ورع سهيل ناجده . صوتي 384...الحل:كارل جاوس...حله:الحناوي وكفو [الأرشيف]

مشاهدة النسخة كاملة : ورع سهيل ناجده . صوتي 384...الحل:كارل جاوس...حله:الحناوي وكفو

ابو ماجد 2

14/09/2018, 10:20 AM

بسم الله الرحمن الرحيم

السلام عليكم ورحمة الله وبركاته

لغز صباحي خفافي موجه لمشرفتنا الكريمه

( ياأم . نهار ) ... لايطوف
لغز ... وأشبعته .. وصوف
ماظن .. في عرفه .. كلوف
خص اللي . بالغطوه فهيم
( ورع ) .. سهيل .. ناجده
مع ( كف ) لحظة . مالده
في وجه ( طالب ) سدده
بالزود .. يرمع .. بالسليم
من يم . ( أبيه ) . ينسبي
معروف . ( أبيه ) . اجنبي
وليا قلبته .... ( يعربي )
تحديد في أرض القصيم

https://f.top4top.net/m_9873b8yt0.m4a

مع تحيات ابو ماجد

منتديات مكشات . خيمة الالغاز

قوافي ( أم نهار )

14/09/2018, 11:36 AM

وعليكم السلام ورحمة الله وبركاته
رفع الله قدرك ابوماجد عالاسناد وصح لسانك لغز طيب
جاري التفكير جزيل الشكر
تحياتي وتقديري واحترامي

قوافي ( أم نهار )

14/09/2018, 12:51 PM

رمعه:
خرف : فرخ

يمكن شاعر

14/09/2018, 09:26 PM

عليكم السلام
صح لسانك ملاييين ياغالي
وتستاهل مشرفتنا القديره

محاوله
ثاد = صاروخ امريكي في وجه طالب سدده في القصف المحدد

داث = وادي بالقصيم

الدمرجي

16/09/2018, 09:52 PM

صح لسانك يازعيم لاهنت وتستاهل ام نهار الاسناد

كالعادة رمعة ابومريم اوقفت التفكير

بانتظار ختمك

ابو ماجد 2

17/09/2018, 12:50 AM

هلا بكم يالربع جميعا
شرفني تواجدكم
لايزال طليق يالغالين

يمكن شاعر

18/09/2018, 12:52 PM

طيب طيب

درام = عمله نقديه في دوله ارمينيا
بالعكس
مارد = قصر في القصيم

ابو ماجد 2

18/09/2018, 05:24 PM

حياك يابو مريم
شرفتنا
اللغز مرتبط بقصه
انتظر مرماعك القادم

يمكن شاعر

19/09/2018, 08:26 AM

محاوله ياغالي بالعكس يمكن العكس عين قويه

وادي رمه = بالقصيم
همر =

ابو ماجد 2

19/09/2018, 01:01 PM

محاوله ياغالي بالعكس يمكن العكس عين قويه

وادي رمه = بالقصيم
همر =
مالك لوى يابو مريم
والعين قويه الكف
واللغز سبق طرحت فكرته وانحل من قبل الدكتور الله يذكره بالخير

يمكن شاعر

20/09/2018, 05:55 AM

يمكن تقصد
شعار بالاصابع تعمله ويكون اشاره يهوديه او اجنبيه

ابو ماجد 2

22/09/2018, 05:08 PM

يمكن تقصد
شعار بالاصابع تعمله ويكون اشاره يهوديه او اجنبيه

هلا بك يابو مريم انت والربع جميعا
لايزال طليق

قوافي ( أم نهار )

23/09/2018, 03:07 PM

السلام عليكم ورحمة الله وبركاته
اخواني
يمكن شاعر ،، الدمرجي
جزاكم الله خيراً ورفع الله قدركم
اخوي ابو ماجد بصراحه قلبت القصيم كله ماطلعت بشي ومن حين الرمع مب لك عليه إلا مافيه من أصله
اشكرك للاسناد واترك الساحه لجهابذة الرمع ماشاء الله لا قوة إلا بالله
دمتم بحفظ الله
تحياتي وتقديري واحترامي

