الرياض - وادي الدواسر - أبها أو أو الرياض - الرين - ابها = أفضل

[عدنان بن خالد]

السلام عليكم ورحمه الله وبركاته ,,,,,

اعتذر على إعادة السوال ولكن أغلب الأسئله و الردود بهذا الخصوص قديمه فا أتوقع فيه تحسينات بالخط بين الرياض و ابها

الرياض - وادي الدواسر - أبها = ابعد ولكن أمن من ناحيه المحطات و الطريق سيدين

الرياض - الرين - ابها = أقصر مسافه ولكن يعاب عليه ان الخط سيد واحد و الابل سايبه , فههل فيه تحسين بالطريق او لا

معاي عائلة و السيارة الحمد لله تساعد مشيك عليها من كل النواحي و الحافظ الله

لذلك أيهم أفضل
الرياض - وادي الدواسر - أبها أو أو الرياض - الرين - ابها = أفضل

[ابن روزه]

خلك في الطريق القديم امن وافضل والفرق يمكن ساعتين ما تسوى المغامره

[نعم الخوي]

إذا مشيك بالليل وحاب انك تريح بالطريق وتاخذه ع مرحلتين فالدواسر أفضل لك وبالوادي شقق فندقية جيدة اما طريق الرين فالميزة فيه أنه يختصر حوالي الساعتين لكن عليك بالمشي نهارا

المحطات على طريق الرين لازالت بحاجة لزيادة وتحتاج انك تعرفها زين عشان البنزين

[ناصح]

السلام عليكم ورحمه الله وبركاته ,,,,,

اعتذر على إعادة السوال ولكن أغلب الأسئله و الردود بهذا الخصوص قديمه فا أتوقع فيه تحسينات بالخط بين الرياض و ابها

الرياض - وادي الدواسر - أبها = ابعد ولكن أمن من ناحيه المحطات و الطريق سيدين

الرياض - الرين - ابها = أقصر مسافه ولكن يعاب عليه ان الخط سيد واحد و الابل سايبه , فههل فيه تحسين بالطريق او لا

معاي عائلة و السيارة الحمد لله تساعد مشيك عليها من كل النواحي و الحافظ الله

لذلك أيهم أفضل
الرياض - وادي الدواسر - أبها أو أو الرياض - الرين - ابها = أفضل

وعليكم السلام ورحمة الله وبركاته

أنا جربت الطريقين بالعائلة ..

طريق الرين ممتاز لكن شرط انك تمشي بعد صلاة الفجر مباشرة أو قبلها بساعة ..

الطريق مستوي وليس فيه اعاقة للرؤية ولا خوف من الجمال بإذن الله امش على مهلك وخذ بالك ليس من البعارين بل من المتهورين فعدم وجود ساهر جعل البعض يعتبر السرعة مفتوحة ..

[بوبدر الصهيبي]

السلام عليكم ورحمت الله وبركاته
قبل اسبوع أنا جاي على طريق الرين من أبها إلى الرياض وكانت أول مرة أجرب الطريق بصراحة تجربة لا أنصح بها لأن الطريق مافيه محطات نظيفه وتستحق التوقف إلا محطة ( برودان ) فقط التي أنصح بالتوقف فيها نظيفة وبها جميع ماتحتاجة وجميع الخدمات متوفرة وأما بخصوص الطريق فهو ممل وخط واحد ولازم تجيه بالنهارأما أنا أفضل طريق وادي الدواسر وشكراً

[وهج الحياة]

بالنسبة للسفر نهارا طريق الرين افضل وميزته مستقيم ما فيه تعرجات
ومن عرفت هذا الطريق تركت الطريق القديم

[ددسن الشرقيه]

تقربيا كم يختصر عن طريق الوادي؟ ؟