سؤال

[مدماك]

السلام عليكم ياشباب انا شريت شيهانه قبل اربع ايام فرخ حمراء شوي وحش هي صايده كروان قبل 10ايام بس الي استغربت منه اني جبتلها حمامه في المجلس والشيهانه ماعطتها وجه وش اسوي ارجو الاجابه :confused:

[مدماك]

افا محد عطاني وجه

[خيال الصبحا]

وعليكم السلام

الأخ بالون

أنا أنتظرت أحد
يرد من الي أعلم مني
ولكن شفتهم تأخروا شوي
قلت أرد عليك

أولاً/هل الطيرة كانت مجوعة أو معشيها يوم جبت لها الحمامة؟
ثانيًا/بعض الطيور ماترغب الحمام ، ويمكن تكون طيرتك منهن
ثالثًا/إذا هي صادت الكراوين ، وشوله تبي تدربها على الحمام ؟؟!!يمكن الطيرة ترغب الحمام وتعاف الكراوين ، وتقل
رغبتها للملوح ،لإن الحمام هو الي يخرب الطير على الملواح ، وبعدين الحمام عادةً هو الي ينقل المرض للطيور<<<<<<<<<<أكيد الحين تقول الحمد لله أن الطيرة مارغبت الحمام ههههههههههههههههه

أتمنى أكون أفدتك
وأن كان عندي خطأ
الأعضاء مايقصرون بالرد

وشكرًا

[مدماك]

والله مشكور وما قصرت ويعطيك العافيه الحين ارتحت

[BeLoveLy]

السلام عليكم

اخوي بالون انا ما ازود عن اخوي خيال الصبحا بس كلامه صحيح يمكن تكون معشيه و حرام تخرب طبعها على الحمام دام صايده كروان يعني بالعربي لا تهد الا على كروان و عليك فيها بالملواح و الله يخليها لك و يطعمك من صيدها

[جرودي]

أفحص شهانتك وان شاء الله خـير
وثـانين اشتر لك كروان او اقنص كراوين وشف تهد عليهم او لا
وبتوفيق ان شاء الله

[صاحب الطير]

يا بالون.. الطيرة إستهدت على كروان..فأكيد بتمنع عن الحمام..لكن الجوع يخليها تطلب الحمام..الشيء الثاني بعض الإخوان يوم يكون عنده طير هاد وذابح شيء كبير مثل الكروان الحبارى..يرجع يهده على حمام.. وهذا يطمع الطير في الحمام وكأن لسان حاله يقول: بلا كروان بلا حبارى.. الحمام ولا أزين منه..فالحمام للطيور الفاعلة يخليها تمنع عن الصيد..

وأرجع لمربط الفرس((الصقر من صقاره))

[راعي دهام]

.


اخوي بالون انت ذكرت ان فيها شويّة وحاشه فـ اتوقع هذا السبب
يمكن لها فتره ما هدها راعيها الاول ولا دعاها ..

ان كان باقي فيها وحاشه لا اوصيك بنقلتها لين يطيح اللي باقي فيها من وحاشه
ولا تهدها الا بسبب للتأكيد ..

واتمنى لك التوفيق ولمن يقرى ..




اخوك ..




.