سلقه مكسوره

[عزام الكويت]

السلام عليكم يا اخوان انا عندي سلقه واهي جروه عمرها 9شهور وانكسرت هالايام ومكان الكسر باليد من المفصل الثاني جبرتها ولكن جبرتي لها ماهي مظبوطه وقام تركض على ثلاث اما يدها المكسوره ما تدوس عليها وديتها للبيطري وقالي لازم اكسرها واحط لك فيها صيخ (حديد على شكل عظم) .. وخليته ورحت للطبيب بيطري ثاني وقالي سوى لها علاج طبيعي لان الاوتار شاده ..
فا ارجو من الاخوان اللى عنده خبره عن الموضوع هذا يفيدنا فيه وجزاكم الله خير
وسوف اعرض لكم بعض الصور لها السلقه اصيله وسلاله عربيه طيبه وانا عرضت اخوانها بالمنتدي ولكم الصور
http://www.mekshat.com/pix/upload/images28/mk46647_abcd0012.jpg

لوتلاحظون الكسر فى اليد اليمنى
http://www.mekshat.com/pix/upload/images28/mk46647_abcd0013.jpg


وارجو الرد ولكم جزيل الشكر اخوكم عزام الكويت

[القحطاني505]

في البدايه اخوي عزام اشكرك جزييل الشكر على اجتهادك وعلى كل مجهود بذلته عضو جديد لكن مشاركاتك كلها طيبه والله يشفي سلقتكم انا بنصحك بشيء العلاج الطبيعي وحط لها حلبه وقشر رمان مجفف ومطحون وامرخ محل الكسر بس بتاخذ منك وقت والله لايهينك

[عزام الكويت]

السلام عليكم .. اشكرك على مرورك اخوي القحطاني بس يا ليت تشرح لى اكثر والمشكله ترى بالاوتار تقريبا شاده واهي ما تدوس عليها لما تركض بس اذا وقفت توقف عليها بس اشوفها جنها اقصر من ايدها الاخري .... يا ليت تشرح لى اكثر اذا كنت مجرب ولك جزيل الشكر.. تحياتي اخوك عزام

[سعدون جابر]

السلام عليكم ورحمة الله وبركاته


أخوي عزام الكويت ولا يهونون باقي الأعضاء دام الكسر جبر بغير محله أو انه جبر بطريقة غير سليمة لابد من الكسر مرة أخرى وأنا أنصحك بالتوجه إلى غير البيطريين لأن البيطري يمكن تكون مجرد مهنة فقط لا غير فأنا أنصحك بالهاوي للسلق ولو كنت عندي بنفس المدينة اللي أنا فيها وديتك لشخص يجبرها صح لمعرفته التامة بمثل هذه الأمور لأنه قبل فترة انكسر عندي جرو طب من صندوق السيارة على صفاة وعمره ذاك الوقت 4 شهور وانكسرت يده وجبرها لي الشخص ورجع السلوقي يركض تمام ولا فيه أي مشكلة .


أما انك تتركها على وضعها هذا ما أعتقد انها راح ترجع مثل ما كانت لأن العظم جبر في غير محله الصحيح .



تقبل تحياتي .

[القحطاني505]

اخوي عزام دامك نصيتني لاتشيل هم اسمع فيييه دهان او عصار ينباع في اي بيطري قله حق العظاام وامرخ رجلها يوميا ولاتخليها تطلع من مكانها وحط لها مع الاكل سحله (طاسه او باديه) فيها حلييب وقشر رمان مجفف في الشمس وطحنه وخلها تشربه وزود عليها الاكل بس بتطول معاك الا اذا تغير الجو الى من بارد الى حار لان العظام في الشتاء .. لان العظام في الشتاء عن نص يوم صييف وانا مجرب مع كلبيين والله لايهينك

[القحطاني505]

واذا مر شهر وماتغيرت الحاله خلها حق نسل واحسبني بجرو منها هههههههههه الله يسهل عليها وماعليها شر

[عزام الكويت]

السلام عليكم .... لاهنتو اخواني جميعا واشكركم على النصيحه وما تقصرون .... بجرب واذا ما نفع اخليها
حق انتاج وابشروا بالخير

[القـــناص]

اخوي : عزام الكويت


انا اعتقد ان السلقه صغيره ,,,

انصحت ماتلقحها ,,, لانه فيه سلقان,,,

انا خابرها يدينها مكسوره ولا يلحقها شئ,,,

وانت ماشاء الله السلقان اللي عندك كثيره,,,

لو انك محتاج ممكن انك تشبيها ,,, وهذا رأيي ...

اخوك : القـــناص

[عبادي 91]

ودها للبيطري الاول وارتاح

[عبدالرحمن السالم]

الله يشافيها بس شفلك محلات او شركات كلاب المعروفه عندكم بالكويت ممكن يفيدونك اكثر من البياطره

[صياد الوعل]

تحيه
انصحك ما تضيع وقتك لا منه انكسر السلوقي ما انفع معه شي لانه يعتمد على السرعه !!!!! خلها للانتاج يعوضك الله خير .

[عافور]

أنا رايي من راي صياد الوعل

[راعي الهدبا99]

اخوي السلق معروفه اذا انكسرت ماعاد يفيدها التجبير وحتى لو جبرتها راح يخف نص ركضها اسال مجرب

[قناص المغرب]

وديها للبيطري ....

كانت معي سلقة نفس المشكل لكنها شفيت وفضلت بالمسامير حتى ماتت
http://www.mekshat.com/pix/upload/images28/mk46647_abcd0012.jpg



http://www.mekshat.com/pix/upload/images28/mk46647_abcd0013.jpg

[عزام الكويت]

اشكرك اخوي قناص المغرب على مرورك بس مكسوره من فتره طويله وتقبل تحياتي

[بو هاشم]

اخوي عزام الكويت لا تتعب نفسك عليها خلها انتاج ماهما سويت ماراح ترجع مثل ما كانت ترى كسر الحيونات ماتقدر تسيطر عليه وتعالجه مضبوط لانه كثيرةالحركه وشكرا

[(القناص)]

الله يستر عليها وترجع احسن من اول

[dark]

اذا حي تعزها وغاليه عندك
ودها للحساء في بيطري مختص هناك
سبق ورسل واحد من الزملاء سلوقيه بس مالله وفق
وبالخير هده

[بو هاشم]

dark
,ويش اسم الدكتور وين يشتغل الله يعطيك العافيه

[dark]

والله معرفه بس مشهور بالاحساء
الكلام هذا قبل خمس اسنين بس مزال موجود

[بو هاشم]

فيه احد من الربع يقدر يجيب لنا معلومات عنه الله لا يهينك ولا يصغرك

[الهوى]

مشكورين....