ابي اشتري جارمن لكن خايف من شغلتين الله يجزاه خير اللي يرد علي

[خالد2006]

السلا م عليكم

انا اابي اشتري قارمن 276 سي العربي طبعا لكن فيه ناس في هالمنتدى مامدحته ارجو اللي عنده نفس القارمن هذا يعلمنا وش عيوبه ومميزاته

ثاني شي انا اسئلت عنه عند دار موجه قالوا لي سعره 3160 مع ذاكره 64 هل السعر مناسب ... وخايف ينزل اكثر من كذا (( يعني بالعربي اخاف يصير مثل الاسهم )) ينزل نزوووووول قوي سعره او راح يمسك سعره لفترة معينه

والله يجزاكم كل خير ويوفقكم

[صلاح الدين]

السلام عليكم ورحمة الله

********

تقديري لجميع الأعضاء والمكشاتيين

********

أنا من المجربين للجهاز(قارمن 276 سي) وهو جميل جداً خاصة مع الخرائط

فيه عيب بالخرائط (اللي عندي) وهي إن المواقع فوق بعض إذا كان الزوم آوت

********

خرائط السياري حسب علمي حلت المشكلة وممكن باقي الأعضاء يفيدون في الموضوع هذا

********

لكن الشهادة لله كانك راعي روحات وجيات الجهاز ما مثله وله معي 6 شهور وأخذته بالفس السعر يمكن أغلى شوي

********

يبي لك واحد يجلس معك جلسة وحدة بس يعلمك الأساسيات ثم ما عندك أي مشكلة

ما تاخذ الجلسة نص ساعة للأساسيات طبعاً

********

الحاجات المتخصصة في الكاتالوج طبعاً

********

مالمقصود بالأساسيات:-

التعامل مع الشاشات والقوائم

تعديل الإعدادات

الذهاب إلى نقطة

القياس ما بين نقطتين

معرفة الشاشات ومميزات كل شاشة

**********

هذي الأساسيات في قاموسي أنا

رايي توكل على الله

**********

شاور واستخر واسمع الرأي الآخر قبل ما تتخذ القرار

**********

والسلام ختام

[خالد2006]

الله يجزاك خير ياخووووي وماقصرت لكن عربي اللي معاك انت او انجليزي ونسمع ر اي الاخوان على قولتك ياالغالي

[صلاح الدين]

الجهاز اللي معي عربي

*********

برايي العربي ماله أي قيمة لأنك لازم تتعامل مع الإنقليزي في أسماء المواقع وبعض الحاجات الأخرى في القوائم المترجمة بطريقة غريبة

هههههه

********

أنا دفعت 500 ريال فرق في العربي وأنا ما أستخدمه أغلى بـ 500 طبعاً

دورت إنجليزي وما لقيت على وقتي فكنت مضطر إني آخذ العربي غصب والعوض على الله

********

لكن والله العظيم مهوب خسارةٍ أبد

أنا أشهد إنه يستاهل كل ريال دفعته فيه

[العشة]

تبي الشور اللي مابعده شور ,,

كانك تطلع للبران وراعي روحات وجيات ..

خذه وانت مغمض واذا ماجاز لك تعال اشريه منك بسعره الان ..

[خالد2006]

الله يجزاكم خير ياصلاح الدين + العشة

ماشالله من كلامكم تخلوووون الواحد يشتريه وهو مطمئن هو الصراحه مثل التويوتا ماتبلش به زبونه جاهز والدليل اسعار المستعملات في هالمنتدى

مشكووووووووووورين وماقصرتوا

[مشاري1427]

طيب مافي احد يقسط لنا

[بوراشد]

السلام عليكم ورحمة الله وبركاته

أنا معي 276 سي (الإنجليزي) وركبت له خرائط السياري الإصدار 16 ولا أروع صار شيء مختلف بالكامل

أخي الكريم لا فرق بين العربي والإنجليزي إلا فيما يلي: (حسب معلوماتي)
1. أزرار عربية
2. قوائم عربية
3. أغلب الخرائط باللغة الإنجليزية
4. لا يمكنك الكتابة بالعربي
5. سعره أعلى من الإنجليزي

وإستخير يا الحبيب وما خاب من إستخار

[المطنون]

السلام عليكم ورحمة الله وبركاته

صباح الخير للجميع

وإن شاء الله انكم بخير

بسوي مداخله لأني نفس مشكلة الاخ يبي يشري جهاز ولا يدري وش المناسب

والي فهمته منكم
إن الانجليزي مايفرق عن العربي إلا بالقوائم والقوائم ممكن الواحد يعبر حاله ويتعود عليهن
وفرق 500 ريال

طيب الخرايط الي تجي معه سألت عنها قالي 900 ريال مع الذاكرة 64 لو ما شريت الذاكرة مع الجهاز

وأبي اعرف يا الربع الخرايط الثانية سعرها والحصول عليها هل نفس طريقة وسعر دار موجة

أخوكم
المطنون
وجزاكم الله خير

[الهزبر9]

توكل على الله واستخير ثم اشتر ولا تنس فيه عضو بالمنتدى الرائع هذا اسمه أبو القارمن سيفيدك حتما بإذن الله .....

[الشاهين2004]

خذ الجهاز انجليزي لانه يقبل التحديثات من موقع القارمن وبالنسبه للقوائم كلها كلمات معدوده وتتعود عليها مع التكرار لو ما تعرف انجليزي

[الذيب_999]

السلا م عليكم
انا اابي اشتري قارمن 276 سي العربي طبعا لكن فيه ناس في هالمنتدى مامدحته ارجو اللي عنده نفس القارمن هذا يعلمنا وش عيوبه ومميزاته
ثاني شي انا اسئلت عنه عند دار موجه قالوا لي سعره 3160 مع ذاكره 64 هل السعر مناسب ... وخايف ينزل اكثر من كذا (( يعني بالعربي اخاف يصير مثل الاسهم )) ينزل نزوووووول قوي سعره او راح يمسك سعره لفترة معينه
والله يجزاكم كل خير ويوفقكم

السلا م عليكم
سعره صحيح وأنا إشتريت واحد قبل أربعة أيام وتوني عليمي ... وعلى رأي الأخوان إستخير وتوكل على الله ... تراه :good:

[خالد2006]

الله يجزاكم خير ياذيابة مكشات عزالله انكم ذيابة وماقصرتو فعلا كل الي كتب كلمة الله يجزاه الف خير (( حب لاخيك ماتحب لنفسك ))

ومشكوووووووورين يالغالين

تنوبيه : للمطنون بالعكس ياخوي ازوده خمسمية واخذ عربي انا اعرف انجليزي بس العربي اريح لي فرررررررررق حتى لو رجعت له بعد فترة تكون عارف القوائم والخمسميه انشالله انها مب كثيرة على العربي