ابي أفضل ثلاجه ( فريزر ) للسياره

[راعي ساموده]

السلام عليكم ورحمة الله ..

جا الحر وبلشنا باللحمه والزبده :(

فياليت كل واحد يملك ثلاجة سياره يذكر مواصفاته وعيوبه وسعره علشان تعم الفائده للفائده علشان كل واحد يشتري اللي قدر حاجته بناءا على تجاربكم ..
ولكم منا الدعاء :d

[فتى الرابيه]

الاخ العزيز راعي سامودة حياك الله

السنيدي عندة من هذا النوع وايضا بالحفر محل كشته والرمايه يمكن يفيدونك في هذا الموضوع واتمنالك التوفيق وسلم على اهل سامودة

[romhen]

يوجــد عند الطمرة في شارع الغرابي انواع ممتازة وجميع المقاسات

[نعمان الفهمان]

انا معي خمسين لتر من الطمرة ممتازة جدا 2150 ريال
فية نوع افضل منة بس ماحصلتة
يفرق عن حقت الطمرة انة فية فيش ولاعة وفيش كهرب لو تبي تحطة بالبيت او اي مكان
لكن الطمرة عندهم محول 150 ريال تشبكة على الكهرب

وتراة ممتازة جدا سالت ناس مجربينة من زمان قبل اشرية

[ابوالجميع]

كما ذكر الزميل ( رمحين ) الطمرة لديه نوعية ممتازة
وكذلك محلاة الهدف في طرق التخصصي

[الكاسر23]

أخوي راعي سامودة
اسعد الله اوقاتك
عليك بفريزرات WAECO الالمانية ، وهي افضل شي بالسوق، وتبدأ احجامها من 26 إلى 60 لتر (هذا المتوفر بالسوق) وتلقاها عند العليان.
فيه اكثر من موضوع مطروح في هالمنتدى وفيه تفاصيل كثيرة حولها وحول جميع منتجات الشركة اللي بعض منها ما وصل السوق السعودي.
لكن يجب ان تفرق عند السؤال عن الفريزرات او برادات ، لان الفريزرات تثلج الى دون 5 درجات تحت الصفر، وتبدأ اسعارها من 2000 ريال وفوق.
بينما البرادات تقلل من درجة الحرارة المحيطة بالبرادة 5 الى 10 درجات فاذا كان درجة حرارة السيارة 20 درجة، فيعني ان درجة الحرارة الداخلية داخل البراد 10 الى 15 درجة. واسعار هذه البرادات تبدأ من 140 ريال وحتى 500 ريال حسب الحجم.
حاولت ادور لك عن المواضيع اللي طرحت سابقا وفيها تفاصيل حولها لكن الشبكة عندي بطيئة الان وما ساعدتني فالعذر اخوي، ولكن هذه المواقع راح تفيدك، وهذه الفريزرات مجربها وممتازه جدا خصوصا حجم 35 وسط ومناسب جدا وتشتغل على خط 110/200 وكهرب السيارة 12 فولت، وانتبه فيه بعضها ما يشتغل الا على السيارة فقط 12 فولت.
وهذه هي المواقع وتلقى فيها التفاصيل والمواصفات:
http://www.jacksons-camping.co.uk/cool/freezer.htm (http://www.jacksons-camping.co.uk/cool/freezer.htm)

http://www.fridgefreeze.com/ (http://www.fridgefreeze.com/)

http://homepage.ntlworld.com/tjobrien/obcamp/ (http://homepage.ntlworld.com/tjobrien/obcamp/)

http://www.jacksons-camping.co.uk/cool/portable.htm (http://www.jacksons-camping.co.uk/cool/portable.htm)

http://www.jacksons-camping.co.uk/waeco/index.htm (http://www.jacksons-camping.co.uk/waeco/index.htm)



وتقبل تحيات اخوك ابو محمد
الكاسر23

[راعي ساموده]

يوجــد عند الطمرة في شارع الغرابي انواع ممتازة وجميع المقاسات

تسلم والله (وابطمر) ان شاء الله للطمره

[فتى الرابيه]

الا خ راعي سامودة ثلاجات waecoمتوفرة حتى الفريزرات

[البركة]

