مافائدة الوكيل اذا لم يخدم العميل

[ابوعلي الشمري]

تعطل جهازي القارمن فذهبت الى الوكيل في الرياض لاصلاحة فطلب مني ( 400 ) للبريد غير اصلاح الشركة في لندن يعني يكلف قيمة جهاز جديد الارسال مع الاصلاح علماً بان جهازي له ثلاث سنوات اي الضمان منتهي ارسلة الجهاز مع احد الاخوان الى لندن فاجابتة الشركة بان الجهاز لايمكن اصلاحه سوف نأخذ عليك قيمة الجهاز القديم مايقارب 150 ريال سعودي ونعطيك جهاز جديد مع ضمان علماً باني ملحم الجهاز بسبب كسر فيه اعطيتهم المبلغ واعطوني جهاز جديد نفس المديل بضمان والان معي الجهاز الجديد والسوال الذي اوجهه الى الاخوان الوكلاء هل هذه الطريقة تجهلهم ام انهم لايريدون خدمة الزبون ؟ واذا كانوا يريدون الاطلاع على امري فسوف احضر لهم ضمانهم مع جهازي من الشركة الام 0
والله الذي لااله الاهو ماراردت التشهير ولكن اردت خدمة من اذا ذهب الى الوكيل قال له لايصلح و لايعوضه جهاز اخر 0وياخذ الفرق البسيط كما فعلت الشركة 0

[بـــدر]

الله يعينك اخوي ابوعلي الشمري

ودي انك تعلمنا وش نوع الجهاز ومنهو الوكيل عشان نحذر من التعامل معه مستقبلا ، وبعدين ترى الان في الرياض تحديدا في عده موردين لإجهزة الملاحة وخساره نسميهم وكلاء ما يستاهلون كلمة وكيل.

[حمود الوكاع]

يا اخي ممكن تفهمني ايش المشكلة بالتفصيل وايش نوع الجهاز
وشو عطلو ومين هو الموضف اللي طلب منك هذا المبلغ ؟؟؟
راسلني على اميلي؟
انا راح اساعدك بطريقتي ؟؟.

[أبوكيبل]

أنا من رايي نستبدل كلمة (وكيل) بكلمه أخرى وهي (محتكر)

[القماري]

Originally posted by أبوكيبل
أنا من رايي نستبدل كلمة (وكيل) بكلمه أخرى وهي (محتكر)

[خشم الحصان]

الاخ الغالي
ابو علي الشمري
السلام عليكم
اخي الفاضل وش المشكله وش الي مزعلك احمد ربك ان الجهاز خرب بعد الضمان ولا لو هو خربان وفيه الضمان كان علوم لكن تعال ننقش كلامك.
بس وش نوع الجهاز هو من النوع الغالي او من النوع الرخيص يعني نبي نخمن
الجهاز خرب بعد الضمان يعني مالك ممسك عليهم ولو خرب وفيه الضمان الله يعينك علي التلتله وتقطيع الازره وكل يوم يابو علي باكر
المبلغ 400 ريال زده 100 وشتر جديد وريح رجلاتك من التردد عليهم
الجهاز بدزونه لندن للشركه يعني الي عندنا شركة طل .................... او وكيل معتتتتتتتتتتتتتتتمد طليل
بعد عساء مايحسبون عشاء وغداء المهندس الي في لندن وبطلاته علي حسابك
الحمد الله انم لقية واحد بيروح لم لندن درية هذاهم قالو لايمكن اصلاحه يعني ربعنا يعرفون الشي من النضره
مادام ان الشركه بطعطيك جهاز جديد بس تدفع الفرق ونفس المديل زين والله جاك يامهنا ماتمنا النقليز مايهمهم
متكسر او متكسر الي يهمه اسلوب التعامل وكسب الزبون.
اما قولك ان الي عندنا يجهلون الطريقه حقة النقليز او لايردون خدمة العميل فلا تظلم بختك ربعنا الوكلاء يكرهون كل شي قديم يعني لاتقول عندي جهاز قديم يجيه عقر بقر او جنون البقر لئنه بصرف البضاعه الي عنده علشان يستورد شي جديد والي انباع في ابليس وبو زنه .
ياخيي لاتجيب اثبات ولا شهود منتاب لقي شي لو معك صك اعسار.
حتي لو قابلة المدير العام او حق هالسنه بيقول اذا لقيته طيب وبعدين حنا عارفين انهم يسون كذا في لندن
الاخ القماري
الاخ ابو كيبل
السلام عليكم
سعيد اخو مبارك يعني وكيل اومحتكر ههي مهنا فرق
الاخ حمودالوكاع
السلام عليكم
من انت الله يكافينا الشر وشي طريقتك الخاصه مجرد سوال بري من واحد بري انت من الشركه:mad:
الاخ بدر
السلام عليكم
اخوي مالك الا خشمك ولوهو اعوج كل واحد ............. اردا من الثاني ذبحونا وكلاء وكلاء قالو صفو صفين
قالو كلبونا اثنين يعني ان رفعة دار........... وان طمنة دار...............