مرتفع؟؟

[ناصر 01]

لا طبيعي ما تعلق مشكلته وهو يمشي بس

[SGL]

لا طبيعي ما تعلق مشكلته وهو يمشي بس

تمام :good:
مشكلة موترك في الباور له مفتاح بالديكور يسار دعسة الفرامل طبعآ يوم تضغط المفتاح تشتغل لمبته صفرا بالطبلون وتزيد سرعة الموتر وقطعته المتحكمه في الموضوع ذا تحصلها في الكربريتر لونها أسود على شكل مستطيل قريب من صفاي البنزين وفيها فيش كهرب وعلى ماأذكر لها وظيفه ثانيه مع القير أو تغيراته طبعآ لها ميزانيه تقدر تفرها يمين أو يسار إنت لاتغير في وزنتها إذا كانت على وزن صانعها أول شي شيك على أسلاكها والفيش من عند المفتاح الداخلي إلى القطعه المقصودة والكلام هذا إذا كربريتر موترك شد البلد حق التماتيك
المشكلة الثانية في هوز هوا صغير يركب في الديلكو ويروح للكربيتر شيك عليه