راعي الصقلاوي
01/05/2018, 10:34 AM
السلام عليكم ورحمة الله وبركاته
صبحكم بالخير الجميع
اتذكرفي فترة ايام طفولتي وكان عمري حوالي 10 سنوات اشترى خالي ابو حاتم كبش للقاح النعاج وهاذ الكبش نسله جيد ولكنه كان عنيف ما عرفت بهاذ الشيء الا حين سرحت بالحلال مع اخوالي
انتهت الدراسه وبدت العطله الصيفيه سرحت بالحلال مع اخوالي وجدي رحمه الله واموات المسلمين شفت كبش ضخم وجهه لونه بني وله قرون كبيره
سألت خالي ابو حاتم عن هالكبش قلي اشتريته للقاح النعاج من تاجر حلال والرجال اللي باعني الكبش رجال ثقه
مرت لحظات اذا الكبش طلع من بين الحلال رافع راسه وقف فتره يناظرني تقدم خطوه او ثنتين توقف لحظات واندفع صوبي ونطحني ضربني براسه جت الضربه في بطة رجلي
ما بين الركبه ومفصل القدم اوقعني على الارض ناظرته وصار يتراجع لاجل ينطحني مره ثانيه وقفت على ارجولي وامسكت العصا وتقدمت منه ويقوم الكبش يهاجمني
بدون شعور ولا هواده بديت اضرب الكبش بالعصا على قرونه صار الكبش يتراجع لانها الضربات كانت متتاليه وسريعه لكنها مو بالضربات المؤذيه او اللي تكسر العظم
جلست تحت شجره وانا اتحسس مكان النطحه وصار وقت ورود الشياه على بير المويه فقام هالكبش يسوي الافاعيل في باقي الاكباش نطح وفرض عضلات كانه هو الكبش الوحيد بين هالنعاج
انجبرت اتدخل وابعد هالكبش عن باقي الكباش واربطه لحاله لين ورد الحلال كله وشرب المويه حينها اطلقت الكبش راح للحوض شرب ورجع للحلال تحت ظلال الشجر
وكان وقت التعزيب بالحلال في ذيك الفتره وهاذ موسم التزاوج عند الحلال وتكون الكباش في حالة هيجان وتنافس في تلقيح النعاج كل يوم تصير معارك بين الكباش نطاح شرس ومطارده
الكباش بعضها بين الحلال فلا بد انها تنضرب بعض الشياه والنعاج مضى على تعزيبنا بالحلال اسبوع
قلي خالي : اليوم نرجع بالحلال للديره باكر وده يلفي للديره الطبيب البيطري وده يطعم الحلال بمطاعيم وادويه
رجعنا مسا ذاك اليوم للديره وحطينا الحلال في مزرعة خالي ابو اسماعيل ثاني يوم تواجدت محارمنا في المزرعه كنت جالس مع الرجاجيل ننتظر الطبيب سمعنا صراخ خواتي وبنات خالي
رحت اشوف ويش السالفه اذا الكبش يحصر خواتي وبنات خالي ويحاول ينطحهم وما في بينهم الا شبك خفيف امسكت العصا وتوجهت صوب الكبش وبديت اضربه على قرونه فقام الكبش
انحاش لعند الحلال تطمنت على خواتي وبنات خالي والحمدلله ما صابهم شيء سمعت اصوات ابواق سياره وحضر الطبيب البيطري احضرنا براميل كبيره حطينا فيها مويه كميه معينه وخلطناها
بالادويه وبدينا نغطس فيها الاغنام لين جفت النعاج اخذناها لمكان في المزرعه على شكل حوض كبير من الاسمنت وبدينا نغسل النعاج لين جفت وسوينا حوطه في الظل
خوالي وجدي رحمه الله واموات المسلمين وابو مرزوق وشايبه رحمه الله واموات المسلمين احضرو مقصات وصارو يقصون صوف النعاج لين ما ظلت نعجه بدون قص صوفها
في الوقت الحالي ما عادت هالمقصات موجوده يستخدمون الات حديثه في جز الصوف
