هل افسد الجوال متعة وجمال الطلعات والكشتات؟!!

[مريقب العيفار]

1- استلم استلم يا ابو فلان

2- انت شفت ذا المقطع ؟

3- اسمعو يا شباب هالقصيدة او ......

4- الو الو هلا ابو فلان .....ثم ينهض بعيدا عن ربعه





لن تخطئ أذنك سماع أحد هذه الجمل وانتم كاشتين من بعد انتشار أجهزة الجوال المزودة بخاصية البلوتوث والواتس أب وغيرها في الأجهزة الحديثة...

من أمتع ما يكون في الطلعات أو الكشتات هو الجمعة والسواليف مع الربع




لكن في الآونة الأخيرة للأسف تحولت مجالس الرجال الى تداول مقاطع البلوتوث والواتس وغيرها

أو أن تجد أحدهم تشطر بعيد جالس يكلم بالجوال في أشياء ليست مهمة!!

واحد ثاني بعد ما زانت السواليف يرن جواله يرد على أبو فلان : ألو وش أخبار المباراة ؟؟ من فاز ؟؟ كم النتيجة؟

لا أنكر أهمية الجوال وأنه نعمة من الله علينا

لكن في الكشته لا تحرص على انك ترد على كل أحد

ولا تجلسون اثنين اثنين كل واحد يرسل لخويه مقاطع بلوتوث وواتس أب !!



خصوصاً أوقات الجمعة والسمر




وتقبلو فائق التقدير

اخوكم / مريقب العيفار

[أبـو فـايـز]

بلعكس اشوف الجوال ضروري واستغرب من اللي اذا بغا يطلع للبر يتركه في البيت؟؟
وبالنسبة للسوالف فكما تفضلت اخي الكريم مو زين ترد على واحد في البر وتدقونها سوالف وتسفهون الربع

[عمدة مكشات]

الجوال نعمه استعملت في غير محلها بنسبة 85%

[مريقب العيفار]

الأخ الكريم ابو شنب حياك المولى

لم يطلب احد ترك الجوال بالبيت بل على العكس

انما نطالب باستخدامه للحاجة فقط




أخي عمدة مكشات أهلا بك

صدقت فالجوال نعمة اسيء استخدامها

[الوافي عزام]

القضيه مهيب قضية جوال

القضيه هم الناس وتصرفهم الخاطئ

وشكرا على الموضوع

[فايز العامر]

مرة كنت طالع، ومريت من عند شباب كاشتين (من نظرتي الأولى) وكان عددهم 4 ويوم قربت من عندهم لأنهم بجنب الطريق، شفت رؤوسهم مطأطأة وكأنهم في درس شرعي، وكنت بالليل ساري، وأشوفهم كلهم ماسكين جوالاتهم ومنورة، عندها عرفت ان ماعندك أحد وقلت في نفس آن لك لي أن أمد رجلي على البنزين...

[شعال]

هذه العاده تختلف من شخص لأخر
عن نفسي الجوال ماينزل من السياره هذا إذا ماقفلته

[مريقب العيفار]

أخي الوافي عزم أهلا بك

لا شك اننا جميعا متفقون على ان المشكلة ليست من الجوال

بل بالاستخدام غير المبرر



أخي رعاد أهلا بك

تماما هو ما أعنيه ذلك الموقف الذي شاهدته




أخي شعال أهلا بك

أتفق معك انه ليس الجميع يفعل ذلك

لكن هالظاهرة منتشرة جدا

[جرير]

كلامك صحيح اخوي مريقب العيفار
خاصه مثل ماقالو الواحد بس متنح بعيونه ويقلب هالاستديوا ولا المكالمات ماعليها خلاف
وترا الشغله عامه ماهو بالبر حتي بالمناسبات والجمعات بالبيوت
اول كانت البلوت تخرب المجالس وهالايام الجوال وبلهوثه
والله عليم بمقبلات الليالي
ويالله العافيه

[Mr.Patrol]

اخي(مريقب العيفار)

جبته على الجرح بالفعل صارت المجالس يشغلها شغلات واجد مو بس الجوال لكن فى البر مافى الا هو وان عندي بعض من ربعى اذا كشتنا اشغل نفسه بالجوال واظن السبب انه مو مهتوى طلعت البر بس جى عشان الجمعه ويحاول يضيع وقته بها الجوال الين يرجع للبيت والله اعلم.

