هدد خاص بمنتدى مكشات

[abo gareeb]

أولا أمسي على الجميع بالخير حبيت أطرح فكره ليش ما ننظم هدد يشارك فيه أعضاء المنتدى فقط ويكون فيه جوائز رمزية أومالية ويكون المشرف على الهدد أخونا طلو والهدف هو جمع الوجيه الطيبه شرواكم-والله يوفق إنشالله - أخوكم أبو غريب

[sasasasas]

انا من المؤيدين للهدد

بس الهدد عليه له رسومه ولا بلاش

واذا كان بلاش

انا من المؤيدين ولا بعد بشده

[dark]

فكره حلو جدا
وايدها بشده
بس اصبر علي لاين احصل سلقه

[abo gareeb]

أنا مستعد أتبرع بالظبي والهدف مثل ما قلت إجتماع الوجيه الطيبه

[dark]

والله مقصر وش تبون حطوا موعد قبل الحر

ومالكم علي لااجي اشجع بعد :d

[ولد أبوي]

السلام عليكم ورحمة الله وبركاته
أنا من المؤيدين للهدد واعتبروني من أول المشاركين ماعليكم الى تحددون لي المكان
والحماس والله لشوفة النشاما والوجيه السفره ولا الهددات واجد
والله يعطيك العافيه على الراي الجميل

[عاشق سفر]

والله دام الهدف هو اجتماع الوجيه الغانمة اكيد مايبغالها كلام.....موااااااااااااااااااااااااافق ومؤيـــــــــــــد وبشده

[سلطان العوني]

هلا وغلا اخوي ابو غريب انا طرحت موضوع قبل اسبوعين تقريبا انا نتجمع في استراحه منها ندرب السلق ونحل مشاكلها جميع امراض شبي تدريب كل ما يتعلق فيها والصراحه قليل اللي تفاعلو معي وايدوني والصراحه ما قصرو وبيض الله وجيهم وانا اعتذر اني ما اتصلت على احد بحكم اني ابي اشوف الشباب الباقين والصراحه ما شفت احد منهم تفاعل معنا
وانا اأيدك بشده على موضوعك وحبك للنشاما شروا اخواني اللي بالمنتدى وانا معكك لكن سلق ما عندي حاليا الا جرو واحد
وانا اسف على الاطاله والعذر من الله ثم منكم
اخوك سلطان

[dark]

اجتمعوا علي هدد الغزال اتبرع فيه الرجال
نبي نشوفكم بتجون ولالا
واذا بيوكلني ابو جريد
ابحدد لكم وقصاكم علي حدكم
الهدد يوم الخميس بتاريخ 18/2/1428هـ الموافق 8/3/2007م
بعد صلات العصر
والمكان يحدده ابو جريد
والراي الاول والاخير له بصفته المقترح وصاحب الضبي
وش قلتوا؟؟؟؟؟؟؟؟؟؟ موفقين يحط ابوجريد العلان بنفسه في العامه ويحدد
ويحط ملاحظه(من لايحظر يحلاق شاربه) مع تحيات سعدون جابر <<==== الفتوه حق خيمتنى

[عزام الكويت]

السلام عليكم ... الفكره جيده بس انتم راعوا بعد المسافات بين الاعضاء يعنى بعضنا بالشمال وبعضنا بالجنوب وبعضنا بالكويت ... راعوا بعد المسافه او حددوا المكان عشان الكل يعرف يقدر يأيد والا لا وهذا رايي وتقبلو تحياتي

عزام الكويت

[dark]

اخوي عزام الكويت ان اهزهم بس ابي شوف الي جاد
بس مبين عليك صامل من جد
:) تبينا نخره شوي بتجيه من الكويت مشاء الله عليك

[عمدة مكشات]

قواكم اللــــه والله يعطيكم ألف عافيــــــــــه يارب


أخوي أبو غريب ما قصرت وبيض الله وجهك


أخوي dark أرى ان الوقت مناسب جداً ومن جهتي أقولك :
موافق
مووافق
موووافق
مووووافق
موووووافق
مووووووافق
موووووووافق


وتقبلوا تحياتـــــــــــــــــــــــــــــــي

[عبدالرحمن السالم]

الهدد يوم الخميس بتاريخ 18/2/1428هـ الموافق 8/3/2007م
بعد صلات العصر

الله يعطيكم ألف عافيه ياجماعه الخير .. وألف شكر لكم على الفكره الطيبه ..

