الحمام الحمام تعالوا عطوني العلم لا حد يدخل ويطلع ولا يحكي

[فتى شنه]

ماافضل حمام يصلح للاكل وطعمه حلو ووين احصله لان اكثر المحلات اللي بالرياض وصخه هل هناك مزارع عندهم


حمام للبيع وحلو مذاقه

[مخاوي ذيب]

حمام لاااااااااحم زين للاكل

[راعي الشبح]

فيه في الملز ...


مكانه على شارع الستين من عند الاشارة اللي عندها محطة الجميح تاخذ باتجاه الشرق .. يكونون على يدك اليسار ..

اسمه التحسين .. يفضل تكلمهم وتتأكد منهم قبل ما تروح لهم ..

[ساقان]

اللذيذ بالاكل الزاجل ..
والفرنسي جيد

[TIGER]

أخوي فتى شنه
عليك بفراخ الفارنسي لا تعداه
وإذا صار عند (التحسين )
تراهم نظيفين بالحيل

[الوفي]

عندك محلات حمام بعد ماتدخل شارع الوشم من طريق الملك فهد متجه للشرق يجون على اليمين في الحاره

[هدام الطوابير]

عليك باللاحم والزاجل .. وخاصة الفروخ

[فتى شنه]

شكرا جميعا لكم واللي عنده علم يرد علينا

[الفاضي020]

عليك باالعربي

[سندهم]

عليك بفراخة النجدي افضل شي لاصارن يطلعن الأمهات =كان يكون من مزرعة ووووووووووووووووووووه

ثاني شي فراخة الزاجل شييييييييييييييييييييييييييييييييييييييييييييييييي ييييييييي

[فتى شنه]

شكرا جميعا لكن وين فيه فراخه النجدي هاذا محل والى ايش اللي عنده علم يرد علينا

[sal7]

النجدي .....................................و الزاجل

النجدي لاصار مربوط داخل المخفق و أمه تعلفه وقت طويل شوي
طعمه براس و الزاجل كذالك بس عيبه لحمه ناشف شوي مب مثل النجدي
و بنسبه للمحل هو بالقصيم مزرعه فيها مصري أدق عليه و يذبح و ينتف و ينظف
و أنا علي أجي أدفع و أستلم و أطبخ و أكل بس

تحياتي

[فتى شنه]

شكرا جميعا لكم واللي عنده علم يرد علينا اخوي sal7 مالهم مزرعه بالرياض

[امير البحر]

والله اخوي فراخة الفرنسي ممتازة حجما وطعما
وانا اربي حمام وعندي الفرنسي والزاجل وجربت الزاجل وكان حلو بس مو زي الفرنسي ولون لحمه داكن شوي وقاسي
عليك بابناء جاك شيراك واتوصى فيهم

[صدى الهاوي]

السلام عليكم


انا اخبر فيه حمام الزينه اللي في البيوت البلدي والفرنسي و............
وفيه البري اللي في الابيار _جمع بئر_
وبصراحه لحم الحمام العايدي اللي تشتريه معفن جدا جدا بالنسبه للبري
لاسباب اولا عدم تنوع الطعام لانه محبوس في اقفاص وغيرها.....

اخرج بالناري بعد صلاة الفجر للابيار وتلقى خير

[خالد20]

صدى الهاوي
اعتقد ان من احترام النعمه انك ما تاصفها بقواك(( معفن جدا جدا)) وانت تقصد الطعم فقط
اما قولك انه محبوس
فا يوجد مزارع كثيره تخليه مطلق24ساعه وطعمه احسن من الخضاري((حمام القليب))

[فتى شنه]

شكرا اخواني

[ا لطرقي]

بعدكثيرمن البحث والتجارب سواء التحسين اوغيره ثبت لي ولمن جربه من اهل الذووق حمام فرنسي يباع في محل بلملز علي اليمين قبل شارع صيته وانت قادم من الشمال اسمه علي ما أضن خميس لدواجن

[ا لطرقي]

استدراك
ارجوافادتي بعدتجربته

[أبوتركي 999]

فراخ الفرنسي

[نبوت سيف]

افضل محل تشتري منه حمام وطيور لاحمة بشكل عام هو غاتر تحسين في سوق الحمام .. المحل نظيف ورخيص وطيورهم مستصحة

افضل حمام للأكل واسألوا واحد مدمن على الحمام هو الحمام الفرنسي بس اشوه على جمر راهي موللللللللللللللللللللع صح وبسرعة