[بداح العنقري]

الجوال نعمه فلا تجعله نقمه

[خالد777]

إي والله أتلاه البارح واحدن من الشباب ماعمره جلس معنا دايم يكلم الصراحة دبل أكبادنا والغريب أشياء عادية جدا يهتم به وأنا عن نفسي ما أستانس الا إذا قفلته أو صار مابه إرسال

[مريقب العيفار]

أخي الغالي جرير حياك المولى

صدقت في ان المشكلة ليست فقط في البر بل حتى في المناسبات العائلية



مستر باترول أهلا وسهلا

ومشكور على المرور



الأخ الكريم الذيب سرحان أهلا بك

وشرفتنا أخي الكريم

[مريقب العيفار]

أخي الكريم خالد 777 أهلا وسهلا بك

وشرفتنا في الموضوع

وهذا اللي حصل معكم ويحصل مع غيركم

هو سبب طرحي للموضوع


فهل من حل ؟ أو طريقة؟

[sasasasas]

الجوال ضرور ي في الطلعات وغير ضروري اذا
احد مشغلك
ويخرب عليك الطلعات

[borsh]

مشكور على الموضوع
الجوال اهم شي بالطالعات ( لاسمح الله واحد مغرز او طايح بصبخه ) يدق على ربعه ويعلمهم اذا مامعه جهاز(كنود)

أنا عن نفسي مره طحت بالصبخه لو لا الله ثم الجوال ماحد درا عني ..................
مشكووووووووووووووووووور

[مريقب العيفار]

الأخوان الكريمان sasasas

و borch

اهلا بكم ومشكورين على مروركم على الموضوع

[المخلفي]

السلام عليكم ..
اولا انا اخذ على اخوياي شرط الجوال مقفل طوال الرحله إلا للضروره والضروره القصوى
ثانيا من حسن حضي المواقع اللي نروح لها اغلبها مافيها شبكه
ثالثا اشكرك على الموضوع المميز

[برق طويق]

شكرا على هذا الموضوع
الجوال اهميته لا تخفى على احد
ولكن
للجوال اداب قل من يتقيد بها

[مريقب العيفار]

الأخوان الكريمان

المخلفي

و

برق طويق

أهلا بكما وحياكم الله

ولا أحد ينكر أهمية الجوال

لكن المشكلة تكمن في تصرفاتنا

[تساهيل1]

هههههههههه

ههههه

الله يسعد قلبك اخوي
مريقب العيفار

ليتها بقت على البلوتوث هههه

الحين شف وش صار الوضع !

بلاك بيري + واتس اب

حتى ب البيت والعزايم ودك تجيب ورقه صغيره

وتكتب فيها رقم الواير لس

بدل الدله والبراد هذا حالنا اليوم
هههههه

ويعطيك العافيه

[برق البشاير]

حياك الله أخوي الكريم
الكشتات هدفها الوناسه والترفيه وأين ما وجد فهو المطلوب . لكن إذا في الكشته ممن ليس لهم في هذه التقنيات أو الألعاب نصيب أو توجه . فمن حسن الصحبه اعطاءهم نصيب وافر من الوقت للحديث معهم والاستماع لهم . وصدقني لو وجد حديث أو قصص جديدة فيها ثمرة لطرح الاحياء جوالاتهم جانبا . بعض الجلسات حديث مكرر أو طرح مشاكل تكدر الخاطرـ والناس في طلعة ترفيه ــ أو غيبة ونميمة أو استعراض ما جرى في الدوام ( العمل ) من الزملاء ففي مثل هذه الجلسات الانشغال بالجوال أفضل والأفضل القدرة على تغيير مجرى الحديث . أشكرك على طرح الموضوع فالكثير يعاني من ذلك .

