باركولي جاني مدري ولد والا بنت [الأرشيف]

ريم البراري

08/03/2007, 06:50 PM

مدري هو ولد والا بنت:D

قبل كم يوم لقيت عش (أم سويد) وفيه 3 بيضات:D وقررت اتابع البيض والتفقيس ونمو الصغار وسلوك هالطير الجميل اللي عجزت اعرف اسمه العلمي علشان اعطيكم معلومات اكثر عنه:D

الطير لونه اسود جميل وصوت جميل جدا جدا:D

ان شاء الله بحط لكم صور العش الليلة وصورت اول عيالي والا بناتي مدري:D

جد ان مبسوطة وحبيت تشاركوني هالفرحة:D

سميتة سويد والا سويدة اذا انثى:D

تكفون اللي عنده اي صور او معلومات يحطها لي الله يجزاكم خير:D

خلوي

08/03/2007, 06:55 PM

الله يجعلهم ابناء صالحين

××××××××××××

حرر من قبل ناصح

د.حكم

08/03/2007, 06:59 PM

أولا..

حيالله بنت الرس..

ثانياً

مبروك ما جاكم..

ثالثا وهو الأهم..

سأحاول إيجاد ما طلبتي أوخيتي العزيزه..

شكراً لك ولقلمك المميز.. بنت الرس..

د.حكم..

.

ريم البراري

08/03/2007, 07:31 PM

هههههه
الله يجزاك خير اخوي خلوي:D
شرفني مرورك

ريف النشاما

08/03/2007, 07:35 PM

ياليت يتم متابعة العش متابعه علمية ودقيقة على الأقل بالصور في البداية

صخب

08/03/2007, 07:40 PM

اول شي نبارك لكم على قدوم اللافي

ثانيا معرفة جنس الطير اللي تذكرين صعبه شوي اذا كان صغير لكن من السهل تعرفينها اذا كبر وذلك عن طريق التالي:

امسكيه مع منقاره وارميه فوق اذا طار فهو بلا شك ذكر
اما اذا طارت فأكيد انها انثى

الطريقة مجربة ومضمونة وبالتوفيق

ريم البراري

08/03/2007, 07:47 PM

اخوي د حكيم

اولا الله يحييك:D
ثانيا الله يبارك في عمرك:D
ثالثا انتظر ماعندك على احر من الجمر:D
رابعا الله يسعدك ويحفظك ياخوي
خامسا شرفني مرورك:D

ريم البراري

08/03/2007, 07:59 PM

قبل يومين
(أكتشاف العش)
بواسطة أمي الغالية أطال الله في عمرها:D
قالت تعالي فية مفجأة
جيت قالت هذا عش ام سويد وابو سويد اللي صجيتينا فيهم:D
:D :D :D والعش فيه بيض:D :D :D :D
اول الصور قبل يومين

http://www.sahatalrass.com/vb/uploaded/58_1173373097.jpg

ريم البراري

08/03/2007, 08:32 PM

هلا فيك اخوي ريف النشاما

ياليت تساعدوني وترشدوني كيف ادرس الطير دراسة علمية وانا حاضرة لاني مااعرف في هالامور بس بحاول اسوي كل اللي اقدر عليه ان شاء الله
شكرا على مرورك ياخوي

الضاحي

08/03/2007, 08:39 PM

امسكيه مع منقاره وارميه فوق اذا طار فهو بلا شك ذكر
اما اذا طارت فأكيد انها انثى

الطريقة مجربة ومضمونة وبالتوفيق

ههههههههههههههههههههههههههههههههههههههههه

الله يرج عدوك يا صخب

عورتني جنوبي من الضحك هههههههههههههههههههه

بـــ نجد ـــرق

08/03/2007, 08:46 PM

ههههههههههههههههههههههههه

يتربى بعزك ان شاء الله

وذا بغيتي تفرقين بين الذكر والانثى .

اذا شفتيه بثر وحركته واجد اعرفي انه ذكر

واذا شفتيه هادي ولا يتحرك ومنزل راسه فاعرفي انها انثى

تحياتي لك

ريم البراري

08/03/2007, 09:05 PM

شكرا على المرور أخوي صخب

أخو ريان

08/03/2007, 09:09 PM

يتربون بعزك

سيف الرعد

08/03/2007, 09:45 PM

مبرووووووووك
الله يجعلهم عطاء صالحا

تحيتي

ريم البراري

08/03/2007, 10:05 PM

http://www.sahatalrass.com/vb/uploaded/58_1173380181.jpg

صور التقطت اليوم

بعد يومين من أكتشاف العش

خروج سويد الأول:D اوسويدة الأولى:D

http://www.sahatalrass.com/vb/uploaded/58_1173380303.jpg

http://www.sahatalrass.com/vb/uploaded/58_1173380535.jpg

http://www.sahatalrass.com/vb/uploaded/58_1173380622.jpg

ماطولت كثير لان الام صارت ترفرف وتطير قريب مني:D

أخو ريان

08/03/2007, 10:07 PM

من حبي لهن احس اني ابي اكلهن

بس ياليت تسمنينهن لي

ومشكوره كل الشكر

ريم البراري

08/03/2007, 10:46 PM

طائر صحراوي مغرد ذو صوت شجي جميل جدا
لايعيش على شكل جماعات
يتكون غالبا من ذكر و أنثى فقط
فترة التزاوج الربيع او دخول العقارب
تضع أعشاشها في الشجيرات الصغيرة وبين الصخور لاتفضل الأشجار العالية والكبيرة
تحب الوقوع او الوقوف على الأماكن المرتفعة
هناك مثل سائد(أم سويد على عويد):D
تبيض بيضتين الى ثلاث بيضات.
غالبا يفقس البيض بعد تقريبا العشرين يوم.

