المساعد الشخصي الرقمي

مشاهدة النسخة كاملة : لايفوووووتك × لايفوووووتك ... شي خيااااال × خيااااال .. مع محبكم راعي الهـــــدد


راعي الهـــدد
18/02/2007, 01:22 AM
بسم الله الرحمن الرحيم

حيا الله قرووووم مكشات

هلا بالغالين

الوقت والجهد والصحة والنضر وتعب الأصابع وبحلقت العيون في الشاشة

فدوة لكم يا أحبتي اعضاء مكشات

الحقيقة كان لنا موضوع سابق قبل اكثر من اسبوعين وهو استفتاء عن افضل الدلال البغدادية

وانهالت الأجوبة منكم يانشاااااما ياقرووووم

وبعد محصلت استفتاء طويل عريض تجدونه في الرابط التالي

http://www.mekshat.com/vb/showthread.php?t=71394 (http://www.mekshat.com/vb/showthread.php?t=71394)


بعد هذا الأستفتاء عن افضل الدلال على الأطلاق

وجدنا ان افضلها وأنسبها وأقواها وأمتنها وأزينها وبلا مبالغة
هي

دلةً حلوووة

دلةً زيييينه

دلةً مافيها عذروب ابد ابد

لاتــصـــدي

ولا تـــهــجـــر

ولا يــتـغـيـــر لـــونـــهــا

ومآخذه زين البغدادية وجودة الستيل في نفس الوقت وش رايكم


الا وهي دلة العساف المزيوووونة



قد تقولون مستحيل مايصير ابد يابو حمد كيف كل هالصفات في دلة وحده

اقول لكم الصور خير برهان

ولو شاهدتها على الطبيعة لما غادرت مكانك الا وهي معك

وللمعلومية انا كنت اشرب فيها منذ زمن من اكثر من اربع سنين او اكثر اذا سيرت على جدتي الله يحفظها

واشوف هاالدلة ومتزاينها مرة ولكن مالله انطقني اقول وش هالدلة ولافكرت اقلبها واشوف قفاها وش ختمها

ويوم طرحت موضوعي الي رباطه حلوووه ارباطه فوق قال واحد من الأخوان عن هالدلة وجاب طاريها ويوم برقت اليها والله عين حميدة ماغيرها

المهم لا أطول عليكم

ذهبت اليوم في رحلتٍ استطلاعية

وقلبت سوق السبالة وسألت عنها وعجزت اجد جواب الين سخر الله لي محل ولقيتها عنده

قد يقول البعض ليش مالقيتها بسهولة ...؟؟؟

وليش ما أحد جاوبك ....؟؟؟

اقول لاتستعجل والصور تبين لك

تعال معي لاهنت ياراس الرجاجيل لاهنت

الصورة الأولى

هذا طرف من سوق السبالة الشارع الي يروح يمين اول ماتدخل شارع السبالة

http://www.mekshat.com/pix/upload/images28/mk33838_44.jpg

الصورة الثانية

وهذي المزيونة بسم الله ماشاء الله ماشاء الله عليها

خصر يحبه قلبك هههه

وقاعتها وسيعة

ومعروف الدلة اذا صار بطنها كبير او قاعها كبير أنها تشتمل على فوائد من الفوائد اقولها باختصار تبقى قهوتك حارة اطول من غيرها وتكون راسية يوم تحطها على الملة او مكان رمل او غيره ومنضر أجمل وهو مانشاهده في هذي او البغدادية كذلك


http://www.mekshat.com/pix/upload/images28/mk33838_11.jpg


الصورة الثالثة

هذي احد الفروقات الي تميز بها دلة العساف يوجد في ممر المثعاب حديدة على طوله والصورة واضحة جدا شف الحديدة الي مايلة مع المثعاب الين الأخير

http://www.mekshat.com/pix/upload/images28/mk33838_22.jpg

الصورة الرابعة

يوجد من دلة العساف لونين الذهبي والفضي وكلها ستيل من نوعية فاخرة وصحية 8/18

http://www.mekshat.com/pix/upload/images28/mk33838_33.jpg


الصورة الخامسة

طقم من دلة العساف لون ذهبي يالله فتنة فتنة

عز الله أن الدلال ورزتها في المجلس وصبتها للرجال عز وأي عز

http://www.mekshat.com/pix/upload/images28/mk33838_77.jpg


الصورة السادسة

هذه أحد الفروقات التي تميز بها دلة العساف الختم في اسفل الدلة او في قاعتها من برى

http://www.mekshat.com/pix/upload/images28/mk33838_66.jpg

الصورة السابعة

هذا الختم نفسه بس بصورة مقربة أكثر

http://www.mekshat.com/pix/upload/images28/mk33838_55.jpg


الصورة الثامنة

كرت مصنع العساف في حايل الصناعة كورية ولكن وكيلها في حايل وتوقف عن التوريد لم يعد يورد كمثل اول تقول لي ليش اجاوبك نهاية التقرير تابع معي

http://www.mekshat.com/pix/upload/images28/mk33838_88.jpg



طبعاً يا أخوان الدلة لم يعد يوردها العساف

هذا يا أخوان على حسب علمي وعلى حسب مارأيته بعيني

فمن يريد يصدق يصدق او يجيب لنا دليل بخلاف كلامي

عبدالعزيز محمد العساف يقال انه شايب من أهل حايل وهذا مايبي نشدة لأنه حاط وكالته هناك في حايل مثل ماتشوفون في الكرت


المهم توفي الشايب رحمه الله

واختلف ابنائه من بعده على اموال والدهم او شيء من ذلك وتوقف المصنع عن توريد هذه الدلة من كوريا

عموماً أنا لم اصدق ولكن ذهبت لفرعهم الي كان في السبالة اول ماتدخل شارع السبالة تخش في اول ملف يجيك يمين وفيه محلات اواني هاه انتبه فيه محلات اواني لف معه يجيك هناك في صفت المحلات

المهم رحت بناء على وصف أحد الأخوة في المنتدى وعلى الرابط حق الأستفتاء الي كتبته وهو رابطه عندكم فوق اول هذا الموضوع

