((( رابط ملاك بنادق الفولكان التشيكية )))

[الجدي2010]

السلام عليكم ورحمة الله وبركاته
مساء الخير للجميع
لعدم وجود رابط للفولكان التشيكية تم إنشاء هذا الرابط واتمنى التفاعل معه لتبادل الخبرات والإستشارة وكل ما تحتاجة الفولكان الهوائية (بنادق الضغط )


وهنا أذكرمقاسات الفولكان المتواجدة عندنا :
((( 4.5 - 5.5 - 6.35 )))


بالنسبة لمقاس 4.5 تجي الفولكان بول بوب ( قصيرة ) وتجي فيبر وخشب


بالنسبة لمقاس 5.5 تجي الفولكان بول بوب ( قصيرة ) وكذلك تجي تاكتيك ( متوسط الطول ) وتجي فيبر وخشب


بالنسبة لمقاس 6.35 تجي الفولكان بول بوب ( قصيرة ) وكذلك تجي تاكتيك ( متوسطة الطول ) وتجي فيبر وخشب

لتوضيح :
بول بوب : يعني بندق قصير بدون ( عقب - كعب - أخمص ) كلها نفس المعنى

تاكتبك : يعني متوسطة الطول لوجود ( عقب - كعب - أخمص ) كلها نفس المعنى

والصورة توضح الفرق بشكل دقيق وواضح


الفرق بين البول بوب والتاكتيك بالصورة
http://gulfup.co/i/00661/38tp8ehhbclt.jpeg



وهذا وصلى الله وسلم على نبينا محمد


تقبلوا تحياتي وإحترامي

[قناص الأشهب]

مشكور يالجدي لفتح الرابطه
وانا أول المشاركين
فولكان بول بوب 5.5 خشيبة
علومها طيبه
عانيت منها بالبدايه قبل سنتين في مسئلة تدبيل الصتم وتطلع الربله الداخليه
وهذي مسئلة تعود وبعدها ضبطت معي
ولكن المشكله لاصار يقنص معي اخوياي انا القمها واخليها جاهزه ويكون الصيد صوبه ويشيلها ويلقم مره ثانيه
هذي اكبر معاناه مع اني اوصيهم لكن لا بد يحصل خطأ

[Mekshaati@]

أهنيكم على هالرابطة وإن شاءالله ننضم له قريب

[الهنتر]

يسعدن اني بفضل الله سبحانه وتعالى احد ملاك الفولكان 5.5 وشكراً على افتتح الربط لكن الاحظ ان التفاعل قليل جداً نتمنى من الملاك المشاركه وذا كان فيه رابط للواتس يكون افضل بعد

[ابو منصور 5]

مشكور يالجدي لفتح الرابطه
وانا أول المشاركين
فولكان بول بوب 5.5 خشيبة
علومها طيبه
عانيت منها بالبدايه قبل سنتين في مسئلة تدبيل الصتم وتطلع الربله الداخليه
وهذي مسئلة تعود وبعدها ضبطت معي
ولكن المشكله لاصار يقنص معي اخوياي انا القمها واخليها جاهزه ويكون الصيد صوبه ويشيلها ويلقم مره ثانيه
هذي اكبر معاناه مع اني اوصيهم لكن لا بد يحصل خطأ

السلام عليكم اليوم صارلي نفس الشي المشكله توني شاريها مابعد رميت الطلقة ومنغبن :(:( دبلت الرصاص ودقر قير التعشيق (السرجي) مايقدم اخر شي رجعته وطلعت المحاله وحاولت اطلع الرصاص ولا طلعت الى وحده مع ذالك لا زال قير التعشيق مدقر عيا يقدم المهم خليته مرفوع ورميت وطلعت الربلة بس رجع وضع التعشيق طبيعي يقدم ويرجع عادي الخلاصة الله يجزاكم خير يالربع الي يعرف كيف ارجع الربلة يقولي بدال لا ادقها مشوار200 كيلو بكره للقصيم
^^^^^^^^^^^^^
ملاحظه انا جديد على بنادق الغاز وهاذي اول مره استخدمها :D

[Abu Sary]

اللي تدبل معه كذا صتمة افتح الكاتم طلعه برى وارمي تطلع الطلقات
عيب الفولكان انها تدبل الصتم
واللي يخبر سرجي لها غير حق بلاده يعطيني علمه

[الشمروخي]

الله يقويكم ورابطه ممتاز الفولكان معي سنتين تقريباً ولايعلى عليها
علمن اني جربت الكركت قبله وجربت المتادور وكلهن دقيقات وطيبات بس موصفات الفولكان اعلى منهن واريح
عيب جميع ماجربت تدبيل الصتم لعديم الخبره فقط
الفولكان
خفه وصغر حجم وتعشيق بالنص وتقدر تخلي التعشيق يمين ويسار وتتحمل وسهله الصيانه والظ¥.ظ¥ ترمي خمسين طلقه بالتعبيه واكثر شوي
والله يبارك

[كرسيدا]

السلام عليكم و رحمة الله و بركاته
أسعد الله أوقاتكم بكل خير

استفسار

عندي فولكان 6.35 جديدة

وملاحظ عليها إنها تستهلك غاز بشكل كبير الصراحة ما حسبتها مزبوط لكن رميت بها 4 طلقات و كان الضغط 240 و صار 200

و الملاحظة الثانية إني إذا عبيت غاز ما تتعدي 250
و بعد أكثر من تعبئة ما تعدت 240
هل الاسطوانة لها دور

علما أن الاسطوانة جديدة من الرماية 7 لتر 400 بار

[راعي البصيرة]

اسعد الله مسائكم

وش الافضل من ناحية تعبية البندق بالغاز الى كم
وكذالك في الحد الادنى.. الى 110 او 100.. المقصد الضغط الي يحافظ عليها

[كرسيدا]

اسعد الله مسائكم

وش الافضل من ناحية تعبية البندق بالغاز الى كم
وكذالك في الحد الادنى.. الى 110 او 100.. المقصد الضغط الي يحافظ عليها

و مساك يا الغالي

و الله أنا راسلت واحد على اليوتيوب و قال لي إنك ما ترمي بها إذا وصل الضغط
100
بالنسبة للتعبئة ما تتعدى 250

[مشعل الفهد]

السلام عليكم
اسعد الله مساكم
يسعدني الانظمام للمجوعه
ومشكور يالجدي ع هالفكرة الطيبه
سجل عندك فولكان 2 5.5 بول بوب خشب توي شاريها الله والله يبارك لنا فيها
ولون يكون فيه رابط للتلقرام يكون اسرع تواصل وسلامتكم،،،،،،،،

[alkobra1394]

السلام عليكم ورحمة الله وبركاته
يا اخوان من وكيلها في السعودية