إبريق يحقق جميع الرغبات شاي خفيف _ وسط _ ثقيل .. (مسافر1)

[مسافر1]

من عدد الشاي التي أستعملها في رحلاتي

إبريق يختلف تماماً عن المتعارف عليه

فهو يلبي جميع رغبات الناس بأشكالهم وأنواعهم ومشاربهم ..

من هنا أحببت أن تروه ربما يكون أحد بحاجته ..





نترككم مع الصور .



البريق على النار ويتضح شكله



http://www.mekshat.com/pix/upload/images29/mk19047_x.jpg



صورة أخرى لهذا الإبريق

http://www.mekshat.com/pix/upload/images29/mk19047_xx.jpg



1ـ ثعبه يخرج منها الماء فقط 2ـ ثعبة يخرج منها الشاي المقطر فقط 3ـ من هنا يوضع الشاي الورق 4ـ من هنا يوضع الماء والسكر

http://www.mekshat.com/pix/upload/images29/mk19047_xxx.jpg



هكذا يكون الشاي بدون إضافات

http://www.mekshat.com/pix/upload/images29/mk19047_xxxx.jpg



من هنا يصب الماء فقط

http://www.mekshat.com/pix/upload/images29/mk19047_xxxxx.jpg



عصارة الشاي فقط

http://www.mekshat.com/pix/upload/images29/mk19047_xxxxxx.jpg



خذ ما يناسبك

http://www.mekshat.com/pix/upload/images29/mk19047_xxxxxxx.jpg



جميع المزاجات من إبريق واحد

http://www.mekshat.com/pix/upload/images29/mk19047_xxxxxxxx.jpg



رغبتي بالشاي بهذا الشكل ..

http://www.mekshat.com/pix/upload/images29/mk19047_xxxxxxxxx.jpg

[طارق]

والله حلوه وجديده بنفس الوقت

وين القاه اخوك كييف شاهي



اخوك طارق

[هاوي المستوي]

حركات والله وين القاه فيه الله لا يهينك

[هاوي كشته]

حركة جميلة جدا الله يعطيك العافية

[الحضرمي2006]

هذا الإبريق الي ادوره شايفه مع واحد من اخوياي

بس وين احصله فيه اخوي مسافر1

يعطيك الف عافية

[saaqaar]

وين احصله فيه اخوي مسافر1

[الصقار2007]

فعلا يرضي جميع الأطراف وصراحة جربة هالابريق جربته بمطعم بسوريا:o

[مسافر1]

إخواني ..
طارق ..
مشكور ولعله يتناسب مع مرادك .
هاوي المستوى ..
اشكرك أخي الكريم على المرور .
هاوي كشته
عافاك الله ومشكور
الحضرمي
حياك ومشكور على المرور .
saaqaar
تشكر أخي الكريم ..
الصقار .
مرور مشكور ..
ولن نريد أن نحجر واسعاً فلعل من الإخوة من يبين أماكن بيعه حتى يسهل على الجميع وفي مناطق عدة
وإن لم يكن موجود بكثرة بينت أين يوجد .

[مرخ]

ما شاء الله يا مسافر .................

مع انه عندي من زمان لكن تصويرك ابداع خلاني افكر بطلعه بالبريق ............



وبعدين انت من الشمال او الجنوب (جبسة)

[مسافر1]

أخي مرخ .

مشكور على المرور ..

ويفكك من شي واجد

هذا يبي عاقد وهذا يبي خفيف ..

تمنياتي لك بالتوفيق .

[الطـرقي]

مشكور وبصراحة صور البيالات يشهي



بس بنسبة للسكر هل يمديك تحكم فيه

ويعطيك العافية

[مسافر1]

مشكور وبصراحة صور البيالات يشهي



بس بنسبة للسكر هل يمديك تحكم فيه

ويعطيك العافية

تشكر أخي الكريم ..
بالنسبة للسكر يتم وضعه مع المكان المخصص للماء ..

[khalid 6]

والله انه عجييييييييييييييب بس هذا وين ينباع وكيف استخدامه بالضبط.