المهم رحت هناك وسالت وقالوا من متى يابوي انت وين عايش سكر من زمان

وبدأت اسأل اهل المحلات من زود الحرص

وأجاب البعض بما قلت لكم بعاليه من أنهم مختلفين الأبناء او شيء من ذلك

فصدقت ذلك لماذا صدقت ..؟؟

لأن الدلة لم تعد موجودة في السوق مثل اول

بل درت في السبالة كلها ماوجدتها الا في محلين فقط وبعدد حبتين أو ثلاث وكذلك طقم واحد ذهبي بس

ودرت في سوق بن دايل كله ماوجدتها الا عند محل واحد فقط ودابل سعرها وقالوا كلهم بأنها لم تعد تأتي المهم روحو لقطو الباقي تراني اشور بها

ماهوب بكره انزل موضوع عن مكشات او مقناص وتشوفون الدلة مرتزة على النار تقولون من وين ... هههه

الله يحفظكم ياربي وييسر اموركم ويوفقكم

وتقبوا محبة أخوكم

ابو حمد


والقاااااااادم .....اشد ...... وأنكى
أبو الطلعات
18/02/2007, 01:37 AM
جزاك الله خير على هذه المعلومات القيمة وبارك الله فيك أخوي راعي الهدد .
ملبق غلـــــط
18/02/2007, 01:55 AM
بيض الله وجهك يابو حمد

موضوع جميل مثل راعية ومدعوم بالصورة

هذه المواضيع اللي تطرب بصراحه

اقول الله يعينك تجيب لي دلال انت تعرف المحل ههههههه


الله يجزاك خير ويسعدك
راعي الهـــدد
18/02/2007, 02:16 AM
تتمة للموضوع

دخلت على موقع العساف الأكتروني

http://www.alassaf.net/index.htm (http://www.alassaf.net/index.htm)

ووجدت انه يعمل

واتصلت بالأرقام المدونة فيه ووجدت انه يقول (( مكلمتك لاتتم حسب الطريقة التي استعملتها ... الخ ))

وهذا يعطي مؤشر على صحة النقل

عموماًوجدت في موقعه صور لمنتجاتهم وهاكم بعض صورها
الصورة الأولى يسميها بغدادية العساف طبعا ستيل من نوع 8/18

http://www.mekshat.com/pix/upload/images28/mk33838_bagdadeyahc01.gif




والصورة الثانية

نفس الأولى بس فضيه


http://www.mekshat.com/pix/upload/images28/mk33838_bagdadeyahg.gif


والصورة الثالثة

نفس الدلة الي عرضتها لكم بالضبط ويسميها

الدلة الأصلية

خش موقعهم وتحصل كل شي بس ما اضن به بيع باحاول اني اتأكد أكثر من سالفة انقطاع منتجاتهم باذن الله
ابوعزيزm
18/02/2007, 02:29 AM
راعي الهدد جزاك الله خيره على التقرير . .

صراحة أنها حلووووة لكن ما تصلح هالدلة المزيونة للبر حرام تخرب هالعروسة :)

الغريب أنه دائماً الشئ الزين ما يدوووم :(
جزاك الله خيرا ..
راعي الهـــدد
18/02/2007, 02:40 AM
راعي الهدد جزاك الله خيره على التقرير . .

صراحة أنها حلووووة لكن ما تصلح هالدلة المزيونة للبر حرام تخرب هالعروسة :)

الغريب أنه دائماً الشئ الزين ما يدوووم :(
جزاك الله خيرا ..



ابو عزيز مني يقول أن هالزينة ماتصلح للبر

لاوالله تصلح ونص ههههه معصب

ولا تخرب بعد

كد ومد جودتها عالية وستيل من النوع القوي ومنضرها فتنة

ياناس فتنة والله خصوصاً على النار

وهذي صورة من أخونا برزان الشمال الله يغفر له

وموجودة بها دلة العساف وهي على النار وفي البر بعد وش رايك هههههههه

http://www.mekshat.com/pix/upload/images28/mk32917_021011111111111_0035.gif

شاكر مرورك ابو عزيز الله يغفر لك ووالديك
راعي الهـــدد
18/02/2007, 02:42 AM
جزاك الله خير على هذه المعلومات القيمة وبارك الله فيك أخوي راعي الهدد .





والله يغفر لك على المرور


وتستاهلون يابعدهم

لاتنسانا من صالح دعائك
راعي الهـــدد
18/02/2007, 02:43 AM
بيض الله وجهك يابو حمد

موضوع جميل مثل راعية ومدعوم بالصورة

هذه المواضيع اللي تطرب بصراحه

اقول الله يعينك تجيب لي دلال انت تعرف المحل ههههههه


الله يجزاك خير ويسعدك



هلا بالغالي

هلا هلا هلا

ابشر بالدلال يابعدهم انت تآمر بس ونحن نطامر هههههه

ويشرفني والله مرورك والله لايخلينا منك ومن نحب
قناص شدا
18/02/2007, 02:47 AM
بارك الله فيك موضوع جميل
مزاجي
18/02/2007, 01:13 PM
ماشاء الله تبارك الله


ابو حمد انت مبدع خل الموضوع على جنب لو كنت تكلم عن صفارة حكم بيطلع الموضوع حلو وشلون وهو عن الدلال

اسلوب فلته الا انت بكبرك فلته اقول ولا تدري فمان الله
شاص
18/02/2007, 01:15 PM
تسلم والله يابو حمد .. من خلال تجربتي دلة العساف لا يعلى عليها .. وأذكر أني دورته قبل فترة بالسبالة وما حصلت وصيت واحد من الشباب وجابه معه من حايل
عبدالرحمن السالم
18/02/2007, 01:30 PM
لو انت رايح لحايل تلقى اللى يعجبك .. ويجوز لك .. بس دامك لقيته عندكم وسعره زين فـ عالبركه

مشكور ألف شكر لك اخي الكريم راعي الهدد " بو حمد "

تقبل خالص التحية والتقدير

اخوك / دحيم
برزان الشمال
18/02/2007, 02:14 PM
مشكور ياراعي الهدد على نقل الصورة.

وبصراحة أنا جربت الدلة للبر ووجدت إنها أفضل دلة للبيت وللبر.(يعني تصبر وتتحمل معاك).

والطعم مايتغير فيها ( وهذا المهم ).
راعية الهدد
18/02/2007, 03:14 PM
سوو لي الكيف وارهو لي من الدله &&&& البن الاشقر يداوي الراس فنجاله

يا زينهااااا ياا راعي الهدد .. الشاهد الله ان شوفتهاا ولونهاااا غير مره

عجبني رد ابو عبد العزيز ..قال ما تصلح للبر .. الا تصلح يااااااا ابو عبد العزيز

تدري .. زمان اول ماا يستخدمون الااا هي ..