ومعلومات من أخوي مطحن(ام سويد كاملة السواد وذيلها طويل وتتواجد كثير بالمزارع وتتميز انه اول ما توقع بعد الطيران ترفع ذيله الطويل وتنزله عدة مرات)

ابرق العزاف

08/03/2007, 11:13 PM

لاتكون اللى نسميها بالحجاز ام غرير

نزلى صورتها وتري لونها اسود وصقعه براسها بيضاء
وذيلها ينوشه بياض 000000000000 شكرا

ريم البراري

08/03/2007, 11:50 PM

الله يجزاك خير اخوي د حكم
اعطيتني الاسم العلمي بالانجليزي وبحثت لقيت اسمها
(الشوالة السوداء-شولة)
وهذي صورتها
http://alsirhan.com/Birds/images/Black_Bush_Robin_T601.jpg

ريم البراري

09/03/2007, 12:04 AM

http://www.naturamedia.no/fuei/bbr.jpg

http://birdsoman.com/Birds/130-Thrushes/BlackBushRobin/BlackBushRobin57763.jpg

---

http://birdsoman.com/Birds/130-Thrushes/BlackBushRobin/BlackBushRobin57761.jpg

---

http://birdsoman.com/Birds/130-Thrushes/BlackBushRobin/BlackBushRobin57758.jpg

----

http://birdsoman.com/Birds/130-Thrushes/BlackBushRobin/BlackBushRobin57757.jpg

ريم البراري

09/03/2007, 01:07 AM

هذولا كنهم عيالي اللي مافقسوا كلهم للحين ثلاثة:D
http://library.piercelaw.edu/images/babyrobins5-03.JPG

ريم البراري

09/03/2007, 01:54 AM

شكرا على المرور أخوي الضاحي

ألم وعشناه

09/03/2007, 02:51 AM

الله يسعدهم ويسعدك

الأجودي

09/03/2007, 07:05 AM

السلام عليكم
هذي نسميه حنا ام شويل ومن كنت صغير وانا اتمنى أصيده حيه وماقدرت
دارت الايام وكبرت واشتريت شبكة لصيد الطيور والحمد لله توفقت وصدته ومن فرحتي فيها رجعت بها للرياض ووريتها زوجتي رحمها الله واعجبتها بلونها الاسود الجميل وحطيتها في عشة الطيور حقتي الي اربي فيها الكناري والزيبرا والحسون ..... إلخ
وبعد فترة ماتت واستغربت وش موتها وانا ماقصرت عليها بالاكل لين قالي الوالد طول الله عمره ياولدي الشويلة تتغذى على الحشرات والديدان مهيب مثل باقي العصافير تاكل الحبوب
وسارعت الوالدة وقالت اي والله انا كنت اشوفها لاشافت نملة او شي يمشي بالعشة طارت لمه بسرعة ولقفته
الحمد لله على كل حال وعقب ذيك السالفة مافكرت اصيده ابد.

ريم البراري

09/03/2007, 10:13 AM

شكرا على المرور اخوي مقطع البران

ريم البراري

09/03/2007, 12:06 PM

شكرا على المرور اخوي اخوريان

الروض

09/03/2007, 12:33 PM

الله يرزقك برهم
ويطعمونك من كسبهم
تحياتي

ريم البراري

09/03/2007, 12:45 PM

أبو الحناء الأسود BLACK BUSH-ROBIN
أسماء محلية(السويدا-أم سويد-أم السعيد)

أبو الحناء الأسود طائر صغير ذو لون أسود بالكامل ماعدا خطوطا بيضاء أسفل ذيله الطويل ويشاهد في المناطق البرية والحدائق والبساتين وفي المناطق المأهولة بالسكان في الأماكن ذات الأشجار الكثيفة.
وهو طائر نشيط يشاهد حتى بعد الغروب معلنا عن وجوده بإطلاق صوت مزماري أشبه بأصوات البلابل.ومن عاداته أنه يمرجح ذيله الطويل ويرفعه فوق ظهره ليأخذ شكل الرقم(7) يقيم هذا الطائر في الجزيرة العربية.ويشاهد طوال العام في كثير من مناطق المملكة وخاصة الزراعية.ويتغذى على الحشرات والبذور وثمار النباتات البرية.
ومن الاعتقادات السائدة في مناطق بجنوب المملكة أن هذا الطائر يفرخ كثيرا ويضع عشه قريبا من الأرض حتى لا يتسبب سقوط صغارها-بعدما تكبر ويضيق بها العش-في موتها.
ويزعمون أن الأم تلجأ إلى دفع الصغار التي ابتعدت عن العش وتخفيها في الأماكن المنزوية بدلا من العش.
ومما يقال حول ذلك(أم السعيد الغاوية,أولادها ثمانية,واحد تحت الرحى وواحد في الزاوية) .

نقلته لكم من كتاب الطيور البرية والمهاجرة في المملكة العربية السعودية
محمد بن سليمان اليوسفي.

عاشق VXR

09/03/2007, 01:29 PM

السلام عليكم ورحمة الله وبركاته .
مشكورة على الموضوع الرائع ... :good:
الله يعطيك العافية ... جزاك الله خير ...
لا تحرمينا من جديدك .. :type:

اخوك / عاشق vxr

ريم البراري

09/03/2007, 02:30 PM

هلا فيك اخوي ابرق العزاف ان شاء الله تكون شفت الصور واعتقد انها غير الطائر اللي انت تكلمت عنه
شرفني مرورك ياخوي

ريم البراري

09/03/2007, 03:36 PM

شكرا على المرور اخوي الم وعشناه

وسم 29

09/03/2007, 03:43 PM

ماشاء الله ألف مبروك
لكن أين العش بالبرأو بمزرعة؟

alateb

09/03/2007, 04:18 PM

تصلحين لي على سنة الله شكل الطباع متطابقه يبنت الرس حب الخلى والصيد والعلوم الزينه لا وبعد تسوقين والله انتي من نوادر البنات

ريم البراري

09/03/2007, 06:45 PM

الله يرحم زوجتك وجميع موتى المسلمين أخوي الأجودي
أنا عندي خبر أن فيه ناس صادوها وعايشة عندهم وانهم ياكلونها جريش(قمح مجروش) ودخن
وانا افكر اخذها هي وعيالها لما يكبرون ان شاء الله بس ودي اتاكد من مسالة كون الموضوع حلال او حرام
شرفني مرورك ياخوي

ريم البراري

09/03/2007, 06:47 PM

ابشركم البيضة الثانية فقست:D
وصاروا عيالي اثنين:D
بحط لكم الصور الليلة أن شاء الله:D
انتظر الحفايل ترى:D

