المساعد الشخصي الرقمي

مشاهدة النسخة كاملة : ألشيهانة تردد الكروان وتنزله ولا تبيه ... وش الحل؟؟؟


س م ح 999
07/03/2007, 10:26 AM
السلام عليكم ورحمة الله وبركاته

أخواني عندي مشكلة مع طيرتي (شيهانة جبلية) مواريها زينها وكل من شافها قال ذي تصيد الكروان ... بس عندي مشكلة معها ويمكن السبب تقصير مني لأ،ي ما ألوح لها واجد .. الطيرة هديتها على الكروان ولا كانت تبيه رددته ولحقته طرحت وبعدها علمتها على كروان معزول وصادته مرتين .. وقبل أسبوع ضاعت مني يومين ولقيتها .. واليوم هدها واحد من الأخوان على كروان ولحقته ورددته ولكن يوم إنها نزلته ما بغته وتركته ... وش أسوي فيها .. أحد الأخوان يقول إن الطيرة عديدة وأنا قاصر عليها بالعلف عشان الموسم ولياقتها زينة وحلوة مع تقصيري معها ..

وش أسوي فيها أفيدوني أبيعها ولا أصبر عليها ولا أشنذرها ولا وش الحل ؟؟ ذا ثاني كروان تهمله ولا تبيه .؟.؟


تقبلوا تحياتي
العزيزي
07/03/2007, 11:06 PM
مساء الخير اخوي للمعلومية ان بعض الشياهين اذا صار فيها ريش خضر ما تنازل الفريسه في القاع تبيها بس طيار وشكراً.........
صقر العوازم
08/03/2007, 12:01 AM
اذا انت ماشنذرته في اول الوقت شنذرها ان شاء الله تبي تصير حاره على العلف
أبو رداد
08/03/2007, 07:14 AM
شاهينتك تريد حبة اخلاق (شنذره)
والله اعلم
ولو اني افضل ان تقصر عليها وتوجبها صحيح وتهدها قبل الشنذره
والله يوفقك
حطاااااب
08/03/2007, 06:25 PM
السلام عليكم
الاخ س م ح 9 9 9
اقصر عن الشيهانه لان طلبها على كلامك طلب طيره عديده ولو تبيلها شناذره ماكانت تردد الصيد على قولك
لاكن الاخوان فادوك بالشناذره وخلها على كلام ابو رداد اخر شي اذا مانفع
بس انا اعرف ناس من غلاتهم لطير يحن عليه حتى لو ماصاد يقول بسوي وبسوي اي بينزل وزن الطير
ومجرد مايشوفه يقول حرام مايستاهل قلبه رهيف
نعم هذي نفس وتحاسب عليها بس لازم من انك تقصر على الطير وخاصه الكروان يبيله شيهانه معدوده صح بس بشرط انها صايدته
انت نزل من وزنها ولما تصيد وترغبه ارفع الطير وان شاءلله مايخيبك
عبدالله العمرو
09/03/2007, 03:15 PM
أخوي : السلام عليكم ....

ما قلت لنا وشلون علف الطيرة غير الكروان ؟؟؟
إن كان علفها ضعيف مع غير الكروان شنذرها ...
وإن كانها شرهة على غير الكروان وإن عيافتها بس للكروان أقصر عليها العلف شوي وحدّها بالعشاء على الكروان
وإن كان بدون هدد ....
وياليت يكون حي خلها تفرسه بمساعدتك وعطها من رقيق اللحم مثل القلب والكبد وإن شاء الله بتسرك ....


موفق بإذن الله ....
حطاااااب
09/03/2007, 10:26 PM
الاخ 0000 س م ح 9 9 9
نبي ردك وعلوم الطيره وش صار معها
BeLoveLy
11/03/2007, 08:00 AM
السلاام عليكم ,,,
انا ما ازود عن الي قالوه الاخوان بس انا من وجهت نظري اشوف ان الشناذرة مو زينه للطير و خصوصا للشاهين لائن الشاهين طير ميزان و اذا على كلامك الطيره تردد الكروان و يوم نزل ما بغته انا اشور عليك انك تقصر عليها بس انتبة و خل معك ميزان ولا تقصر عليها مره لائن الشيهانه حساسه و انا صار معي زيك العام و قصرت عليها شوي و صار ما يروح عليها كروان بس لا تقصر عليها واجد و الشباب هنا فيهم الخير و البركه :)
راعي الكوبج
11/03/2007, 08:39 AM
الصراحه ياخوي الشاهين بانواعه يمرض ايسرعه اعطيك احسن حل وجبه يوم او اكثر ويمكن الطير فيه دود او اكسيديا واخذلك 10 او اكثر هددها على حمام يمكن الطير ناقض ودعاه وعقب هده