انا بصراحه ابى اقولكم الموعد هذا مناسب جداً بأن الواحد يشارك فيه فرجاء

تعتمدون هذا الوقت واليوم والتاريخ ..

وانتم براحتكم ..

وألف شكر لصاحب الفكره ..

أخوكم / دحيم

[الشامي1]

السلام عليكم ورحمة الله اخواني الاعزاء
اولا هذي اول مشاركه واعجبت صراحه بهذا الموضوع
وبصراحة انا من المؤيدين بشده لهذا الموضوع ولكن
ياليت كل واحد منا يحدد مكانه لكي يتم تحديد الموقع
على حسب نسبة المشاركين في المنطة.(هذا بالنسبه للموقع)
وفي المرحلة الثانية يتم ارسال رسالة على المنظم
بالموافقه النهائي اوعدم المشاركة بعد تحديد المنظم الموقع
لمعرفة عدد المشاركين .............. وشكراً
#ملاحظة. الإتصال بالمنظم يتم بالطريقة اللي يختارها
سواء بالجوال او عن طريق المنتدى او البريد الخاص

[بندر 2005]

السلام عليكم ورحمة الله وبركاته
أنا من المؤيدين للهدد واعتبروني من أول المشاركين




اخوووووووووووك بندر

[abo gareeb]

مساكم الله بالرضا والعافيه-العذر والسموحه على التأخير -أقترح ان الهدد يكون فالرمحيه لأنها أفضل أرض للهددات ويكون الخميس أول الشهر الجاي بعد ثلاث أسابيع انشالله عشان يكون فيه وقت كافي لتجهيز السلق-واللي عنده رأي أو اقتراح لا يبخل علينا

[dark]

شورك وهدايت الله


الموعد
(( الخميس بتاريخ 3/3/1428هـ الموافق 22/3/2007م الوقت بعد صلاة العصر بضبط
الحظور قبل صلاة العصر بساعه ))
مستلزمات الحضور سلوقيك ودلة شاهي وقهوه وفرشه
كلن يشيل من طرفه حتي تزين الجمعه

[الرسام]

مشكور يا ابو غريب على الاقتراح والظبي
والشكر موصول للشباب على تفاعلهم وعلى حرصهم على الاجتماع بالوجيه الطيبة
وانا اقترح يكون في السعيره : عن الرياض 350 ,وعن الدمام 300 ,وعن الكويت 300 ,وعن القصيم 300 ,المسافات كلها تقريبا ليس بظبط
والوقت بعد اسبوعين(15/3/2007) قبل بداية الحر و يكون في وقت كافي لتجهيز السلق
وانا جاهز في اي وقت
اخوكم الرسام

[ولد عنيزة]

السلام عليكم ورحمة الله وبركاته
انا من المؤيدين لهذه الفكره تراي امتحمسسسسسس بسرعه متى الهدد

[عبدالرحمن السالم]

الله يعطيكم ألف عافيه اخواني .. لكن حددو بالضبط متى موعد الهدد .. عشان نعرف
يمكن فيه احد مايقدر الخميس وياليت تكون في اماكن قريبه من الرياض لاني بطلع من الدوام وبدعس لكم ..

ومشكورين مقدماً.

[بو هاشم]

انا ايدكم على الفكره الجيده وعتبروني من اول المشاركين بس لايكون بعيد عن الشرقيه

[القحطاني505]

والله نأيدك وودنا والله نتعرف على الوجيه الطيبه ويعطيك الف عافيه

[عبدالرحمن السالم]

مساكم الله بالرضا والعافيه-العذر والسموحه على التأخير -أقترح ان الهدد يكون فالرمحيه لأنها أفضل أرض للهددات ويكون الخميس أول الشهر الجاي بعد ثلاث أسابيع انشالله عشان يكون فيه وقت كافي لتجهيز السلق-واللي عنده رأي أو اقتراح لا يبخل علينا

احس حل هنا في الرمحيه

[طلحة]

هل المتفرجين والمشجعين مدعوين وإلا الدعوة مقصورة على راعين الهدد

[dark]

اكيد لازم جمهور ولا وش فايدت الهدد
لازم شهره
==========================
ياحليلنا يااهل سعوديه نخطط اسبوع علشان هدد واحد
واهل قطر اسبوعين هدد بدون اجتماع رساله واحده وتجمع 100 سياره

[عمدة مكشات]

مساكم الله بالخيـــــــــر ..