الحمام المحلي ماهوب شين للكبسات بس للشوي ما يزبن

[فتى شنه]

الله يجزاكم خير بس غاتر تحسين في سوق التحسين اللي بجنوب الرياض

والى له محل ثاني ارجو ان احصل رقمه مننكم يالذيابه

[مجازف2010]

انا بصراحة جربت الحمام البلدي الزغاليل وكبسة عليه كبسة بالكاتم وبصراحة طلع طعمه ممتاز جدا

بعدين رحت اشتري حمام فرنسي فراخة بصراحة حجمها زين اكبر من البلدي وحتى لون اللحم افتح من لون لحم البلدي ولكن ابي اضبط عليه بكره كبسة ونشوف ايهما افضل مع احس انها كلها ممتازه في الطعم

تحياتي لكم

[فتى شنه]

نحتريك اخوي وودنا لو تزودنا المحلات اللي حمامها نظيف ومليان شحم

[واحد من البشر]

موجود بمحلات الدجاج الوطنية مذبوح ومنظف

[fahad900]

والله حنا بخير ونعمه الله يزقنا شكر هالنعمه
احد الاخوه تتصل عليه يوصل لك الحميمات الى باب بيتك ووالله طلبت منه 5 ازواج والله انهن طبات واحسب انهن امهات من الكبر منظفات وبصحين ابض فلين ومغلفات ....... يبن القدر

[راعي الهـــدد]

الغالي فتى شنه

الحمام باب طويل عريض اختصر لك ملخص بسيط عنه بحكم تجربتي

وبحكم اني سبق وجعلت له مكان وأكلت منه انا والأهل

الحمام انواع

والمشهور الي يآكلونه الناس منها ثلاث انواع


الأول

البلدي حجمه صغار ولا من زود لحم ولا من زود شحم بس اذا علف تعليف طيب فيصير حلو وله خنة بالراس


الثاني

الزاجل وهو حجمه طيب ولكن طعم لحمته ماش ماجاز لي ولون لحمته داكنه شوي ولا من زود شحم



الثالث

الفرنسي اللاحم وهو المشهور والي اذا اطلق الحمام اللاحم فهم يقصدونه

طعمه طيب حيل حيل

ولا رأيت افضل منه طعم الا البلدي المذكور
في النوع الأول بس بشرط يكون هالبلدي معلف صح

وقليل تجد بلدي معلف صح العالم هدفها الربح يخمون لها بواقي أكل المطاعم وهذا مايطلع الفرخ صح


ايظاً الفرنسي اللاحم لحمته كثيره وتشبع واذا
صار علفه أراسكو او مخلط عدس وذره وماش
وشوي شعير وبر

والله يجي عليه لحمه وشحمه اقسم بالله ماعندك بأحلى منها هههههههه


والله اقول لك بكل صراحه اني احياناً تخمني
واتخرم في راسي حمام فرنسي واقوم اسعبل
عليه والمشكله الوقت متأخر قبل الفجر

والله اني افتح الفريز واجر لي جوز منه
واضغطه في الكاتم

والله اني آكل شحمته قبل لحمته من حلاتها هههههه



ايظاً الفرنسي نوعين

منه السموك سلفر

الي لونه يجي رصاصي

وشي لونه ابيض ناقع

يعني ابيض ماخالطه شي من الألوان

السموك سلفر افضل لحمه واطعم

وهذا عن تجربه

ولاتفهم من كلامي ان الأبيض شين لا كلها طيبه حيل واطيب شي جربته

بس أن السموك افضل في نظري وفي نظر اهل الصنف


بل ان جوز السموك اغلى من جوز الأبيض (( اقصد الأمهات للي يبي يربي )) وكذلك الفروخ تفرق شي بسيط


هذا الي قلته لك شي لوحده





بقينا في امر آخر وهو من افضل من يبيع الحمام الفرنسي ... ؟؟؟

بالخصوص وفروخ الحمام على وجه العموم




تعال معي ياغالي واعطيك خلاصة لموضوع قد
تتعب فيه اشهر ولا تحصل من يزودك بأفضل
من يبيعك هذا الحمام اللاحم



هم على الترتيب كالتالي



اولاً /

عبدالرحمن اللاحم

شخص صاحب دين وخوف من الله ويعتني
بحمامه كأنه هو من سيأكل منها لوحده وهذا
بشهادة الجميع



