المساعد الشخصي الرقمي

مشاهدة النسخة كاملة : موضوع هام لصقاره


شيخ الخوالد
06/03/2007, 11:10 PM
السلام عليكم ورحمة الله وبركاته

اخواني الصقارين انا طبعا جديد في هذا المنتدى

وامتلك خبره في الصقاره اللي تكفيني بس حبيت اسئلكم سؤال

انا الان وقفت طيوري عندي ثلاثه حرار وقيضتها في البيت عندي العام

وطلعت الطيور متأخر طبعا طلعتها في 15 رمضان وطبعا انا في المنطقه الشرقيه يعني الحباري قد

انها عبرت.

ابغى منكم كيف اقيض الطيور واخليها جاهزه قبل الموسم بشهر

لاني اسمع في بعض الناس تصفي طيورها قبل شهر من الموسم

هل في علاج يجعل الطير يصفي الريش وامواسه بسرعه؟

واذا في عطوني اسم الوصفه

واعذروني اذا طولت عليكم



اخوكم / شيخ الخوالد
ولـد الدوادمي
06/03/2007, 11:20 PM
الله العالم على حسب حذف الطير
طارق الحربي
07/03/2007, 12:09 AM
فوق كل ذي علم عليم :)


اربطها بدري

والعب بوزنيه العلف عشان تحذف بسرعه

ابعد عن الكبسولات ولك الشكر
الفيتو
07/03/2007, 12:37 AM
بسم الله الرحمن الرحيم

السلام عليكم ورحمةالله وبركاته

مساء الخير يا خوي / شيخ الخوالد

انا يا خوك اول مره اجرب العلاج عطانيه واحد من الربع وقال عطه الطير

(11)يوم وبيحذف فعلا بعد المده ذي حذف الطير الأول

شفت النتيجه وعطيت الطير الثاني ولي (5) ايام وبعد

(11)بشوف لو حذف معناه تأكيد كلام رفيقي

بناء عليه جرب انت العلاج وهو موجود عند

الدكتور فارس التميمي

فالشرقيه عباره عن بودره ب(200)ريال



والسلام

الفيتو

الحجاز

18/2/1428هـ
حطاااااب
07/03/2007, 01:12 AM
السلام عليكم ورحمة الله وبركاته
صباح الخير الاخ 000 شيخ الخوالد
اذا تبي تتكلم عن حذف الطير بدون علاج يرجع على طبعه كل سنه في الحذف بشرط ماصابه مرض او شي يخلف حذف الطير
اما بالنسبه اذا تبي طبيعي في شي جربه خطوه خطوه وكل مرحله اذا مانفعت معك اختار اللي بعدها وانا مجرب الكلام هذا ومافيه شي بيضر طيرك
ارفع طيرك وبالصحيح عد الطير خل وزنه يجتاح الوزن اللي معتاد عنه طبعا قبل ماتربط واخلف عشاه مع تنزيل الوزن كنه وزن هدد بعدها ارفعه وزنه ثاني مره وتشوف طيرك مشفوح على عشاه ويتغير طبعه بعدها اربطه وخاصه الوقت هذا يفيد الحذف رفع الوزن هذي مرحله طبيعيه اما اللي يقول فار جربوع حمام زغاليل هذي تنويع وقوه فتامينات في المقيض هذي مرحله بدون كيماويات
المرحله الثانيه بالحبوب اللي عند الدكتور فارس وتنفع مع الحرار الخضر بشرط ان طيرك وزنه زايد ومع حبوب حمر فتامينات اذا مالقيتها عنده تلقاها بالبحرين( محميت العرين ) وتراها تضر الطير اذا طيرك وزنه نازل او الطير فيه مرض
واذا مانفعت خل طيرك ياخذ اسبوعين يرتاح من سالفه الكيماوي لتضمن انه مايضره والضمان من الله
عاد اخر مرحله البودره اللي يتكلم عنها الفيتو لاكن جميع انواع البودره تبهت الريش سواء اللي عند فارس او غيره تحس ضعف في الريش وتغير في اللون لاكن هذي اخر مرحله تحتاج تفعلها مع ان شاءلله منت محتاج لها لان الحر يجاوب مع الحبوب اكثر من الشياهين هي اللي تنفع لها البودره هذا والله اعلم وان شاءلله يفيدونك الاعضاء باحسن من معلوماتي
تحياتي للجميع
حطاااااب
07/03/2007, 01:20 AM
توضيح (( الحرار الخضر ))
سبقت كلمه الحرار والمقصود بنوع الحبه لونها اخضر وليس نوع الطير
بس وش نقول كل مطرود ملحوق لاكن سبقني الغلط الاملائي
عدد الحبوب 30 حبه والفتامين مابين خمس الى سبع ولا تستهون في الفتامين لانه يفيد الطير
صاحب الطير
07/03/2007, 01:32 AM
إذا وعدك تعدم ريش طيورك..عطها حبوب!!!!!!
رآعي آلبآترول
07/03/2007, 07:47 PM
اذا تبي الطير يحذف قبل الموعد نزل وزنه الين ينزل عن وزن الهدد شوي ثم رصصصصه بالعلف ونوع له بين جرابيع وسمان ورصه ولاتحرص على المكان البارد.. خل مكانه ماهوب بارد بالحيل .. وراح يحذف..
أبو رداد
08/03/2007, 07:26 AM
الله يحيك ياشيخ الخوالد
وجهة نظري في الموضوع
كورسات الحذف السريع بجميع انواعها
لها مردودات سلبيه على الطير او اضرار جانبيه
مافي اخير من الطبيعي
مع مراعاة مايلي
1 / مقيض الهدد افضل من الربط واسرع (مقيض هدد كبير)
2 / اطلاق الطير مبكر
3 / التنويع في العلف
4 / تنزيل وتصعيد الوزن تدريجيا وعدم جعل وزن الطير يستقر
5 / عدم مسك الطير وبرقعته خلال فترة المقيض
6 / اعطاء الطير ملتي فيتامين مع العلف كل يومين او ثلاث ايام
والسلام
شيخ الخوالد
08/03/2007, 09:37 AM
والله ما قصرتم

والله يجزاكم الف خير

على ردودكم

وردودكم كلها في محلها

والسلام اختام

اخوكم / شيخ الخوالد
جاسم الخالدي
10/03/2007, 04:01 PM
السلام عليكم اخى العزيز وصفت ابو رداد صحيحة جدا التزم بها والكم التفيق اخوك جاسم الخالدى معة الشكر