شريت فريزر ويكو 35 لتر وجلست كم شهر وخربت بداية الصيف وعاد خذ المعاناة مع الوكيل كرهت شي اسمه ثلاجة من كثر المماطلة بتصليحه والمشكلة ان الخراب بالكمبرسر وقيمته 700ريال وبالأخير صلحوه لي والحمد لله انه مازالت تحت الضمان والحين اتردد آخذه معي للبر أخاف تخرب ثانية

[دغيم1]

السلام عليكم
هلا فيك أخوي راعي ساموده
بالنسبة للفريزر عندك الطمرة في الغرابي - وهي نفس الثلاجة اللى تجي مع وكالة الجمس - جيدة وعملية وتثليج كامل - ولاتسحب من البطارية كثير وهي مجربة من فترة طويلة -
تقبل تحياتي - دغيم 1ِ

[بواسامه]

انجل ما يعلى عليها حسب تجربتي المتواضعه
واظنها منقطعه من السوق

[شبح الصحراء]

بصراحة ما اظن ثلاجات الكهرباء عملية لهذه الدرجة ، الأفضل حسب رأيي كيسين ثلج أبو ثلاث ريال توضع داخل حافظة ثلج أصلية 40 لتر تقعد 24 ساعة بالراحة إذا كانت بالظل ولكن أحرص على الأصلية ، يمدحون ربر ميد والجنوب أفريقية خصوصاً الربر ميد حسب تجربتي .

http://www.volusiahealth.net/eh/bbq/coolers.jpg
http://www.colemancampingstore.com/coolers/icedeck.jpg


وهناك أنواع رخيصة مصنوعة من الفلين وتباع بعشرة ريال للحبة أنا جربتها وبصراحة لا يعلى عليها تحفظ الثلج ليوم كامل أو اكثر اذا وضعت في الظل في مكان جيد التهوية وعيبها الوحيد سرعة تكسرها خصوصاً اذا حشرت مع العفش :

http://us.st11.yimg.com/us.st.yimg.com/I/yhst-8743696515742_1938_44739290

[راعي ساموده]

بعد بحث مستفيظ وجدت افضل الموجود زي ماقال اخوي بو اسامه (انقل ) ياباني تجميع تايلندي وكيله بافيل

ولقيت فريزر جديد نسيت اسمه
25 لتر ب 900 ريال فقط تجميد حتى درجة -20 . ولكنه كوري تجميع صيني ضمان سنه على الفريزر وثلاث سنوات على قطع الغيار وكيله شركة ( المثلث الذكي )

[عندك يابعدي]

أفضل ثلاجة في نظري ثلاجة الطمرة ممكن عزيزي راعي ساموده والشباب يرجعون لموضوع نزلته بخيمة تجهيزات السيارات بعنوان ثلاجة الطمرة تقول شدبلد باليوكون؟؟؟؟؟؟؟؟؟؟؟يوجد صور رائعة للثلاجة ومكانهابالسيارة وهذه صوره منها

http://www.mekshat.com/pix/upload/images29/mk32963_lllllllllllllll.jpg

[الظاغط]

السلام عليكم ورحمة الله وبركاته:-

بالنسبه للفريزر ثلاجه فيه انواع كثيره وكلها زينه الذي اعرفه وهي منها :-
1- الجنوب افريقيه لكن هذي غاليه والظاهر انها موجوده عند الرمايه في بريده .
2- الطمره موجوده بالغرابي سعرها 2150 ريال لكن تحتاج بطريقه اضافيه وكيبل 4ملم وشكلها حلو وتثلج وانا عندي واحده مثلها ممتازه مجربها بالصيف وتقدر تحطها على بطرية واحده وكل 18ساعه تشغل السياره .
3- الثلاجه الصينيه عند السنيدي ببريده وهذي سعرها 1800ريال ممتازه لاتسحب كهرب . 22تحت الصفر ومجربها بالصيف ممتازه .
معلومه-- كل الفريزرات تحتاج كيبل 4ملم موصل على البطريه على طول وهذي نصيحه لكل واحد يأخذ ثلاجه او ضع بطريه ثانيه حتى لاتعطل البطريه الاولى .