يمكن شاعر

24/09/2018, 07:08 AM

ليكون مقصدك يابوماجد

حصان طرواده ينسب للاجنبي
من كف انه كان هديه وحيله

عكسه
ناصح عضو معانا في مكشات مكتوب فيه معرفه نجد عاد مادري هو من اهل القصيم او مكان اخر

ابو ماجد 2

24/09/2018, 02:08 PM

هلا بك ياام نهار
اللغز يسند تقديرا لدور من نسند اليه بالخيمه وانتي لكي الباع الاطول هنا
اما الحل فمفتوح للجميع
واللغز صراحة به صعوبه لكن شجعني على طرحه حل سابق لنفس اللغز من الدكتور
ابو مريم
هلا بك يالغالي
لايزال طليق

قوافي ( أم نهار )

24/09/2018, 02:11 PM

رفع الله قدرك ابو ماجد
رمعه:
روشن معناها بالفارسي الضوء
روشن : نشور

ابو ماجد 2

24/09/2018, 02:30 PM

رفع الله قدرك ابو ماجد
رمعه:
روشن معناها بالفارسي الضوء
روشن : نشور

هلا بك ياام نهار
مالك لوى
ولغز الروشن
لغزٍ ودونه صاير الباب مصكوك=لغزٍ مع اللغزين صار امتصادم
تنظيم يابو فيصل من الكل مسلوك=ونا على التنظيم عونٍ وخادم
مخلاصي لغزٍ ذا له ايام متروك= اقدمت انا بالحل ولاني بنادم
والآن دوك اللي به الحل مدروك=اسمٍ وذكره يالرماة امتقادِم
اصله من العُجمى ولا نابني اشكوك=رجلٍ قديم الوقت يخدم اوادم
اليانعكس اضداد بالوقت ياخوك=ذا يومه مقفي ذاك في يوم قادم

الدمرجي

26/09/2018, 08:30 PM

صح لسانك يابوماجد لاهنت

حيرني هاللغز صراحه وكثر المشاهد للغز من ورا الدخول المتكرر ولا اودي ارمع الا برمعه تكون سماويه اقل القليل تكون قريب من معطيات اللغز ولا وجدت
صوب اللغز الا هالمحاوله لعل البعيد يقرب

لولب

بلول

قوافي ( أم نهار )

26/09/2018, 11:03 PM

بشت ،،كلمه فارسيه تعني مشلح
بشت : تشب

الدمرجي

01/10/2018, 03:40 AM

صباح الخير للجميع

طال غياب الزعيم الله يرجعه بالسلامه

رمعه تقرقع معي ودي انفك منها :(

موقع فيس بوك

فيس= بمعنى وجه ومنسوب بعد الترجمة للكتاب ومن هنا بدات قصة تاسيس موقع فيس بوك من خلال التعرف الاصدقاء من خلال الوجه لمن اراد طلب معرفة صديق

سيف=اعتقد المقصود تمر (نبتة سيف) كون تشتهر زراعته بمنطقة القصيم

الحناوي

01/10/2018, 11:29 PM

قوافي ( أم نهار )

31/10/2018, 07:57 PM

يرفع ليرمع رفع الله قدركم

ابو ماجد 2

01/11/2018, 05:48 PM

السلام عليكم..ماقدرت اقاوم لغزك ياجدي ولي عودة ان شاء الله ...عند استعدادي للعودة
لغز ابو ماجد صعيب
قصة استاذ عجيب
يصفق الورع النجيب
راعي العقل العديم
والجبل حده شمال
المداري والجضال
من جنوبيه عدال
خالقه محيي الرميم
كارل جاوس هو بطل
حل لغزك يا عسل
عد ب سواج الجبل
منزلن لك ياكريم