ريم البراري

09/03/2007, 08:38 PM

شكرا على المرور اخوي الروض:D

رحال الخبر

10/03/2007, 11:06 AM

ماشاء الله عليك يابنت الرس

مبدعة
متجددة
حاضرة الفكر
سابقة لجيلك
متوقدة الذهن
عطوفة
حيّة(الحي يحييك والميت يزيدك غبن)
وردة الربيع
واحاسيس مرهفة
وصارمة للمبدأ
لك هدف وستصلين اليه ان شاء الله
لايضرك من يتهجم ومستمرة بالعطاء
لاتهتمين الا بالردود النيرة
تتركين خلفك كل صوت اعور
وتسابقين الزمن بما تملكين من موهبة
اسأل الله لك الاستمرار والعطاء
فلقلمك عندي شرارة العطاء والبذل
ولبساطتك في الطرح عندي تميز وانتماء
ولتنوعك في مواضيعك عندي شمولية وغطاء
ولاسلوبك عندي فهم للنفسيات
وخوضك غمار النت عندي مغامرة الشجعان
فانت بكل ماقلت فيك انفا قليلاولست افي بكل مافيك ...انت ثمرة اسأل الله العلي القدير ان يبارك لك في ماتكتبين وماتضعين في منتدانا مكشات وان تكون مواضيعك نبراسا للكثير منّا وخاصة انا فهي تستحق التقدير فلك مني كل الشكر والتقدير لما تقدمينه من عطاء متواصل منّوع بسيط يثري المنتدى.
تحياتي لك اختي أو بنتي الفاضلة وبارك الله فيك ونراكم على خير .

اسير الغربة 1

10/03/2007, 11:26 AM

الله يجعلهم ابناء صالحين, وانشالله تفرحين فيهم وتزوجينهم وترقصين في عرسهم

مطر جدة

10/03/2007, 01:00 PM

سؤال

هل هذا الطائر مستوطن ولا مهااجر ؟؟

ريم البراري

10/03/2007, 01:10 PM

وعليكم السلام ورحمة الله وبركاتة
الله يجزاك خير اخوي عاشقVXR:D
شرفني مرورك

ريم البراري

10/03/2007, 01:13 PM

حياك الله اخوي عاج
:oليش تسأل عن المكان:no2:
:Dترى مااسمح تقرب منها:D
:oالمكان مزرعة مهجورة ولاتسالني وين:o

صوعان

10/03/2007, 01:18 PM

غلط يا بنت الرس لاتخلطين بين انواع الطيور

صور الطير الاسود الصغير هذي الشوله السوداء...وفي انواع كثير من الشول وهي مهاجره

اما ام سويد المعروفه هي مستوطنه مثل القوبعه والحمره ولونها اسود وابيض وليس اسود كامل
وان شالله يكبر سويد وسويده وتشوفين الوانهم مختلفه عن الي في الصور ...طبعا اذا كانو من عائله السوادا

ريم البراري

10/03/2007, 01:19 PM

حياك الله أخوي alateb
الله يرزقك بالزوجة الصالحة اللي تسعدك:D

ريم البراري

10/03/2007, 01:28 PM

دغيم1

10/03/2007, 01:30 PM

السلام عليكم
أسلوب رائع - ووثائق علمية غير رسمية
يعطيك العافية بنت الرس - بالتوفيق
تحياتي - دغيم 1

ريم البراري

10/03/2007, 04:36 PM

شكرا على المرور اخوي ابو سعد2007:D

هدام الطوابير

10/03/2007, 04:41 PM

مبروك ما جاك :)

عيناوي

10/03/2007, 04:47 PM

فطرة الانسان او المخلوقات بشكل عام الحرص والعنايه على الاطفال او صغار المخلوقات
الله يسعدك دوم ويبارك فيك اختي الكريمه

و مبروك ما جاك...

الا على فكره..تبيعينهم لي
بأعشي ذيبي
هههههههههههه

فالك ما يخيب ان شاء الله
:)

الشاقي

10/03/2007, 04:58 PM

تشوفينهم عرسان إنشالله

ريم البراري

10/03/2007, 07:24 PM

توني جايه من عند عيالي:D
طيبين ويسلمون عليكم:D
الثالث ماشرف للحين:D

ريم البراري

10/03/2007, 07:38 PM

هلا فيك أخوي مطر جدة
الطائر حسب ماعرفت انه مستوطن
شكرا على المرور

ريم البراري

10/03/2007, 10:13 PM

حياك الله أخوي صوعان
الطير اللي انا اراقبة الان كله اسود
ولا يبان فيه اي بياض الا لما يحرك الذيل يبان اسفل في اخر الذيل
بكرا ان شاء الله اصير اقدر اقرب منهم واصورهم صور واضحة ونشوف هم من السوادا والا الشوالا:D
شرفني مرورك ياخوي

ريم البراري

10/03/2007, 11:09 PM

وعليكم السلام ورحمة الله وبركاتة أخوي دغيم1
الله يجزاك خير
شرفني مرورك

ريم البراري

11/03/2007, 12:01 AM

بما أني أعد العدة علشان عيالي سويد وكوكي ودودي:D وأمهم عرفت أنهن يحبون ياكلون الديدان ودي أعرف وشلون أحصل الديدان هذي ووين؟:rolleyes:
عرفت أني ممكن ااكلهم جريش ودخن:D بس ودي اوفر لهم وجبة من الديدان اللي هي اكلهم الطبيعي في بيئتهم الطبيعية:D
ياليت أحد يساعدني الله يجزاكم خير:D

خالد777

11/03/2007, 12:15 AM

بنت الرس عسى ماشر دوري بالرضيمة خخخخخخخخخخخخخخخخخخخخخخخخخخخخخخخخ

ريم البراري

11/03/2007, 12:20 AM

وش فيك ياخوي:confused:
قسم بالله جادة:D
يقولون ام سويد تأكل عياله ديدان والطيور تحب الديدان قلت اشوف طريقة اوفرها لهن:D
بعدين الرضيمة مافيها ديدان :o فيها حميض وزحاليق:D

تــــوني

11/03/2007, 12:36 AM

الظاهر تعرفين اسم المنتدى الآنسة الكريمة ....