مسا ذاك اليوم تجمعن محارمنا ومعهم مواعين لحلب النعاج والشياه محدثكم العبد الفقير لله ابو ضاري كان يساعد محارمه في حلب الشياه ونقل مواعين الحليب وسكبه في مواعين كبيره
من البلاستيك حليب النعاج لحال وحليب الشياه لحال حليب النعاج يساوون منه لبنه ولبن وزبده
حليب الشياه يساوون منه جبنه
كانت خالتي ام حاتم خلصت حلب نعجه واخذت منها ماعون الحليب خلال لحظات اندفع الكبش ويقوم ينطحها جت الضربه في ساعدها فصاحت يدي يا يبه حطيت ماعون الحليب على الارض
تلفت حولي شفت عصا على الارض امسكتها واندفعت صوب الكبش ويقوم يندفع علي الكبش امسكت تنكه كبيره ورميتها على الكبش صابته في راسه وبديت اضرب الكبش على قرونه
انحاش الكبش امسكني خالي واخذ العصا مني وسحبني مني يدي اوصلني لعند حريمنا تورمت يد خالتي ام حاتم وصار لونها ازرق من اثر النطحه الحمدلله كانت رضه خفيفه
صباح اليوم التالي كنا ودنا نطلع الحلال ونرجع للتعزيب تواجد عندنا من محارمنا خالتي امي بالرضاعه وزوجات خوالي والبنات واخواتي وشايبتي شافاها الله وعافاها
خالتي راحت تجيب كيس لاجل نحط داخله بعض الاغراض يشوفها الكبش ينتهز الفرصه الباب مفتوح يطلع ويهاجم خالتي تقوم خالتي تصرخ وطلعت الدرج واغلقت الباب خلفها
ناظرت حولي شفت خرطوم المويه البلاستيكي امسكته وتوجهت صوب الكبش انحاش الكبش من قدامي ودخل بين الحلال رحت تطمنت على خالتي الحمدلله ما قدر يوصلها وينطحها
رجعت وقلت لخالي : بعدين يبه وبعدين يا جدي بعدين مع هالكبش ما خلا احد من شره حتى الحلال صابها غثاه حل من اثنين اما انكم تقصون قرونه او انكم تبيعونه ما عدت اتحمل غثا هالكبش
اطلعنا الحلال ومشو فيه ربعي ودعت شايبتي وخالتي حبيت على ايدينهم شايبتي صارت توصي جدي علي
رد عليها جدي: لا توصيني على حمود حمود ما وده وصاه
ركبت مهرة جدي رباب وجدي ركب فرسه الجديده سحاب توجهنا لمكان التعزيب بالحلال ما يمر يوم بدون ما تصير مناطحه بين الكباش وهاذ الكبش ما خلا احد من الربع الموجودين
الا نطحه وخوالي يقولون : خلص هاذ طبعه كذا حين نرجع للديره نلاقي له تصريفه
في اخر يوم لنا في التعزيب الكبش نطح جدي في قدمه وينغرس طرف قرن الكبش في رجل جدي ويجرحها حين شفت هالمنظر غلى الدم في عروقي وما عاد عندي صبر في غمرة انشغال
اخوالي بجدي حملت بندقية جدي وطلعت على صخره صوبت على الكبش وكان على طرف الحلال وحوله بعض النعاج
سمعت صوت خالي ابو محمد يقولي : لا لا يا حمود
لكن فات الفوت انطلقت الرصاصه وشاء الله عز وجل انها الرصاصه تنحرف وتصطدم بحجر بعيد حوالي 20 سنت متر عن راس الكبش تفتت الحجر وتطايرت قطع الحجر قطعه طارت وصابت الكبش في وجهه وجرحته
الحمدلله جرح جدي كان بسيط وسطحي ركب على فرسه سحاب والربع ساقو الحلال باتجاه الديره على مهل وصلنا مزرعة خالي ابو اسماعيل مع غياب الشمس تجمعن حريمنا واحضرو مواعين
بدينا نحلب الشياه والنعاج ذاك الكبش كان ينتظر هاذ اللحظه ناظر اقرب الموجودين عليه كانت اختي الكبيره يقوم يهاجمها انتبهت عليه اختي تقوم ترمي عليه ماعون الحليب وتصرخ وتنحاش