ويعطيك الف عافيه عالفكره الطيبه

[الضاري]

في هالوقت لاتستغرب أي شي تشوفه

مشكور يا مسافر1 والله يعطيك العافيه

[هدد688]

ابريق2007

وتسلم يمناك يا مسافر1

على هالابداع

[راع الصمان]

بصراحه..ورى الشواهي دواهي

[ر اعي البويضه]

بصراحة أبريق روعة والأروع الأستكانة الثالثة يامال العافية يا مسافر1

[الوتين]

السلام عليكم ورحمة الله وبركاته
بريق متعوب عليه ،،
هذا رفيق البر مع خوة الرجال شرواكم ،،
شكرا مشرفنا الغالي مسافر1 هالوزنه تكيف الراس
http://www.mekshat.com/pix/upload/images29/mk19047_xxxxxx.jpg

[ابوعبدالله220]

يا مال العافيه يا مسافر1

هذا البريق يا طويل العمر انا مسميه راس النعيمي
لانه كنه راس نعيمي سبحان الله
وله مزايا وله عيوب
من مزاياه انه يلبي كل الرغبات اللي يبي ثقيل واللي يبي خفيف
ومن عيوبه انه يستهلك شاهي بزووووود
لكن عموما ممتااااااز

قبل سنه تقريبا شريته من محلات الاتراك حول شارع الوزير وسط الرياض

[رجم طويق]

وين يباع هذا الإبريق الله لايهينك

[الهيال]

تلقونه في محلات الهزازي وفي التميمي

[أخو ريان]

مشكوووووووور فكره رائعه

[مسافر1]

إخواني .
khalid 6
الضاري
هدد688
راعي الصمان
راعي البويضة
أبو رويس .
أشكر الجميع على المرور والتعليق وبيان أماكن بيعه ..

[طيف الصمان]

سبق أن اشتريت الابريق وهو يحقق فعلاً المزاجات المتعددة للشاي ، أما بالنسبة للوصف فهو كالتالي اترك المحكمة الكبرى على اليمين وانت متجة شرق تعد جامعة الأمام محمد بن الاسلامية للبنات امش حتى يجيك مصرف الراجحي على اليمين شف صفة محلات اتراك تجده عندهم بجوار محلات مدهش لتجهيزات المطاعم سعره تراه 55 ريالاً ( اللي ما يعرف الوصف تراه في شارع طارق بن زياد ) وانا جاهز لاي معلومة يتساهلون اعضاء مكشات

[ابو بالود]

والله ياعجل متنكسر ثعبت في العزبه

بس حلو مره

[قلب الداهيه]

فعلا ابريق عجيب وغريب :eek:
يرضي جميع الأذواق
جزاك الله ألف خير أخي مسافر 1

[مسافر1]

إخواني ..
طيب الصمان

ابو الود

قلب الداهية .

شاكر للجميع المرور والإضافة

[بن منير]

برادي عجيب مافيه دله مشابه:D

:D

[إعصار]

مشكور يامسافر1

فكرة البريق هبال ..

لاتحرمنا من جديدك يالغالي..

[الربذي]

مشكور اخي مسافر وبارك الله بك تصدق شفت البريق مره ولادخل مزاجي جابلي حول
واثره لشاهي لاني كنت اتفلفس على اللي معي اقوله شف ابريق الشاهي والحليب !!!!!!!!!!!!!!اثرني مضيع الجاده زين ماسمعني احد بالمحل لان غيري يقول شف شاهي وقهوه
لكن مزاجك اثاره مثل مزاجي احب شاهي خفيف الا بعد الاكل الدسم احبه مثل رقم ثلاثه

[الربذي]

مره عزمت مدرسنا دكتور مصري وكنا عزاب المهم اسمع عن شاهي الصعايده واسويله كوب واحط فيه ثلاثه لبتون لين صار مثل شاهي اخونا ابو ريوس اسود طبعا هو ماشربه شرب رشفه وتركه
كل ماتذكر على يطيح وجهي :confused: :confused: :confused: !!
لكن لبو ريوس وش هالمزاج اعوذ بالله لو انا اقعد يومين مانمت

[الرهدن]

إن كان ستيل وكوري فهو :good:

يعطيك العافية00
.

