متى تشغلون المكيفات بالرياض ؟؟؟

[abu salim]

أقصد مكيفات البيوت ولا السيارات هين حتى في عز الشتاء نشغلها .

بالنسبة لي أول يوم من أبريل المكيفات شغالة وهالتاريخ حاطه للعيال ومعروف عندهم
لكن بعض الأعوام من عشرين مارس وانا وياهم هوش على المكيف .. طبعا ما هو بخل ياخوان ولكن خايف على صحتهم .


ورأيي في الرياض أنها تبدأ التشغيل في أول أبريل وتطفأ في أول أكتوبر



فما رأيكم إخواني الأعزاء ؟؟؟



ابو سالم

[@أبو زيد@]

والله وانا اخوك حنا ماننظم وقت لتشغيل المكيفات

لأنها عادة ماتكون الاجواء متقلبة او مختلفة

مثلا : تجيك سنه باردة وماتشغل المكيف الا في ابريل

واحيانا تجيك سنه حارة مثل هالسنة في فبراير وصلت الحرارة في احد ايام الاسبوع الماضي 35 درجة في الرياض

وشغلت الناس المكيفات ,,,

فمثل هالاختلافات لاتستطيع تنظيم وقتك ...

وانا اتفق معك اني راح اشغل المكيف في بداية ابريل ,,, ماودي احدد واقول اليوم الاول منه يمكن يطلع فيه نسناس بارد

ولكن اقول في البداية ,, لان الشمس سوف تتعامد على مدار السرطان وتبدأ الرياح تسخن تدريجيا ,, والله اعلم

[azozy]

في رايي ان الجو بشكل عام هو المحدد لمتى يتم تشغيل المكيفات على البارد وقياسا على الاعوام الماضية اتوقع هالسنة ان اللي بيعطيه الله عمر بيشغلها في آخر ابريل

[@أبو زيد@]

في رايي ان الجو بشكل عام هو المحدد لمتى يتم تشغيل المكيفات على البارد وقياسا على الاعوام الماضية اتوقع هالسنة ان اللي بيعطيه الله عمر بيشغلها في آخر ابريل

لا يابعد قلبي ,,, :D

ان الله عطانا عمر واياك وجميع السامعين

تبي تحتر هالسنة في مارس بعد يمكن في الثلث الاخير منه على بداية ابريل ,,, والدليل ان الجزيرة العربية

دخلت ضمن النطاق الحراري في الاسبوع الماضي وحنا في فبراير وشغلنا المكيفات وكان جو صيفي بالفعل ,,

[أبـو فـايـز]

هالسنة من فبراير وحنا نشغل (في الرياض)
صحيح الجو يكون زين برا يعني 21-25 درجة بس هذا في الهواء الطلق بس اللي بين 4 جدران ينكتم ويضطر انه يشغل المكيف

[عيناوي]

انا عن نفسي مابعد شغلت التكييف
لكن اخواني مشغلينه من فتره والله

يعتمد...كلٍ و طبيعة الجو الي يحبه

سلمت و
فالك ما يخيب ان شاء الله
:)

[بيرق العزة]

ساد خلكم من قالكم ما تسكنون بشمال الرياض واجهتكم شمال ايضا والدريشه مترين في متر ونصف وتفتح الدريشه وتمدد كراعينك في براد ربي مكيفات من هالحين والله الطفاقه وش انتم عجلين عليه على الصرفيه ودوخت الراس الوعد قدام جايك الصيف يابشبش

[imksa]

بعض الشباب يقول


اشغل المكيف في الظهر على البارد


وفي الليل اتلحف بكمبل :)

[ابوفهد5599]

انا من يومين وانا مشغل المكيف 0المشكله برا برد وداخل البيت حر0 :confused: :confused: :confused:

[الجياشي506]

انا من يومين وانا مشغل المكيف 0المشكله برا برد وداخل البيت حر0 :confused: :confused: :confused:

انا اعجل منك مشغله من اسبوع ذبحنا الحر

[abu salim]

مشكورين ياخوان على التفاعل والردود


والظاهر ان الرياض جوها ما هو واحد يعني اللي داخل الرياض مشغلين المكيفات واللي على الأطراف باقي شهر

وانا اقول عكس ابو فهد وابو شنب داخل البيت برد وبرا حر اذا طلعت بالسيارة شغلت المكيف وإذا رجعت للبيت لبست ثوب شتوي .. الجدران تحتفظ بالبرودة


واما قول اخوي imksa صحيح بسبب فرق الحرارة بين الليل والنهار وخاصة خارج البيوت ... وللأخ عزوزي .. ما اتوقع أحد يبقى بعد واحد ابريل ما شغل المكيف أنا ساكن الرياض من 1408 هـ


وشكرا للجميع .

[المتامل]

الاجواء حلوة بالرياض والشرقية
لكن بالنسبة لتشغيل المكيفات فاعتقد انه بعد برد العجوز وبنرجع لعدة ايام لدفايات والملابس الشتوية اللي رح يكون نجمه ثاني نجم الحميمين ( المقدم ) ويبدا من 3-ابريل لغاية 16-ابريل

وبعده بيكون تشغيل المكيفات بفترة الظهيرة فقط اما العصر والليل والصبح فالجو بيكون معتدل وانا اتكلم عن الرياض والشرقية لمعلوماتي عنهم


وشكرا

[بيرق العزة]

الاجواء حلوة بالرياض والشرقية

لكن بالنسبة لتشغيل المكيفات فاعتقد انه بعد برد العجوز وبنرجع لعدة ايام لدفايات والملابس الشتوية اللي رح يكون نجمه ثاني نجم الحميمين ( المقدم ) ويبدا من 3-ابريل لغاية 16-ابريل

وبعده بيكون تشغيل المكيفات بفترة الظهيرة فقط اما العصر والليل والصبح فالجو بيكون معتدل وانا اتكلم عن الرياض والشرقية لمعلوماتي عنهم


وشكرا

ماعتقد بنشغل الدفايه ونطلع الفروه بعد هذا الوقت الا الشتاء القادم اذا الله احيانا واحياك

[عالي الشان]

انا والله لي اسبوع وانا اشغله 24 ساعه

بيني وبينك وسط البيت موت حر :)

[المتامل]

ماعتقد بنشغل الدفايه ونطلع الفروه بعد هذا الوقت الا الشتاء القادم اذا الله احيانا واحياك


كل شي جايز يالغالي
بس لا تنسا برد العجوز وخصوصا انها بتجي بعد ايام دافية يعني برد على غفلة
وهذا مايجعل الاحساس ببردها قارس قليلا

والله اعلم وكل شي جايز

تحياتي

[صريح جدا]

ياناس وش فيكم تونا على الصيف باقي ثلاث شهور
صدق من قال : بيعة الخبل عباته

[abu salim]

العجايز صابت السنة هذي

وهي ثلاثة أيام من فبراير وأربعة أيام من مارس

والجو له ثلاثة أيام عاصف وبارد واليوم السبت بادرد جدا مع صلاة الفجر ... بدري على المكيفات .