ياهل ااخبره افيودنا جزاكم الله كل خير اكورد عقدتني

[ضيف الله 44]

السلام عليكم يا اخوان سيارتي هوندا اكورد 2007 المشكله كتمه تطلع اذا حمت او صارت الحراره طبيعيه يعني وهي بارده تمام التمام وديتها فحص كمبيوتر قالو حساسات الكزوز وحساس الزيت وغيرتها كلها ونفس المشكله وملاحظه المبه الصفراء كانت شغاله وبعد ماغيرت الحساسات طفت وصارت تمام ولما ولعت رجعت الكتمه ملاحظه هل دبة الكربون حقت الكزوز لها علاقه لذا كانت مقفله اسف على الاطاله ودمتم بخير

[الوااا(بالله)اااثق]

هذا والله أعلم عطل في طرمبة البنزين

حصلت معنا نفس المشكلة في هوندا 2002
كل ما تسخن السيارة ولو بشكل طبيعي تبدأ بالتفتفة والكتمة ثم تتوقف المكينة ولا تشتغل إلا لما تبرد السيارة

وبعد جهد جهيد إتضح لنا بأن المشكلة كانت بسبب طرمبة البنزين

وعليك بالأصلية

[SGL]

يوم تشغل الموتر روح عند الشكمان وشف هل دفع الهوا الخارج قوي يعني طبيعي أو خفيف جدآ لإن لقيت هايلوكس زمان من موديلات 2006 وطالع يشتغل ومايقبل دعس وإذا إحتر مايشتغل نهائي وكان السبب دبة البيئه مقفله كاتمه المكينة

[هم الشمالي]

شيك على الكتاوت حق حساس القزوز

[هم الشمالي]

او يمكن من طرنبت البنزين تعبانه او من البواجي

[ابوراكان تبوك]

ياضيف الله اذا جاها تقطيع انقز لاقرب ورشة واطلب قياس ضغط طرمبة البنزين اذا كان اقل من 50 يعتبر ضعيف وغالبا كل سياره قياسات والمتعارف عليه من 60psi واعلى ممتاز
اذا لقيته 60 واعلى ممتاز ويفضل فحصها ايضا والسياره تمشي اثناء التقطيع
بعضهم يمد لك الهوز حق الفحص ويحط الساعة عند المساحات حتى يشوفها والسيارة تمشي

اذا طلع الضغط فوق 70 الخراب من منظم البخاخ وليس الطرمبة

لان منظم البخاخ اذا خرب يصرف بنزين على كيفه ويجهد الطرمبة وتسخن ويبدا التقطيع والنتيجة خراب الطرمبة وحتى لو ركبت طرمبه يرجع نفس الخلل اذا كان منظم البخاخ خربان
بالاول افحص الطرمبة ويفضل والسياره تمشي اذا اقل من 50 غيرالطرمبه ويفضل معاه الصفاية

بعض الكمبيوترات المخصصة للسياره تطلع لك نسبة الطرمبة اكترونيا زي العداد او ابراج وفوقها مكتوب احدى هذه العبارات
normal طبيعي
min ضعيفة
max خراب منظم بخاخ