مشكله كمبرسر لاندكروزر 2015

[rrelaex]

السلام عليكم
معي لاندكروزر 2015 بريمي ماشي اقل من 60 الف
وبدا يطلع اصوات في الكمبروسر اذا صارت السياره بارده وشغلت المكيف اسمع صوت طقطقه من الكمبروسر لمده 10 ثواني ثم يروح
والمكيف بارد والدفع تمام وكل شي تمام بس الصوت مقلقني
مريت اكثر من ورشه واثق من شغلهم يقولون من داخل الكمبروسر ولايتعدل
خله كذا وانت وحظك متى يخرب وغيره .. كلامهم ما اقنعني قلت اسالكم
والمشكله عبداللطيف جميل الحرامي ما قام يقبل البريمي على الضمان

وبسالكم لو خرب بكم سعره جديد ويكم احصله تشليح
وهذا فيديو يوضح الصوت

https://d.top4top.net/m_604948nr0.mov

[rrelaex]

ياشباب 37 مشاهده غريبه ماحد مرة عليه المشكله هذي

[ابوراكان تبوك]

الصوت اللي اسمعه صوت شداد السير والله اعلم
لكن انت بنفسك خذ لي اسطوانه
وضع طرفه على اذنك
والطرف الاخر ضعه على الكمبروسر حتى تتاكد الصور منه او لا
وضعه ايضا على بكرة شداد السير

اما سالفه الكمبروسر 99‎%‎ ماهي منه
يا شداد سير او كلتشات
والاحتمال الكبير جدا شداد سير المكيف

[rrelaex]

اتمنى انه يكون من الشداد او بكرات او كلتشات
لان الكمبرسر حتى لو غيرته مراح يكون نفس شد البلد
المشكله مالي خبره في السيارات ولا قطعها ولا اعرف افحصها بنفسي

بشوف ورش اكثر ويارب يطلع شي بسيط

[alwali]

انت ليه تسب عبداللطيف جميل وتتهمه انه حرامي الظاهر ان حسناتك واجد وقاعد توزعها
اتق الله في نفسك ولاتنسى ان ورانا حساب وعقاب استغفر الله واحفظ لسانك

[rrelaex]

يارجال تو مطلع النظام هذا قبل كم شهر يعني ماكان دفتر الضمان له اهميه
المفروض يطبق النظام من السيارات الجديده ماهو من القديم اللي مامعهم دفتر ضمان
واعرف ان اي شي يصلحه على الضمان اعرف انه مابيدوم معك شغل تلفيق
اما الشي اللي تدفع فيه شغل مرتب