تتوقعين تلقين اجابة هنا ...؟

بر ومكاشيت وتصوير وبيع ومشترى والغاز وعلوم طيبة بس ديدان ما هقيت والله ...

وين ذا الي يعرف مكان دود لعيالك ... يمكن حفار قبور ....!

ديدان ..................!!!

ما دخلت مزاجي السالفة ..

ريم البراري

11/03/2007, 12:39 AM

الله يهديني واياك ياخوي توني

ماجبت علوم ماهي طيبة
انا اسأل عن مصدر غذاء للطيور ولا اعتقد ان هالسؤال فيه علم ماهو طيب ياخوي.

راعي الهـــدد

11/03/2007, 12:47 AM

الأخت الفاضله بنت الرس

اتوقع لو حطيتي قطعت لحم وفيها شوي شحم وكتمتيها بشي قدر ماتبونه او شي وخليتيها بالشمس

اكيد بيطلع منها ديدان

هذا الي اقدر اقوله

وانتي قلبي وفكري في اشياء زي كذا

او وصي احد يم مباسط البرسيم الأخضر الرطب عندكم وبتحصلين يجي معه دود لونه اخضر

هذا الي اقدر اقوله والله يعين

ريم البراري

11/03/2007, 12:54 AM

الله يجزاك خير أخوي راعي الهدد
الفكرة الثانية أحسن حقت البرسيم:D ابزرع برسيم:D
شرفني مرورك ياخوي

نديم السهر

11/03/2007, 01:41 AM

يعطيك العافيه

ريحي راسك ووكليهم فتات من التونه

وأذا حولك بيوت طين قديمه مو مسكونه او مزرعه بدلك على وجبه دسمه لهم

ريم البراري

11/03/2007, 07:15 AM

أخوي نديم السهر هذولا طيور ماهم بساسة:D وشلون تبيني اوكلهم تونة:confused:
فيه بيوت طيب وش السالفة:confused:
شرفني مرورك ياخوي:D

اسير الغربة 1

11/03/2007, 11:01 AM

الظاهر تعرفين اسم المنتدى الآنسة الكريمة ....

تتوقعين تلقين اجابة هنا ...؟

بر ومكاشيت وتصوير وبيع ومشترى والغاز وعلوم طيبة بس ديدان ما هقيت والله ...

وين ذا الي يعرف مكان دود لعيالك

×××××××××××××××

حرر بواسطة ناصح

المشراق

11/03/2007, 11:20 AM

أختي الكريمة إذا عندكم مزرعة وزارعين فيها ذرة ففتشي عن الذرة التي تجدين قلبها قد يبس أو تغير لونه ( مات) اقطعيه وقشريها ستجدين بداخله دودة بس أن في كل شجرة دودة واجدة يعني العملية فيها صعوبة 0

دسم الشوارب

11/03/2007, 11:45 AM

السلام عليكم اخواني اعضاء مكشات
هذا أنا الاصلي .ترا طلع واحد بنفس اسمي ماعليكم منه
السلام عليكم يا بنت الرس

http://www.mekshat.com/pix/upload/images29/mk21568_bntarrs.jpg

ماشاءالله وش ذالرقم
كل هذا في كم شهر وانا لي سنه وست شهور ماتعديت 500
بالنسبه للديدان لاتبحثين عنها بل تنتجينها (والخالق هو الله سبحانه)
لكن جيبي قوطي نيدو فاضي أو ماشابهه
واكسري فيه بيضتين نيه وزيدي حسب الرغبة
اغلقيه جيداً
وعودي بعد 4 ايام على الاقل
افتحيه وستجدين ما يسركي من السراوه وليس الديدان لكنها تقوم نفس المقام
ملاحظة: سيكون هناك رائحة تفقع الرأس
على فكره انا عندي خبره بهالمجال تربية وحضانة الطيور

الروض

11/03/2007, 11:52 AM

هذا صار منتدى أم سويد!!!
باختصار:
سوي مزرعة ديدان في بيتكم
أواتصلي ببعض الحهات الدولية ذات العلاقة وجمعيات تكثير الديدان وخليهم يرسلونلك
بالفدكس أو الدي اتش ال وترى الشحن على حسابك
والله يلهمك لما فيه خير أم سويد وعيالها
ولا عاد تذينا بهم ولاترى بننظلهم وتلقينهم باكر .....

سعود1

11/03/2007, 11:59 AM

××××××××××××

حرر من قبل

ناصح

خشم العان

11/03/2007, 12:20 PM

الله المستعان تبي ديدان؟
الله يصلحلتس الذرية يم سويد

ريم البراري

11/03/2007, 12:47 PM

الله يبارك فيك أخوي هدام الطوابير:D
شكرا على المرور

ريم البراري

11/03/2007, 12:48 PM

الله يجزاك خير اخوي المشراق على النصيحة
شكرا على المرور

ريم البراري

11/03/2007, 12:51 PM

الله يجزاك خير اخوي دسم الشوارب على الطريقة
شكرا على المرور

نديم السهر

11/03/2007, 03:56 PM

ههههههههههه

أدري ماهم قطاوه وحتى صيصان الدجاج ماهي قطاوه ويحطون لها تونه وتسمن بسرعه

وبعدين قلت فتات يعني صغيره مره مو علبه وقطع كبيره

جربي اعطي واحد منهم وبتشوفين فرق جسمه عن الباقين

وسالفه الدور الطين يكون بالغرف تحت التراب موجود وجبه دسمه بشويه حفر من فوق او مشط للغرفه

بالتوفيق

غيانا

11/03/2007, 04:09 PM

والله بالبر اوذتنا الديدان كل ما قلبت حصاة ينفعن

الربذي

11/03/2007, 04:43 PM

ازين شي في هالموضوع هو مشاركة اخونا المصرقع !!! والله اني اغليه بالحيل وهو المختفى وحتى صندوق رسايله الخاصه مليان ولا يقبل المزيد ياخي فضه
وش اخبارك ياخوي وين الغيبه انت الاصل مانعترف بدسم شوارب غيرك ابدا بدا بدا