ورد مقنع يااا رااعي الهدد ..

الله يعينكم لو هي تفتنكم وهي على نااركم ..

سلمت يمينك

موضوع متميز
راعي الهـــدد
18/02/2007, 03:16 PM
تصحيح معلومات مهمة

تحققت من الموضوع اكثر الي هو موضع توقف التوريد

واتصلت بوكالتهم في حايل

وقالوا لي صحيح ماقلت من انه مسكر الفرع الي في الرياض من اجل خلافات بسيطة


بس مازلنا نوردها من كوريا

ويجي الموزع للرياض بأذن الله يوزع

قلت عطني رقم الموزع وعطانيه وهو معي الآن

اذا سمح المشرفين نزلته لكم وتآخذون منه بسعر الجملة سعر لايصدق ابد

يعني الدلة الوسط محصلها في السبالة وحبة وحده بس بــ 140

وعنده اقل بكثير مرة
راعي الهـــدد
18/02/2007, 03:27 PM
الأخ الغالي قناص شدا

شاكر مرورك ومقدر لك ذلك

ولاعدمناك ياطيب

----------------------------

الأخ مزاجي

حياك وبياك ياغالي

شاكر مرورك وأطرائك

حلوه سالفة صفارة الحكم هههههه

الله يغفر لك ووالديك

------------------------------

الأخ الغالي شاص

هلا بك وشاكر تأييدك لهذه الدلة المميزة في الحقيقة

وأما عن انك دورتها ولالقيتها انا ادبرها لك ياغالي ولايهمك

رسالة بس بالخاص

شكراً لك

------------------------------

الغالي دحيم آخر لفة

شاكر مرورك يابعدهم

وياهلا بأهل حايل كلهم

أهل الكرم والطيب اي والله

ترى لكم معزة بالقلب يا أهل حايل

-----------------------------

الأخ الغالي برزان الشمال

هلا بك وبالشمال كله

وشاكر لك ذكرك فوائد الدلة هذي

ومثل ماقلت لايتغير طعم القهوه ولا شيء

ورزة رزة رزة ورب البيت

---------------------------

راعية الهدد

شاكر مرورك ومقدر ذلك

وحقاً انها دلة كايفة
عاشق البران99
18/02/2007, 03:31 PM
الله لايهينك ياراعي الهدد اصقعني برسالة خاصة برقم الموزع عاجلاً غير آجل الله يجزاك كل خير ويزوجك بالرابعة ،،،
راعي الهـــدد
18/02/2007, 03:32 PM
تــــــنـــــــبــــــيــــــه مــــهـــم




يا أخوان لاتفكرون ان لي مصلوح من هالموضوع يوم امدح في دلة العساف

يعلم الله ليس لي اي فائدة ولا مردود مادي ولامصلوح من ذلك



غير اني ابي دعائكم لي في ظهر الغيب



والله هذا المقصد

نبهت على ذلك لأنه فيه من قال لي أن لك مصلوح يابو حمد من هالمواضيع الي تكتب وتمدح فيها مثل هالدلة او مثل موضوع العود الأزرق ...

وفهمته وبكيفه اذا بغى يفهم او سامحه الله

انا قلت لأخوي شاص ارسل رسالة بالخاص وادبرها لك هالدلة ويعلم الله اني ابي دعائه لي

والله شهيد على ما اقول
عاشق البران99
18/02/2007, 03:35 PM
بالعكس ياراعي الهدد محشوم والله ،،،

أنت رجل طيب وماتتكلم الا عن الطيب وعلوم الرجال ،،،

يااالله من فظلك عود أزرق ودلة وفلة حجاج وعلوم رجال ،،،
راعي الهـــدد
18/02/2007, 03:38 PM
الله لايهينك ياراعي الهدد اصقعني برسالة خاصة برقم الموزع عاجلاً غير آجل الله يجزاك كل خير ويزوجك بالرابعة ،،،



هلا والله بالغالي

صقعناك برسالة وفيها الرقم وزوداً عليه

بس الترى الصقعة جت على العلبا هههههههه

شاكر مرورك
عاشق البران99
18/02/2007, 03:42 PM
هلا والله بالغالي

صقعناك برسالة وفيها الرقم وزوداً عليه

بس الترى الصقعة جت على العلبا هههههههه

شاكر مرورك




أنا أقول وش الي جدع راسي على الشاشة :D ،،،

مشكور ياغالي وماقصرت ،،،


أخوك ،،،
الوفي
18/02/2007, 04:19 PM
ونعم الرجل انت ياراعي الهدد

وانا وراك وراك في هالدله لو تفتح موضوع في المريخ بأرد فيه

الله يوفقك ويبارك لك في رزقك

وعلمني على الخاص بكم يقول سعرها الموزع ؟
راعي الهـــدد
18/02/2007, 04:34 PM
ونعم الرجل انت ياراعي الهدد

وانا وراك وراك في هالدله لو تفتح موضوع في المريخ بأرد فيه

الله يوفقك ويبارك لك في رزقك

وعلمني على الخاص بكم يقول سعرها الموزع ؟


الله ينعم بحالك

ويامرحبا بك في كل موضوع وترآه مايزين الا بردك يابعدهم

وابشر بالرسالة ياغالي
ابو ســــاره
18/02/2007, 04:46 PM
شغل متك تك يا راعي الهدد الله يعافيك ويبارك فيك عز الله انك شقردي وما تعوقك المشاوير .
بس خل عنك انا ما جاز لي الا هاذي

http://www.mekshat.com/pix/upload/images28/mk5592_777777777777777777777777.gif
راعي الهـــدد
18/02/2007, 05:34 PM
ابو سارة لاهنت ياغالي على المرور

وشاكر لك

وبالفعل اختيارك طيب مرة

بس ماتشوف ان هذي بتتعبك في البر لأنك بتحطها على النار وبيحترق الخيزران الي على المقبض

النوعية الي اخترت ممتازة شكلاً وكل شي بس كاستخدام منزلي لايعلى عليها

أما في البر فيناسب الي مثلها بالضبط بس بدون عود خيزران

وياهلا بك
نقا خريم
18/02/2007, 05:49 PM
عز الله أن الدلال ورزتها في المجلس وصبتها للرجال عز وأي عز