[صصعفق]

سبق أن اشتريت الابريق وهو يحقق فعلاً المزاجات المتعددة للشاي ، أما بالنسبة للوصف فهو كالتالي اترك المحكمة الكبرى على اليمين وانت متجة شرق تعد جامعة الأمام محمد بن الاسلامية للبنات امش حتى يجيك مصرف الراجحي على اليمين شف صفة محلات اتراك تجده عندهم بجوار محلات مدهش لتجهيزات المطاعم سعره تراه 55 ريالاً ( اللي ما يعرف الوصف تراه في شارع طارق بن زياد ) وانا جاهز لاي معلومة يتساهلون اعضاء مكشات
اللــــه لا يهينك الوصف مره ثانيه وفي اي حي لوووووووووووووو سمحت
والف شكر اخوي المسافر

[ناوي نيه]

شي طيب هاذا البريق وزين اذا انت طالع مع شياب

[ناوي نيه]

شي طيب هاذا البريق وزين اذا انت طالع مع شياب:(

[ناوي نيه]

شي طيب وبذات اذا انت طااالع مع شياب

[ناوي نيه]

معليش على التكرار غلللط مني اسفين

[صصعفق]

انا رحت اليوم وشريته وجربته ممتااااااااااااز ب 55 ريال الصغير 70 الكبيرhttp://www.mekshat.com/pix/upload/images29/mk37276_asdfgh.jpg[/img]

[نجم حفرالباطن]

فكره حلوه اخو ي مسافر يامبدع

[مسافر1]

أشكر الجميع
على الإضافة
والتعليق .

[السارحي]

لاهنت يا المسافر ابريق ممتاز كان عندي واحد شاريه قبل سبع سنين من الخفجي

ولكن يفضل ما تحط السكر بالابريق لان في من يحبه حالي وفي من يحبه مر واذا ثقلته يبي سكر

ريح بالك وخل الحلى برا

وشكرا

[تكفون]

http://www.yabdoo.com/users/3905/gallery/3156_p96815.jpg


http://www.yabdoo.com/users/3905/gallery/3156_p96820.jpg


كالعادة يقوم قروب يابدوو بلطش الصور :(

شوفوا الرابط : http://by20fd.bay20.hotmail.msn.com/cgi-bin/getmsg?msg=MSG1173746422.1&start=4286926&len=35892&imgsafe=n&curmbox=F000000001&a=074a402f871e1aa5a01fa4c2c6496ba9f881f1509a029984 c8b68f59e763cb49&curmbox=F000000001&a=074a402f871e1aa5a01fa4c2c6496ba9f881f1509a029984 c8b68f59e763cb49

[اسير الغربة 1]

وتسلم يمناك

[هاوي القميري]

تسلم اخوي مسافر السراحه انا شايف هالبريق مع واحد من العيال واعجبني مرررره خاصه يوم ذقت الشاهي ( يكمد الراس ) ....

[دسم الشوارب]

السلام عليكم يا مسافر1
يازينك ويازين مواضيعك
ابريقك يذكرني بالغسالات التي تعبأ من الأمام
عندي طلب الله يحفظك
ياليت رسم مقطعي تشرح فيه ديناميكية عمله الله لا يهينك
لأني ما قدرت استوعب
ولك سلام واحترام محبك > دسم الشوارب (الاصلي)

[المعلوماتي]

الله يعطيك العافية --- بس ماقلت لنا وين يباع

[الضاحي]

اخوي دسم الشوارب

هذا عبارة عن ابريق داخل ابريق

الابريق الصغير (الداخلي) تحط فيه ورق الشاي

الابريق الكبير تحط فيه الماء واذا فاح تاخذ منه بالبيالة وتزله على ورق الشاي (بيالتين او ثلاث مويه) ثم تخليه على النار شوي وتتركه يركد بعدها ثم تزل في البياله من الابريق الداخلي (شاي مركز) وتزيد عليه في نفس البياله من الماء من الابريق الكبير (تخلط يعني) بحسب التركيز اللي تبي وتضيف السكر حسب الذوق