وطريقته في تربيتها عجيبة بل انه جعل مكان
تربيتها في البر


بعيداً عن الأجواء المنتنه في الرياض


ويغذيها باراسكو ويخلط لها اصناف من الطعام ويربيها تربية صحية

وعنده في محل تربيته بيطريين ومشروعه ظخم جداً ولا يستهان به


ولحم حمامه قمة ومن افضل ما أكلت بعد
حمامي الخاص الي آكل منه في مكان تربيتي له

جواله /

نسيته بأحاول اجيبه لك ضاع مني لكن طريقته
في البيع تدق عليه وتقول له كم تبي وهو
يجيبها لك من مكانه في البر لمحل واحد يذبح
في الملز وانت تجي لمحل هذا الذباح الي في
الملز وتشيلها منه وتحاسب الذباح وبس


عموما باجيب لك رقمه



الثاني /


واحد يقال له عيسى العبدالله

ومحله ومشروعه طيب ماعليه

وهو بعد مصنع السمنت بالرياض في استراحة وعنده مشروع ماعليه طيب

ويعتبر في تعليفه ممتاز انا اشرفت على مشروعه

ودخلت فيه ورايت وش طريقته فهي طيبه حيل

ويذبح لك العامل عنده في نفس الأستراحة وتآخذها وتمشي


او تدق على عيسى وتطلب منه كم جوز ويوصلها لك الى بيتك مذبوحه

وانا لا افضل هذه الطريقة احب اني اذبح بنفسي

او اشرف على ذبحها فالعمالة لاتؤمن في الذبح

والحديث (( يامعاذ اطب مطعمك تكن مستجاب الدعوه ))


عموماً هذا جواله دق عليه واطلب منه او رح خذ منه بنفسك

تدخل وسط مشروعه وتنقي على كيفك

والله الله بالفرخ الي ماد بوزه منتفخ خطر يتفقع ههههههه

هذا جواله

0503431889



الثالث /

واحد هندي في سوق الحمام محترم وصاحب دين احسبه والله حسيبه وأميــن حيل

اسمه عبدالله

هو يشتغل في مذبح دجاج وحمام في وسط السوق جنب الي يبيعون الضبان والصواريخ

هو يشتغل ويا ثلاثة معه في نفس المحل

واحد اسمه منير وآحد اسمه اقبال وواحد اسمه عبدالله

اتركهم كلهم وتكلم مع عبدالله

فهو أمين ويبيع في نفس محله الحمام الي تبي فرنسي او بلدي او زاجل او بعد لو تبي بط بري ويذبحه لك قدامك وتشيله

قل له من طرف ابو حمد قل الي هو صديقك
جاك آخر مره هو واولده حمد ويبي يراعيك
ههههه


او خذ جوال منير خويه ودق على منير وقل له عطني عبدالله

واطلب منه الي تبي او اساله قبل ماتجي ممكن
ماعنده شي طيب فترجع بدون شي والسوق
مليان بس الصدوق قليل غالبهم يعلف باردى

شي

هذا جوال منير قل له عطني عبدالله

0557591500


هذا شي

بقينا في طريقة الطبخ وافضل مايعلف به اللحمام وطريقة تربيته

وكيف يصير التناسل عندك ضعف المعروف عند الناس

هذا كله يحتاج موظوع مستقل ولكن خشية قولت موضوع غير مكشاتي تركته ولم افرده بموضوع والا الصور جاهزه والموضوع به جاهز

اي استفسار انا في الخدمة وعندي لك نصايح اذا بتربيه عندك وتغذيه بنفسك والله يطلع شي ماتتخيله

وترى باعطيك معلومه مهمه جدا جدا

ترى لحمته ومرقته هالحمام الفرنسي اللاحم والله مايوقع الا في ظهرك

وترى يهيج الرجال ههههههههه

فانتبه لاتكثر منه الا وانت حول البيت وحواليه

اعرف لك واحد من الربع وكم واحد من الي
اعرفهم كذا

يقول هالرجال والله يابو حمد تركت
الحمام الفرنسي قلت ليه قال انشبني وسوا لي
بلاوي

الباقي مشفّر لايسمح الموقع بالكلام عنه ههههههههه

والله الله دق فيه وادع لبو حمد

واي استفسار تراني في الخدمة

وتكفى قل تم قل تم

اذا انت في الرياض يآصلك كم جوز مذبوح
وجاهز هدية من ابو حمد ياغالي

[راعي الهـــدد]

عفواً الحديث ذكرته خطأ

والصحيح

(( ياسعد اطب مطعمك تكن مستجاب الدعوه ))

