رادارنا دامه على الساح زيار .. ( صوتي )...الحل:سراج ابو تفلة...حله:يمكن شاعر

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز مسند علئ حيب الكل شاعرنا المتمكن ( ابو مريم )


غطوه وفيها زدت بالكيل معيار
علها عن .الرادار تصبح فليته
رادارنا دامه على الساح زيار
ياقل مايهنأ . ( لغيز ) . مبيته
لغز بفضاكم يالطحاطيح سيار
عن الذي سامعه . لا .مارأيته
( ابو لبنت ) راج بديار وديار
واليوم تقافا يالعواريف صيته
بنته تجي بالجو منحار . طيار
بنته .. هدفها لو تدقق ..تميته

https://l.top4top.io/m_162464si10.m4a (https://l.top4top.io/m_162464si10.m4a)

مع تحيات ابو ماجد

منتديات مكشات . خيمة الالغاز

[قوافي ( أم نهار )]

وعليكم السلام ورحمة الله وبركاته
صح لسانك لغز طيب ويستاهل ابو مريم الاسناد
جزيل الشكر
تحياتي وتقديري واحترامي

[يمكن شاعر]

عليكم السلام
صح لسانك ملاييين يابوماجد على الجزل لاهنت
وتستاهلين الطيب ياام نهار

طرى علي يالغالي
طير البحر وظله
هو يقولون انه افخم انواع الصقور الجارحه وكان يعبر البحار وقت العصر ويشوف ظله بالبحر ويهجم على ظله ويغرق ويموت
البنت ممكن مقصدك ظلاله

وماحد اذكره الا تركي بن حميد في بيته
انتم كما طير البحر ذاك اباالحوم
وطير البحر مايذبحه كود ظله

[ابو ماجد 2]

وعليكم السلام ورحمة الله وبركاته
صح لسانك لغز طيب ويستاهل ابو مريم الاسناد
جزيل الشكر
تحياتي وتقديري واحترامي


هلا بك مشرفتنا الكريمه
صح بدنك والظيب بما تسدينه للخيمه من مجهود

[ابو ماجد 2]

عليكم السلام
صح لسانك ملاييين يابوماجد على الجزل لاهنت
وتستاهلين الطيب ياام نهار

طرى علي يالغالي
طير البحر وظله
هو يقولون انه افخم انواع الصقور الجارحه وكان يعبر البحار وقت العصر ويشوف ظله بالبحر ويهجم على ظله ويغرق ويموت
البنت ممكن مقصدك ظلاله

وماحد اذكره الا تركي بن حميد في بيته
انتم كما طير البحر ذاك اباالحوم
وطير البحر مايذبحه كود ظله
صج بدنك يابو مريم
شرفتنا
مالك لك لوى
وقصدي مارايته اي ماعاصرته

[يمكن شاعر]

طيب ي غالي
في اسلاح قديم يسمونه
ابوشعله = وبنته الطلقه

[ابو ماجد 2]

طيب ي غالي
في اسلاح قديم يسمونه
ابوشعله = وبنته الطلقه
طبت وطاب فالك
َمالك لوى لكنها الرمعه الأفضل حتى الآن

[يمكن شاعر]

ممكن ي غالي
مدفع ابوخزامه مدفع قديم جدا وبنته القذيفه

[ابو ماجد 2]

ممكن ي غالي
مدفع ابوخزامه مدفع قديم جدا وبنته القذيفه
خلك بالقديم لكن لاتنس اوصاف البنت اللي تسمى فيها
انتظر محاولتك القادمه

[يمكن شاعر]

ابوفتيله ؟ سلاح يرجع دوره الى القرن السابع عشر

[ابو ماجد 2]

ابوفتيله ؟ سلاح يرجع دوره الى القرن السابع عشر
مالك لوى يالغالي
لاتنسى
بنته تجيه بالجو منحار طيار
بنته هدفها يارماته تميته

[يمكن شاعر]

شلفا ذياب
اللي ماتخطي الهدف

[ابو ماجد 2]

شلفا ذياب
اللي ماتخطي الهدف

بدأت تبتعد.
خلك على ابو َ(....)