[/glint]






http://www.mekshat.com/pix/upload/images28/mk33838_77.jpg
الله يخليك يابو حمد ويحفظك من كل مكروه
علوم رجال والا فلا...
جزاك الله الجنه والحور...
صحراء
18/02/2007, 05:50 PM
والله اشتهيت هذي الدله ممكن اعرف من وين اجيبها وبكم

ابي طقم محسوبك يستعمل الدلال الا الابد مااحب الترامس الي طاحو فيها الحريم
ولاتهنا لي القهوه الا في الدله ,,,,,,,,,,راعي كيف
نقا خريم
18/02/2007, 05:58 PM
مااحب الترامس الي طاحو فيها الحريم
ولاتهنا لي القهوه الا في الدله ,,,,,,,,,,راعي كيف
كفو والله
هذا السنع
ونا مايهنا لي بال كل عصر الا بسواة القهوة على البغداديات بالملحق على جمر الارطى
فيه بيت يقول وأعجبني
فنجــــال ماصبّوه من زمزميـــه ## ولا صلّحــــنّه راعيــــات المناكيــــر
راعي الهـــدد
18/02/2007, 09:45 PM
الأخ الغالي نقا خريم شاكر لك المرور

والله لايهينك

وحلو بيتك هذا مرة

---------------------------

الغالي صحراء

شاكر مرورك وتحصلها بالسوق السبالة او سوق بن دايل بس تبي تتعب وانت تدورها

ولك رسالة في الخاص فيها رقم الموزع حق هالدلال
الرهدن
18/02/2007, 10:23 PM
الله يجزاك خير ياراعي هدد والأعضاء المشاركين00
عز الله إنه ماعندنا شك بنصحك وحبك للخير لأخوانك
ومثل ماقال أبو عزيز الزين مايدوم وهذا يدل على فناء الدنيا وأن ماعند الله خير وأبقى00

.
فارس طي
18/02/2007, 10:41 PM
راعي الهدد تحياتي مريت مساءاليوم بعدالمغرب لمحل العساف بحائل وجدت عندهم الطقم واردالعساف الكوري مثل اللي مرسل صورتها

زميلنا برزان الشمال الطقم ثلاث حبات واحدة كبيرة ووسط وصغيرة بـ(290 ريال ) الطقم سلستين بالمقبض عليه بلاستك بيج وهذا رقم

المحل (5313223 ــ 06 )تلفون ثابت اللي بالمحل يرد عليك حضرمي وموقعهم ببرزان جنوب جامع برزان المعروف 0

لعلي أفدتكم ببعض المعلومات 0 لكم تحياتي؟؟؟؟؟؟؟؟
راعي الهـــدد
18/02/2007, 11:00 PM
الأخ الغالي الرهدن شاكر مرورك ومقدر ذلك لك

وتسلم والله يالحبيب

________


الأخ الغالي فارس طي

مشاركة نافعة وتشكر عليها

وبما أنك وضعت الأرقام

فسأضع رقم الموزع

لأني والله تعبت من كثر الرسايل الي تجيني على الخاص تطلب الرقم

ولا اريد أن اقع في حرج مع أحد اذا نسيت ارد عليه

وهذا رقم الموزع جواله


0506170707

وهذا رقم محلهم في حايل 065320866

رقم اخوي فارس طي صحيح بس هذا زيادة (( أرجاحه هههه ))

ولا تنسونا من دعائكم
أبو الكيف
19/02/2007, 02:15 PM
الله لا يهينك ارسل لي الرقم


وبارك الله فيك
راعي الهـــدد
19/02/2007, 03:12 PM
الله لا يهينك ارسل لي الرقم


وبارك الله فيك




أخوي الغالي ترى الأرقام فوق ردك مباشرة بس شكلك قريت الصفحة الأولى وبس

تعال بصفحة رقم 3

وتحصل الأرقام وكل مايسرك

وتقبل المحبة والتقدير
هدار
19/02/2007, 03:40 PM
الله يجزاك خير على مواضيعك الحلوه
وانا من متتبعين مواضيعك حتى ردك على المواضيع
واشكرك على جهدك
راعي الهـــدد
19/02/2007, 03:46 PM
الله يجزاك خير على مواضيعك الحلوه
وانا من متتبعين مواضيعك حتى ردك على المواضيع
واشكرك على جهدك



والله مرحبا مليووون ياهدار

واشكر لك ثقتك في أخوك وتتبع مواضيعه والله يجعلنا عند حسن الضن

ومشكور ياغالي

بس تعال انت شكلك من أهل الأفلاج لأن اسمك يقارب لأسم ديرة هناك اسمها الهدار تبعد عن الأفلاج 120 كيلو وهي تبع الأفلاج

وتعتبر الهدار مكان رهييب حيل وديرة يسكنها النتيفات وبعض قبايل الدواسر

ياحبي لكم يا أهل الأفلاج وشلون وادي الكرز والمرا وشلون ظهرة أم جرف والدريعي وشطاب وماحوله وعروق الدحي الي عنكم غرب يا أهل الهدار

الله الله احب أهل ذيك الديار

وماحب الديار شغفن قلبي .... ولكن حب من سكن الديارا

تقبل المحبة والتقدير
mst1333
19/02/2007, 04:44 PM
الله يجزاك خير على مواضيعك الحلوه
راعي الهـــدد
19/02/2007, 06:36 PM
الله يجزاك خير على مواضيعك الحلوه


شاكر مرورك ياغالي

والله يغفر لك ووالديك
نقا خريم
19/02/2007, 06:47 PM
الاخ فارس طي
سلام عليكم
محل العساف عنده كمّيه تكفي...؟
أخاف يدري ان اعضاء مكشات يتذاكرونه ويخليهن بــ2900..:d ..أمزح..
وجزاكم الله خير..
ALBDRANE
19/02/2007, 07:09 PM
والله سويت لها دعاية مجانية
طالب الحور
19/02/2007, 10:21 PM
مشاء الله تبارك الله



موضوع محكم من جميع النواحي




أسلوب راقي في الطرح والمضمون



قل آمين


الله يحفظك من كل شر





والله وجودك هنا لايقدر بثمن



ما رأيك نطلع لخريم وتذوقنا القهوة في تلك الدلة البديعة



شكل الطلعة معك بتكون مرتبة ومتقنة



ها تعزم تراني هالشهر فارغ
راعي الهـــدد
20/02/2007, 12:04 AM
مكرر عذراً
راعي الهـــدد
20/02/2007, 12:05 AM
الغالي نقا خريم

