المساعد الشخصي الرقمي

مشاهدة النسخة كاملة : الافاده الفنيه و العمليه عن اجهزة مشغل البطاريه و خزان الطاقه


alhellal2000
18/02/2007, 09:06 AM
الافاده الفنيه و العمليه عن اجهزة مشغل البطاريه و خزان الطاقه

اردت ان اشتري جهاز مشغل البطاريه و خزان للطاقه يعمل باعادة الشحن او ما يسمى Power station و لكن احترت اي الانواع الافضل !!
من الانواع التي لقيتها في الدمام جهاز صيني 1000 امبير مع نافخ هواء 300 PCI و مخارج للطاقه 12 فولت !!! بسعر 230 ريال و يعبأ باعادة الشحن الكهربائي المسبق 220 فولت بمحول او من السياره اثناء دورانها !!

احتاجه كمشغل للسياره يعني مثل ( الاشتراك بين سيارتين ) و ايضا كبطاريه اضافيه لتشغيل جهاز الكنوود بعيدا عن بطارية السياره ( اكلت مقلب العام الماضي في السعيره , انشغلت بالتراسل طوال الليل و عند العزم على الرحيل اليوم الثاني قالت السياره , معصي !! و فضيت البطاريه و السياره جديده ( يوكن ) لكن شغلتها باشتراك من سياره مرافقه )

فيه انواع اخرى لكن اصحاب المحلات يقولون ضعيفه ما تشغل و لا الجوال !! و انا مهم بالنسبة لي لتشغيل بطارية سيارة اليوكن و قت الطواري و مشغل اضافي للاجهزه !!

ارجو الافاده ممن عنده خبره فنيه او عمليه بهذه الاجهزه مع خالص تحياتي
alhellal2000
18/02/2007, 11:55 PM
يا شباب , يخليكم ربي
كلمه ولو جبر خاطر :eek: :eek: :eek: :( :( :(
برق و سحاب
19/02/2007, 12:15 AM
ابشر باللي يرد عليك

احسن من اللي قلت كله ماطور صغير على بنزين وتقدر تشغل عليه الأضائه بالكهرباء وتقدر تستخدم جهاز الأيكوم عليه لأن فيه فيش 12 فولت واذا لا قدر الله فضت بطاريتك تقدر تعطيها اشتراك منه مباشره لأن مرفق معه اشتراك للسياره وكل هذا بسعر 250 ريال ارخص واحسن واضمن من كل شي.
هذا رايي
Magellan
19/02/2007, 02:33 PM
ابشر باللي يرد عليك

احسن من اللي قلت كله ماطور صغير على بنزين وتقدر تشغل عليه الأضائه بالكهرباء وتقدر تستخدم جهاز الأيكوم عليه لأن فيه فيش 12 فولت واذا لا قدر الله فضت بطاريتك تقدر تعطيها اشتراك منه مباشره لأن مرفق معه اشتراك للسياره وكل هذا بسعر 250 ريال ارخص واحسن واضمن من كل شي.
هذا رايي

بس والله أبشر بخرابه بدري
مايصّمل هالماطور (Tiger) إلا 3 أسابيع وعقبها يخلف الله ...
الشقروى
19/02/2007, 11:22 PM
اخوي العزيز الجهاز الي انت تدوره
انا اخذت لي فتره طويله ابحث عنه ووجدت نوعين هي الافضل ان شاء الله
واحد معقول والثاني غالي بس الغالي ماطوعني قلبي اشتريه
الي سعره معقول تحصله عند العليان بس عيبه انه تايواني بس اذ خربت البطريه الداخليه
تقدر تغيرها بوحده جديده من محلات الالكترونيات الي موجوده في الديره(سوق الزل)
النوع الثاني موجود في محلات ساسكو هو عباره عن بطاريه فيها مكان للافياش ومكان للشاحن
ومكان للاشتراك ومثبت غلى حاجه مثل العربيه بس على كيف كيفك بس اقول غالي
انا انصحك بلي موجود عند العليان سعره تقريبا 230 ريال

واسال مجرب انا لفيت كل المحلات وارشح لك من وجهة نظري الي موجود عند العليان

بس يليت تروح وتشوفها احسن علي فكره الي موجود عند ساسكو سعره 1200 ريال

والري لك وانا اخوك وارجو انا اكون قد وفقت في توصيل المعلومه وارجو ان ماتدقق علي الاخطا الاملائيه
روثان
19/02/2007, 11:33 PM
السلام عليكم ..


شريت جهاز شحن من ساكو بــ300 ريال 5*1 خمسة في واحد صيني

منفاخ للكفرات وافياش كهرباء 220 200 وات وشحن بطارية وكشاف ويعطي 12 فولت

برغم يوجد أغلى منه ولكن نصحني احد العاملين بساكو اشتري بهالنوع

ويشحن لأول مره مدة 36 ساعة وحجمة تقريبا 30سم في 30 سم

بأذن اضع صورته


لكم التحية
الرجباني
20/02/2007, 03:18 PM
افضل شي للشواحن الموجود عند الفانوس بشارع الريل
وفيه نوع صيني اصفر حليو 250 عند برق الحيا
والأفضل من هذا كله ركب بطاريه اضافيه عند ابو ناصر كانك بالرياض
وبدولر لك رقمه كان ودك كهربائي على الذمه وسعودي
ابرك لك واطول عمر والدينمو كفيل بتعبئها ولا شل ولا حط
وسلامتك
طير شلوا
04/03/2007, 01:48 PM
اخوانى اذا فى معلومه اظافيه عن البطاريه الاظافيه نرجو الافاده
الرجباني
27/04/2007, 03:09 AM
فيه معلومه تقول مايلي من واقع بحث:

اشتر لك شاحن بطاريه وخله بالسياره لا ينزل ابد الا بالبر

ووصل سلك على الولاعه ولا محول صغير 220

لكن اذا انت بتدفع خذ لك الأمبيرات العاليه

حتى لو كان صيني كل ما كبر شكله كبرت البطاريه وزادت الأمبيرات وزادت قوته

وتسوي اشتراك حتى لسيارات ثثقيله وترا الشركات يستدخدمونه

لكن عيب البطاريه الجافه اذا تركتها بدون شحن تخرب

ولاقضيت خلها بالشاحن مو على طول

والمحل المتخصص بها الوهيبي بصناعية العروبه

الزبده لو خرب غير البطاريه لأصليه من الريل وغن ياليل

واللي عنده جيب لاندكروسر يركب بطاريه اضافيه عند ابوناصر بالشفا

وراسلني وخذ رقمه