استفسار أيهما أفضل رأس دافور بريموس (السو

[راس الجبل]

صباح الخير أخواني

وجدت نوعين من الداوفير الصغيرة (اللي تجي دبته معه وتصلح للشاهي)


الأول بريموس صناعة سويديه (بسعر 90 ريال) ودبة الغاز حقته ب 15 ريال .

الثاني كوفيا صناعه كوريه في هايبر بنده (بسعر 80 ريال ) والغاز حقه ب 12 ريال .

أيهما أفضل؟؟؟


وكذلك وجدت رأس دافور بريموس بس هندي وسعره 60 ريال في محلات الاواني

المنزلية وسعره 65 ريال، ويقولون أنه أفضل من الايطالي، فهل أحد قد جرب الأثنين ويعطينا النتيجة ؟

وشكرا لكم مقدما

[راس الجبل]

44 واحد ولا أحد أدلى بدلوه، تراني أحتري الاجابة يالنشاما

[راعي الهـــدد]

أخوي الغالي انا ما انصحك بهذه الأنواع

تقول لي ليش اقول لك

لأنها مشكلتها الغاز حقها مكلف تخيل تطبخ لك وجبة كبسه وانت وربعك او تطبخ قهوتك وشاهيك مع عشاك تآخذ عليك دبة غاز بــ 15 ريال انا وش استفدت اروح آخذ حبة دجاج جاهزه برزها ابرك لي من خسارة 15 ريال على ايش باالله

وشوري عليك خذ دبة غاز الزرقاء 5 رطل وفوق المعروفه الكبيره الي راسها يجي فوقها ويخدمك في كم طلعه وتنسى غازه واذا فضى تعبيه بــ 5 ريال ويبطي معك يآخذ معك كم طلعه ماهوب وجبه وحده وخالصه دبه بــ 15 ريال ابيك بس تقارن

واذا ملزم تقول لا الا ابي آخذ هذي الي خساره عليك في الغاز

اقول لك بكيفك بس خذ سويدي بريموس ولا تآخذ هندي ولا غيره والله يوفقك

ترى أخوك مجرب الثنين كلها وعطاك الراي الأفضل ترى شرينا البريموس المتفجر الي نزل من قبل 4 سنين وطرنا به يوم قلبنا الدعوى لقينا انه خساير وبس

مامثل شغل اول مثل ماقلت لك عليك بالدبات الزرق القديمه البريموس الأول اذا حصلت بريموس دبة زرقاء وهي سويديه فلا تفوتك اكثر الي في السوق بريموس صناعة هنديه

انا عندي دبة غاز زرقا بريموس سويدي لها عندي فوق 15 سنه ماقالت لا شغاله زي الحلاوه

وش رايك

عموماً ترى وكيل بريموس السويدي هو (( بادحمان شارع السباله في آخره ))

واعذرني على تأخر الرد يا غالي

[الراعي]

خذ بريموس وتوكل على الله

[كادر]

اذا كنت تحتاج الاسطونات التي تستخدم مره واحد خذ الدافور ابو ثلاث ارجل الي تركب عليه الاسطوانه الطويله (عمليه جدا تدوم وقت ممتاز وتنفك بعد انتهاء الطبخ ورخيصه 3ريال)
تحياتي

[ابوعزيزm]

أنا عندي بريموس صناعة هندي صراحة ناااارة قوية

عندي واحد له سنتين والثاني أشتريتة قبل شهرين صراحة أنه حلووو :)

[DOHIM]

الي يخبر لي بريمس سويدي
الي يركب على الدبة الزرقاء
الي تعباء يدلني عليه والله يجزاه خير

[abo_Majed]

عليك بالبريموس لا صرت بحلان

[ناصر العثمان]

بريموس صناعة كوري(بسعر 70 ريال) ودبة الغاز حقته ب 15 ريال . و7


اسئال مجرب والحطب احسن لك
تحياتي

[البلوا]

سلاااااااااااام شباب وشلونكم وشلونك راس الجبل بالله وين القاء بريموس
الا صلي السويدي بالله افدني لو سمحت لان عندي دافور سيروس السويدي والله والف نعم فيه
بس مشكلته انقطع ويمكن بريموس بداله وابي اسالك وين القاااااااااااااااااااااااه لو سمحت ربي يوفقك,,,,

[فتى احد]

السلام عليكم ...

الليلة محل القناص بالدمام جاب أنواع كثيرة من الدوافير البريموس والكوفيا وأنواع كثيرة لكن شفت زحمة عند الكوفيا وسألت واحد كبير بالسن يعني بالأربعين خذا منه قالي هذا الكوفيا أفضل شىء وناره قوية ويجي في شنطة سوداء وسعره حوالي 85 ريال والتعبئة 15 ريال والله الموفق .

[الساهر2003]

السلام عليكم
اخوي صاحب الموضوع ممكن تتامل في تعليقي لتجد الحل المناسب
1- افضل شيي العين الكبيره بريمس الخاصة بالدبه الزرقاء ولكن انسى يجي سويدي لك الف ريال اذا لقيت سويدي اصلي جديد مع الدبه والهندي انا مجربه من 6 سنوات ممتاز تقريبا لم ارى فيه اختلاف عن الجوده وتغانمه قبل لا يطير احفظه لك ولعيالك وللبيت وحتى لم تستخدمه ليس خساره لمن يمتلكه وهو مخصص لطبخ الاكل فقط افضل تخصيص له ولشاهي غيره اصغر
2- يوجد عند السنيدي وبرق الحيا اسطوانه زرقاء تتعبا بريالين وقيمتها 30 ريال جديدة 1رطل ممتازه والراس صيني 20 ريال ممتاز غير الربل حقه باصلي ويظبط ممتاز يطبخ عشى 5 اشخاص وهذا لشاهي والقهوة وحجمه صغير جدا وممتاز ومامون باذ الله سبحانه
3 - اذا انت كثير الطلعات واستخدام الدوافير فخذ دافور سبير اللي هو كوفي متفجر ابو لي ممتاز لكن غالي 120 ريال الراس فقط والدبه ب15 ريال وممكن تشتري محول ب 15 ريال حتى تشبكه على الاسطوانه ازرقاء وهو ممتاز وغير هذي الطريقه لا تدور لاني قبلك تعبت جدا وخسرت كثير جدا وفي الاخير استقر بي المقام على هذا الصنف واسال مجرب وخبير في العزب من 8سنوات الله يخلف
واذا تبي انزل صور للي اقوله انتظر هالخميس وابشر لاني يمكن اكشت واصور اللي تبي
مع الف شكر للجميع

[سرهيد]

على فكرة اخوي الكريم

افادني وكيل برايمس في شارع السبالة في الرياض بأن البرايمس السويدي تجده في الكويت

فان كنت تعرف احد فسأله

السويدي لا يعلى عليه

[xozxo]

يعتبر البريمس السويدي هو الافضل ثم يليه نوعيه اخرى مصنوعه في لتوانيا

[أبو إيناس]

بريمس السويدي تلقاه عند اليابس أو محل يماني جمبه في الديره واتوقع حتى الدبه بتلقاه عنده بس غالي ...

[خبير الغازات]

يا شباب بريموس شركة عظيمة لكن لا يوجد أي منتج بريموس الآن مصنوع في السويد...المنتجات الموجودة الآن مقسمة بين شرق أوروبا والهند والصين.
لا شك أن الجودة التي تميزت بها بريموس مرتبطة ارتباطا وثيقا بمكان الصنع, هذا لا يعني أن منتجات بريموس غير جيدة ولكنها ليست بجودة القديم.