شاكر مرورك مرة أخرى

ولا اتوقع زيادة في السعر

ترى ما احد درى عن هالموضوع وش متوقع يعني وتبي الدليل شف كم عدد القراء

على العموم لا اتوقع ابد

--------------------------------

الغالي البدران

شاكر مرورك بس ترى الدعاية ليست مقصودة

المقصود والله يشهد أني يوم شفت زينها قلت اقول لأخوياي وربعي والغالين علي أعضاء مكشات عنها

والي يسير من جراء ذلك رزقاً ساقه الله لهم

----------------------------------


الغالي طالب الحور

هلا بك مرات وكرات

هلا والله واما عن الطلعة فالي تبي انت بس وجه المركبة بس تعال تعال شهر فاضي وين جتك معه وين وين بس ماناب حاسدينك الله يبارك لك

ياليت بفركة بس لو اسبوع كان تطيب النفس وينشرح الصدر اسبوع بس يعطيك مفعول ستة اشهر هههه

أما عن انها بتصير مرتبة والله ما أدري اخاف يطلع الخافي والمستور ههههه

الله يحفظك ياغالي ولايوريك مكروه وجمعنا بك في عالي الجنان ياكريم
فارس طي
21/02/2007, 11:43 AM
الاخ فارس طي
سلام عليكم
محل العساف عنده كمّيه تكفي...؟
أخاف يدري ان اعضاء مكشات يتذاكرونه ويخليهن بــ2900..:d ..أمزح..
وجزاكم الله خير..

أعتقد عنده كمية والتلفون عندك فوق 0

وأنا ماخبرته بشيء عن مكشات بس سألته سؤال0 وإن بغيت أي شيء أناحاضر لك تحياتي يانقا خريم 0
راعي الهـــدد
21/02/2007, 11:12 PM
الأخ فارس طي

في الأصل لو تابعت كم القرآء هنا لهذا الموضوع لعلمت ان ماعندك احد

يعني ابشر بطول سلمةٍ يامربع

الأسعار ماراح تزيد ابد
فارس طي
24/02/2007, 10:44 PM
وهذا موضوع مصورعن مصنع للدلال بحائل موجود على الرابط التالي لأخونا المسفهل http://www.mekshat.com/vb/showthread.php?s=&threadid=12274
راعي الهـــدد
24/02/2007, 11:07 PM
وهذا موضوع مصورعن مصنع للدلال بحائل موجود على الرابط التالي لأخونا المسفهل http://www.mekshat.com/vb/showthread.php?s=&threadid=12274




الغالي فارس طي

الموضوع يزداد جمالاً كل يوم بردودك الطيبة والنافعة

شكراً لك الف وللأخ المسفهل على موضوعه
ابوووهلا
19/03/2007, 03:45 PM
ان اشهد انها دله لها عندي 16 سنة ماتغيرت ابد ابد
راعي الهـــدد
19/03/2007, 09:06 PM
ان اشهد انها دله لها عندي 16 سنة ماتغيرت ابد ابد





الغالي ابووو هلا

صدقت ياغالي والله انها دلة ثقيلة ولاهي هينه

ماشاء الله عليها

دلة ولا كأي دلة ماشاء الله

والله ينتعك بها ويجعلها مباركة عليك

شكرا ياغالي مرور طيب من رجل طيب

شكرا يابعدهم
غيث الغيث
09/04/2007, 01:54 AM
وش نلحق عليه يابو حمد

والدلة حصلتها عند برق الحيا بس مغليها مرة مرة

يعني سعره غير السوق

مشكور بو حمد
راعي الهـــدد
09/04/2007, 12:48 PM
وش نلحق عليه يابو حمد

والدلة حصلتها عند برق الحيا بس مغليها مرة مرة

يعني سعره غير السوق

مشكور بو حمد



أخوي الغيث شكرا لك

وصدقت برق الحيا زايد في سعرها شوي

وانا كلمت ابو سليمان بهذا الخصوص وواعدني بمراجعة الحسابات ممكن يكون فيه غلط

واخونا ابو سليمان يسعد بمشورت امثالك اتصل به وعطه كل الي عندك

شخص متفهم ومحترم جزاه الله الف خير

دمت بود اخي
al-nashmi
09/04/2007, 01:52 PM
بسم الله الرحمن الرحيم

الأخوان الكرام..
السلام عليكم ورحمة الله

اخونا راعي الهدد

مشكور على هالتقرير عن دلال العساف الجيده والجميلة بنفس الوقت

انا من عشاق هالنوعيه من الدلال وهي دلتي الخاصة في البر وفي البيت حتى لندن طبتها:confused:

وفيه دلها عندنا من هالنوع اللي على شكل بغداديه لها 25 سنه ولا تغير طعم القهوة فيها لحد الان

وسعرها فيها مهما غلوها.... دله مسكته صراحة

عندي منها ثلال اطقم غير اللي بالعزبة وغير اللي اهديتهن .

وسبق ان اشتريت طقم من محطة البطيحانية علىطريق حفر الباطن مالقيت الا هو وخذتة لانها شبه مقطوعة

وقبل شهر شريت وحده من سوق حجاب من محل نسيت اسمة قريب من محل المطيري اللاواني المنزلية بس انتبهوا يشباب ترا فيه نوعين ستيل خفيف وستيل ثقيل ماتفرق بينهم الا باللون الثقيل لونه لماع وثقيل وزنها نوعا ما

وسلامتكم
تحية طيبه للجميع
راعي الهـــدد
09/04/2007, 02:38 PM
بسم الله الرحمن الرحيم

الأخوان الكرام..
السلام عليكم ورحمة الله

اخونا راعي الهدد

مشكور على هالتقرير عن دلال العساف الجيده والجميلة بنفس الوقت

انا من عشاق هالنوعيه من الدلال وهي دلتي الخاصة في البر وفي البيت حتى لندن طبتها:confused:

وفيه دلها عندنا من هالنوع اللي على شكل بغداديه لها 25 سنه ولا تغير طعم القهوة فيها لحد الان

وسعرها فيها مهما غلوها.... دله مسكته صراحة

عندي منها ثلال اطقم غير اللي بالعزبة وغير اللي اهديتهن .