غثا شوي لكن متعة وكيييييييييييييييييييييف

وللاخ المعلوماتي تلقاه في محل او اكثر على شارع طارق بن زياد (تتعدى المحكمة الكبرى وسوق الزل وانت متجه شرق وبعد ما تقطع طريق البطحا (تمر تحت الكبري) تلقا المحلات على اليمين قبل الاشارة على طول)

تحياتي

[رياض الصمان]

الله يعطيك العافية أخوي مسافر1 دائماً مبدع في مواضيعك

الحقيقة البريق خش مزاجي لكن جاء متأخر



أخوك / رياض الصمان

[صصعفق]

انتا 100 100

[saaqaar]

ابشرك شريناه بـ 70 ريال الكبير
يعطيكم العافية

[نيشان نجد/]

الله يسلمك

[صديقهم]

شي طيب والله ....

بس الصغير كم لتر والكبي كم لتر...

ومافيه مكان يباع غير الديره...

ويعطيك العافيه اخوي مسافر1...

[الدبل الثقيل]

ثاني فنجال من اليمين هو الكيف ....... جزاك الله خير..

[أبوسلامه]

بيظ الله وجهك اخوي مسافر ...

هاذا والله العلاج صدق ...
بارك الله فيك يابعدي

[سمسم2006]

السلام عليكم

ابشركم رحت وشريت الابريق وجربته معليه كلام شاهي تمام

واسم المحل مؤسسة توجان للتجارة بجانب محلات مدهش للتجهيزات المطاعم ورقم التلفون ( 4470074 )

وانصحكم انكم تجربون

ونشكر اخونا مـــــــــســـــــــــــــــافــــــــــــــــــــ ر

[أسير الليل]

ياخوي شوري لك رح لمدينة الملك عبدالعزيز التقنيه وخذ عليها براءة اختراع .

[myking]

الله يعطيك العافية يامسافر1
انا شفت البريق بس فيه عيب واحد انه على كبر حجمه مايسقيك من الما
يعني حده 4الى خمس بيالات ويكح :no:

[سمسم2006]

حرام عليك اخوي myking انا جربته وشربت بكاسات وانت تزيد على كيفك المويه

[دايم البر]

الله يعطيك العافية يامسافر1

دائماً مبدع

[مسافر1]

إخواني :
السارحي ..
تكفون
أبو سعد .
هاوي القميري .
دسم الشوارب
أشكر الجميع على المرور والتعليق .
وأتمنى أن يكون فيه الفائدة وأن يكون مناسباً للجميع .

[مسافر1]

إخواني ..
المعلوماتي .
العافور .
رياض الصمان
صعفق ..
saaqaar
نيشان نجد .
صديقهم
الدبل الثقيل .
أبو سلامة .
أشكر الجميع على المرور والدعاء والتعليق .
ولكم كل تقدير .

[msm 911]

أناشايف ها الأبريق قبل فترة في محل والله لو قال لي بريال مأخذته ...
ومن يوم شفت الصور والبيالات والشاهي لأنواع المزاجات وأنا جالس أدور هالأبريق مع أنني نسيت المحل الي شفته فيه مادري شايفه على طريق سريع أم مجمع تجاري ,,,
ومن يعرف محل بــ تبوك تكفون لاينساني تروني مشتاق للشاهي بهالأبريق

[تكفيني الذكرى]

مسافر 1
مشكور على هذا الابريق اللي يعتبر هديه لنا جميعا
انا شريته من شارع طارق بن زياد مثل ماقلتو من عند الاتراك وبسعر 70 ريال حجم كبير
وفي مره من المرات كنت مسافر للخرج ولقيت مثل هالابريق وباحجام مختلفه وباسعار مختلفه حسب الحجم منها ب75 و65 و55
الموقع وانت متجه من امام اسكان طريق الخرج رقم واحد الى الخرج تلاقي سوبرماركت في محطه على يمينك بجوار السوبرماركت محل قهوه ع السريع كوفي شب صغير هالابريق موجود في السوبرماركت اول ماتدخل البقاله اقضب يمين وتلاقيه
تقبلوا تقديري

[سلطان العوني]

بارك الله فيك اخوي مسافر
قدرت توفر جميع الرغبات في ابريق واحد
ما شاء الله عليك



تحياتي

[شعيب الفويلق]

الله يعطيك العافية

[أبا مجاهد]

جزاك الله خير اخوي المسافر..

