تقلب مزارع تمير الى متنزهات بسبب........

[ابوعلي ب]

كان الناس على شغف ولذة لقدوم يوم الخميس لقضاء رحلة برية (كشتة) في متنزهات تمير الخضراء ولجني الكماء (الفقع) ولاكن وبعد طول انتظار فوجى الرحالة بيوم لم يتوقعوه صباحه هواء قوي و حزة اصلاح الكبسة عج ماتشوف البصل الي تقطعة ... الخ ولكرم اهل تمير كما عودونا وجهو الناس لمزارعهم وردو لزوار مدينتهم الفرح والسرور

[الأبرق]

بيض الله وجيه أهل تمير على حسن الضيافة



وبيض الله وجهك أبوعلي على على حسن استقبال الناس

[تميرااوي]

الحمد لله على كل حال واليوم بصراحه مو يومكم يأهل البر

[شخاط]

مهيب غريبه على اهل تمير الكرام

ولانسينا مواقفهم حين حاصر السيل الناس في الشوكي عام 1418

سمعنا العجب ممن كان هناك ..

وتراني منيب من اهل تمير عشان لاتقولون يمدح ربعه :d

[النصوح]

معروف عن أهل تمير الطيب والكرم وحب الخير منذ القدم

[العليمي]

بيض الله وجيهم . وعز الله ان هذي هي افعال الرجال . موب بعض الناس الله يهديهم يضايقك في ارض الله الواسعه و يقلق راحتك بـــ وش عندك ؟ وش تسوي ؟ ليش جالس هنا ؟ و توصل فيه الردائه انه يقول قم من هذا المكان ، والله مرت علينا هالمواقف هل ضاقت عليه ارض الله الواسعه ، او انه ملك الكرة الأرضيه بنقصان عقله و ثقافته . والله انه موضوع مقلق و حاصل للأسف ... ما اقول الا حسبي الله و نعم الوكيل على هالأشكال والله يرد كيده في نحره من ضيق على أخوانه المسلمين في ارض الله الواسعه ..

[ابرق العزاف]

هكذا العرب الاصلاء تجدهم اوقات اللزوم؟؟؟

[قسوره2006]

صحيح كلامك اخي (( العليمي )) وتقبل الله دعائك وافضل من ذلك نقول الله يهديهم ويدلهم لما فيه خير


وجزاك الله خير

[شخاط]

للرفع

محبه لاهل تمير

[باب هداج]

بيض الله وجيه أهل تمير على حسن الضيافة