[راعي ساموده]

ابشركم شريت ويكو 50 لتر من الطمره اللي بالغرابي 2100 ريال

[طيرحوران]

بالنسبه للفليزرات
يتم تصنيع فليزر هو اصله من الفليزرات التي تباع لأجل المنازل
وهو حجمه صغير ومع ذلك نقص منه في ارتفاعه على الطلب ويركب له كنبروسر 12 فولت
واتحدى جميع الفليزرات بالتثليج
تخيل انه خلال اربع ساعات علبة البيبسي تنفجر من قوة التثليج
واسعارها بحدود 3000 ريال وكبيرة السعة يعني تاخذ ذبيحتين بالراحه
ولعلي انزل لكم صور لها
الف شكر للجميع

[البركة]

مبروك عليك الثلاجة وان شاء الله ماتشوف منها إلا ما يسرك
ولاأوصيك مد لها سلك من البطارية ولازم ماتقل سماكته عن 6 ملي
وان ركبت بطارية اضافية أفضل

[الرهدن]

يقول أخونا الضاغط00
كل الفريزرات تحتاج كيبل 4ملم موصل على البطريه على طول وهذي نصيحه لكل واحد يأخذ ثلاجه او ضع بطريه ثانيه حتى لاتعطل البطريه الاولى
هذا العلم 00
حصلت لي مشاكل من الثلاجة(ج.أفريقية) والسبب الكيبل00
وكل ماطال السلك لازم يكون الكيبل عريض00

.

[aflaj12]

مشكورين على المعلومات

[ابو تركيr]

مبروك عليك الثلاجة ياراعي سامودة
وعلى فكرة متى تبي تبيع المبروكة

[* ضب *]

لاخ العزيز راعي سامودة

مبروك عليك الثلاجة
الثلاجة ممتازة جداً انا جربتها منذ مدة والى الان وهي تعمل تمام ولله الحمد الثلاجة تجمد الماء في اقل من ساعتين
على وضع التربو
لكن نصيحة اذا ارد تمديد الاسلاك فعليك باستعمال السلك الحراري لا يقل سمكه عن 6 ملم حتي تعمل معك صح
اذا اردت اي استشاره فيها ابشر بسعدك

[ندمان]

الله يطعمك من خيرها ويكفيك شرها

نصيحة لاتمدد سلك 4 ملي أو 6 ملي ولا تركب بطارية اضافية
سلك شد بلد يكفي واشبكه دايركت على الولاعة اللي في قفا الجيب وأرتح أنا مسوي نفس الحركة وماشفت مشاكل ولله الحمد
وبعدين على فكرة تراها ماتسحب كهرب واجد

[الرهدن]

الله يطعمك من خيرها ويكفيك شرها

نصيحة لاتمدد سلك 4 ملي أو 6 ملي ولا تركب بطارية اضافية
سلك شد بلد يكفي واشبكه دايركت على الولاعة اللي في قفا الجيب وأرتح أنا مسوي نفس الحركة وماشفت مشاكل ولله الحمد
وبعدين على فكرة تراها ماتسحب كهرب واجد
أخي ندمان00
رحت بعيد00
طريقك هذي إذا طفى الموتر تنطفي الثلاجة00إلا إذا تبي السويتش دائمآ شغال على on
وينزل بالهجر والمدن والمفتاح على السويتش :confused:
وسوف يحدث عندك مشكلة أخرى بطريقك هذي :
عند تشغيل السيارة تقطع الكهرباء على الثلاجة مباشرة ثم تعود وقد يحدث إلتماس يؤدي لخراب الثلاجة وبعدين تصير ندمان :D بجد00
الشباب ياإبن الأجواد يقولون ضع بطارية إضافية لتلافي المشكلة هذي00
والكيبل يكون عريض لأنه بطبيعة الحال إذا مدد من البطارية تبي تطول المسافة00
ومايركب ثلاجة في الغالب إلا من يروح مسافات ودروب وصيد وقلهي00 فلا بد من الإحتياطات هذي00

لعله وضحت الصورة الآن00

الشاهد 00
إلحق عمرك بثلاجك :redcar: 0
.

[راعي ساموده]

شكرا ياأخوان كلا بأسمه

أخوي ندمان جربت طريقتك متعبه تخيل تخلي السويتش شغال حتى وأنت نايم
وعلى قول اخوي الرهدن كل ماتشغل وتطفي نفس الشي الثلاجه تشتغل وتطفى

( البطاريه الاضافيه مهمة جدا للثلاجه وانا ركبت البطاريه الاضافيه مخصوص للثلاجه فقط)

[البرفسر]

مشكورين استفدت كثيراً من هذه المداخلات .