وسبق ان اشتريت طقم من محطة البطيحانية علىطريق حفر الباطن مالقيت الا هو وخذتة لانها شبه مقطوعة

وقبل شهر شريت وحده من سوق حجاب من محل نسيت اسمة قريب من محل المطيري اللاواني المنزلية بس انتبهوا يشباب ترا فيه نوعين ستيل خفيف وستيل ثقيل ماتفرق بينهم الا باللون الثقيل لونه لماع وثقيل وزنها نوعا ما

وسلامتكم
تحية طيبه للجميع




هلا بك ياغالي

مرورك يشرفني

بس ياخوي ترى دلال العساف وحده ماتختلف

شف ونخوك تابع معي



الصورة الأولى دلة العساف الأصلية

http://www.mekshat.com/pix/upload/images28/mk33838_11.jpg




الصورة الثانية دلة العساف البغدادية


http://www.mekshat.com/pix/upload/images28/mk33838_bagdadeyahc01.gif




شف ونخوك تابع معي

الصورة الأولى دلة العساف الأصلية صحيح ثقيلة ولمعتها قوية

هل تقصد هي الي زينه وممتازه

الصورة الثانية دلة العساف البغدادية وصحيح لمعتها باهته شوي يعني اقل لمعة من الأصلية وخفيف وزنها اخف من الأصلية

فهل تقصد هذي او هذي

مكن توضيح ياغالي

لأني اشوف ان وارد العساف واحد مااختلف من كم سنة وارجع لموقعهم تكفى وشف الصور اكثر تفصيل وعطني خبر ياغالي

هذا رابط موقعهم

http://www.alassaf.net/products/products.htm (http://www.alassaf.net/products/products.htm)


منك نستفيد ونفيد

بنتظارك ياغالي
al-nashmi
10/04/2007, 11:47 AM
مرحبا فيك اخونا راعي الهدد


الدله التي اقصد انها اصليه ونوعيتها جيد ه هي الدله اللي انت حاط صورتها اولا في ردك علي

بالنسبه للدله التي اقل جوده هي الدله الثانية اللي على شكل تصميم الدلال الغدادية، علما انه تجي بنوعية استيل ممتاز مثل الدله الاوله لكل النوعين ولكن قليل تحصلها.


ونصيحة للي يستخدم هالنوعيه من الدلال البروكه لا يخلي القهوه تبطي فيها اي يترك باقي القهوه فيها بالليل ويقول اصبح اكبها واغسلها :no2: اغسلها اول باول وبعد الغسل لا تخلي باقي ما الغسيل ينقع بها بل اقلبها راس على عقب حتى تجف تماما.. ثم حطها بالعزبة .

وبالنسبه للنار الحطب ماتتثر ابد مع المحافظة على المزيونة..

وسلامتك
الوفي
10/04/2007, 10:59 PM
تامر أمر أخوي راعي الهدد

أقولك دقيت على المندوب وقال لي أن سعر الصغيره حوالي 120 إلى 130

قلت هذا سعرها في السوق

قال أسعارنا نفس أسعار السوق

قال شوف فيه محلين في أسواق العويس في الجهة الشرقية على طريق العليا عندهم دلال العساف

وحتى الآن مارحت للعويس أشوف أسعارهن


كنك زعلان علي يوم طريت الدلال هناك، ترى مواضيعك كلهن غاليات علينا وأحسب أني أمون عليك لذلك جدعت المعلومة هناك
راعي الهـــدد
10/04/2007, 11:11 PM
مرحبا فيك اخونا راعي الهدد


الدله التي اقصد انها اصليه ونوعيتها جيد ه هي الدله اللي انت حاط صورتها اولا في ردك علي

بالنسبه للدله التي اقل جوده هي الدله الثانية اللي على شكل تصميم الدلال الغدادية، علما انه تجي بنوعية استيل ممتاز مثل الدله الاوله لكل النوعين ولكن قليل تحصلها.


ونصيحة للي يستخدم هالنوعيه من الدلال البروكه لا يخلي القهوه تبطي فيها اي يترك باقي القهوه فيها بالليل ويقول اصبح اكبها واغسلها :no2: اغسلها اول باول وبعد الغسل لا تخلي باقي ما الغسيل ينقع بها بل اقلبها راس على عقب حتى تجف تماما.. ثم حطها بالعزبة .

وبالنسبه للنار الحطب ماتتثر ابد مع المحافظة على المزيونة..

وسلامتك




أخوي الغالي النشمي

اشكر لك هذا الرد والتوضيح ومنكم نستفيد

وهذا شي تنبهت له قبل اسبوع عند برق الحيا واستغربت خف دلة العساف البغدادية

وانا بالحقيقة ماراق لي الا دلة العساف الأصلية

الي هي اول وحده بردي عليك

فهي ثقيلة وتحس معك دلة

شكراً لك ياغالي
راعي الهـــدد
10/04/2007, 11:20 PM
تامر أمر أخوي راعي الهدد

أقولك دقيت على المندوب وقال لي أن سعر الصغيره حوالي 120 إلى 130

قلت هذا سعرها في السوق

قال أسعارنا نفس أسعار السوق

قال شوف فيه محلين في أسواق العويس في الجهة الشرقية على طريق العليا عندهم دلال العساف

وحتى الآن مارحت للعويس أشوف أسعارهن


كنك زعلان علي يوم طريت الدلال هناك، ترى مواضيعك كلهن غاليات علينا وأحسب أني أمون عليك لذلك جدعت المعلومة هناك



هلا والله بالغالي الوفي

لاعادي مازعلت ورب البيت

بس خفت يتشتت الموضوع فقط لاغير

وانت تمون لا وبعد توطى في حوض بطني

والسعر غلط ونخوك واليك الأسعار عند برق الحيا وانا متغاليها بعد بس خذ

دلة العساف البغدادية كبير 115

دلة العساف البغدادية وسط 110

دلة العساف البغدادية صغير 105

وانا اشوف حتى ذي التسعيرة انها مزايد فيها شوي

وانا ماراقت لي

الي رايق لي دلة العساف الأصلية

لأني احس انها دلة ثقيلة ولاهيب هينة وتحس بيدك ومعك دلة

اما العساف البغدادية خفيفه وتحس انها ماش

المهم ماخش مزاجي الا المزيوووونة الأصلية عليها اوصاف .... ههههههههه ما ابي اوصف هذي صورتها

http://www.mekshat.com/pix/upload/images28/mk33838_11.jpg
الوفي
10/04/2007, 11:28 PM
وصفها ياخوي عادي لا تستحي

