المساعد الشخصي الرقمي

مشاهدة النسخة كاملة : عندي دربيل والعدسة مايلة ، وين أقدر أصلحه


خيال الصبحا
20/02/2007, 02:18 PM
بسم الله الرحمن الرحيم

السلام عليكم
ورحمة الله وبركاته
كيف حالكم ياأهل مكشات

ذاك اليوم
بالصدفة لقيت واحد
يبي يبيع دربيل ، وأنا والله
مالي حاجة به لكن تقدرون تقولون
لقافة ، وأنا أخذ الدربيل واجربه واعجبني
ولكن ماهو ذاك الدربيل الي مابعده ولكن شيء
يمشي الحال ، سألته عن سعره ويوم قال لي ماصدقت
خبر (الدربيل باتراب الفلوس)وأنا أشريه واروح ويوم رجعت البيت
وأنا أقلبه لإني مستغرب من السعر ، ولقيت وحدة من العدسات الي قدام
راجعه شوي ورى(ماهي مساوية لخويتها) وطلعت ودربلت بالعين السليمة
الا كل شيء تمام ، ودربلت بالثانية الا الوضع مأساوي ، والحين لا بغيت أدربل
أقفل العين الي عدستها مايلة وأدربل بعين وحدة ، وصراحة كرهت الدربيل من الحركة
ذي ، ولكن جاء ببالي منتدى مكشات ، وقلت أكيد أنكم تعرفون وين أصلحة

وشكرًا
الكاسر23
20/02/2007, 02:34 PM
اخوي خيال
حاول بنفسك تفك الجهة اللي فيها ميول العدسة وركبها في مكانها المخصص لها ، يمكن الشغله ما تحتاج هاك العنوة. بس لا تعبث بالاجزاء الداخلية.
اذا ما ضبطت الله يعينك على العنا، وعندك سوق الزل اللي بالديرة.
والله يوفقك وان شاء الله بيعه موفقه
خيال الصبحا
20/02/2007, 03:57 PM
اخوي خيال
حاول بنفسك تفك الجهة اللي فيها ميول العدسة وركبها في مكانها المخصص لها ، يمكن الشغله ما تحتاج هاك العنوة. بس لا تعبث بالاجزاء الداخلية.
اذا ما ضبطت الله يعينك على العنا، وعندك سوق الزل اللي بالديرة.
والله يوفقك وان شاء الله بيعه موفقه
أولا مشكور على مرورك وردك
ثانيا فكيت الجهه الي فيها ميول ولكن العدسة ماقدرت لها(بيني وبينك وطيت لك ببطن الدربيل وعيت ترجع:d)

ومالها الا سوق الزل ولكن وين موقعه;)
عيناوي
20/02/2007, 04:09 PM
عقوبه من ربي على ضحكك علي
جا واحد وضحك عليك بهالدربيل
ههههههههههه

لكن بحكم اني طيب واحب الخير..ان كانك بالرياض رح لمحل الرمايه بالتخصصي ..
يقول الجافي بموضوع تم طرحه بخصوص تصليح دربيل انهم يصلحونها

وفالك مايخيب ان شاء الله
:)
خيال الصبحا
20/02/2007, 05:09 PM
عقوبه من ربي على ضحكك علي
جا واحد وضحك عليك بهالدربيل
ههههههههههه

لكن بحكم اني طيب واحب الخير..ان كانك بالرياض رح لمحل الرمايه بالتخصصي ..
يقول الجافي بموضوع تم طرحه بخصوص تصليح دربيل انهم يصلحونها

وفالك مايخيب ان شاء الله
:)
الدربيل أخذته
بـ40 ريال،ماهي شيء
بعدين عين وحدة تمشي الحال
(يحاول يقلبها هههههههه)
وبالنسبة أنك
طيب وتحب الخير
هذي مابها شك ، والدليل
ردك الحلو(أعلاه)وشكرًا

أوووه نسيت
أقول المحل وينه
طارق الحربي
21/02/2007, 12:44 AM
سوق الزل عند سوق الطيور يابونايف

والرمايه بالتخصصي بالرياض
الكاسر23
21/02/2007, 08:50 AM
اخوي خيال
ترا دربيل بعين وحدة تطلع وكانك القرصان سيلفر (اذا انت خابره)
هذا جزات اللي سويته (دربيل بـ40 ريال)
شكلك نشبت للرجال.
لكن الظاهر انك بتدفع على تصليحه 120 ريال :)