[ابوعزيزm]

شفت إعلان بالجريدة قبل أسبوع وصول ثلاجات جديدة عند محلات السنيدي

فيه أحد يعرف عنها شئ ؟؟؟

[عبيثراني]

تحيه طيبه ياشباب
انصحكم بثلاجة مصنع العمران لاسباب منها
تم تصنيعها حسب رغبات الشباب وطلباتهم 0
صناعه وطنيه 100/100 0
متوفره باحجام 40 لتر 60 لتر 80 لتر 0
الصيانه متوفره والقطع كذلك 0
تعاملهم طيب مع الزباين 0
تتوفر بصاج عادي ابيض او استيل 0
وانا وبعض الشباب نستخدمها منذ فتره وتعمل جيدا 0
مصممه تتحمل كثر الحركه 0
الكمبرسر الماني 0
المعرض بشارع الخزان عند عمارة مصلحة المياه 0
اخيرا (شجع الصناعه الوطنيه)
ودمتم سالمين

[راعي الهـــدد]

تحيه طيبه ياشباب
انصحكم بثلاجة مصنع العمران لاسباب منها
تم تصنيعها حسب رغبات الشباب وطلباتهم 0
صناعه وطنيه 100/100 0
متوفره باحجام 40 لتر 60 لتر 80 لتر 0
الصيانه متوفره والقطع كذلك 0
تعاملهم طيب مع الزباين 0
تتوفر بصاج عادي ابيض او استيل 0
وانا وبعض الشباب نستخدمها منذ فتره وتعمل جيدا 0
مصممه تتحمل كثر الحركه 0
الكمبرسر الماني 0
المعرض بشارع الخزان عند عمارة مصلحة المياه 0
اخيرا (شجع الصناعه الوطنيه)
ودمتم سالمين





الأخ الغالي راعي ساموده

مبروك عليك الثلاجة ولو انها متأخره

بس سؤال ياغالي وش تقصد بيوكو

هل تقصد ثلاجة الطمرة او غيرها

وياليت وصف محل الطمرة ياغالي

----------------------------------------------------------------------


الأخ الغالي عبيثراني

شجع الصناعة الوطنية مابه شك

بس

حنا نشوف الصناعة الوطنية داجة داجة

ولكن نجرب هالمره بس كم الأسعار ياغالي

ياليت توضيح للأسعار اذا غالين فتجلس والله يهنيهم بها واذا رخيصه شرينا نجرب

شكرا لكم وللمناسبة رفعنا الموضوع

[راعي ساموده]

هلا وغلا ابو حمد ..
الثلاجه نوع (waeco) وهي شركه المانيه تجميع صيني وكيله مؤسسة الطمره بشارع الغرابي - خمسين لتر - 2100 ريال ضمان سنه .

وبالنسبة للثلاجه تحت أمرك يابو حمد اذا تبي تاخذها تجربها قبل تشترى تراه حلالك ( بس على شرط ) ماتطلع اللي فيها بعد التجربه هههههههه

[راعي الهـــدد]

هلا وغلا ابو حمد ..
الثلاجه نوع (waeco) وهي شركه المانيه تجميع صيني وكيله مؤسسة الطمره بشارع الغرابي - خمسين لتر - 2100 ريال ضمان سنه .

وبالنسبة للثلاجه تحت أمرك يابو حمد اذا تبي تاخذها تجربها قبل تشترى تراه حلالك ( بس على شرط ) ماتطلع اللي فيها بعد التجربه هههههههه


ههههههههههههههههههه

ياحبي لك ابشر من يملها لك من الخير

وكلامك يكفيني ياغالي

ياجعلك تسلم

[عبيثراني]

عزيزي راعي الهدد
تحيه طيبه
بالنسبه للسعر 2400 ل40لتر وانا شاريها من فتره مهيب قريبه والان مادري عن سعرها
وصدقني انها تعمل بكفائه عاليه
وشكرا

[مداوي]

راعي الهدد السلام عليكم. اذا كانك ماشريت فريزل عندي لك فريزل ظ¦ظ× لتر يعجبك شغال على البطاريه والكهربا تشوفه وتحكم عليه. قيمته ظ¢ظ×ظ×ظ× ريال

[كايد]

مداوي

شوف تاريخ الموضوع قبل تشارك

من 2007 ؟؟؟؟؟؟؟؟؟