قوافي ( أم نهار )
16/07/2019, 04:28 AM
بسم الله الرحمن الرحيم
السلام عليكم ورحمة الله وبركاته
اداريي ومشرفي واعضاء وزوار مكشاتي الغالي
مرحباً بكم بعد انقطاع ونعود بسويليفه او بالاصح موقف واحببت مشاركتكم اياه
.. امس طفى الكهرب حسنا شوي اللي جاب كشاف واللي جاب شمعه
يعني العوض ولا القطيعه نورٍ يتزدي شويات مير مايصلح بهالحر
إيييييييييه
عندي ماطور صغير لطاحونة القهوه وخلافه قلت ابشبك به لمبه لين يفرجه الله او مكيف تقل لعبه
طوله 30 سم وعرضه مثله
لقيت سلك طرفه لمبه وباقيه خروج من غير عوده
من اللي قاطمه!!!
الله يصلح هالعيال
المهم شبكت لمبتي اول ماقعدت اشتغل الكهرب وه ياقل الصبر ياقوافي يوم حسبت الوقت اللي طفابه نص ساعه قلبت به قرشيعي وحستهن والله ماتسوى علي
تذكرت اميمتي يامالا جنات النعيم
تقول سكنا هاك الايام ابيت طين كبير مطبخه سكة سفر دهليز((سيب)) ومظلم باخره سلكين تلمسين الطرفين تشتغل اللمبه
بيوم خايفه كل الحموله بعرس وهي بالبيت لحاله وانا واخوتي صغار وواحد منا يبي ديد (رضاعه)
فزتت نفسه وسحبت رجلينه لين قربت للمطبخ وقطعت المدرج على قوله أُمر تولع اللمبه
تقول ماعاد شفت قدامي من الخوف ضفيت اللي قدامي من البزران وركضت وطيران على الطايه (السطح)
عاد وشوله ياميمتي ؟؟
قالت من الخوف ومن الحماس يوم وصلت واثري شايلتس على كتفي وخامتن السفره الخوص واقول وش ريح الدهن ياعل ماتمس هالاديات اللي شالت والرجلين اللي ركضت النار
وعقبه قبل تنام جدتي او يطلعون اهل البيت تولم كلش برا المطبخ ولا هالملتمس ينور عليه
شي جا من الخاطر بنص ساعه من طفية الكهرب
رحم الله احبابنا رحم الله من فارقنا الى جوار ربه
.. قوافي .. ..
السلام عليكم ورحمة الله وبركاته
اداريي ومشرفي واعضاء وزوار مكشاتي الغالي
مرحباً بكم بعد انقطاع ونعود بسويليفه او بالاصح موقف واحببت مشاركتكم اياه
.. امس طفى الكهرب حسنا شوي اللي جاب كشاف واللي جاب شمعه
يعني العوض ولا القطيعه نورٍ يتزدي شويات مير مايصلح بهالحر
إيييييييييه
عندي ماطور صغير لطاحونة القهوه وخلافه قلت ابشبك به لمبه لين يفرجه الله او مكيف تقل لعبه
طوله 30 سم وعرضه مثله
لقيت سلك طرفه لمبه وباقيه خروج من غير عوده
من اللي قاطمه!!!
الله يصلح هالعيال
المهم شبكت لمبتي اول ماقعدت اشتغل الكهرب وه ياقل الصبر ياقوافي يوم حسبت الوقت اللي طفابه نص ساعه قلبت به قرشيعي وحستهن والله ماتسوى علي
تذكرت اميمتي يامالا جنات النعيم
تقول سكنا هاك الايام ابيت طين كبير مطبخه سكة سفر دهليز((سيب)) ومظلم باخره سلكين تلمسين الطرفين تشتغل اللمبه
بيوم خايفه كل الحموله بعرس وهي بالبيت لحاله وانا واخوتي صغار وواحد منا يبي ديد (رضاعه)
فزتت نفسه وسحبت رجلينه لين قربت للمطبخ وقطعت المدرج على قوله أُمر تولع اللمبه
تقول ماعاد شفت قدامي من الخوف ضفيت اللي قدامي من البزران وركضت وطيران على الطايه (السطح)
عاد وشوله ياميمتي ؟؟
قالت من الخوف ومن الحماس يوم وصلت واثري شايلتس على كتفي وخامتن السفره الخوص واقول وش ريح الدهن ياعل ماتمس هالاديات اللي شالت والرجلين اللي ركضت النار
وعقبه قبل تنام جدتي او يطلعون اهل البيت تولم كلش برا المطبخ ولا هالملتمس ينور عليه
شي جا من الخاطر بنص ساعه من طفية الكهرب
رحم الله احبابنا رحم الله من فارقنا الى جوار ربه
.. قوافي .. ..