عندي مشكله في قارمن 276CX في الخريطه

[شترتر]

السلام عليكم ورحمه الله وبركاته
اخواني انا شريت قارمن ٢٧٦cx و الجهاز بدون خريطه فقط الخريطة الاساسيه الي تجي مع الجهاز

حاولت اركب خريطه بس عجزت

ياريت حد يفيدني برابط خريطه مع شرح التركيب الله يجزاكم الف خير

[qulaib]

[QUOTE=شترتر;10735482]السلام عليكم ورحمه الله وبركاته
اخواني انا شريت قارمن ظ¢ظ§ظ¦cx و الجهاز بدون خريطه فقط الخريطة الاساسيه الي تجي مع الجهاز

حاولت اركب خريطه بس عجزت

ياريت حد يفيدني برابط خريطه مع شرح التركيب الله يجزاكم الف خير[/QUOT

وعليكم السلام ورحمة الله وبركاته
ياهلا فيك أخوى
العمليه سهلة جدا فقط نسخ ولزق
بعد ما تنزل الخريطه إفتح الفايل وإنسخ الأيقونه
ثم إشبك الجهاز بالكمبيوتر وإدخل على ملف الجهاز وإعمل لزق
ويمكنك أن تسمى الأيقونه بأى مسمى حتى بالعربى
خالص تحياتى لك وبالتوفيق

[شترتر]

اخوي الغالي مشكور انا سويت الطريقه هذي ونسخت الملف وحطيته في المكان المناسب نفس ماقلت لما شغلت الجهاز ماطلعت الخريطه
بعضهم يقول لازم كسر حمايه او الخريطه فيها مشكله
اذا عندك رابط خريطه مجربه ياريت تعطيني جزاك الله خير

[ريف النشاما]

لازم تختار الخريطة

[شترتر]

اختار الخريطه من الجارمن نفسه ؟
ياريت التوضيح و جزاك الله خير

[......515]

لازم تختار الخريطة
لو سمحت ريف النشاما ابي اتواصل معك او مع احد من الرحالة بموضوع للبحث العلمي
ارجو منك الرد

[qulaib]

اخوي الغالي مشكور انا سويت الطريقه هذي ونسخت الملف وحطيته في المكان المناسب نفس ماقلت لما شغلت الجهاز ماطلعت الخريطه
بعضهم يقول لازم كسر حمايه او الخريطه فيها مشكله
اذا عندك رابط خريطه مجربه ياريت تعطيني جزاك الله خير

هذا الجهاز ما يحتاج كسر حمايه
الخريطه موجوده في أعلى الصفحه في المواضيع المثبته مكركه وجاهزه
نزلها وحطها في الجهاز وإفتح الجهاز وعن طريق الإعدادات فعل الخريطه (حط علامة صح)
وبالتوفيق

[شترتر]

الف شكر لك يالغالي تم تحميل الخريطه وتشغيلها بنجاح شاكر لك عزيزي ماقصرت

سوال اخير
لاحظت ببطء شديد في البحث عن المواقع مع العلم اني محدث الجهاز لاخر اصدار هل هو من الخريطه نفسها ؟ وهل اقدر اضيف الخريطه على ذاكره خارجيه ؟

[qulaib]

الف شكر لك يالغالي تم تحميل الخريطه وتشغيلها بنجاح شاكر لك عزيزي ماقصرت

سوال اخير
لاحظت ببطء شديد في البحث عن المواقع مع العلم اني محدث الجهاز لاخر اصدار هل هو من الخريطه نفسها ؟ وهل اقدر اضيف الخريطه على ذاكره خارجيه ؟
يا هلا فيك أخوى ومبروك إشتغلت الخريطه
بالنسبه للذاكره الخارجيه نعم يمكن إستخدامها وإضافة الخرائط فيها
ويجب أن تعمل ملف بالذاكره الخارجيه وتسميه Garmin ثم تضع الخرائط فيه تحت أي مسمى حتى لو بالعربى
أهم شيء تكون الذاكره كلاس 8 أو أكثر وحجمها لا يتعدى 32 قيقا وأنا أفضل وأستخدم 16 قيفا فقط وهو كافى وزايد
ومن أفضل أنواع الذاكره Sandisk
وحياك الله وبالتوفيق

[شترتر]

الف شكرا لك يالغالي تعبتك معاي و ماقصرت
تحياتي لك