ماشاءالله انشديت لهالابريق:d
يعطيك الف عافيه اخوي عالصور الجميله

[أفق]

شغل نظيـــــــــــــف

[باترول 82]

الله يعطيك العافية

شكل الشاهي يبيله كشته لحاله

[omiran]

ماشاء الله ثلاثه في واحد والله شي



!

!

!

!

!

!

[أبن الوطن]

كيف هذا البريق مقسم من الداخل
لي ساعه افكر بينفجر راسي
ابي شاهي خخخخخخخخ

[الحسي]

هههههه
والله فكرة


لو مايجي منه إلا الغرابة

[ابوبرقاء]

والله البريق هبال من جد حلوا وانا سمية الدودة ( السروا) اللى يطلع في الربيع ان لمستة من قدام راح وراء وان لمسته من وراء راح قدام :d :d :d

ولا اقولك ازين شي سمه القطار يسحب يدف :dماشاء الله;) ;)

[ابو ضميد]

والله شي بدور مثله

[asdkl]

بسم الله الرحمن الرحيم

مسافر 1
مشكور على هذا الابريق اللي يعتبر هديه لنا جميعا
قدرت توفر جميع الرغبات في ابريق واحد
ما شاء الله عليك

[بواردي الدلم]

السلام عليكم
الصراحه يامسافر ان فيه واحد يدري اني اموت بالشاهي لدرجه انهم يسموني فلان شاهي وفي العمل
King Of Tea
بس الصراحه خويي زلابه قال ابهديك بريق يصلح لك وزلبني الكلام هذا من 7 شهور
بالله تكفى علمنا من وين لك ذا البريق

[كانو1]

مشكور والله يعطيك العافية ممكن القاه في جدة

[راعي الروضة]

يامال العافيه يامشرفنا العزيز مسافر 1 000 انصحك تاخذ موعد مع الدكتور الربيعة لفصل هذا البريق السيامي 000 ولذلك ناوي اشري هالابريق وأطلق عليه الابريق السيامي

[فتى احد]

السلام عليكم ...


وين ألاقي هالأبريق بالدمام ومشكورين .

[ابومالك البري]

هذا الابريق "ابريق الاحلام" كم هو غريب امره

[صقرنجد.]

مشكور وما قصرت

[محبكم بالله]

يعطيك العافية فكرة أكثر من رائعة

[المجمعه]

الله يعطيك العافيه

فعلا ان الواحد بيفتك من قولة ثقيل والا خفيف

بس تهقا ما يصلح للى يبى حالى والا مر

[برق بن رعد]

فعلا ابريق يرضي جميع الاذواق والاتراك يفضلون الشاي بهذه الطريقة يعطيك الف عافية

[خبير البران]

والله مدهش وحركه حلوه تسلم

[&أبوخالد&]

ماشاء الله ابداع

[الربذي]

مسافر مساك الله بالخير .مشتاقين لك ولمواضيعك وسفرياتك الي لوتسوي منها مجلد لكان شي طيب بصراحه سافرت فينا شرقا وغربا وبكل جهه واستفدنا الكثير....

[الجندي2005]

صرااااااااااااااااااحه روووووووووووووووووعة

[ابراهيم2008]

وين يباع فيه يا اخوي مسافر 1
الله يعطيك العافية

[برق بن رعد]

للأسف ان هذا الابريق شبه معدوم من السوق

[الستانس]

انا من رايي بدون دوخه راس

وشوله تشرب شاهي من الأصل ههههههههههه



مشكور اخوي مسافر ويبيلي تجربه بهذا البريق

[زميل الكل]

يعطيك الف عافية .

[فارس 2000]

طيب ليش ما ذوقتنا طعم الشاي بالابريق

[الصوت الخافت]

فكرته .... ممتازة جدا ...