الأجودي

11/03/2007, 04:47 PM

السلام عليكم ورحمة الله
شوفي يابنت الحلال هالرابط يهتم بالطيور بكافة انواعة وبطرق تغذيتها وتدريبها وبإذن الله وعونه يبي يفيدك

http://www.canaryfans.com

فمان الله

الربذي

11/03/2007, 04:52 PM

أخوي رحال الخبر

الله يكتبك من السعداء في الدنيا والآخرة ويحشرك مع الانبياء والشهداء
اللهم آمين
ماتتصور تأثير كلماتك علي يشهد الله دمعت عيني
أسمح لي أكتفي بهالشي ودعائي لك بظهر الغيب
شرفني مرورك ياخوي وأفتخر بكل كلمة كتبتها

هذا احلى مافيكم يانسون يجيبكم الكلام الطيب لانكن طيبات
لكن ياليت كتبتي من وين اجيب ديدان لام سويد وليس لاولادي
وبعدين اتركيهن امهن تعيشهن وهذي الامور ماشيه من ملايين السنون بدون تدخل من الانسان فقط اكتفي بالمشاهده والله يعينك اذا كبرو وطارو عنك ايش رايح تسوين اكيد ستهلين الدمع مرهفات الاحساس يانسوان

ولافضل ان تكتبين حشرك الله تحت رايه الانبياء والصالحين
امين امين وانا معهم وانتي وكل المسلمين المومنين الموحدين

جزاك الله خير اخوي رحال على هذا الاطراء الجميل لاختنا الحنون ام سويد بنت الرس

ريم البراري

11/03/2007, 07:00 PM

ابشركم عيالي طيبين:D والثالث ماشرف للحين:D

ريم البراري

11/03/2007, 07:06 PM

الله يجزاك خير اخوي نديم السهر:D

بلحارث

12/03/2007, 12:50 AM

السلام عليكم
وراكم ياخوان على بنت الرس والله ان كانت بنت انها عن عشرة رجاجيل !! ياخوان مواضيعها حلوه وتدل على المعرفه ، واقول لبنت الرس استمري بارك الله فيك وبالنسبة للديدان صعبه تحصلينها ، يمكن بس في الارض الطينية وانصحك لاتحاولين تطعمينهم وامهم تشوفك ،

اسير الغربة 1

12/03/2007, 01:24 PM

××××××××××××

حرر من قبل

ناصح

ريم البراري

12/03/2007, 01:29 PM

شكرا على المرور اخوي غيانا

ريم البراري

12/03/2007, 01:33 PM

جزاك الله خير اخوي عيناوي
الله يجعلك من سعداء الدنيا والآخرة
بالنسبة لعيالي ماهم للبيع:no2:
واحذرك انت وذيبك:mad:
شكرا على مرورك ياخوي:D

راعي النحل

12/03/2007, 01:48 PM

ممكن تجدين الدود فى محل اقامة الاغنام ....تحفرين بمقدار 15 سم وتجدين دود لونه اصفر نسميه في الكويت
غبي وهو طعام لذيذ جدا لكافة انواع الطيور .....وهذه الايام يكثر الشباب اللي يصيدون ( المحباله )ويستخدمون
الدود....وهي طريقه مسليه وجميله ....عموما ابحثي عن الغبي فى اماكن الغنم ....وستجدينها انشاالله

ريم البراري

12/03/2007, 04:27 PM

الله يجزاك خير أخوي الأجودي ويسعدك في الدنيا والآخرة
شرفني مرورك ياخوي

ريم البراري

12/03/2007, 04:34 PM

شكرا على المرور اخوي الشاقي:D

ريم البراري

12/03/2007, 06:23 PM

الثالث ماشرف للحين:o
أعتقد أنه عنيد ويناسبة أسم دودي:D

فل اوبشن

12/03/2007, 08:59 PM

جيبي شوي سماد غنم وضعيه في العلب البلاستيك السوداء حقت الشتلات
ورشيه بمويه خليه مبلل بمكان بعيد عن اشعة الشمس يومين وشوفي الدود
طبعا هالدود يرقات الذباب ... ولا ان كان ببيتكم حديقه اذا سقيتو الاشجار
بتشوفي دود الارض جيبي عود وسحبيهم ..

ريم البراري

12/03/2007, 09:27 PM

الله يجزاك خير اخوي بلحارث ويسعدك في الدنيا والآخرة
بالنسبة لأطعام الطيور ماراح اطعمها بنفسي
راح اوفرها لها بس واحطها بالقفص وهي تاكلها واقصد لما تكبر وتبدا تعتمد على نفسها ان شاء الله:D
شرفني مرورك ياخوي

ريم البراري

12/03/2007, 09:43 PM

جزاك الله خير اخوي الربذي
شكرا على المرور

ريم البراري

12/03/2007, 11:03 PM

صور التقطت اليوم وامس:D
http://www.marasy.com/1/y1.jpg
:

http://www.marasy.com/1/yu2.jpg
:

http://www.marasy.com/1/yu3.jpg

عبادل العاصمي

13/03/2007, 06:04 PM

وش لك ولهم الله يرحم والديك

أخذتيهم على أمهم جالستن تندبهم على هاك الطلحة

رجعيهم ووفري الغذا بالقرب من العش اللي هم فيه

وسلامتك ومن يوحي

ريم البراري

13/03/2007, 07:03 PM

الله يجزاك خير اخوي راعي النحل
شرفني مرورك

ريم البراري

13/03/2007, 07:10 PM

اليوم مافقست البيضة الثالثة:D
وعيالي طيبين

ريم البراري

14/03/2007, 10:59 AM

من ممكن يفيدني عن متى يستغني الصغير عن امه؟

بعد كم يوم من التفقيس؟

فل اوبشن

14/03/2007, 06:46 PM

ساتمتعت بالموضوع وبردود الاخوان كل الشكر لكي وواصلي التالق
شكل البيضه الاخيره مارجه مهيب مفقسه اقول يمكن ...

