طلب خاص

[مدماك]

ياشباب علموني وين الكروان شاري صقر ولالقيت كروان لافي التنهات ولا في الحفيره ويكون قريب من الرياض:confused:

[501]

يا خوي عندك الثمامه اقنصه طول وعرض والله بيرزقك ** مثل هاذي الايام ما يحتاج مع القمرا

&& تقبل تحياتي &&

501

http://www.m5zn.com/uploads/11ec9fe681.jpg (http://www.m5zn.com)

[هاوي مقناص]

السلام عليكم ورحمة الله وبركاته .



الله يبارك لك فيه وتشوف خيره ويكفيك شره

وانشاء الله الربع مايقصرون معك .

ودمت .

اخوك:

هاوي مقناص .

[محرقااوي]

بالتوفيق يا خويي

[الوافي عزام]

اخوي الغالي لآزم تدور وتتعب والا مانتب لاقي شي

عليك بمحلات الربيع اللي حولها مرحان ابل وصاده عن الناس لأنه لو مارتاح بالمحل اللي هو فيه غيره على طول ولا تلقاله جره

وبالنسبه للأماكن القريبه من الرياض ما اعرفها اعذرني
والله يوفقك

[راعي القميري]

السلام عليكم اخوي تبي المكان اللي به الكراوين روح يم شبك االحرس انا صايد به ثلاثة كراوين وان كان ماتعرف الوصف خذ الوصف اطلع مع طريق الدمام السريع وابتل معه الين يجيك مفرق مكتوب عنده لوحه مفرق خريص افرق ونا اخوك وابتل سيده بيجيك تقاصع اطلع يسار امش مع الخط الين تاصل شركة الكهرب وثم لف يمين وبار للشبك بتلقا مناتق واجد ادخل معه وسردح مردح فالشبك وطع شوري وان شاء الله منت معود خايب الا بتعود بالكراوين اللي بالشبك كلها وكل الشبك ترى اهل اباعر يعني يحبها الكروان ولكن تعمق فالشبك داخل بتعارضك شعبان وفياض هذي هي محلات الحيا اللي ماحولك احد وان كنت خايف انك تغدي فيه ابد فيه شركة الكهرب اذا امسا الليل بتشوف نورها كنه نور الرياض هههههههه وبتدل ماعليك
والله يوفقك انشاء الله ........ أخوك راعي القميري

[صاحب الطير]

الخرج..التنهات..الصمان..فيضت الشوكي..روضة المزهرة..هذاي كل أبوها قنصتها أول العام..و عين فيها خييييييييييير