أرجو تحديد الموعد عاجلاً ليتم التجهيز بناءً على التاريخ

وأنا أؤيد رأي أخوي أبو غريب يكون بالرميحه لمناسبة أرضها للهدد ، ورأي أخوي dark بخصوص الموعد بتاريخ 3/3/1428هـ .

ودمتم ،

[عروق الدهنا]

يعطيك العافيه اخونا ابو غريب على الاقتراح اللي يبيض الوجه وعلى تبرعك بالظبي
بس ياليت ياخونا ابو غريب تحدد المهد كم كيلو عشان نعرف نشارك بقوام ولامسد
ولك جزيل الشكر وترانا حاضرين بلي تبي


والسلام ختام

[abo gareeb]

الله يمسيكم بالخير-الموعد إنشالله الخميس 3\3\1428بالرمحيه بعد صلاة العصر وياليت الحضور يكون مقتصر على الأعضاء المشاركيين واللي يعز عليهم فقط لأننا ما ودنا بالجمهره عشان ما يخرب الهدد-والله يوفق إنشالله

[abo gareeb]

بالنسبه لمسافة الهدد مفتوحة للي يرد الظبي أو اللى يقضبه

[dark]

جعلك علي القوه
وسمحوالي بصير متفرج بس

[راعي الهدبا99]

فكره جيده والله يااخوان واذا صار شي بلوغنا بس نبي نشارك...............
ونتحدى اخوانا حقين المنتدى .........
تحدي شريف............طبعا
اخوكم راعي الهدبا.......
وشششششششكرا

[عافور]

الرمحية وينها

[عمدة مكشات]

مساكم الله بالخير .

وموفقين خيــــــــر ان شاء الله ، واذا تامرون أي شيء أنا مستعد .


أخوي / عافور وين موقعك علشان نوصفلك ؟

[dark]

عسي راعي مليون يحضر
ابي شوف القصيده ثابته ولالا :)

[صياد الوعل]

تحيه طيبه للجميع

يا جماعه نحن هنا ,,,,,لو تحديناكم بتزعلو علينا لكن راعو المسافات ,,,نحن بالحجاز نحب نشارك ,,, و لو كان الوصف واضح افضل,,,كذلك التنظيم مهم لاني بصراحه مثل غيري نخاف من كثرة المواتر و الفوضى ,,,,
اتمنى تحديد عدد السلق بعد احصاء المشاركين ,,, لانه غير معقول نشارك بألف سلوقي ,,,!
ارجو من المشرف طلو,,,,,تثبيت المشاركه حتى انتهاء الهدد لاهميتها ,,,,

[987]

السلام عليكم

ممكن تصوير الهدد فيديو وصور ليتفرج جميع اعضاء المنتدي

[حرف العين]

السلام عليكم ورحمة الله وبركاتة

اخواني انا راح اقترح عليكم اقتراح وارجو ان يفيدكم بعض الشي:

1-تقسيم السلق بمجموعتين اي مثال 10من السلق في مجموعه و10من السلق في مجموعه اخرى المجموعه الاولى من اهل الجنوب والمجموعه الثانيه من اهل الشمال يقام سباق لاهل الجنوب ويكون في منطقه قريبه لهم ويقام سباق لاهل الشمال ويكون في منطقه قريبه لهم ويصعد الاول والثاني من المجموعه الاولى ويصعد الاول والثاني من المجموعه الثانيه للسباق النهائي .
ملاحظه في هاذه الحالة تستفيدون من قلة السيارات ويكون الهدد منظم ويكون السباق قريب لكل الطرفين اهل الشمال واهل الجنوب .

2-لابد من وجود ظبي قوي لانه اساس المهدات والسبب الرئيسي في نجاح المهد .

3-بلنسبه للمسافه والامور الاخرى تتعلق بل منظم .

ولكم جزيل الشكر

[عافور]

موقعي الأحساء ياعمدة مكشات

[(القناص)]

والله يا عيال ودي بس يوم الخميس مقدر واللله لان عندي شغل ضروري
واذا جا مهد ثاني علمونا

[ابوعزيزm]

وش صار عليكم . .

ما أتفقتوا على شئ محدد . .

راح يجي التاريخ ويروح وأنتم كل واحد يعطي رأي . . :)

لآبد يكون هناك قول الفصل . . .

