اخوكم

[الشامي1]

صباح الخير اخواني المكشاتيين
أنا ضيف جديد عندكم في هذا الموقع الرائع وانا بصراحة
من هواة المقناص بشكل عام وخصوصاً القنص بالسلق
وقريت بعض المواضيع الجميلة وصراحة لاحظت
بعض المعلومات عند اخواني فيها بعض النقص وهذا
لايعني انه قصور من صاحب المقال ولكن يمكن يعود
لقلة خبرته او لسبب آخر واكيد ما احد جا من بطن امه فاهم!
وعلى العكس وجدت بعض المواضيع الرائعه والمفيده صراحة
التي تنم عن خبره طويله لأصحابها في هذا المجال.
وبالنسبة لخبرتي في المقناص وخاصة السلق تقربياً من
واحد وعشرين سنة ان لم تكن اكثر لأني على قولتهم
(من عرفت العلم ) وانا متولع بالشي هذا بحكم وراثتي
هذه الهواية من الوالد واخواني الي اكبر مني.
وان شاء الله انا نفيد ونستفيد منكم. وانا جاهز لأي
استفسار.

#ملاحظة:
لاحظت بعض الشباب في المنتدى يبحثون عن جراوة
للبيع وصراحة استغربت الشئ هذا لأنه ليس من شيم
مجتمعنا السعودي خاصة والخليجي بشكل عام .
واللي مضطر يبغى جراوة لا يستحي تراكم تمونون.

وآسف على الإطالة.

[سعدون جابر]

ياهلا وغلا فيك بمنتديات مكشات اخوي الشامي نورت المنتدى بتشريفك وتسجيلك بين اخوانك أعضاء المنتدى


وعساك إن شاء الله تفيد وتستفيد

أما بالنسبة للبيع والله يا اخي الشامي ما ألوم اللي يشترون لأن أغلب الناس صارت تحتفظ بالسلق ولا يهدي واللي مامن ولع بالسلق حيل صاروا يبيعونهن والقليل من الناس صار يهدي .


على العموم بيض الله وجهك على هالكلام الطيب اللي بدر من رجل طيب ومرة أخرى أقول لك يا هلا و غلا .

أخوك / سعدون جابر .

[راعي مليون]

يا مرحبابك وياهلبك ويا مسهلبك بين أخونك يا الشامي وأنشالله تفيد وتسنفيد
وانا أبدبها ابي أستفيد وشهو الي من السلقان
يكون فيه سرعه و مروغه للظبا والارأنب هل هو الساحلى او الريشي
انتظر ردك. ومشالله عليك 21سنه والله ماهي
بقليله ونستفيد من خبرتك الله يبارك فيك.

[حرف العين]

السلام عليكم ورحمة الله وبركاتة


يامرحبا فيك يالغالي وانا اتشرف بمعرفتك وانشاءالله نقدر انفيدك ونستفيد منك وهاذه شرف كبير للخيمه بان يضاف لها عضو له خبره وعلى علم ودرايه بل المواضيع التي تخصها .

ولك جزيل الشكر

[ولد أبوي]

السلام عليكم

ياهلا ويا مسهلا بخوي الشامي ياهلابك والله بين اخوانك وانشاء الله تفيد وتستفيد

وانشاء الله تفيدنا من خبرتك الطويله 21 والله مهب بسيطه

وعسانا نفيدك بالي نقدر عليه

[عبادي 91]

21 سنه ماشاء الله عليك

وانشاء الله نستفيد منك اما تستفيد مني والله ماظنتي

خخخخخخخخخخخخخ

حيك في منتداك

[السنع كله]

#ملاحظة:
لاحظت بعض الشباب في المنتدى يبحثون عن جراوة
للبيع وصراحة استغربت الشئ هذا لأنه ليس من شيم
مجتمعنا السعودي خاصة والخليجي بشكل عام .
واللي مضطر يبغى جراوة لا يستحي تراكم تمونون.

[الشامي1]

إخواني :

سعدون جابر

راعي مليون

حرف العين

ولد أبوي

عبادي91

السنع كله

يا مرحبا بكم والله جميعا والله يبيض وجيهكم بالاستقبال الطيب

اللي إن دل يدل على طيب أصلكم وآسف على التأخر..