ريم البراري

14/03/2007, 07:44 PM

هلا فيك اخوي فل اوبشن
ان شاء الله مـ(مرجت):D
بعض البيض يكون وضع متاخر فياخذ وقت علشان يفقس.وهذا ان شاء الله املي بالله:D
شكرا على مرورك اخوي

مدالنظر

14/03/2007, 07:53 PM

الف الف مبرووووووووووووووووووك!!!!!1
جيت طاااااااااااااير احسبهم مواليد (اوادم)<<<<يدور خشمه

لو انتس صابره ماصورتي هالحوقل الين يكبرون شوي
او يدزز ريشه كان تصير احسن فراخه !!!!!!!!!!!!!!

weather

14/03/2007, 09:30 PM

موضوع شيق مراقبة صغار الشوله في النخيل دائماً تبني بيتها في مكان كربة مخلوعه
أو في أحضان الجريد في حضن النخله اليك النوع الآخر من الشول صورة .

http://www.mekshat.com/pix/upload/images29/mk42926_93.jpg

http://www.mekshat.com/pix/upload/images29/mk42926_116.jpg

خالد777

14/03/2007, 09:58 PM

هذي الشويلا يابنت الرس ومتى تعزموننا على التمايم

ريم البراري

14/03/2007, 10:39 PM

حياك الله خير اخوي مد النظر
يازينهم وهم وحوقلتهم(القرد بعين امه غزال):D
شكرا على المرور ياخوي

ريم البراري

14/03/2007, 10:51 PM

شكرا على النصيحة أخوي فل اوبشن
شرفني مرورك

ثقيل الرجلين

15/03/2007, 12:58 AM

يالله الخراج

انتي وش بلاك عاقبتي ذا الطويرات ترى مهيب لعبه

كل شوي متنفسه في عشهم والحين تبين تدخلين في اكلهم

يابنت الحلال ترى النفس ينحش امهم لا تقربينهم لا تعوفهم امهم

وذي طيور بريه مهيب لعبتن لك خليهم انشالله تاكلهم القطاوه ولا تدخلين في قانون الطبيعه

ربهم خلقهم وهو اللي يدبرهم

ريم البراري

15/03/2007, 01:15 AM

ادور على صور لام سويد لقيت هالصورة

http://www.israbirding.com/reports/monthly_summaries/apr_05/black_bush_robin_tomer.jpg
يارب يجي اليوم اللي اقدر اقرب منها :D

ريم البراري

15/03/2007, 11:57 AM

حياك الله اخوي رحال الجنوب
انا مااخذت الصغار هم مازالوا في العش عند امهم
ولا افكر اخذهم الان
ان الله كتب راح اخذهم لما يكبرون شوي ويبدون يعتمدون على انفسهم
وسؤالي هذا علشان اعرف لو اخذتهم ايش الغذاء المناسب لهم واوفره
شكرا على المرور ياخوي

ريم البراري

15/03/2007, 12:00 PM

الله يجزاك خير اخويweather على الإضافة
صور جدا جميلة:D
شرفني مرورك ياخوي

ريم البراري

15/03/2007, 10:53 PM

اليوم انشغلت عن عيالي:D
بس امي راحت شافتهم
تقول الثالث ماجاء وتقول لاتحترينه شكله ماهو جاي:rolleyes:
بس انا مافقدت الامل
ان شاء الله بيجي
بنتظره اسبوع وان شاء الله يجي:D
والاثنين طيبين ويسلمون على اللي متابعين اخبارهم:D

ريم البراري

16/03/2007, 11:18 AM

حياك الله اخوي خالد777

ابشر اهلي طالبين التمايم سمك تعال اقلط معهم:D
شكرا على المرور ياخوي

ريم البراري

16/03/2007, 06:48 PM

صور التقطت اليوم الجمعة26-2-1428

البيضة الثالثة مافقست ولا فقدت الامل:D

http://www.sahatalrass.com/vb/uploaded/58_1174059694.jpg

ريشهن طالع وصايرات وش ملحهن:D

:

http://www.sahatalrass.com/vb/uploaded/58_1174059880.jpg

الأجودي

16/03/2007, 08:26 PM

السلام عليكم ورحمة الله
قبل كم يوم كنت عند صديق لي من الاحساء وهو مربي طيور من زمان ولاحظت انه يربي طيور البلبل اللي تقريبا تتغذى نفس تغذية الشويلة وطير البلبل موجود بالقصيم بكثرة وهو الطير الرمادي ابو خدود بيضاء
المهم فيه عند محلات تربية الطيور غذاء البلبل وهن حبوب اسطوانيات الشكل بطول سنتيمتر واحد ويسمونه خردل انا اشتريه لبلبلي من سوق الحمام بالرياض بأرخص الاثمان الكيلو بريالين وقالي صاحبنا ان الشويلة ممكن تتغذى عليه
وافادني انك لو انتظرتي الفراخ لحد مايبدون يويقون من العش واخذتي واحد بس وصرتي تطعمينة من ايدك تراه سبحان الله يألف الإنسان وممكن يوقف على ايدك ولا يخاف
بس بشرط انه يصير لحاله عشان يتعود الانسان ولا يخاف
والله يوفقك

ريم البراري

16/03/2007, 09:09 PM

شكرا اخوي ثقيل الرجلين على المرور والنصيحة

عاشق حباري

16/03/2007, 09:38 PM

والله مزرعتنا مليانه ديدان بس مادري كم كيلو تبينhttp://mekshat.com/vb/images/smilies/confused.gif

ريم البراري

16/03/2007, 11:02 PM

وعليكم السلام ورحمة الله وبركاتة
الله يجزاك خير ويسعدك اخوي الاجودي
ياليت تكتب لي الاسم بالانجليزي لان محلات الطيور غالبا تكون المنتجات عندها مكتوبة بالانجليزي
ودي اسال ياخوي هل تقصد اني اخذ الصغير نهائيا من العش؟
وهل لو سويت هالشي راح ترجع الام للصغير الثاني؟
وممكن تعرف لي بعد كم يوم من التفقيس اقدر اخذه من العش وابدا انا اغذيه بنفسي
الله يسعدك في الدنيا والآخرة ياخوي وشرفني مرورك