[خن بط]

يادافع البلا
ابريق معوق
ابك ابك ابك
ياااااااااااااااوك
تقول قرون تيس عارضي

عزالله اني ابقعد اناظره ولاني متقهوي

وبعد اللي ابي اقهويهم


بس فكرته حلوه

[عنبسه]

الله يعين القهوجي والله يا بينحاس
يا ليتك صورته من الداخل عشان تبان الصوره لنا

[برق الربيع]

ابشرك شريناه بـ 70 ريال الكبير
يعطيكم العافية

تكفون الحقوني من و ين اشتريه

ابي احطه بعيون اخويا ي الي ما صدقو


وقاعدين يتريقون علي الي يقول نبي كبتشينو والي يقول نبي فرنس

ومن ها الكلام الحقوني والله لا اشتريه مهما تكون قيمته

[ابوي انت]

تم شراءه ب 80 الكبير
كم واحد شراه عن طريق مكشات ؟
المفروض خصم خاص لرواد مكشات من شارع طارق بن زياد

[بو جريس 73]

صح ابريق وشريته من سنة 99 وللحين تحت الخدمة عندي المشكله كل منشافه قال ابي مع العلم سنة99 جبت 18 واحد من استراحة الخفجي وبيعتهم والحيين ادوره مومحصل بالمره حتى في الرياض بسباله موموجود ولا في الدمام ولا في الحفر ((اقول اشونه عندي واحد))

[(مواصل)]

اخواني الكرام
اتمنى احد يفيدني عن هالابريق واين اجده
اتمنى افادتي عن ابريق النحاس وليس المعدن

[ابو السمك]

تكفون يا شباب وين القاه بالدمام ظروري

[ابو السمك]

تكفون يا شباب وين القاه بالدمام ظروري

[غريه لحور]

مشكور اخي على الموضوع...ابريق يحقق جميع الرغبات من الشاي صحيح هذا للرحلات 100%:good:

[ذكرني بك]

تسلم ياخوي والله شي عجيب وروعه بعطيك العافية

[ابو الجريح]

ما شاء الله ابريق على الكيف ولكن لدي سؤال هل يباع في مدينة جدة وأين بالظبط

[abo-lma]

ما شاء الله ابريق على الكيف ولكن لدي سؤال هل يباع في مدينة جدة وأين بالظبط



تقبل مروري ودمتم في رعاية الله

[ابو السمك]

تكفون يا شباب وين القاه بالدمام ظروري

[نمرnmr]

هل مازال موجود بالرياض

[khalaa2u]

جزاك الله خير

[jgjc]

ماشا الله على البريق

[غار بن شعلان]

السلام عليكم

صبحهم / مسهم بالخير كلن على حسب وقته

وحيا الله كلن بسمه وشلونكم طيبين ان شاء الله

يالربع انا عندي بريق جايني هديه مبطي والبريق حق شاهي كايف من جد ماتشرب مثله

وكل من شافه سئلني من وين جبته بس مالقيت مثله بالسوق ابد

اذا فيه احد قد شاف مثله ويدري وين ينباع يعلمني لاهنتم وهذي صوره

http://i34.tinypic.com/hra249.jpg

وهذي الصوره الثانيه

http://i34.tinypic.com/18dnok.jpg


والله يعطيكم العافيه مفدما

[ابوناصر426]

هالبراد موجود في محل الاواني اللي على الدايري الشمالي بين مخرج 5 ومخرج 6 (قصر الاواني)

[غار بن شعلان]

ابو ناصر بيض الله وجهك والله يعطيك العافيه ياجدي

بسير عليه بأقرب فرصه ان شاء الله ماقصرت على الوصف وعسى القى عنده

[غليص 506]

موجود لدى محلات برق الحيا للرحلات البريه الدائري الشرقي وموجود لدى محل رحلات المروج وبسعر والله اعلم 70ريال الصغير..

[Ra3i.mekshat]

اخوي تلقاه عند طريق الاشقاء لمستلزمات الرحلات اللي بالمروج انشاء الله

تقبل مروري ..
أخوكـ : فتى الخوالد .