من قدامه ناظرت الكبش والحليب يغطي وجهه الاقشر وتدعثرت اختي بسلك فوقعت على الارض حينها شعرت هدومي تقطع علي اندفعت صوب الكبش امسكته من قرونه وطرحته على الارض
ناديت على حاتم ولد خالي قلت له : حاتم هات الشبريه ودي اذبح هالكبش غثنا بسواياه
جا خالي وابعدني عن الكبش
قلت له : وبعدين يا يبه في هالكبش وسواياه غثنا في التعزيب ونطح جدي وارعب خواتي ونطح
خالتي ام حاتم في يدها والحين شفت بعينك ما ظل عندي صبر حل من اثنين
اما انك تبيعه او انك تقص قرونه او اذا فقدت اعصاتبي لا تلومني يبه
وبعدني اتكلم مع خالي سمعت صوت شايبتي تقول هناك هناك ابعد لهناك ناظرتها كانت تحمل في يدها عصا صغيره والكبش وده ينطحها وكانت واقفه جنب باب الحظيره اندفع الكبش عليها شايبتي
امسكت بالباب وصفقته في وجه الكبش مع اندفاع الكبش السريع يضرب وجهه في الباب فوقع على الارض
قلت له : تستاهل يا ابو القرون لقيت جزاة سواياك الشينه خلك تتعلم
قام الكبش وراح بين الحلال انتهينا من حلب الحلال وجلسنا حريمنا ساوو لنا العشا تعشينا وحمدنا الله على نعمه راجعت خالي بموضوع الكبش قام ابو مرزوق اشترى الكبش من خالي
اخذه معاه بعد يومين يقوم ابو مرزوق يقص قرون الكبش لانه نطح ام مرزوق وبناتها
بعد ما ابو مرزوق قص قرون ذاك الكبش ما عاد يهاجم وينطح احد عاش ذاك الكبش 9 سنوات ومات موت طبيعي للحين عند ابو مرزوق كبش من نسل ذاك الكبش ونسله جيد
صوره لكبش يشبه الكبش العنيف
http://www.mekshat.com/pix/upload06/images/2018/05/mk348597_15489720.jpg
وسلامتكم يالربع
صبحكم بالخير الجميع
اتذكرفي فترة ايام طفولتي وكان عمري حوالي 10 سنوات اشترى خالي ابو حاتم كبش للقاح النعاج وهاذ الكبش نسله جيد ولكنه كان عنيف ما عرفت بهاذ الشيء الا حين سرحت بالحلال مع اخوالي
انتهت الدراسه وبدت العطله الصيفيه سرحت بالحلال مع اخوالي وجدي رحمه الله واموات المسلمين شفت كبش ضخم وجهه لونه بني وله قرون كبيره
سألت خالي ابو حاتم عن هالكبش قلي اشتريته للقاح النعاج من تاجر حلال والرجال اللي باعني الكبش رجال ثقه
مرت لحظات اذا الكبش طلع من بين الحلال رافع راسه وقف فتره يناظرني تقدم خطوه او ثنتين توقف لحظات واندفع صوبي ونطحني ضربني براسه جت الضربه في بطة رجلي
ما بين الركبه ومفصل القدم اوقعني على الارض ناظرته وصار يتراجع لاجل ينطحني مره ثانيه وقفت على ارجولي وامسكت العصا وتقدمت منه ويقوم الكبش يهاجمني
بدون شعور ولا هواده بديت اضرب الكبش بالعصا على قرونه صار الكبش يتراجع لانها الضربات كانت متتاليه وسريعه لكنها مو بالضربات المؤذيه او اللي تكسر العظم
جلست تحت شجره وانا اتحسس مكان النطحه وصار وقت ورود الشياه على بير المويه فقام هالكبش يسوي الافاعيل في باقي الاكباش نطح وفرض عضلات كانه هو الكبش الوحيد بين هالنعاج
انجبرت اتدخل وابعد هالكبش عن باقي الكباش واربطه لحاله لين ورد الحلال كله وشرب المويه حينها اطلقت الكبش راح للحوض شرب ورجع للحلال تحت ظلال الشجر
