صوت حنه مع لفة الدركسون

[خااااالد]

جيب لاند جي اكس يهرب زيت وفيه صوت دركسون اذا لفيت يتغير يقولون دوده واحد قال علبه وثاني قال اصلاح ارجو الافاده وشكرا

[hassan-55]

اخوي بأحاول اجابتك باللي مريت به واعرفه
أولا سبب الصوت من التهريب لأن يدخل هواء داخل علبة الدركسون و الدوده فطبيعي يطلع صوت و اذا فتحت غطاء التعبئه تلقى الزيت رغوه قريب من الأبيض
فلازم تصلح الخلل ثم تنسم الهواء
..
ثانيا و الأهم لأني مريت بجربه نفس موترك
تأكد من مكان التهريب أولا لأن اغلب الورش بلا ضمير و اخص منهم محلات الهيدروليك
انا قبل كم سنه كان عندي نفس الموتر و نفس المشكله محلات الهيدروليك اجمعوا ان الخلل من العلبه والدوده ذيك الأيام كانت تكلف قرابة ال 1000 ريال و اكثر
و الحمد لله طلعت المشكله بسيطه (تغيير اللي ، كان مشقوق ) و الله ناسي كم كلف لكنه رخيص كبسته ما غيرته لأن سعره غالي الأصلي

فأنا انصحك أولا غسل مكان التهريب و اسفل السياره بالديزل و بيبين التهريب ان شاء الله ركز على الليات و الدوده و العلبه غسلها مضبوط
لا تروح و تصلح الا لما تتأكد ان شاء الله مشكلتك بسيطه وما تكلف

[خااااالد]

شكرا لك بارك الله فيك كفيت ووفيت رحم الله والدينا ووالديك

[hassan-55]

جزاك الله خير
في اضافه بسيطه نسيت ذكرها
احيان يكون تهريب زيت من القفيز قفيز الوكاله من وجهة نظري سيء يجي كبس اذا نشف اللي من الحراره ما يصير مشدود
تأكد اذا في تهريب من عنده ، اطراف اللي ، ركب قفيز مسمار في نوع جيد تايوان و سعره رخيص من ريال- ريالين الحبه مثل هذا
http://www.rr1r.net/image24796.html

[خااااالد]

الله يجزاك خير ويكثر من امثالك ويرحم والدينا ووالديك

[خااااالد]

ماقصرت نفداك