طقه في القير

[aaa3]

السلام عليكم
سيارتي برادو 2005 تماتيك ظهر بعد تغير الزيت حق القير طقه خاصه لما يكون في P واغير ل R تظهر الطقه فهل احد عنده علم وش سببها؟

[aaa3]

يامكشاتيه اجيبونا بارك الله فيكم

[ابوراكان تبوك]

ماعندي خبره في البرادو لكن التماتيك عمله واحد تقريبا

مشكلتك لها اسباب محصوره ومعروفه
1- يالزيت ناقص او زايد - افحصه
2- يالزيت ماوصل لمخ القير كامل - عشقه باخر نمره L او d2 حسب الكتابات اللي عندك المهم باثقل نمره ومشيه لين خلاص تشوف الموتر اخذ كفايته ع الاخر وانت ماشي قدم القير نمره وهكذا لين توصل d انتهينا نمر دي لاتزره عليها المهم التروس الثقيله
الطريقه تخلي الزيت يتوزع على جميع الاجزاء
3- اذا به كراسي دفرنس امامي. تفقدها
4- تفقد فضاوه الكرونه - وهو واقف اسحب البريك وحطه p وانزل تحت الموتر لف العمود لاحظه هل يلف او ثابت اذا لف لو ربع لفه احتمال كبير جدا فضاوة كرونه واذا كان ثابت ممتاز جدا
5- بعض الاشخاص يضع الزيت الغير مخصص والزيت المخصص مكتوب رمزه على صره زيت القير او اذا كان به عيار سحب تلقاه منقوش نهاية العيار
6- بعض الاشخاص يخلي زيت القير يمشي فوق 100 الف كثير بدون مايغيره واذا غيره تبدا المشاكل
7- بعض السيارات لها جلبه للفلتر ممكن انقطعت في التركيب وتاكد قبل الفك بانك تسال اصحاب القطع هل الفلتر له جلده او لت
لاني ماني عارف تفاصيل سياراتك والا كان اعلمك واجعل فك كرتير القير اخر الحلول لتفقد الجلده

مشكلتك اقرب الى
عدم توزيع الزيت وحلها في النقطه 2
او نقص او زياده الزيت

[aaa3]

أشكرك أخي على تفاعلك وعلى ماقدمت من حلول
تم تغير الزيت والفلتر لدى والوكاله ولم تظهر هذه الطقه الا بعد شهر من التغير ولكن سوف يتم تجربة الطريقه الثانيه ونسأل الله التيسير

[عبد الرحمن 00]

تم ظهور نفس المشكله لدي كابرس 2004 وتم تغيير كرسي القير و الحمد لله ظهرة لدي بعد تغيير قير