وكان وقت التعزيب بالحلال في ذيك الفتره وهاذ موسم التزاوج عند الحلال وتكون الكباش في حالة هيجان وتنافس في تلقيح النعاج كل يوم تصير معارك بين الكباش نطاح شرس ومطارده
الكباش بعضها بين الحلال فلا بد انها تنضرب بعض الشياه والنعاج مضى على تعزيبنا بالحلال اسبوع
قلي خالي : اليوم نرجع بالحلال للديره باكر وده يلفي للديره الطبيب البيطري وده يطعم الحلال بمطاعيم وادويه
رجعنا مسا ذاك اليوم للديره وحطينا الحلال في مزرعة خالي ابو اسماعيل ثاني يوم تواجدت محارمنا في المزرعه كنت جالس مع الرجاجيل ننتظر الطبيب سمعنا صراخ خواتي وبنات خالي
رحت اشوف ويش السالفه اذا الكبش يحصر خواتي وبنات خالي ويحاول ينطحهم وما في بينهم الا شبك خفيف امسكت العصا وتوجهت صوب الكبش وبديت اضربه على قرونه فقام الكبش
انحاش لعند الحلال تطمنت على خواتي وبنات خالي والحمدلله ما صابهم شيء سمعت اصوات ابواق سياره وحضر الطبيب البيطري احضرنا براميل كبيره حطينا فيها مويه كميه معينه وخلطناها
بالادويه وبدينا نغطس فيها الاغنام لين جفت النعاج اخذناها لمكان في المزرعه على شكل حوض كبير من الاسمنت وبدينا نغسل النعاج لين جفت وسوينا حوطه في الظل
خوالي وجدي رحمه الله واموات المسلمين وابو مرزوق وشايبه رحمه الله واموات المسلمين احضرو مقصات وصارو يقصون صوف النعاج لين ما ظلت نعجه بدون قص صوفها
في الوقت الحالي ما عادت هالمقصات موجوده يستخدمون الات حديثه في جز الصوف
مسا ذاك اليوم تجمعن محارمنا ومعهم مواعين لحلب النعاج والشياه محدثكم العبد الفقير لله ابو ضاري كان يساعد محارمه في حلب الشياه ونقل مواعين الحليب وسكبه في مواعين كبيره
من البلاستيك حليب النعاج لحال وحليب الشياه لحال حليب النعاج يساوون منه لبنه ولبن وزبده
حليب الشياه يساوون منه جبنه
كانت خالتي ام حاتم خلصت حلب نعجه واخذت منها ماعون الحليب خلال لحظات اندفع الكبش ويقوم ينطحها جت الضربه في ساعدها فصاحت يدي يا يبه حطيت ماعون الحليب على الارض
تلفت حولي شفت عصا على الارض امسكتها واندفعت صوب الكبش ويقوم يندفع علي الكبش امسكت تنكه كبيره ورميتها على الكبش صابته في راسه وبديت اضرب الكبش على قرونه
انحاش الكبش امسكني خالي واخذ العصا مني وسحبني مني يدي اوصلني لعند حريمنا تورمت يد خالتي ام حاتم وصار لونها ازرق من اثر النطحه الحمدلله كانت رضه خفيفه
صباح اليوم التالي كنا ودنا نطلع الحلال ونرجع للتعزيب تواجد عندنا من محارمنا خالتي امي بالرضاعه وزوجات خوالي والبنات واخواتي وشايبتي شافاها الله وعافاها
خالتي راحت تجيب كيس لاجل نحط داخله بعض الاغراض يشوفها الكبش ينتهز الفرصه الباب مفتوح يطلع ويهاجم خالتي تقوم خالتي تصرخ وطلعت الدرج واغلقت الباب خلفها
ناظرت حولي شفت خرطوم المويه البلاستيكي امسكته وتوجهت صوب الكبش انحاش الكبش من قدامي ودخل بين الحلال رحت تطمنت على خالتي الحمدلله ما قدر يوصلها وينطحها
رجعت وقلت لخالي : بعدين يبه وبعدين يا جدي بعدين مع هالكبش ما خلا احد من شره حتى الحلال صابها غثاه حل من اثنين اما انكم تقصون قرونه او انكم تبيعونه ما عدت اتحمل غثا هالكبش
