المساعد الشخصي الرقمي

مشاهدة النسخة كاملة : عندي اقتراح يجوزلكم كلكم


dark
07/03/2007, 11:59 AM
هذا قتراحي وعرف ان اكثركم فكر فيه بس قال مستحيل ان اشي هذا يصير

القتراح نادي خاص برسوم ماليه

نتساجر استراحه علي طريق القصيم او رماح او الدمام السريع او الجنادريه
المهم تكون بعيده عن الرياض شوي
ونحط فيها السلق ومجالس لنا يا الشباب اهل الهوايه هذي ونحط عامل ينتبه عليها
والي تخف نفسه يحضر ويكون مكان نظيف وسلق بمحل نقدر ننقلها باي وقت ونحدد سباقات فيها


القتراح الثاني
تحديد سباقات بين
اهل الحجاز
والشرقيه
ونجد
وشمال
الين يصفي واحد بس
ويعطي اسم وطوق يرمزله
dark
07/03/2007, 02:51 PM
صعبه صح :D
الغوا اقتراحي

هونا:D :D :D :D :D
عبادي 91
07/03/2007, 02:52 PM
وينكم والا خفتو من اهل الشرقيه
dark
07/03/2007, 02:55 PM
:D :D :D عبادي91
انت في الشرقيه والله لو انا مكانك اطقلي طرد وسناره وكل خميس وجمعه علي البحر
ابرك من المرمطه:p :D
راعي الهـــدد
07/03/2007, 03:08 PM
رايك طيب

بس لو يطور اكثر وينضم

ياليتك نزلت تنضيم له ومجدول وجاهز

ثم تطلب الموافقه عليه وطرق دعمه

فبهذا ممكن ينجح رايك

عموماً سافرد ذلك بموضوع وبشكل تنظيمي ومجدول مع طرق الدعم وطريقة العمل

وانا من المشجعين على ذلك
القحطاني505
07/03/2007, 05:57 PM
اقتراحك صعب والله يعطيك العافيه
سلطان العوني
08/03/2007, 02:41 AM
هلا وغلا اخويDARKاقتراحك سبقتك عليه انا في موضوع قبل شهر تقريبا وانا للحين موافق باللي تبونه وعندك طول الله عمرك ابو سطام وابو نايف والله انهم ما قصرو تبرعو بالاستراحات ومكان للهدد قريب من الاستراحه والعذر والسموحه من الله ثم منهم لاني ما دقيت عليهم ما شفت الشباب تفاعلو على هالموضوع بالرغم من انه ما راح يولد خساير كثيره ومقصدي ومقصدك كسب النشاما شروا اخواني اللي بالمنتدى ولو انا ندرس الموضوع ان وانت وابو نايف وابو سطام من غير قصور بالاخوان يكون احسن وياليت تراسلني عالخاص او الايميل
ASAS-442-@HOTMAIL.COM
وياليت الشباب كلهم يتفاعلون معنا في هالموضوع لان منه فوائد عديده نحل مشاكل سلقنا ونتشاور فيما يخصها وفوائد كثيره ما تحظرني حاليا وياليت اشوف الشباب متفاعلين كلهم وانا ااااااسف على الاطاله
اخوكم سلطان
جبل خزة
08/03/2007, 03:04 AM
أنا كان يدور في مخيلتي شي ثاني من زمان بس ما طرى على بالي انزله ، وجا هالموضوع وشجعني أرجو اني ما أتعدى على أخوي dark ويسمح لي .

الاقتراح ان المشرفين على منتدى مكشات أو من ينوب عنهم يقومون باستئجار موقع لإقامة معرض لاختراعات وابتكارات المبدعين في مكشات سواء في الصيد أو أدوات الكشتة أو السيارات وغيرها من المجالات الأخرى ، ويصاحب المعرض سباقات للطيور والسلق وحتى السيارات ،ويكون تحت رعاية شركة كبيرة وتغطية إعلامية تساعد على نشر هذه الابداعات وتوثيقها أمام الناس