بإنتظاركم . . :)

[عبادي 91]

يالربع لازم توكلون واحد هو اللي يحط الشرووووط وياليت المشرف طلو

بس هو وينه ؟

تعال وحط الشررووط وخلاصنا وخل العالم تفلها...

[الفارس النجدي]

أأيد وبشددددددددددددددددددددددددددددددددددددددددددددددد دددددددددددددددددددددددددددددددددددددددة

[بندر 2005]

وش صار عليكم

[طلو]

السلام عليكم خلاص الي من جهه الرياض وماخلف جهه الدمام بالرياض والي من جهه الرياض الى الحجاز عندي بالدوادمي عشا بالمزرعه وهدد الصبح او العصر وبعد ذالك نسوي هدد بين الجميع

[بندر 2005]

كفووووووووووووووووو طلوووووووووو
هذااااااااااااا
اللكلام

[البحري606]

والله انك ذيب يابونايف وقصرت السالفه......
تراي اول المشاركين.....
ولللم القهوه....

[عبدالرحمن السالم]

الله يعطيك ألف عافيه اخوي طلو وباقي الأخوان ..

بس ياليت تنزلون لنا موضوع وتوضحون فيه ذالك عشان نعرف وش اتفقتو عليه وش راح يصير وين ومتى ..؟

الله لايهينكم .. مع تمنياتي لكم بالتوفيق

[صياد الوعل]

تحيه طيبه

لكون الموضوع مكرر بالمنتدى , ارجو من جميع المهتمين الرجوع لموضوع ( الا يبي يشارك بهدد الله يحييه ) ,,حتى لا يعتقد البعض ان الموضوع غير جاد ,, و ارجو العوده للموضوع الرئيسي و المشاركه من حيث تأكيد المشاركه بالهدد و عدد الكلاب و الوقت المفضل ( فجرا ام عصرا ) ,,,و الاخ / اوكسجين مرجعنا جميعا للموضوع ,, خاصا و انه تحدد بالخميس القادم 25/3/1428هـ , وانا ناقل معلومه ليس الا,,,,

و مسدس حمزه ثائر ثائر ,,انشاء الله ,

[طلو]

الله يكفين شر حمزه المصوراتي ويخليه لهله

[بو هاشم]

التاريخ الموجود مو الاسبوع القادم بعد شهر

[الهوى]

مقصرتو على التوضيح

[الهوى]

مشكووريين.... ماقصرت يامشرفنا

[عبدالرحمن السالم]

ياشباب وش صار عليكم هل فيه هد والا لا .. ودنا نشارك بصراحه ولا ندري وش وصلتو له

هل فيه تنسيق بينكم برسايل الخاصة او الجوال .. اتمني الافاده لو تكرمتوو ..

الاخ طلو اتمني ان تفيدنا بموعد الهد ومتى وإين ؟ عشان نعرف ونجهز السلق

تقبلوا خالص المحبه والود

أخوكم / دحيم

[عروق الدهنا]

السلام عليكم
ارجو من المنظم تاكيد موعد الهدد والمكان مابقى الا اسبوع
اتمنى الرد السريع


والسلام ختام

[(القناص)]

ياشباب وش صار على الهدد

[راعي الفلوجه]

وين الهدد نبي نهد معكم .

[عبدالرحمن السالم]

ياشباب وش صار على الهدد

نبي الافاده الله يرضي عليكم

[أبو سيف السيف]

السلام عليكم ورحمة الله وبركاته

اسعد الله صباحكم بكل خير .. انا بصراحه متابع للموضوع هذا من اول ماطرح
ولا عرفنا متى وقت الهد بالضبط غير انه 3/3/1428هـ بالرمحيه

نبي نعرف هل فعلاً غداً فيه هد ام لا ..؟ وهل يمكن لنا المشاركه فيه
وولو تكرمتوا نبي الاحداثيه لاننا بصراحه متحمس لمقابلتكم ومعرفتكم ولى الشرف بالاسلام عليكم
ومنافستكم منافسه شريفه

[عبدالرحمن السالم]

والله يابوسيف السيف انا مثلك لكن تدري بروح ان شاء الله من الصباح للرمحيه وبجلس ادوج اذا فيه شى
زين على زين مافيه ناخذها تمشيه

والله يحييك كان تبي تخاوينا

[الدرندس]

سلااااااااااااام

والله لاني راعي هدد بس دام الهدف الجمعه قداااااااااااااااااااااااااااااااااااااااااام ونتعرف على اهل الهدد

والسلام عليكم