وليس يامعاذ

[أبورغدالسنيدي]

فراخة النجدي ماهيب معقولات
وبالنسبة للمحل والله مادري لاني بالقصيم

[راعي الهـــدد]

فراخة النجدي ماهيب معقولات
وبالنسبة للمحل والله مادري لاني بالقصيم



ابو رغد مافهمت عليك جعلك تسلم

[مجازف2010]

انا بصراحة جربت الفرنسي والبلدي بصراحة الفرن صار لا يعلى عليه ابداا

لا من ناحية الطعم ولا من ناحية الحجم ولا من ناحية الشحم

يعني الفرنسي هو الي في المقدمة من انواع الحمام في الطبخ

[اسير الغربة 1]

يالغالي



خذ لك تيس

احسن لك

[مجازف2010]

اخوي حنا نتكلم عن الطيور وخاصه الحمام وش دخل التيس في الموضوع

[فتى شنه]

عزالله ماقصرتوا يالذيابه كلكم

راعي الهدد بيض الله وجهك ودايم علومك تسد اللازم يالذيب ولي كلام معك

واجبك قعود يالذيب

[راعي الهـــدد]

عزالله ماقصرتوا يالذيابه كلكم

راعي الهدد بيض الله وجهك ودايم علومك تسد اللازم يالذيب ولي كلام معك

واجبك قعود يالذيب



ماسويت شي ياقلبي ....

جعلك تسلم من كل شر ....

بس وش صآر ماتبي الحمام الي من عندي ....

أخلص لايآكله القطو ... ههههههه

ياحبي لك والله يافتى شنه ...

موضوعك ذكرني به مخاوي قناص في موضوعه هذا

http://www.mekshat.com/vb/showthread.php?p=1104738&posted=1#post1104738


يسأل عن الحمام فنسخت له رابط موضوعك ...

شف هذا موضوعه العالم مع غلا الرز هبت في الحمام ...الفرنسي ...

بس الكوارث على المجتمع بعد أكل هالحمام ستكون وخيمة ....

مافيه الا أكل حمام .... ورطن في الليل .... قرقر قرو ... قرقر قرو ... آآق .. آآق ..

ههههههههههههههههههههههههههههههههه

وبالتالي كثرة نميان ماتدري الدولة وش تسوي بهم ... سيرهقون كاهل المجتمع ...

أخشى والله اعلم بعدها من تحديد للنسل ...

هههههههههههههههههههههههههههههههههههههه ههههههههههههههههه

محبك ابو حمد ...

[راس الرعيلة]

هههههههههههههههههههه

وش ذا يبو حمد

والله أن فيني النوم ومن يوم شفت رد قعدت أتقلب من الضحك

ما أقول إلا الله يوسع صدرك بالعافية

هههههههه

[راعي الهـــدد]

هههههههههههههههههههه

وش ذا يبو حمد

والله أن فيني النوم ومن يوم شفت رد قعدت أتقلب من الضحك

ما أقول إلا الله يوسع صدرك بالعافية

هههههههه



هههههههههههههههههههههههههههه ههههههههههههههههههههههههه

هههههههههههههههههههههههههههههههه

ابو مالك .... والله لو مانظحك متنا قهر ....

ههههههههههههه

أضحك ويحلها حلاّل العقد ...

ياحبي لك يابو مالك .... وانتبه لاتصير من اسباب الكوارث على المجتمع .... هههههه

الرز غالي .... حليب البزران غالي ... وبلاويهم غاليه ...

ورمضان اقبل وطارت أسعار الخضار دبل الدبل ...

صندوق الباميا وصل فوق 150 ريال ....

واصرار البقدونس بتشوف كيف بيآصل 2 ريال و 3 ريال ...

فلازم نهدي اللعب شوي .. هههههههههههههههه

محبك ابو حمد ....

[راس الرعيلة]

أي والله يبو حمد لو ما نضحك متنا قهر

لكن ما أقول إلا الله يكون بعون اللي دخله قليل وطاروا به هالتجار الله حسيبهم....

والله في المجتمع حالات محزنه ...

الله يكون بعونهم ....

:( :( :( :(

[قبطان البحار]

بأذن الله ماني متغدي الا حمام اليوم خلونا نوزع الارباح اليوم بكرة رمضان كل عام وانتم بخير

[الاشعل 316]

وانا خوك عليك باللااااااااااااااااااااااااااااااااحم

وخذها مني

اخوك ابو سطام

[ولد سبيع]

ابد انبسك والدنيا رايحه