وبالنسبة لسؤال اخوي راعي مليون أنا صراحة استغرب

من بعض الشباب في كتاباتهم أنهم يفصلون بين الاريش

والساحلي في العدي ( الركض ) لأن هذا يرجع للكلب

نفسه وطبيعته اقصد يعني مثلاً عضم الكلب سخيف ولا

جثل ( عريض ), وطول الكلب وارتفاعه كل هذه العوامل

تأثر في ركضه مثلاً في بعض المناطق مثل الرمله

( الربع الخالي ) الكلب الثقيل ما ينفع وأيضا مقناص

الجرابيع الكلب المرتفع ( لا تفهمون المرتفع غلط اقصد الطويل)

ما يصلح وعلى العكس

في المناطق الوعره الكلب السخيف تخاف انه ينكسر



وآسف على الإطالة

[القحطاني505]

حياك الله اخوي الشامي بين اخوانك وتفيد المنتدى وتستفيد انشاء الله

[سلطان العوني]

يا هلا ومرحبا عد وبل الامطار ومشرفنا ان شاءالله
ولا تحرمنا من مشاركاتك ونصايحك وشرفت المنتدى وسعيدين بتواجدك معنى
وتقبل مروري
اخوك او ابنك (سلطان)

[dark]

الشامي 1
انا طلبت جراوه

بـــس ما طلبتها للبيع

لانه ماهي من سلمنا
وبعض شباب عرض علي سلق بفلوس بالخاصه
وهدفه يخدمني

وانت صادق السلق تهديها رجال لو ماتعرفه ورجال من ناحيته غير مطالب برد الهديه
وفينا كثير من يرد الهديه بهديه ثانيه
ام بندق ولا طير ولا زهاب بندق
ومشكورين علي توضيحك ومانستغني عن نصحك

[الشامي1]

اخوي القحطاني 505 وسلطان العوني يا مرحبابكم والله يحيكم

وانشاء الله على ما قلتوا إنا نفيد ونستفيد

اخوي dark ابشر بطلبك وترى لك جرو عندي والله يوفقك فيه

بس أرسلي رقمك

[dark]

بيض الله وجهك

[عروق الدهنا]

حياك الله بين اخوانك والمنتدى لك عين فراش وعين غطا
ونطمع باللي مثلك عنده الخبره ذي ولايهونون اخواني اللي بالمنتدى
ويا مرحبا بك مره ثانيه



والسلام ختام

[الشامي1]

مرحبا والله فيك اخوي عروق الدهنا واشكرك

على الترحيب الطيب وطيب الله فالك

[sasasasas]

يا هلا والله فيك ومرحبا

اذا تبي اي خدمه تراني جاهز وفي الشوفه

راسلني على الخاص

اذا بغيت اي خدمه غير تبي سلق ما عندي خلصا من كثر ما اهدي كريم سبله

تحياتي للجميع

[الهوى]

يا مرحبابك وياهلبك ويا مسهلبك

[أخو جوزاء]

أخوي الشامي1 / حياك الله بين أخوانك

ترا وأنا أخوك لي فتره ما هي بسيطه وأنا أدورلي سلوقي
طيب لكن الحياء هو ما منعني من طلبي :j
ولا يظن أخونا dark أني أبتقدم عليه لا والله الا هو المبدى






أخوكم / أخو جوزاء

[الشامي1]

إخواني الهوى واخو جوزاء ياهلابكم ومرحبابكم ومشكورين

على هالترحيب

اخو جوزاء ابشر بالسعد بس راسلني

[ولد عنيزة]

ياهلا ويامرحبا تومانور المنتدى
وانشاء الله نستفيد من خبرتك الطويله انا واخواني الأعضاء
وانشاء الله انك ماتقصر مع اللي يدورون جراوه قول وفعل انشاء الله
اخوك ولد عنيزة

[أخو جوزاء]

أخوي الشامي1

السلام عليكم ورحمة الله وبركاته ,,,,

تراني ياخوك ما أعرف المراسله على الكمبيوتر
لكن هذا رقم جوالي أتصل علي الله لا يهينك
0507082080






أخو جوزاء