عداد البنزين

[الحربي فيصل]

http://www.mekshat.com/vb/mwaextraedit6/extra/01.gif

الله يسعد صباحكم بكل خير

يا شباب انا معي هايلوكس 2012 ولي فتره اعاني مع عداد البنزين
العداد اذا عبيت السياره فل يطلع لفوق وكل شي تمام
لكن اخر ربع ما يقرأ صح
احيان تنقطع بنزين فوق الربع واحيان على خط الربع واوقات قليله ينزل شوي

ياليت اللي عنده خلفيه يفيدني

[hassan-55]

وعليكم السلام ورحمة الله

المشكله اخوي سبق مريت بها بالكامري و اقلقتني في السفر اذا وصل العداد تحت النص بقليل يعتبر التانكي فاضي فأنا احسب حساب اذا وصل فوق النصف اعبي بنزين
ويوم رجعت من السفر فكيت الطرمبة كامله (طلعتها برا)
تلقى شريحة الكترونيه راكبه على قاعدة الطرمبه راكب عليها العوامه
تحتاج تنظف الشريحه ببخاخ الكترونيات و فرشة اسنان ناعمه لأن النحاس حق الشريحه حساس شوي
تبخ عليها ثم تستخدم الفرشة ثم تبخ و أخيرا تمسح الشريحه بمنديل
لاحظ الصوره اسفل علمت اسهم على المناطق اللي تحتاج تنظيف نحاس راكب على العوامه رقم 1
و الشريحه رقم 2

المشكله بسيطه جداً ان شاء الله
اعتذر على الاطاله

http://www.2zoo.org/uploads/15135666381.jpg

[hassan-55]

واذا عندك جهاز ملتيميتر ، تقدر تفحص و تختبر عمل الشريحه
توصل اسلاك الملتيميتر في اسلاك الشريحه السالب و الموجب
ثم تضع الجهاز في وضعية الاوم ثم تحرك العوامه بيدك من الأعلى الى الأسفل و العكس حركه بطيئه تلاحظ الجهاز يعطي قراءه بهذي الطريقه تعرف ان الشريحه تعمل و تقرأ

[الحربي فيصل]

الله يبيض وجيهكم يا شباب

مشكورين بحرب واشوف