وماعاش من يتوطى في بطنك اني لأطب في بطنه

المهم عشان نخلص دلة العساف الأصلية وين آخذها منه وكم سعر الصغيره

كودك ترد علي قبل لاتطلع من المنتدى
راعي الهـــدد
10/04/2007, 11:41 PM
وصفها ياخوي عادي لا تستحي

وماعاش من يتوطى في بطنك اني لأطب في بطنه

المهم عشان نخلص دلة العساف الأصلية وين آخذها منه وكم سعر الصغيره

كودك ترد علي قبل لاتطلع من المنتدى



هههههههههههههه تسلم والله ياذيبان

مثل ماقلت لك بردي اعلاه سعر الصغيره بــ 105 عند برق الحيا ولونها نفس هذي بس غطاها ذهبي يعني لونين غطا ذهبي والباقي فضي

http://www.mekshat.com/pix/upload/images28/mk33838_11.jpg


واذا تبيها لون واحد فضي ستيل طبعا بتحصلها في بن دايل عند السيف اضن او جنبه الله يعينك تدور وتتعب لأن توزيع العساف ماهو طيب توزيع سيء

او رح على وصف الموزع وتحمل زود الدراهم بس قهر والله او اسأله وين موزعها فيه غير العويس لأن العويس نار اسعارهم

اوشف هالرابط ترى بأحد ردودي ذكرت ارقام هواتف محلات عندهم دلة العساف راجع هالموضوع ترآه مهم ونخوك في العناوين والله يوفقك

http://www.mekshat.com/vb/images/misc/subscribed.gif وش افظل اانواع الدلال البـــغــداديـه ياليت تفيدونا يالغالين .... محبكم راعي الهـــدد (http://www.mekshat.com/vb/showthread.php?t=71394)
راعي الهـــدد
10/04/2007, 11:51 PM
أخوي الوفي

تبي شي


بتسال عن شي


او اروح انام



ياليت فيه شات خاص بمكشات

كان اريح لنا ونشرح لبعض فيه اكثر من المنتدى

يعني امر يبي تطويل يكون في الشات

اتمنى تصل الفكرة
الوفي
11/04/2007, 04:59 PM
تسلم يابعدهم الله يعطيك العافية ويخليك لعين ترجيك
راعي الهـــدد
11/04/2007, 11:40 PM
تسلم يابعدهم الله يعطيك العافية ويخليك لعين ترجيك




حياك ربي

واتمنى انك استفدت

ولاتنساني من دعاك
عمار السفينه
15/04/2007, 12:09 PM
السلام عليكم

مشكوووووووووور على المواضيع الزينه

وهذا اللي تعودناه منك

ابداااااااااع xابدااااااااااع

والصراحه ماكتب الله لي في القهوه شي كثير لكني الصراحه افضل البغداديه

ويازينها اذا جت في وقتها

ومشكور على التوضيح والجوله المباركه

أخوك

أبوعبدالله
راعي الهـــدد
15/04/2007, 02:12 PM
السلام عليكم


مشكوووووووووور على المواضيع الزينه

وهذا اللي تعودناه منك

ابداااااااااع xابدااااااااااع

والصراحه ماكتب الله لي في القهوه شي كثير لكني الصراحه افضل البغداديه

ويازينها اذا جت في وقتها

ومشكور على التوضيح والجوله المباركه

أخوك

أبوعبدالله







الغالي ابو عبدالله

يعلم الله ان مرورك شرفني ياغالي

الله يغفر لك ووالديك

دمت بود ومحبة واحترام يابعدهم كلهم
الغزال الشارد
16/04/2007, 09:13 AM
اخوي راعي الهدد مشكور وبيض الله وجهك على الموضوع شيق وتسلم الغالي
راعي الهـــدد
16/04/2007, 01:11 PM
اخوي راعي الهدد مشكور وبيض الله وجهك على الموضوع شيق وتسلم الغالي



هلا بك ياغالي

مرورك شرفني واعتز به

دمت بود ومحبة ياخلفهم



_______________________





الــــــــتـــــوقــــيـــــع







وراء كل اســلامي مـــتـــشـــدد .... مـجـرمــيــن يـذكــون نار الفـــتــنــة ويوقـــدونها



فلعن الله موقدها ومذكيها
مرفــأ
20/05/2007, 10:09 AM
راعي الهدد جزاك الله خيره على التقرير . .
راعي الهـــدد
20/05/2007, 01:12 PM
راعي الهدد جزاك الله خيره على التقرير . .




شرفني مرورك ياغالي

شاكر لك ومقدر يابعدهم

دمت بود ومحبة
هاوي ونيت
03/06/2007, 07:14 AM
ابوحمد الله يرزقك على قد نيتك....

بيض الله وجهك وانا اخوك.... امس جاني طقم من نوعية مزيونتك مخصوص من حائل...
وعلى طول زينت هاك الدلة اللي يحبها قلبك.... وتصدق حسيت ان طعم القهوة غير!!! :D
يعني مدري زانة من الدلة والا من غلاتك عندي يابوحمد....!!!!:D
سنجااار
03/06/2007, 10:21 AM
يعطيك العافية على الموضوع
سنجااار
03/06/2007, 10:26 AM
السلام عليكم ورحمة الله وبركاته
دلة العساف اشتر وانت مغمض اعرف شايب عنده الدله من عام 1403ولا تذمر منها ابد والي اخبر ان مصنع العساف مفتوح بعام 1400 ويعطيكم العافيه
اخوكم مشروك
راعي الهـــدد
13/06/2007, 01:56 AM
ابوحمد الله يرزقك على قد نيتك....