عموما اخوي .. دام انك طبيت ببطن الدربيل .. اما انك تروح للرماية بشارع التخصصي مثل ما قالوا الاخوان.
او انك تروح لسوق الزل اللي بالديرة (جوار امارة الرياض)

وثاني مرة لا تطب ببطن احد :)
خيال الصبحا
21/02/2007, 01:45 PM
السلام عليكم

ابو عبدالله
أشكر لك مرورك
وردك ، ولكن وين سوق
الزل ماأدلة(أوصفه لي بالله)
وأحتمال بكرة أروح سوق الطيور

أخوي الكاسر
لا والله ماأخبر
سيلفر ، والدربيل
شكله حليو(جيشي)والعين
الصاحية تمام ، ولكن هذا عيبه

والرجال ماناشبته ولا شي ، سألته بكم
قال باربعين ، وعلى طول عطيته(خفت يرجع
بكلامة ههههههههههههه)،واكن الـ120 وش قصتها ، لا
يكون تصليحة بـ120(عز الله الي ماصلحته لين تقوم ناقة
صالح<<<وش عنده ههههههههه)
وبالنسبة لردك ورد الأخوان كلكم تقولون التخصصي وسوق الزل
وأنا ماأدل التخصصي ولا سوق الزل

والدربيل على شانك ماعاد اقول له شي هههههههههه
الكاسر23
21/02/2007, 03:20 PM
اخوي خيال

ما تعرف سوق الزل القديم اللي بالديرة ، اللي جنب جامع الامام تركي (الصفاه) ، اللي جنب ميدان الساعة (القديم).
وما تعرف شارع التخصصي بعد؟؟!!

اجل مانت بالرياض .. صح!!

اذا انت بالرياض .. قوم بالتالي:
1- البس ثوبك ونعالك (اكرمكم الله جميع)
2- فك باب بيتكم من الداخل واطلع للشارع
3- صك الباب
4- وقف اقرب ليموزين
5- قله شارع التخصصي
6- اذا وصلت تقاطع طريق مكة مع التخصصي اتجه شمالا
7- يجيك محطة بنزين وبعدها محل الطيار للسفر والسياحة بعدها في نهاية الصف يجيك محلين للبنادق وعدة البر (الرماية) في الزاوية.
8- عطهم الدربيل وعلمهم بالخراب اللي فيه
9- ارجع للشارع ودور ليموزين عشان يرجعك بيتك


بس لا تقولي ما ادل بيتنا بعد أو انك ما تعرف الليموزين !!! :)

وهذا علمي وسلامتك
وسلامة اللي يقرون الرد جميع

اخوك
الكاسر23 ابو محمد
عيناوي
21/02/2007, 03:30 PM
عقوبه من ربي على ضحكك علي
جا واحد وضحك عليك بهالدربيل
ههههههههههه

لكن بحكم اني طيب واحب الخير..ان كانك بالرياض رح لمحل الرمايه بالتخصصي ..
يقول الجافي بموضوع تم طرحه بخصوص تصليح دربيل انهم يصلحونها

وفالك مايخيب ان شاء الله
:)

بونايف لبى كلك يا بعدي
وبعدين اشك ان العدسه الي تحكي عنها ماهيب الدربيل
شكلها عينك
شف الاحمر فوق ..الله لا يعمينا
هههههههههههه
<بينجلد لا محاله

امزح وانا اخوك...العمى بعين عدوينك

فالك مااااااااااااااااااااا يخيب يا بعد طوايفي
:good: :good: :good:
خيال الصبحا
25/02/2007, 07:17 PM
السلام عليكم
الأخ الكاسر23
أنا يالله أدل كليتي وسوق
الطيور ، والصقر والصقار وكم
حاجة بعد (الرياض يبي له سنة لفلفة
علشان أدله هههههههههههه)

وصح عليك أنا ماني من الرياض
ولكن أنت رجعت توصف للي من الرياض
بس تدري عندي حل مناسب جدًا وهو أني أوقف
سيارتي قدام أي بيت من بيوت الرياض ، وأتجاوز أول
ثلاث خطوات من الحل ، وأن شاء الله يمشي الحال ههههه

شاكر ومقدر لك حسن ردك
وهلا بك

الأخ عيناوي
أشكر لك مرورك
وردك ، ولا تتشمت ووش
دراك يمكن بكرة القاك شاري كلب
بوليصي(وانت بكرامة)من الي لهن شعر
وذيل طويل ، تحسبه ذيب ههههههههههه
وشكرًا