[قاصد الصمان]

يوجد في محلات الاواني في السبالة

[ابوالمعري]

مساكم الله بالخير
اللي يدور البريق يلقاه بالنعيريه في سوق الخميس انا شاري واحد قيل 6شهور
وتحياتي للجميع

[غار بن شعلان]

الله يعطيكم العافيه يالربع وماقصرتو بسير على كل محل وصفتو لين القاه ان شاء الله

[S.i.e.r.r.a]

اسلام عليكم
ياشباب الابريق هذا شفته في محل برق الحياء
وسعره تقريبا 85 او 75
وصف المحل
الرياض الدايري الشرقي مخرج 15 تاخذ المخرج بتجاه الشرق {يسير جامع الراجحي على يدك اليمين}
تعدي اول اشاره ثاني اشاره يوتيرامسك الخدمه تحصله على اليمين لوحته ماهيب واضحه
تقبلو مروري

[aah911]

يعطيك الف عافيه

[اابوحمد]

مشكووور

والله يعطيك العافيه

[الكااااااااشف]

يعطيكم العافية هذا البراد والا بلاش

[عقله]

السلام عليكم يالاخوان ... انا توي شاريه من محل للرحلات بالمروج قيل مركز الخطوط السعويه شريته من نص ساعه الصغير 65 ريال والكبير 85 ريال ولا بعد جربته بس ابي اطلع اليوم بعد العصر اجربة ان شاء الله

[بن مرشد1]

تشكر أخي الكريم ..

[نفود الثويرات]

لا بد من التجربة.
بارك الله فيك.

[اصيل نجد]

يشباب مساكم الله بالخير هذا البريق موجود في شارع السباله بالرياض وهاذا الشارع يبيع مواعين جمله ومفرق وتجد البريق عندهم وفيه 3 او 4 مقاسات وانا اخذت المقاس والوسط والكبير بس احط السكر بالخارج صراحه شاهي رايق جداجدا تحياتي للمسافر1 و للجميع

[شبــ الريح ــيه]

رااااااااااااااائع جدا

ياليت احصل مثله في جده

لكن ما ادري وين يبيعونه

يعطيك العافية اخوي مسافر1

[شقردي تو]

مشاءالله تبارك الله بريق عبارتين يعطيك العافيه اخوي

[aba2008]

الله يخليكم
ابي المقاس الصغير
ياريت احد يرسله لي على الاحساء عن طريق زاجل
هذا جوالي 0551789813
بعد اذن الادارة

[نفود الثويرات]

أبو فهد
هذا خنثى مشكل
ع العموم إبريق حلو مرة
بس لازم تأخذ حق الدعاية.

[هوايتي مكشات]

ابريق مخولق ههههههههههه
صراحة عجيب هالابريق

[النيساني]

اللي يبغاله واحد بالقصيم وين يحصله .

[rigidman]

شكلو صعب شوي بس الفكرة رائعة

وفقك الله

[الغضا 3]

مشكور يالمسافر والصراحه هالبريق خبااال

شايفه قبل فتره في برق الحيا ومادخل راسي لاكن هالحين دخل وبقوه

والى يسائل عنه تلقاه بمخرج 15 طرق الميه محل برق الحيا

[خالدالزلفي]

ماشاء الله تبارك الله



تقبل تحياتي وتقديري

[اسدهم]

عند برق الحيا انا شايفة بس ماسئلتة عن سعرة

[فاقد ارسال]

الابريق كااايف وخاصه لرعاين الكيف
بارك الله فيك

[خوي الساري]

بصراحه فكرة هالبريق ممتازه جدا 0 ولكن تبي الصحيح هي تصلح لاخواننا السودانيين00000000تحياتي لك000

[جداوي صميم]

والله هالابريق عجيب هههه

[محلات الكشاتة الرئيسي]

موجود عن محلات الكشاتة على طريق المية بعد ميزان العضيب

[نفود الطوقي]

الله يعطيك العافية
وبيض الله وجهك

[الشاطئ]