[أبوفيصل 2007]

فعلاً هذا الحاصل هذه الايام وانت تقف عن الاشارة الضوئية تجد السائقين منشغلين في الهاتف ، في السوق ، العمل في كل مكان هذه ثورة التقنية :) :(

[مريقب العيفار]

الله يرحم والدينا ووالديكم

من وين طلع ذا الموضوع؟!!!!!!111111111

من عام 2007 الى عام 2012

في عام 2007 كنا نشكي البلوتوث واليوم طلع الواتسب والواي فاي

كما ذكر الاخوان في الردود المشكلة فينا نحن من سؤ الاستخدام

شكرا لكل من مر على الموضوع

[فياض الربيع]

ادخل البر لين تصير خارج التغطيه ومافيه ارسال ابد وانبسط

[هيتاشي]

انتو انتبهتو للمكشات والطلعات ونسيتو مجالسنا صارت اجتماع ابدان وكل مشغول بجواله من بلاك بيري الى مراسلات واتس اب فماذا تتنتضر في البر الا من رحم الله

[هيتاشي]

والمصايب في المساجد اما ينسى او يتناسى الوضع الصامت ويدق الجوال وانواع النغمات والمسيقى ويترك الجوال يدق

[أنفاس رجل]

واحد من الشباب يقول مستحيل اخذ جوال معاي وانا كاشت مع ربعي

يقول تخيل يجي اتصال يفيد عن حاله وفاه

رايح اتنكد ورايح انكد على ربعي ولازم نرجع

يقول وش الفايده اني ارجع الي مات مات سوا رجعت ولا مارجعت

يقول خلني انسبط واذا رجعت للديره يصير الي يصير

اهم شي ما انكد على نفسي وانكد على ربعي

هههههههههههههههه

[تساهيل1]

واحد من الشباب يقول مستحيل اخذ جوال معاي وانا كاشت مع ربعي

يقول تخيل يجي اتصال يفيد عن حاله وفاه

رايح اتنكد ورايح انكد على ربعي ولازم نرجع

يقول وش الفايده اني ارجع الي مات مات سوا رجعت ولا مارجعت

يقول خلني انسبط واذا رجعت للديره يصير الي يصير

اهم شي ما انكد على نفسي وانكد على ربعي


هههههههههههههههه



طيب فرضا بعيد الشر عنا وعنكم والدته فيها سكر او ضغط

واحتاجته وهو مخلي الجوال وصار سبب في وفاتتها وش يفيده اذا رجع ولقا مكالمات لم يرد عليها ؟



زبدة الموضوع الجوال نعمه الحمد لله والشكر عليها

بس نحسن استخدامه

وشكرا

[navi]

والله خرب الطلعات وكل شئ

انا لمى اطلع مع خوياي خصوصا عيال خالي كل واحد ماسك جواله وبزاوية

عكس قبل كنا نتناقش و نسولف

بس يلا هذا الحال وش نسوي

[koogak]

الكشتات الاستراحات الجمعات العائلية المناسبات العزاء
كلها طلعت لا أرى لا أسمع لا أتكلم
اصلا تحصلهم في مجلس واحد ويكلمه بالوتس اب ياخي ارفع راسك وتكلم

[navi]

الكشتات الاستراحات الجمعات العائلية المناسبات العزاء
كلها طلعت لا أرى لا أسمع لا أتكلم
اصلا تحصلهم في مجلس واحد ويكلمه بالوتس اب ياخي ارفع راسك وتكلم

يمكن يستحي منك ههههههه:D

[كحيلان تميم]

الجوال مهم ولامانع من تبادل الفديو الي يكون السواليف حوله او سماعه .. لاكن مايكون الجوالات الحديثه هي الي تطغى على الجلسة .. لانه تخرب ..

[فياض الربيع]

واحد من الشباب يقول مستحيل اخذ جوال معاي وانا كاشت مع ربعي

يقول تخيل يجي اتصال يفيد عن حاله وفاه

رايح اتنكد ورايح انكد على ربعي ولازم نرجع

يقول وش الفايده اني ارجع الي مات مات سوا رجعت ولا مارجعت

يقول خلني انسبط واذا رجعت للديره يصير الي يصير

اهم شي ما انكد على نفسي وانكد على ربعي

هههههههههههههههه
ماتوصل كذا لابد من الحضور اذا صار حاله وفاه او احد والديك مريض
البر لاحق عليه مهوب طاير الحين الناس تجي من امريكا اذا صار عنده حاله
وفاه وهذا مايبي يرجع من البر وهو بجنب اهله

[ابـو ولـيـد الـحـربـي]

نعم لقد افسد وحياناً الي نسي جواله يأكله معه محد يتكلم