لما جت الخيل تصلح حوافرها ....

[الضو]

السلام عليكم


المثل معروف
لما جت الخيل تصلح حوافرها .... جت الخنفسانه وقالت صلحو لي حافري ههههههه
هذا المثل سمعته في مقناص عام 1413 وكان عندي وكيري
ومزعج الوالد وعمامي فيه
يبغون يدعون طيورهم .... سليت ملواحي المرقع
يبغون يعللون الطيور .... نبصت في وسط المجلس قبلهم
يبغون يسيرون مقناص وكان ماعندنا غير موتر واحد ...
حاطه في ثباني ومزعجهم لاحد يجي عنده
الحين تعبت من الكتابه
بكرى اكمل
فيمان الله

[أبو رداد]

وعليكم السلام ورحمة الله وبركاته


يابن الحلال مالحقت تتعب
ههههههههههه
هات السالفه شكلك شايب

[Swordfish]

:dance:
:dance:
:dance:
حركات حركات

[آبوعزآم]

هههههههههههههههههههههههههههههههههههههههههههههه

كأنك تقول انا

[هدام الطوابير]

امرك عجيب :) ننتظر فصول القصة كاملة

[الضو]

السموحه على التاخير
وخلوني اختصر لكم السالفه علشان لاتزعلون
انتم اخبر بصقارة البزارين هههههه
تلاقي طيره يشكي الامرين وكثر مايدهلوه يغدي شرا الدجاجه
وريشه منتف ومبهذل
وخويكم طيره كان اسمه سعدون
وكنت اسرق حباريهم علشان اعلم سعدون
هم يبغون ياكلوها وانا اعلم وتلاقي الحباري منتشه ههههههههه
وما تسدني حباري وحده
لانهم ماكانوا يعطوني مجال اهد سعدون
فكان واحد من عمامي يغايضني
ويقلي هذا المثل هههههه الله يذكره فلخير الحين ترك الطيور
وكان يسمي طيري خسنفسون
وعمي كان عنده حر خضر مسميه مزيون
اخضر مابه لاوسره ولافعل ومسميه مزيون ههههه
وكان اذا طيره مايروبج مايسرح معانا للمقناص
ومن كثر الغيض الي فيني
قلت ابغى ارد له الصاع صاعين
في الليل وهم يتعللون على الضو
وعمي كان حاط طيره في الخيمه يخاف عليه من الثعالب والدبا
واقطع له وروك حباره واطعمه
وفي الصباح احط روباجة سعدون تحت مزيون
ونسرح الصبح
والسالفه فيها سوالف كثيره لكن اختصر علشان لاتزعلون
يهد مزيون ويحوم مزيون
وسنين الاول مافيها اجهزه
بح صوت عمي ومل من كثر ما لوح لمزيون
ومزيون ذاك يوم وهذا يوم ههههههههه
لاعين شافته ولاخبر سمعنا عنه هههههه
قتله يعمي ابشر في العوض دونك سعدون هههههه
احتار في امره مذكور فلخير
هويسميه خسنفسون وموقفي كان موقف رجال
وبعد مارجعنا ماجاني صبر واسكت عن الجريمه
واخبر الوالد في السالفه
هههههههههههههه
الولد عطى عمي طير
والاحداث الاخرى ماخبركم فيها
لكن الحين وبعد اكثر من 20 سنه لما يشوفني يضحححححححك
ويذكر سالف سعدون
ولين الحين احلى طير واغلى طير مر علي هو سعدون

[طـير شلوه]

ههههههههههههههههه
سالفه حلوه والله
يعطيك العافيه
ويادافع البلا

[رآعي آلبآترول]

عز الله ان خوتك ذيك الأيام شر
ياولد طير الرجال غدا وانت تضحك
والله ان تشيب عيني على مزيون لو انه عندي
الله يكافينا شرك يالضو
باين من اسمك ان فعايلك قشرا ياراعي خسنفسون

[صاحب الطير]

مشكور مشكور..تصبح على خير.. ونتقابل أمس..وأرسلني خلف عشان مستور في الحمام والحمام في المستشفى .. والمستفى غلق.. ويوم رحت البقالة كلمت البقال قال والله خلص قلت مينه؟؟قال محمد وحسي..

الكمبيوتر بيضرب

ويا دافع البلا..ههههههههههههههههههههههه