جزاك الله خير ونفع بك

[ابوفراس99]

السلام عليكم

هذا الابريق ممتاز ويرضي جميع الاذواق ويسمى(ابرق ابو راسين)او(الشيطان)

ويباع في جميع محلات الرحلات وانا شريته من المحل الى في حي المروج

[عقيعقب]

السلام عليكم



هذا الابريق ممتاز ويرضي جميع الاذواق ويسمى(ابرق ابو راسين)او(الشيطان)



ويباع في جميع محلات الرحلات وانا شريته من المحل الى في حي المروج

بكم شريته ؟؟

[الكايد 20007]

ياشباب اليوم لقيت البرادي هذا عند القناص في جده وقيمته 30 ريال

[Desert Ranger]

انا لقيته بـ75 ريال عند محل الدهو طريق الملك عبدالعزيز مخرج 5 الرياض.

[سواح الحجاز]

الف شكر لك ياممبز

[ابوهيثم2008]

ابريق مميز

[lvud29950]

عجييييييييييييييب

[قنااااص]

يا أخوان نبي أحد يوضح لنا

ميكانيكية عمله هههههههههههههههه

الصراحة مافهمت طريقته ممكن توضيح؟؟؟؟

[هاوي الفلة]

بحثت عن الابريق ولم أجده .
اذا أحد الاخوان عنده علم وين يوجد أكون له شاكر

[هاوي الفلة]

يا أحباب
إذا احد عنده خبر وين يوجد لا يبخل علينا:(

[قيس عبدالله]

بصراحه اهنيك يعطيك الف عافيه

[محب الخيال]

في هالوقت لاتستغرب أي شي تشوفه

مشكور يا مسافر1 والله يعطيك العافيه

[6ariq]

موجود عند اغلب محلات الرحلات <<<كل مادخلت محل حصلته

جربته وهو ممتاااااااااااااااز
ولكن يعيبه استهلاكه للشاهي بشكل كبير
حيث ان حاوية الشاهي في وسطه حجمها صغير ولاتستوعب كمية كبيره من الماء ولا تقدر تزوده ماء لان الشاهي بيفقد نكهته

يعني يخلص ماء الشاهي والماء المحلى ماخلص :(

وكمية الشاهي اللي تحطها فيه تكفي لصنع ابريقين او ثلاثه من نفس الحجم

[خالد العيسى]

يعطيك العافية الصراحة تحس انك تشرب شاي مزااااااااج يالبى

[خالد العيسى]

الان موجووود بمحلات الرحلات بالبرية والصحراء وبرق الحيا وعلى ما أظن السنيدي والحين بمحلات الاواني المنزلية

[يوسف الزعيم20]

يوجد في حائل بمحل القاضي

[محلات الكشاتة]

متوفر لدينا
بسعر مناسب جدآ

[محمد بن فارس]

هذا مثل شاي البخار
انا مجربه عندي نفس البريق
بالمختصر اقلاع

[شطااااب]

صراحه مره حلووو ويناسب كل الاذواق

[تميم الوشم]

ممتاز وجربته مع واحد من الربع ...

وحصلته بمحل الرحلات بالدمام طريق الملك فهد اظن اسمه المقناص او القناص ..نسيته والله

بس حصلته عنده بعد رمضان .

[star22]

يعطيك العافيه

من جد من واقع تجربه
رهيب

اشتريته قبل سنه ونص من برق الحياء

بــــ70 ريال تقريبا

وفيه احجام

[kimo mashakel]

بصراحه أبريق خطير مره وأحلى شي فيه أنه يرضي جميع الأذواق

[ابوسلطان123]

الله يعطيك العافيه على التوضيح

[سليمان 10]

فعلا الابريق فكرته جيده وهو الآن يملا الاسواق بعد قله وانقطاع فبارك الله فيك يمسافر 1 على الموضوع 000

[حلم البحر]

فعلا كثير منا يستعمل أكثرمن برادبالرحلة
واحد يحبه خفيف واحد يبيه خادر البيرق يوفي بالغرض
الله يعطيك العافية على التقريربالشرح والصور
تحياتي لك