يا جماعة الخير أذكروا الله .. ما أمداني

[سعدون جابر]

السلام عليكم ورحمة الله وبركاته

اخواني أعضاء المنتدى أول طلعة لي بعد ما نزلت صور سلقنا الخاصة وهو اليوم التالي من إنزال الصور في منتدانا الموقر ما رجعت من البر إلا والسلق كلهن الثلاثة ريمآن وسمر وشعلان جروح وانا كنت ناوي أشارك في مهد الدوادمي الخميس الموافق 11/2/1427هـ لكن بعد الإصابات اللي حصلت للسلق ما ظنتي :(


فاللي يعجبه شيء من الصور عليه بذكر الله


والله يا بعضكم يصك بالعين بالصورة هههههههههههههههههه والله أعلم :rolleyes:

هذي صورتين لشعلان بعد إصابته وراح أنزل صور لريمآن وسمر كذلك وهن باصاباتهن :(


http://www.upload.ps/uploads250207/9d02e08a53.jpg

http://www.upload.ps/uploads250207/8c63c42870.jpg




ويعطيكم العافية .

[القاسمي]

يعطيك العافيه اخوي سعدون واكيد انك من هواة صيد التعالب لان ما يصاب السلوقي كذا في كفه اللى من الاراض العسره والسلوقي
اذا هاجمه حيوان تصير الدعوه ما هي صيد تصير الدعوى دفاع عن النفس ويتهور السلوقي ويعطب نفسه وما ابى اخوفك ولاكن اصابة شعلان في كفه مشكله واذا ما اعتنيت بها حتى تشفى مره كل ما يطرد رايح يؤذي نفسه مره ثانيه ويعطيكم العافيه جميهاُ

[سعدون جابر]

يعطيك العافية اخوي القاسمي على المرور والتعليق .

[القحطاني505]

سلقان طيبه واللهم صلي على النبي والله يشافيهن ويرجعون لك احسن من اول ولاهنت

[الحايليـ93]

لااله الا الله ماشاءالله

[sasasasas]

الله يعوضك في مهد

ان شاء الله وان ان شاء الله يكون من نصيبك

[ابو شكاع]

http://www.mekshat.com/pix/upload/images28/mk2388_8c63c42870.jpg

أحس إنك مبصمه .... شكلك شارين منه عياله بأخو بلاش وهاكن عليه ومبصمه عند كاتب العدل :D
ماشاء الله تبارك الله ....
طول بالك ... وترى مثل هالأمور تحصل ... حتى لو مانزلت صور
والله يكون بعونك

[سلطان العوني]

ما شاء الله تبارك الله والله اني اذكر ربي على سلقكك وسلق غيرك من الاخوان وما اقول الا الله بشافيها وتهدها على 2000ضبي
اخوك سلطان

[فتى الساروت]

اخوي وده لأقرب بيطري

قبل لا تعيب يدة

هاذي نصيحتي ونت كيفك

وبعدين وراك حاطة بمخزن ولا على بلاط

حطة فوق نثيلة الله يجزاك خير

ولا بتعيب يدة صح

لك خالص تحياتي اخوك

فتى الساروت

[راعي الفلوجه]

ما شاء الله تبارك الله ..
وما يرى باس هههههههه

[سعدون جابر]

يعطيكم العافية الجميع على هالردود الطيبة
بيض الله وجيهكم يا اخوان

[داعي الطير]

ماشالله تبارك الله عشان ماتقول اني ناظله هههههههههههههههه

[سعدون جابر]

تسلم يالغالي داعي الطير شرفتنا بمرورك الكريم

[عاشق السلقان]

مرحبا
حبيت اسئلكم ياشباب ايش هذا الحبر الازرق

[سعدون جابر]

ياهلا وغلا باخوي عاشق السلقان

هذا عبارة عن بخاخ يستخدم لجميع الجروح والفائدة منه تنشيف الجرح وتطهيره .


يعطيك العافية على المرور الكريم .

[weather]

بسم الله الرحمن الرحيم

أيها المسلمون :
الجروح تطيب بالمكروكروم أو غيره .
لكن جروح النفس ما تطيب الا بذكر الله .

[جبل راف]

ماشاء الله سلقان طيبة وانا ايش دراني

[فهد222]

السلام عليكم السلوقي بهالاصابه ماتعيب يده(اسئل مجرب ولاتسئل طبيب)
معليه انشالله(اعتن فيه بس وعليك بابخاخ الازرق هذا

ويليت نكووون افدنااااك

[شليويح السر]

فتى الساروت


هالاسم مهوب غريب علي

[عاشق السلقان]

يعطيك العافيه ياسعدون انشالله ماعليهم شر السلقان وعسى الله يشفيهم .

[سعدون جابر]

جزاك الله خير اخوي ويذر ومشكورين البقية على المرور شرفتونا .

[بو هاشم]

مشاءالله والله يكفيه الشر وعافيه ويشافيه هالله هالله بسلق المهدات انشاالله لحق عليه

[سعدون جابر]

جزاك الله خير اخوي بو هاشم شرفتنا بمرورك وابشر بالخير إن شاء الله .