المساعد الشخصي الرقمي

مشاهدة النسخة كاملة : استفسار يا الصقارين لو ماعليك امر


جرودي
22/02/2007, 02:07 AM
السلام عليكم
صباحكم الله بالخير
عندي استفسار صغير حيل معنها اول مشاركه واستفسار الله يعينكم
اسمحولي اول شي اشكرآ القائمين على هذا الموقع ويعطيكم العافيه وماقصرتو والله لو قلنا ماقلنا مانوفي وتسلم يمينكم
ثأنين حلوه ثانين المهم عندي شهانه تبع طولها 13.5 والعرض 13.5 مشكلتها مشكله واحس انها اشهانه البحريه مزاجيه عامتن الشياهين البحريات اللى عندي بحريه بالامس هديت لها زاجل وعلقته بعد سته كيلو وريشها مو صاف عدل بالاحره فيها اربع ريشات ماقطتهم اللى هي الموس والنايفه والثالثه والرابعه المشكله يا اخوان انها هديت لها اليوم الثاني زاجل نفسه ومالحقته حامت على السياره ولا لحقت الزاجل شنو الممشكله هل هو من العلف او الجانح ما يساعد
وللعلم والافاده اني علفتها بعد ماطرحت الزاجل ثنتوتين وقلب وانا علفي الدايم لها ثندوه
وشكرا للجميع وارجو الرد السريع
راعي زيزوم
22/02/2007, 03:12 AM
السلام عليكم ...
الله أعلم ان فيها ( ملوع ) بسبب مطاردتها للحمامة الأوله ، ورايي تعطيها كورس ملوع وتريحها كم يوم
وسلامتك
ولـد الدوادمي
22/02/2007, 03:27 AM
عليك بالتجويع والتلويح ؟

والدعاء
البواردي99
22/02/2007, 03:34 AM
:no2:

حيك الله اخوي انت وجت عليها والشواهين طيور ميزان يعني خليك على وزنه معينه معها ترا ان زت العلف غتيتها ون نقصت اجفيتها خليك على وزن معين ورجو لك الفايده وفالها الصيد والفيد


مع تحيات اخوك
البواردي 99
جرودي
22/02/2007, 04:03 AM
رماع مافهمت وضح لو ماعليك امر
البارح طارح زاجل مسافت سته كيلو وعلقته بسما واليوم مدري شفيها لا نفس طلبها ولا نفس الطيرات
ولد يعطيك العافيه على الرد ولك تبع بس حق سباق مو حق ملواح
البواردي مشكور ولا قصرت
جرودي
22/02/2007, 04:04 AM
يا الربع يعني اذا طردت اكثر من هل مسافه وعجبتني يعني ما اكرمها واعطيها ثنتوتين بعد كل التعب هذا والطيرات الزين ما اكرمها واستمر على عطيتي لها ثنتوه بـس ؟!
طارق الحربي
22/02/2007, 04:22 AM
مثل ماقالوا الاخوان

انت هديت لها الحمامه وسببت للطير ملع وعجز يلحق الثانيه

ريحه كم يوم واعلفه بمقياس واحد لاتكثر
جرودي
22/02/2007, 04:28 AM
يعطيك العافيه ماقصرت طارق بس الله لا يهينك طارق اقدر اكلمك بالاميل
طارق الحربي
22/02/2007, 04:30 AM
salooto@hotmail.com