اطلعنا الحلال ومشو فيه ربعي ودعت شايبتي وخالتي حبيت على ايدينهم شايبتي صارت توصي جدي علي
رد عليها جدي: لا توصيني على حمود حمود ما وده وصاه
ركبت مهرة جدي رباب وجدي ركب فرسه الجديده سحاب توجهنا لمكان التعزيب بالحلال ما يمر يوم بدون ما تصير مناطحه بين الكباش وهاذ الكبش ما خلا احد من الربع الموجودين
الا نطحه وخوالي يقولون : خلص هاذ طبعه كذا حين نرجع للديره نلاقي له تصريفه
في اخر يوم لنا في التعزيب الكبش نطح جدي في قدمه وينغرس طرف قرن الكبش في رجل جدي ويجرحها حين شفت هالمنظر غلى الدم في عروقي وما عاد عندي صبر في غمرة انشغال
اخوالي بجدي حملت بندقية جدي وطلعت على صخره صوبت على الكبش وكان على طرف الحلال وحوله بعض النعاج
سمعت صوت خالي ابو محمد يقولي : لا لا يا حمود
لكن فات الفوت انطلقت الرصاصه وشاء الله عز وجل انها الرصاصه تنحرف وتصطدم بحجر بعيد حوالي 20 سنت متر عن راس الكبش تفتت الحجر وتطايرت قطع الحجر قطعه طارت وصابت الكبش في وجهه وجرحته
الحمدلله جرح جدي كان بسيط وسطحي ركب على فرسه سحاب والربع ساقو الحلال باتجاه الديره على مهل وصلنا مزرعة خالي ابو اسماعيل مع غياب الشمس تجمعن حريمنا واحضرو مواعين
بدينا نحلب الشياه والنعاج ذاك الكبش كان ينتظر هاذ اللحظه ناظر اقرب الموجودين عليه كانت اختي الكبيره يقوم يهاجمها انتبهت عليه اختي تقوم ترمي عليه ماعون الحليب وتصرخ وتنحاش
من قدامه ناظرت الكبش والحليب يغطي وجهه الاقشر وتدعثرت اختي بسلك فوقعت على الارض حينها شعرت هدومي تقطع علي اندفعت صوب الكبش امسكته من قرونه وطرحته على الارض
ناديت على حاتم ولد خالي قلت له : حاتم هات الشبريه ودي اذبح هالكبش غثنا بسواياه
جا خالي وابعدني عن الكبش
قلت له : وبعدين يا يبه في هالكبش وسواياه غثنا في التعزيب ونطح جدي وارعب خواتي ونطح
خالتي ام حاتم في يدها والحين شفت بعينك ما ظل عندي صبر حل من اثنين
اما انك تبيعه او انك تقص قرونه او اذا فقدت اعصاتبي لا تلومني يبه
وبعدني اتكلم مع خالي سمعت صوت شايبتي تقول هناك هناك ابعد لهناك ناظرتها كانت تحمل في يدها عصا صغيره والكبش وده ينطحها وكانت واقفه جنب باب الحظيره اندفع الكبش عليها شايبتي
امسكت بالباب وصفقته في وجه الكبش مع اندفاع الكبش السريع يضرب وجهه في الباب فوقع على الارض
قلت له : تستاهل يا ابو القرون لقيت جزاة سواياك الشينه خلك تتعلم
قام الكبش وراح بين الحلال انتهينا من حلب الحلال وجلسنا حريمنا ساوو لنا العشا تعشينا وحمدنا الله على نعمه راجعت خالي بموضوع الكبش قام ابو مرزوق اشترى الكبش من خالي
اخذه معاه بعد يومين يقوم ابو مرزوق يقص قرون الكبش لانه نطح ام مرزوق وبناتها
بعد ما ابو مرزوق قص قرون ذاك الكبش ما عاد يهاجم وينطح احد عاش ذاك الكبش 9 سنوات ومات موت طبيعي للحين عند ابو مرزوق كبش من نسل ذاك الكبش ونسله جيد
صوره لكبش يشبه الكبش العنيف
http://www.mekshat.com/pix/upload06/images/2018/05/mk348597_15489720.jpg
وسلامتكم يالربع