بيض الله وجهك وانا اخوك.... امس جاني طقم من نوعية مزيونتك مخصوص من حائل...
وعلى طول زينت هاك الدلة اللي يحبها قلبك.... وتصدق حسيت ان طعم القهوة غير!!! :D
يعني مدري زانة من الدلة والا من غلاتك عندي يابوحمد....!!!!:D




ياجعلك تسلم يالغالي

ههههههههه


والله يالف بين قلوبنا ويغفر لنا ولك

آميـــن


يشهد الله انك غالي حيل


شاكر لك هذا الرد الطيب والمرور الأطيب


ومبروك الطقم جعله يبقى عندك الى آخر ولد ...
بلاغة الحرف
13/06/2007, 06:02 AM
السلام عليكم ياراعي الهدد

يعلم الله انك دخلت قلبي وصكيت بابه ، وأنا دائماً أدعي لك بالخير

تعلمت منك الكثير وأولها محبة الخيرللناس .. الله يكثر من أمثالك

وهذي صورة وجدتها هدية لك ، وفيها الدلال اللي يحبها قلبك (:




http://www.owyed.com/gallery/thumbs/1169677644burt_4thumb1.jpg


والسلام عليكم
راعي الهـــدد
16/06/2007, 01:24 AM
يعطيك العافية على الموضوع



وأياك ياغالي



السلام عليكم ورحمة الله وبركاته
دلة العساف اشتر وانت مغمض اعرف شايب عنده الدله من عام 1403ولا تذمر منها ابد والي اخبر ان مصنع العساف مفتوح بعام 1400 ويعطيكم العافيه
اخوكم مشروك



عجيب اجل الدلة قديمة حيل

والله متوقع ان مالها الا 10 سنين بالكثير

شاكر لك ياغالي هالمرور الطيب
راعي الهـــدد
16/06/2007, 01:48 AM
السلام عليكم ياراعي الهدد


يعلم الله انك دخلت قلبي وصكيت بابه ، وأنا دائماً أدعي لك بالخير

تعلمت منك الكثير وأولها محبة الخيرللناس .. الله يكثر من أمثالك

وهذي صورة وجدتها هدية لك ، وفيها الدلال اللي يحبها قلبك (:











××××××××

×××××××


والسلام عليكم







وعليكم السلام والرحمه

يسلم قلبك ياغالي

واشهد الله على حبك لله وفي الله

وتكفى ترى تصوير ذوات الأرواح حرام ولا يجوز

وانا اعرف عنك انك من اهل العلم

لعلها زلة

دمت بود ومحبة ياغالي
أبونواف42
16/06/2007, 02:07 AM
الله يجزاك خير أخوي ابو حمد يعلم الله اني احبك في الله ودائمآ مواضيعك مميزة ,تراي مارجعت الى الحين ولا نسيت الموضوع الي بينا وقاعد ابحث عنه وتراني ما نسيت وباقي لي ثلاث شهور الله ييسر امورنا وأمور أخواني المكاشيت والمسلمين أجمعيين.تقبل تحيات أخوك ابو نواف
راعي الهـــدد
16/06/2007, 02:15 AM
الله يجزاك خير أخوي ابو حمد يعلم الله اني احبك في الله ودائمآ مواضيعك مميزة ,تراي مارجعت الى الحين ولا نسيت الموضوع الي بينا وقاعد ابحث عنه وتراني ما نسيت وباقي لي ثلاث شهور الله ييسر امورنا وأمور أخواني المكاشيت والمسلمين أجمعيين.تقبل تحيات أخوك ابو نواف




هلا بالغالي ابو نواف

شاكر لك المرور والرد يابعدهم كلهم

وترجع سالم وغانم باذن الله

دمت بود ومحبة
نجم حفرالباطن
17/06/2007, 01:26 AM
ماشاء الله عليه والله يالمعتها ياشيخ تكفيك عن الباقي
راعي الهـــدد
17/06/2007, 01:44 PM
ماشاء الله عليه والله يالمعتها ياشيخ تكفيك عن الباقي




الأخ الغالي نجم حفر الباطن

شرفني مرورك يابعدهم

وتسلم والله
كانو1
22/08/2007, 01:43 AM
الله يجزاك الخير ويوفقك ويحققلك اللي في بالك .
راعي الهـــدد
25/08/2007, 01:21 AM
الله يجزاك الخير ويوفقك ويحققلك اللي في بالك .



هلا والله بالغالي ....

هلا بجده كلها ....

شاكر لك المرور والرد يابعدهم كلهم ...

والله يستجيب دعائك ياغالي ...

محبك ابو حمد ...
فلاجكو
25/08/2007, 02:39 AM
اخوي راعي الهدد مشكور وبيض الله وجهك على الموضوع شيق وتسلم الغالي وصراحه شى يهيض الخاطر والحين اصلحلى قهوه مع القدوع واتفنحل على تقريرك الحلو ماقصرت ......
altamimi98
03/05/2008, 04:12 PM
اخي راعي الهدد موضوع جميل وأردت له أن يرفع ليستفيد منه من لم يقرأه وفي الحقيقة أريدك أن ترلي رقم الموزع على الخاص لاهنت لأن البغدادية اتعبتني بالهجار رغم حبي لها والرسلان جميلة وبصراحه غاليه علي ولا اوديها للبر لأني أفاخر بها في مشب الضوّ فهي قديمة جداً جداً وأخاف عليها.
وشكراً لك في النهاية أيضاً.

ولك تحياتي
التميمي، محمد
المحذوف
03/05/2008, 05:16 PM
ياويلي ويلاه هذي الي تصمد الراس موهب ترمس مسوات قهوته امس
راغي الخدهد الله يهديك ماخليتنا على تريمسنا هيجت جروح داثره
العبيات
23/12/2008, 02:31 PM
السلام عليكم ورحمة الله وبركاته

اطلعت على موضوعك القيم عن دلة العساف

وتهيضت

وأبي لي وحده

وش الطريقة ؟

هل مازال الموزع خويك موجود؟

علماً أني بالشرقية.


أيضاً وش رايك بأفضل بريق شاهي للبر والديرة؟


لاهنت يالغالي
livosten
23/12/2008, 06:06 PM
كفيت ووفيت
التمَاري
23/12/2008, 06:14 PM
الله المستعان
ملهوف البرق
18/12/2009, 02:07 AM
بيض الله وجهك اخوي راعي الهدد
انا اشهد انك نشمي ومالك الا الدعاء في ظهر الغيب
يابعدي والله يوفقك على ما بذلته للاخوان
تقبل مروري
تميم 10
08/01/2010, 12:14 AM
راعي الهدد نداء يالشقردي

تسلم على الموضوع ومن غير كلافه عندك امرين اما رقم الموزع والا انك تدبرها لخوك طلبتك لاتردني
بن داود
08/01/2010, 12:18 AM
الله يذكر ايامك بالخير


والله لايوفق الي كان السبب