ريم البراري

17/03/2007, 01:07 PM

الله يجزاك خير اخوي عاشق حبارى
انا ماابي احد يعطيني شي ابي اتعلم كيف اوفر انا بنفسي
شكرا على مرورك ياخوي

ريم البراري

17/03/2007, 08:14 PM

صورة ام سويد (ام عيالي):D
اقرب صورة قدرت النقطها
http://www.sahatalrass.com/vb/uploaded/58_1174151191.jpg
:
صور لعيالي:D
http://www.sahatalrass.com/vb/uploaded/58_1174151454.jpg
:
http://www.sahatalrass.com/vb/uploaded/58_1174151572.jpg

ريم البراري

18/03/2007, 12:51 AM

http://www.israbirding.com/reports/monthly_summaries/may_06/black_bush_robin_jonathan.jpg

:
http://www.rmtours.co.uk/assets/images/birds/spring_birds/D14.jpg
:

ريم البراري

18/03/2007, 01:04 AM

بعض المعلومات عن هذا الطائر:

اعداده قليلة على مستوى العالم

يعيش من 6-13 سنة

يبقى الشريكان معا مدى الحياة

تبدا في وضع البيض في عمر سنتين

تتمتع ببصر حاد وخاصة في الظلام

تضع اعشاشها في اماكن منخفضة في الاشجار

تتنقل بين الاغصان ولا تبتعد مسافة طويلة

حجم الانثى اصغر من الذكر

تتغذى على اليرقات الصغيرة والديدان

تتمتع بصوت جميل

الذكر يقوم بعمل استطلاعات وحماية للعش

الانثى تقوم بنفس الدور كما تقوم بطرد الاناث الاخرى عن العش

البحث عن الغذاء يكون في الليل والنهار

الانثى تقوم باعداد العش

عندما تقوم الانثى بحضن البيض يقوم الذكر بالبحث عن الغذاء وجلبه لها وتغذيتها

تحب وضع البيض في الاشجار المجوفة وجذوع الاشجار

يتم وضع البيض عادة بداية اكتوبر حتى اواخر ديسمبر

عادة تضع بيضتين وفي اوقات قليلة واحدة واحيانا ثلاثة

لون البيض يميل للبيج ومنقط بنقط بنفسجية

ترقد الام على البيض لتدفئتها وغالبا تفقس بعد 18 يوم

بعد ذلك يتعاون الابوين على تغذية الصغار

تقضي الصغار اليوم الاول لمغادرتها العش وقتها على الارض مما يعرضها للأخطار

تبقى الصغار في العش تقريبا 23 يوم بعد التفقيس

يستمر الابوين بتغذيه الصغار حتى بعد مغادرتهم العش حتى يبلغوا 65 يوم وهذا عادة مدة طويلة عن الفترة التي تبقى فيها الطيور الاخرى مع صغارها

المصدر (http://www.kcc.org.nz/birds/blackrobin.asp)

شكرا ابو عبدالله على الترجمة جزاك الله خير

ريم البراري

18/03/2007, 07:51 AM

تتميز بالدفاع العنيف القوي عن صغارها
تتغذى على البذور

أعدائها:
الجرذان
الفئران
القطط
الثعابين

ريم البراري

18/03/2007, 05:32 PM

http://www.sahatalrass.com/vb/uploaded/58_1174227907.jpg

:

http://www.sahatalrass.com/vb/uploaded/58_1174227980.jpg

:

http://www.sahatalrass.com/vb/uploaded/58_1174228043.jpg

:

http://www.sahatalrass.com/vb/uploaded/58_1174228081.jpg

:

http://www.sahatalrass.com/vb/uploaded/58_1174228161.jpg

صور رائعة تبين شكل او سويد بشكل واضح مثل ماشفتها انا:D

الأجودي

18/03/2007, 08:06 PM

الله يجزاك خير على دعاك
الاكل حق البلبل ماعرف اسمه بالانجليزي لأنه منتج وطني ومايباع بكراتين يباع بالكيلو بس ترا لو رحتي اي محل طيور وقلتي له ابي اكل بلبل على طول يعطيك اياه وهو رخيص جدا الكيلو يكفيك شهر كامل وبحط صورة الاكل للتوضيح بعون الله

بخصوص الفرخ ابتصل ان شاء الله على صاحبي واخذ المعلومات منه بالتفصيل عن طريقة اخذ الفرخ وتربيته لحد مايصير يوقف على اصبعك ومايخاف من الناس واجي اكتب لك التعليمات

وبحط لك صور بلبلي الي مايخاف الانسان عشى تتحمسين للتربية

فمان الله

ريم البراري

18/03/2007, 11:41 PM

صورة التقطت اليوم الأحد 28-2-1428:D
http://www.sahatalrass.com/vb/uploaded/58_1174250429.jpg

الثالث ماشرف:o

ريم البراري

18/03/2007, 11:53 PM

الله يجزاك خير اخوي الاجودي ويسعدك في الدنيا والاخرة
ان شاء الله راح ادور على الاكل وننتظر الصور ياخوي
انتظر المعلومات من صاحبك الله يجزاك ويجزاه خير
بانتظار صور طيرك:)

رحال الخبر

19/03/2007, 08:23 AM

ماشاء الله تبارك الرحمن

تميز ودقة ملاحظة في طير الشولة (ام سويد) ويعتبر مرجع لهذا الطير ومرجع في طريقة استخراج والديدان ايضا.
صراحة من المواضيع التي نتمناها دائما في مكشات حيث البحث والمتابعة والعمل الدؤوب من اختنا المتميزة
بنت الرس

الله يجزاك خير ويجزى المشاركين جميعا على اثرائنا بكل تلك المعلومات الجيدة لدراسة هذا الطائر المخلوق الجميل ام سويد
وذكرني احد المشاركين من الكويت جزاه الله خير عن دود (الغبّي) بتشديد الباء وهو من افضل الديدان التي كنا نصيد بها الطيور قديما بالحبّالة(فخ الطيور).
واما طرق الاخوة في استخراج الديدان لاطعام الطيور فتعتبر مرجع جميل يستفيد منه من رغب بذلك .
الموضوع مميز وياحبذا من الاخت الفاضلة ان تكتب مستخلص للنتائج كاملة عن الطير واكلة والطرق التي ارفقها الاخوة الكرام وان تكون بالصور وخلاصة نهائية للموضوع ، شكر الله سعيك وبحثك فقد استمتعت بكل الملاحظات والمتابعة بطريقة جميلة وبسيطة وتحية لك وللجميع .