[يمكن شاعر]

ابوطبيله؟ شخص قديم كان يقعد الناس للسحور
بنته طبيله
وطبيله مرض يصيب الدجاج لين تموت

[ابو ماجد 2]

ابوطبيله؟ شخص قديم كان يقعد الناس للسحور
بنته طبيله
وطبيله مرض يصيب الدجاج لين تموت

مالك لوى يابو مريم
اول مره يمر على المسمى ويصلح مشروع لغز
اعرف مسحراتي ببلاد الشام

[يمكن شاعر]

مالك لوى يابو مريم
اول مره يمر على المسمى ويصلح مشروع لغز
اعرف مسحراتي ببلاد الشام

فعلا ي غالي الاسم هذا كان عندنا قديما يسولفون عنه اهلنا

محاوله
ابو نجمه طلع لي سلاح
بنته
نجمه = وممكن تقصد نجمه الشهاب اللي تصيب هدفها الجن

[ابو ماجد 2]

فعلا ي غالي الاسم هذا كان عندنا قديما يسولفون عنه اهلنا

محاوله
ابو نجمه طلع لي سلاح
بنته
نجمه = وممكن تقصد نجمه الشهاب اللي تصيب هدفها الجن
مالك لوى يالغالي
وهي هدفها تميت ابوها

[يمكن شاعر]

مالك لوى يالغالي
وهي هدفها تميت ابوها

لاهنت ي غالي الحقيقه كنت فاهم انه تذبح هدفها مو الاب
طرى علي نوع المتفجرات القديمه جدا
وله في راسه فتيله تولعها وتحذف الديناميت وينفجر

[ابو ماجد 2]

لاهنت ي غالي الحقيقه كنت فاهم انه تذبح هدفها مو الاب
طرى علي نوع المتفجرات القديمه جدا
وله في راسه فتيله تولعها وتحذف الديناميت وينفجر
مالك لوى يالغالي
انتظر محاولتك القادمه

[يمكن شاعر]

طيب ي غالي
لو قلنا نوع من الاسلحه مثل تفكري اول ماتجي لان البنت تذبح الاب
بحثت
طلع لي
ابو الخطاف = طير الحديه يسمى كذا
او
ابو بلحه نوع من الطيور

[ابو ماجد 2]

طيب ي غالي
لو قلنا نوع من الاسلحه مثل تفكري اول ماتجي لان البنت تذبح الاب
بحثت
طلع لي
ابو الخطاف = طير الحديه يسمى كذا
او
ابو بلحه نوع من الطيور
هلا بك يابو مريم
َالك لوى يالغالي
مطلوبي سبق طرح عليه لغز مني ومن الشيخ مسكين اكيد ماتعرفه لكن يمكن قوقل يخدمك
وابعد عن السلاح والكائنات الحيه

[يمكن شاعر]

لاهنت ي غالي
بعد توجيهك بحثت بالفوانيس القديمه
لقيت فانوس او سراج قديم اسمه

ابو تفله ممكن هو مقصدك وبنته هي اطفيه

[ابو ماجد 2]

لاهنت ي غالي
بعد توجيهك بحثت بالفوانيس القديمه
لقيت فانوس او سراج قديم اسمه

ابو تفله ممكن هو مقصدك وبنته هي اطفيه

هذا هو يالغالي
كفووووووو كفووووووو كفوووووووووو
نعم
كرمتوا
سراج ابو تفله
التفله تطفيه وتاتيه منحار بالجو
لله دك
كنت ابقول لمشرفتنا ارفعيه ملينا منه
صح لسانك ملايين

وهذا لغز عليه لي وحله الشيخ مسكين
بوٍ لبنتٍ ماهقيته صحبها=بنتٍ لها في موت ابوها مساعي
ساعة تجي له ميتته هي سببها=مخلوقةٍ لكن ابوها صناعي

وهذا لغز لي ايضا وحله ناصر العلي
يامن صعيب الغطو ماجنبوها=غطوه قريبه يارماته مماته
بنت لبوها ياولد ينسبوها=لحظة لقاهم هاك مني سماته
تزفها ريحٍ تجي صوب ابوها=ساعة وصول البنت تنهي حياته
نصف اسمها الاول اذا تكتبوها=فيهن بخيص الغطو يكشف عباته

[يمكن شاعر]

كفوك الطيب ياغالي وصح بدنك لاهنت
زين لحقنا عليه قبل يرفع خخخخخخخ