اختيار الجراوه

[القاسمي]

مساكم الله بالخير جميعا
عندي موضوع حبيت اطرحه وارجوا الافاده من اهل الخبره
نسمع من الشياب ان اذا ولدة السلقه فيه اسامي للجراوه من حيث الترتيب في خروجها من رحم امها مثل القايد ، القلب ،الكلى ، الطحال ، الكبد
ومثل هذا الاسامي
ولاكن يقال ان القايد هو افشل الجراوه
وان القلب طيب لاكنه يفحم بسرعه
وان الكلى وهو الثالث والرابع يشبهون بعض وانها كويسه والى آخره
يا ليت من عنده خبره او تجربه يفيدنا من خلال تجربته ما نبغى سمعنا هاذي ما تنفع
نبغى نعرف كيف يختار صاحب السلقه الجراوه الجيده من خلال طريقه معينه او شي واضح
طيب يمكن انا يوم ولدة ماني موجود كيف اعرف ترتيبها تورطت هههههههههه
يا ليت نبحث هذا الموضوع من حيث الحقيقه والخيال
وانا اقول ان هذا الكلام غير صحيح 100% على اساس انه سلوقي طيب يلقح سلقه طيبه كيف يجيبوب جراوه ماهي طيبه
يا ليت نشوف ردود
يعطيكم العافيه

[سعدون جابر]

أخوي القاسمي

انا سمعت الكلام هذا زمان يعني في الصغر لكن ماني مقتنع فيه نهائياً سالفة القلب والكلى والسداده كلام فاضي .

لأنه كذا مره تولد عندي السلق ويمكن فيه مرتين كنت متواجد عندها أثناء الولادة وعرفت السداده والكلى والقلب على قولتهم يوم كبروا طلع تناقض كبير طلع فيهم العكس بعض الغير مرغوب فيه طيب واللي حطيت في بالي انه طيب من جمبها .


على العموم اخوي انا انصحك انك تترك الجراوه عندك حتى تكبر ويظهر فعلها وتختار الطيب منها .


تقبل مروري .

[(القناص)]

الطيب يبين من شهرين وفوق

والله اعلم

[داعي الطير]

انا سمعت لكن ما عندي اي خبر واايد اخوي سعدون لانه هوالاصح وشكرااااااااااااااااااااااااااااااااااااا

[عاشق السلقان]

انا سمعت عنا بس الله اعلم هل هذا الكلام صحيح ام غير صحيح ارجو من اخوتنا الاخرين انا يشاركو وشكرا لكم.

[ولد أبوي]

السلام عليكم
ياشباب أنا أعرف واحد من الربع ما ياخذ الى السده من الولده
الي كثير من الناس يقولون ما ينفع وما شاء الله
أرنبهن نهار وليل ماتروح

[بو هاشم]

انا رايي من راي اخوي سعدون جابر لان انا حصلي مثل مقال طلع الفارط فيهم السداده اعتقد هذي مسميات وبس

[سلطان العوني]

اهلين اخوي وسهلين انا ا أيد كلام اخوي القناص وتقبل مروري
ااخوك سلطان

[القاسمي]

الله يعطيكم العافيه
ما قصرتوا وافادنا الاخ سعدون بتجربته الخاصه ويا ليت نشوف ردود اكثر ويا ليت يكون فيه طرق مجربه لأختيار الجراوه لأنه صراحة ما يقدر يربي الواحد ثمانيه او تسعة جراوه مره وحد مع امهم وابوهم يعني اذا جيت تروح مشوار
تشيل الك عشرة سلق وووووووووووورطه

[القحطاني505]

ماقصرو الاخوان اخوي القاسمي ويعطيك الف عافيه

[عافور]

أنا أيضا مع سعدون جابر اذا كبرو دربهم وشف أزينهم وترك عنك هالكلام الفاضى الكلب الطيب يفرض نفسه بدون مسميات

[القـــناص]

أخوي القاسمي

انا سمعت الكلام هذا زمان يعني في الصغر لكن ماني مقتنع فيه نهائياً سالفة القلب والكلى والسداده كلام فاضي .

لأنه كذا مره تولد عندي السلق ويمكن فيه مرتين كنت متواجد عندها أثناء الولادة وعرفت السداده والكلى والقلب على قولتهم يوم كبروا طلع تناقض كبير طلع فيهم العكس بعض الغير مرغوب فيه طيب واللي حطيت في بالي انه طيب من جمبها .


على العموم اخوي انا انصحك انك تترك الجراوه عندك حتى تكبر ويظهر فعلها وتختار الطيب منها .


تقبل مروري .


انا مع كلام اخوي : سعدون جابر ,,,

ولاكن انا عندي زياده على كلامه ,,,

هو انه في اغلب الاحيان يكون افضل الجراء ,, من اول 4 جراء ,,,
|
\
تحياتي
][ القـــناص ][

[sasasasas]

الله الي يطرح فيهم البركه

لا يهمك قلب كليه

والله اذا ابوه وامه طيبين اختر اي شي والله يكتب فيه الخير

ان شاء الله

[راعي الهدبا99]

انا اختلف باامره
الاول يكون فيه السبق وبس ويكون شوفه قليل ويكون مخروش(يعني مهبول)

والثاني يكون سبوق وسده حليل

والثااث والرابع يكون فيهن السبق والسد جميعا ويتميزا بسرعت التعام والنباهه فيهن يكون فطين الساوقي وهن يكونن اطيب شي
وتلاحظ انك اذا هديت الساق وهو يركض ينبح ورا الصيده



واذا كان اخر شي من البطن سلقه تكون طياره مره ويسمونها السلقه العقره

اما الباقي عاد من البطن على حسب اللي يتميز بالسبق واللي بالسد لاكن الترتيب الباقي حسب ماذكرت

وفيه شايب الله يذكره بالخير دايم استشيره اذا ولدت السلقه يعامك اطيب شي واعمارهن على اسبوع(والله هاذا اللي يصير)

لدرجت انه اذا شاف السلوقي يعلمك انه يطرح الارنب ولا مايطرحها

ومو شرط اذا كان السلقه طيبه والذيخ طيب تطلع الجرا كلها طيبه

موجود عندي ذيخ يطرح الظبي واخته ماطرحت الارنب

وعلى فكره ترتيب الذيخ الخامس


اخوكم راعي الهدبا99

[القاسمي]

الله يعطيكم العافيه وكفيتوا ووفيتوا
ويا ليت من سمع شي جديد يضيفه على شان يستفيدون منه المربين

[طلو]

انا اقول ان الترتيب ماله دخل الا بالطبع والا السرعه كلهن من بطن واحد ولازم تتفاوت مستوياتهن
بس اعرف ترتيب الابو والام واعتقدان الجرواه افضلها يكون مثل ترتيب امهاته
كان عندي سلقه ما تجيب الا اثنين بالولده طيبات والباقيات ما يردنها مع دربها
وازينهن الاول والرابع لان السلقه الام ترتيبها في الولده الاول والذيخ اليشبيها ترتيبه الربع
لاني خليت الذيخ يشبيها اربع مرات
والعلم عند الله

[الهوى]

مشكوووووور