الان امطار متوسطة الى شبة غزيرة في البجادية الخير مقبل على الدوادمي والرعد يسمع والبر

[مطارد البروق]

السلام عليكم ورحمة الله وبركاتة

ابشركم ياخواني الاعضاء والضيوف من قبل حوالي ساعة امطار متوسطة الى شبة غزيرة

على البجادية والقرى المحيطة بة الشوارع تمشي والمرازيم تصب والارض نقعت والسكك تمشى

على خفيف مصحوب بالرعد والبرق والان السحاب مصطك في في القبلة والشمال الغربي والجنوب

الغربي من المحافظة بسحاب اسود مظلم والرعد يسع الان في الدوادمي وهو بعيد والبرق يسمع بوضوح

وسوف اوفيكم بالجديد عينة عودتي وانا الان متجة في الاجزاء الغربية من المحافظة لانة السحاب

اسود ومظلم بالحيل والبرق اشوفة من تلك السحابة وسلامتكم

وتقبلوا ازكى واخلص تحية من اخوكم ابونواف

[صوت المطر]

مبروكين أخوي مطاردالبروق على هالخير المقبل وياليت تعطينا تقريرك المميز والمصور ..

[@أبو زيد@]

الله يبشرك بالخير يابونواف

والله يجيب الخير

[نعمان الفهمان]

الله يبشرك بالخير

دفنا العج اليوم بالتنهات والارض بدت تنشف

الله يغيثنا

[الجياشي506]

الله يبشرك بالخير اخوي مطارد البروق ترجع بالسلامة

[العنبري1]

الله يبشرك بالخير يابونواف

والهواء عندنا نشطت كثير وبدت تميل غربي

والله يجيب الخير

[بن سعيّد]

والبرق يسمع بوضوح



هههههههههههه الله يوسع صدرك بالعافيه

واخبار طيبه الله يبارك فيك ويبارك فيما طاح ويزيد

[رحال الأندلس]

الله يبشرك بالخير
جزاك الله خيرا

[الوافي88]

الله يبشرك بالخير

[مرفــأ]

عطنا الأخبار أول بأول وبالتفصيل

وبشرك الله بالخير

[تمرااااوي]

الله يبشرك بالخير

[مراسل/مكة]

الله يبشرك بالخير وانشاء الله يرزقكم الله با الخير ويشرح صدوركم

[دوادماوي]

من امس العصر والجو فيه كدرة وبالليل جانا هوا قوي ...

واليوم بين العصر والمغرب الساعة 5:20 م جتنا مطره طيبة متوسطة استمرت مابين عشر الا ربع ساعة , نقعة منها الشوارع ...

الجو رائع وهذي صورة اخذتها على الطاير من الشارع العام في الدوادمي اليوم ...



http://gamran.jeeran.com/photos/130028_l.jpg

[ولد الصحاري]

الله يبشرك بالخير

[وسم الصمان]

السلام


بيض الله وجيهكم كلكم

مطارد البروق

دوادماوي

وأشكركم على الدقه والصور , انا في نصف المسافه بينكم

وجانا ( صبة المثعب ) والحمد لله , انغسل الجو كله

وتبدل ريح الغبار بريح الندى والأمطار

[أبــوريـــان]

الله يبشرك بالخير يابونواف

وتقرير وافي

وجزاك الله خير

[سواح 2006]

مبروكين أخوي مطاردالبروق على هالخير المقبل وياليت تعطينا تقريرك المميز والمصور ..
الله يبشرك بالخير

[مطارد البروق]

السلام عليكم ورحمة الله وبركاتة

مساكم الله بالخير جميعا ياخواني الاعضاء والضيوف وبارك الله فيكم اينما كنتم جميعا

اولا - اشكركم جميعا ياخواني الاعضاء والضيوف على مروركم على هذة

المشاركة 0 واقول لكم بيض الله وجهيكم وطيب الله فالكم على هذة الردود الطيبة والغالية

علي 0 ثانيا - نحمد الله ونشكرة على هذة الامطار والخيرات ونسئل الله المزيد من فضلة اللهم

آمين 0 والله الحمد والشكر من قبل ومن بعد على هذة الخيرات 0 فقط هطلت امطار بعد عصر هذا اليوم الى

قبيل مغرب هذا اليوم بدائق 0 وشوهد البرق مع مغرب هذا اليوم الخميس في اجزاء متفرقة وتقريبا في

اغلب الاتجهات والله الحمد والشكر0 اعتقد والله اعلم ان اغزر الامطار كانت في الاجزاء الغربية من

المحافظة بعد عصر هذا اليوم من تقريبا البيضتين وتبعد عن الدوادمي 10 كيلو الى البجادية وتبعد عن

الدوادمي قرابة 63 كيلو 0 ففي البضتين الشلالات تصب والضلع حول والدعوب القريبة منة سالت من

الضلع 0 ومن البيضتين الى مفرق المطار والمسافة اللي بينهم 10 الى 13 كيلو امطار متوسطة السفلت

يمشي واكتاف الخط تمشي والارض منقعة وتشوف وجهة المطر على الارض 0 ومن مفرق المطار الى

البجادية والمسافة اللي بينهم تقريبا 40 كيلو امطار غزيزة الى شبه غزيرة مرورا بمفرق الشعراء القديم

والعبارات اللي عندة ماشية على خفيف والدعوب والشغايا ماشية والسكك ماشية كذلك والارض منقعة

وبعض الحفر فية موية هذا الكلام وقفت علية بنفسي بعد صلاة العشاء الى البجادية 0

كذلك يذكرون لي من احد الثقات امطار متوسطة نقعت منة الارض وتشاهد وجة المطر على الارض في

عصير وقبيل المغرب من هذا اليوم في الاجزاء الشمالية من المحافظة نواحي الشرف وخط البيب واعتقد

الضال كذلك وكلهما يبعدون عن الدوادمي من 10 الى 15الى 17 كيلوا

وسلامتكم يالغالين جميعا 0

وتقبلوا ازكى واخلص تحية من اخوكم ابونواف

[المكظم]

جزاك اللة خير كفيت ووفيت في هذاالتقرير المفصل

[سعد777]

بارك الله فيييييييييك والله يجعلها امطار خير وبركه

[النصوح]

عافاك الله يا مطارد البروق وما قصرت الله يجزاك خير

أنا أمس في عبلة وضاخ وأشوف السحاب بدأ يزين من بعد الظهر خاصة على جهة الجنوب الغربي

وتوقعت الأمطار والعلم عند الله إنها تبي تهطل على القرين الجنوبي والبجادية وامتدادها يبي يكون جهة الدوادمي

والآن أنت أعطيتنا الأخبار الحلوة والمفرحة الله يفرح قلبك بالإيمان وطاعة الرحمن يالوجه الطيب

[مدار الجدي]

ماشاء الله عليك أخي الغالي ابو نواف
تقرير جميل جدا ومتابعة رائعة ..
بارك الله فيك يا سفير الدوادمي الأول