افاده عن طلوع ريش الطير المنتوف

[بو هاشم]

اخواني مشرفين وا اعضاء المنتدا هذي اول مشاركه لي في خيمت الصيد بالصقور استفساري عن طير حر راح اشتريه بس فيه مشكله انه راعيه ناتف ريشه ومن العام ما طلع له ريش ايش السوات هل له علاج . افيدوني بي اقرب وقت عشان ارد على راعيه مع ان الطير صايد كل شي والشكل الخارجي زين وا مقاس الطير حلو و باخذ برخيص بس هل فيه رجا ان تطلع له ريشه وراعيه تعب وهو يعالجه ويخسر عليه وترى انا اول مره ابجرب الصيد بالصغور و ماعندي خلفيه عن الطيور بس اسمع من الشباب

[أبو رداد]

الله يحيك يابو هاشم

بخصوص ريش الطير اذا كان منتوف
ريش الذيل اذا نتف يظهر
اما ريش الجناح اذا نتف فلايظهر واذا ظهر فيكون اعوج او ملتوي وضعيف
في اغلب الاحيان ولكل حاله شواذ
وكان بعض الصقاقير بالسابق يضعون حبة حنطه في مكان الريشه
ولكنها لاتنجح اغلب الاحيان
هذا ماعندي عن هذا الموضوع
ولعل باقي الاخوه ينفعوك اكثر
والسلام

[صاحب الطير]

خذ نصيحة ما خذ على قفاه..(((لا تشري الطير بارك الله لراعية))تراك بتقعد بها..وإذا بغيت الحر الكامل..17.5في17.5..تراه موجود وفاعل ..عليه وسرة ومنسر وكف وعين ماشاء الله الطير أحمر وإذا تبغاه عندك الخاص راسلني عليه..

[حطاااااب]

السلام عليكم
الاخ 0000 بوهشام
الله يعوضك بطيب منه واتركه احسن لك لان قليل جدا اللي سمعنا انه سلم من النتف
ولو بخوفك من الطير قلت ماسمعنا ابد بطير انتف وطلع ريشه الا وكري منحوس طاح براعي حمام واخذ حقه لاكن تحفظ راعيه عليه لمده 3 سنوات خوف من الله يحاسبه على النفس (الله يجزاه الف خير)
وماظهر معه الريش كامل بعد ناقص

[abo_dgsh]

انصحك انك ماتشتريه واذا شريته الله يعينك تركب له ريش
انا خابر لي رجال في الدوادمي يركب ريش واذا تبي واحد حولك
قلي انشد العيال

[بو هاشم]

السلا م عليكم
ابو رداد
صاحب الطير
ado bgsh
حطاب
يعطيكم العافيه على مشورتكم والنصيحه الطيبه و اشكر مروركم الكريم