ودمتم بود

ما أحلاك وما أحلى طلتك
ماشاء الله تبارك الله
دخول ملكي
كفووووو كفووووووو كفووووووو
نعم
جاوس
كارل جاوس
واليك ماقتبسته
في القرن السادس عشر...
وبالتحديد في احدى القرى الألمانية...
كان هناك طفل يدعي (جاوس) وكان طالبا ذكيا ...وذكائه من النوع الخارق للمألوف!!..
وكان كلما سأل مدرس الرياضيات سؤالا كان جاوس هو السباق للأجابه علي السؤال
فيحرم بذلك زملائه في الصف من فرصه التفكير في الإجابة
وفي أحد المرات سأل المدرس سؤالا صعبا...فأجاب عليه جاوس بشكل سريع ...مما أغضب مدرسه!!...
فأعطاه المدرس مسألة حسابية ...وقال : أوجد لي ناتج جمع الأعداد من 1 إلى100
طبعا كي يلهيه عن الدرس ويفسح المجال للآخرين..
بعد 5 دقائق بالتحديد قال جاوس بصوت منفعل: 5050 !!!!!!!!!
فصفعة المدرس علي وجهه!!!!....وقال : هل تمزح؟!أين حساباتك؟!!
قال جاوس: اكتشفت أن هناك علاقة بين 99 و 1 ومجموعها = 100
وأيضا 98 و 2 تساوي 100
و 97 و 3 تساوي 100
وهكذا الي 51 و 49
واكتشفت بأني حصلت علي 50 زوجا من الأعداد !
وبذلك ألفت قانونا عاما لحساب هذه المسأله وهو

n ( n+ 1) /2
واصبح الناتج 5050 !!!
فاندهش المدرس من هذه العبقريه ولم يعلم انه صفع في تلك اللحظة
العالم الكبير : فريدريتش جاوس ...احد اشهر ثلاث علماء رياضيات

طبعا جاوس عكسها سواج . معلم بالقصيم

ابو ماجد 2

01/11/2018, 05:49 PM

يرفع ليرمع رفع الله قدركم
ماقصرتي ياأم نهار كنت ناسيه
وماقصر الحناوي ذكاه لله دره

بدوي

01/11/2018, 06:38 PM

الدمرجي

01/11/2018, 07:09 PM

الله يسامحك على هاللغز يابو ماجد
لا ويقول
مافي عرفه .. كلوف
( ورع ) .. سهيل .. ناجده

بين انه سهل جدا جدا جدا...افا والله كيف طاف علينا جاوس ابن الالمانية يا ام نهار :):D

الله يسعدك يابو ماجد ..موسوعة علمية متنقلة الله يمتعك بالصحة والعافية :good2:

هههههههه اقولك لفيت القصيم لف مافيه اثر واقول

صحة الالسن بادع ورامع على الابداع

قوافي ( أم نهار )

01/11/2018, 09:48 PM

الله يسامحك على هاللغز يابو ماجد
لا ويقول
مافي عرفه .. كلوف
( ورع ) .. سهيل .. ناجده

بين انه سهل جدا جدا جدا...افا والله كيف طاف علينا جاوس ابن الالمانية يا ام نهار :):D

الله يسعدك يابو ماجد ..موسوعة علمية متنقلة الله يمتعك بالصحة والعافية :good2:
صح لسانك ابو ماجد ومعلومه تستحق ان تصاغ بها الغاز وتشوقت جداً جداً ان اعرف رمعته
كفو كفو الحناوي ماشاء الله
طافت اخي الكريم بدوي وللحق انني اول مرة اسمع عنها
جزيل الشكر
تحياتي وتقديري واحترامي

قوافي ( أم نهار )

01/11/2018, 09:49 PM

ماقصرتي ياأم نهار كنت ناسيه
وماقصر الحناوي ذكاه لله دره
حياك الله اخي الكريم وعوداً حميداً باذن الله