حياكم جميعا بدون استثناء
جرودي
22/02/2007, 04:33 AM
لاهنت يا بعد حالي
طيرحوران
22/02/2007, 12:20 PM
الأخ جرودي حياك الله
والأخوان ماقصرو وافادوك
وانا اقول شيهانتك الله لايضرها مابها الا العافيه
ومافيها إلا (فسقه)
ولكن انت اعطيتها الثنادي صافي ولا مع ريش
إذا كان معها ريش هل روبجت الشيهانه ولا لا
وبعدين معلفها جسه وشف العلف اللي امس مصرفته ولا لا
عموما اكثر الطيور إذا كانت مبرقعه ماتصرف العلف مثل إذا كان مكشوف عنها
وخصوصا إذا المكان مكتوم مثل غرفه وماشابهها بحيث يكون الجو دافي بها
فحاول بعد كل علف تفرع به اول الليل لمدة ساعه على الأقل وكذلك بعد صلاة الفجر ساعه مع توليع اللنبه عليها
ولا تستطيع ان تحكم على طيار الشيهانه او الحر حتى تعرف مدى حرصه على العلف
اي بمعنى انه إذا كان مبرقع وعلى وكره وصوت له طب من وكره متجها الى الصوت فهذا يعتبر طير هائج ومحتاج للعلف
ارجو اني قد اوضحت لك
وشكرا
أبو رداد
22/02/2007, 03:54 PM
الله يحيك اخوي

والربع ماقصروا
والطير ماهو بندقيه اوسلاح
مخلوق ويتاثر بمسائل كثيره
اذا كان الطير متروك لفتره وبشكل مفاجئ اطلقه على صيده صعبه
واجهد الطير فيها ممكن يتملع مثل ماتفضل احد الاخوان
وممكن الحمامه مصابه في الكوكسيديا واكل منها وانصاب
وممكن انه مامروبج (الشواهين اقل الطيور تتاثر في تاخير الروباجه لكنها تاثر)
وممكن اخلفت في ميزانها
وانا شخصيا اقول شاهين قياس 13 ونصف كثير عليها
ثندوتين زاجل
وانصحك بمراجعة اقرب مستشفى طيور وتحليل الذرق فقط
واذا كانت سالمه
فهي متملعه وعلاجه بسيط
ماء دافي وملح على روس الجناحين وحطها في الشمس
بحيث يصل الماء الى العضلات الي تحرك الجناح
واعطيها راحه يومين ثلاث
وان شاء الله تعود مثل الاول واحسن
جرودي
25/02/2007, 02:41 AM
مشكورين اخواني على الردود الطيبه واللى افادتني الصراحه
وانا مشيت على قولكم ورحت فحصت الشهانه طلع فيها دود وعطها حبتين دود وقالي لا تعلفها اللى بعد ساعتين
وانا علفتها بعد ساعتين بس يا اخوان عندي سؤال انا علفتها ثندوه وامرشت مرش اسود عزكم الله + قطت بعض العلف شي مصيط هل من ضرر ؟؟
والسؤال الثاني قالي تعال بعد 15 يوم وعطيها حبتين هل الطريقه اللى اتبعها صحيح أم لا
وثانين اقدر اهدها على حمام وانتف من الحمام او لا ؟!
الضو
25/02/2007, 01:49 PM
يعطيك العافيه على السؤال نفعنا
جرودي
28/02/2007, 01:00 AM
يعطيكم العافيه وماقصرتم على الردود والشهانه تفداكم ماتت
ومشكورين على التعليم استفدت منكم
صاحب الطير
28/02/2007, 01:32 AM
بعض الصقارين الله يهديني وغياهم.. يكبس العلف على الطير .. ما يخليه يربج..وهذا من الأسباب..
جرودي
28/02/2007, 01:42 AM
لا يا صاحب الطير ماكبست ولا هم يحزنون انا بلغت الدكتور قبل لا يعطيها اني مو معلفها وقالي عادي عطيتها ثندوه بعد ساعتين وماكانت بشهيه اللى اعرفها وقامت تقط العلف بعد ساعتين على شوي شوي الين وصلت للنهايه صبااحن
والعوض عن الوالي سبحانه
صاحب الطير
28/02/2007, 01:48 AM
جرودي..راسلني على إيميلي..alwaeth@hotmail.com
جرودي
28/02/2007, 02:03 AM
ابشرر يا صاحب
راعي دهام
28/02/2007, 11:14 AM
.



الله يعوضك بأخير وابرك منها يا جرودي




لك اطيب الاماني .




.