وش رايك أخوي dark ولا هانوا الاخوان
سلطان العوني
08/03/2007, 06:36 AM
يا شباب ابو سطام وابو نايف ما قصرو تزهلو بالاستراحه وش تبون اكثر من هذي
اصملو اصملو ترا معرفة النشاما واخوتهم مكسب
dark
08/03/2007, 01:34 PM
قبل كل شئ النادي كما سنسميه مصيره يطلع علي النور وبقوه وتلقون دعم مادي فيما بعد من مجلات او قنوات فضائيه صدقوني
هذي هواية 50% من دول الخليج 75% من دول العالم
بس يبي مجموعه بسيطه تبداء وراح تنتشر اخبار نادي في الخليج
الستراحه بس ومجموعة شباب وسلق مايبي
تفكير
وكل اسبوع نزل اخبار في المواقع عن انادي الين يجتذبون ناس ويكبر نادي
خلوا الموضوع يمشي ويستمر كمشهر وانا مستعد اجيب قنوات فضائيه مهتمه بصيد ولهدد ومستعد اجيب لكم صحف محليه تنزل خبر عن نادي
اصملوا بس
sasasasas
09/03/2007, 01:04 AM
[b] والله انا من ناحيتي والله


اقتراح حلو بس وين الي يبي يصمل

اخوي ياليت تنزل موضوع على الي يصملون يكون اخوي طلو مشرف عليه علشان نسجل الاسامي الي يصملون للاستراحه
وانا جاهز باي وقت
طلو
10/03/2007, 12:57 AM
هلا بالجميع انا جاهز عندي الاستراحه وعندي لكم مهد علا ضبي وسمره وناسه وفله احجاج وان تطلب الامر شي ثاني ابشرو
كن مع الله
10/03/2007, 01:00 AM
حقيقة لاارا هذا الاقتراح
ارجو انتتقبلوه بصدر رحب
عبدالرحمن السالم
10/03/2007, 10:49 AM
ماشاء الله تبارك الله فكره حلوه ورائعه جداً أخوي dark
فعلاًَ زي ماقلت اخوي اكيد راح نكتسب الشهره وصدقوني مع الايام
راح يجي داعم ويدعمنا ويسوي لنا نادي للهوايه هذي ..

اتمني لك اخوي dark وللجميع دوام التوفيق

أخوكم / دحيم
dark
10/03/2007, 10:53 AM
اخوي كن مع الله
اعلم ما يدور بمخيلتك
:)
بس انشاء الله يطلعون اشباب
شباب صالح وفيهم خيروفيهم منهو دين ناشاء الله
هذي الفكره سوينها بقطر وبالتحديد في عزبه مابين الريان وشحانيه
وعرفت شباب صالحين بناس صقيمين وهداهم الله وصلح من شانهم المرجله وتعارف الطيب
تاسس شاب او الرجل
((( ام الحباب وسكار بنطرده وهو يشوف بعينه ولاحني مستحين منه ((من مستحى من ربه مايستحي منه)))
عساني وصلت الي بذهنك
عمدة مكشات
10/03/2007, 11:12 AM
مساكم الله بالخيــــــــــر ،

يا كثر الأمنيات وياكثر الاقتراحات وكلها تبغالها ( الصملـــــــــــــــــــــــــــه )

أخوي dark ما قصروا الشباب ولا أستاذي / طلو ، آمل سرعة تنفيذ هذا المقترح لكي يرى النور قريباً وحتى لو كانت البدايه قليله صدقني سوف يتزايد العدد ، ( نريد تنفيــــــــــــــــذ ) ، وأنــا مستعد باللي تامرون فيـــــــــــــه

أخوكم / عمدة مكشات
وللتواصل albreens313@hotmail.com
العتيبي %
10/03/2007, 04:55 PM
مشكور على الفكره الرائعه
راعي الهدبا99
11/03/2007, 04:12 AM
فكره حلوه
انا (والعياذ بالله من كلمت انا)
صامل على الموضوع خصوص اني من اهل الرياض
لاكن وين اللي يبي يصمل

اخوك راعي الهدبا99
abo_dgsh
11/03/2007, 07:28 AM
الأجار مايصلح الا اذا كنتم بتستاجرونه خمس سنين
علشان راعي الأسترحة مايرفع الاجاااااااااااار
ونصحيتي ملك احسن لك دور لك استراحة
او مزرعة احسن وانا ودي اني معكم لأن سلقاني
في تختخ بر في وسط نفود محد يدري عنه
عند الابل في الدهناء
dark
11/03/2007, 10:12 PM
abo_dgsh (http://www.mekshat.com/vb/member.php?u=42396)

ابل مهمل
معدها بسلق
:)
والله وزين تجيك راعية لياقه
الهوى
13/03/2007, 02:38 PM
اقتراح حلو بس وين الي يبي يصمل