نفل

19/03/2007, 08:42 AM

السلام عليكم

هذه صورة لطائر اعتقد حسب وصفكم انه لام سويد التقطتها بخريم قبل سنة

http://www.mekshat.com/pix/upload/images30/mk2692_om sueed.jpg

ريم البراري

19/03/2007, 12:32 PM

رابط لموضوع عن ام سويد
أبو الحناء الأسود:السويدا:أم سوْيْد:أم السْعيد:الشولة السوداء:الشولةBlack Bush-Robin (http://www.mekshat.com/vb/showthread.php?t=78417)

ريم البراري

19/03/2007, 12:56 PM

الله يجزاك خير ويسعدك في الدنيا والآخرة اخوي رحال الخبر
في الرد رقم 124 رابط لموضوع ياليت تطلع عليه من فضلك
وانا ان شاء الله بتابع وضع المعلومات والصور لاني قريبا راح اخذ الصغار واحطهم عندي واراقب سلوكهم عن قرب وانتظر ان الله احياني واحياهم سنتين لحد مايبيضون ويجيبون جيل جديد:D
يعني ان شاء الله بيكون فيه موضوع متكامل ومتجدد ان الله كتب واخذتهم وعاشوا وعشت وعشنا:D

ريم البراري

19/03/2007, 05:28 PM

حياك الله اخوي نفل
شكرا على الاضافة ياخوي
اعتقد انها تشبهها يمكن ام سويد صغيرة:D
مع مراقبتي ان شاء الله لسويداتي راح نتعرف على اشكالها وهي تكبر:D
شرفني مرورك ياخوي

ريم البراري

19/03/2007, 06:51 PM

تفسير لسبب عدم فقس البيضة الثالثة:
ممكن تكون البيضة جت متأخرة وبعد مافقست البيضتين الاوله ماصارت الام ترجن عليها:D لوجود الفراخ وهو الاقرب.
الثاني ممكن تكون باضت الثلاث في وقت واحد لكنها مارجنت على الثالثة لاي سبب:D
معلومة عرفتها اليوم حبيت اطلعكم عليها مع الشكر لصاحب التفسير:)

ريم البراري

19/03/2007, 11:35 PM

ممكن يااخوان الله يجزاكم خير احد يفيدنا
هل تحتفظ ام سويد بنفس العش مدى الحياة والا تتركه لعيالها وتبني جديد والا يترك العش من قبل الام والصغار وتبني كلها اعشاش من جديد؟

الأجودي

19/03/2007, 11:44 PM

السلام عليكم
هذي صورة الخردل وهو طعام البلابل وطائر المينا وممكن يكون طعام لام سويد لانها من نفس الفصيلة

http://gtsr100.jeeran.com/photos/185108_l.jpg

وبالنسبة للسؤال عن العش انا مادري عن ام سويد لكن اشوف ان كل طيوي بعد ماتفرخ بعش وينزلن الفراخ تنتقل لعش ثاني

ريم البراري

19/03/2007, 11:59 PM

الله يجزاك خير اخوي الاجودي على مااضفته من معلومات
شرفني مرورك

ريم البراري

20/03/2007, 06:41 PM

اليوم زرت عيالي وطيبين الحمد لله:D
والثالث ماجاء ولا صرت اشوف البيضة لان الاثنين ماشاء الله كبروا:D
بحط صورة اخذتها لهم الليلة ان شاء الله

ريم البراري

20/03/2007, 08:41 PM

صورة التقطت اليوم

كبروا ماشاء الله:D

ماصرت اشوف البيضة الثالثة

يمكن يرجنون عليها وتفقس:D

http://www.sahatalrass.com/vb/uploaded/58_1174412367.jpg

عيناوي

20/03/2007, 09:36 PM

ما شاء الله
غذيهم زين لا اوصيك
ليه؟؟ انتي ادرى
:b

فالك ما يخيب ان شاء الله
:)

ريم البراري

20/03/2007, 09:45 PM

حياك الله اخوي عيناوي
لاتخليني ادعي على كميرتك تخرب:o
شكرا على مرورك ياخوي:D

عيناوي

21/03/2007, 03:21 AM

افا
تدعين على كاميرتي بنيتي
اشهست؟شو بج علي؟

الشرهه مو عليتس..
الشرهه علي الي حريص(ن) على عيالتس

منب قايل
فالك ما يخيب ان شاء الله
:)

ريم البراري

21/03/2007, 01:02 PM

لاوالله مدعي على كميرتك:o
بس بدعي على ذيبك اللي بتعشية عيالي:mad:
هلا فيك اخوي:D

ريم البراري

22/03/2007, 09:51 AM

بدا العد التنازلي لاخذ الصغار
الخميس الجاي ان شاء الله بناخذها:D
جهزت المكان وباقي فيه اشياء بسيطة اعرضها لكم في اقرب وقت ان شاء الله

ريم البراري

22/03/2007, 08:22 PM

اليوم حصل موقف ازعجني كثثثثثثثير
طلعت مشوار بعيد وطلبت من اهلي يشيكون على عيالي
اتصلوا علي يقولون العش مافيه الا فرخ واحد:eek: :no:
قسم بالله ضاق صدري واكتئبت وصحت:o
قلت تاكدوا
دوروا عليه
شوفوا وينه
ومالقوه:(
تنكدت طلعتي
وضيقت صدر اللي معي
ثم قلت الحمد لله خيره رغم التعب والاستعدادات.

دكتور بر

22/03/2007, 10:26 PM

أيوا يا بنت الرس
وبعدين وش اللي صار ؟؟
تراك شوقتينا... لقيتي الفرخ ولا لا ؟؟

ريم البراري

22/03/2007, 11:36 PM

اخوي دكتور بر هلا فيك وشكرا على الاهتمام:)
ايه الحمد لله لقوه بعد بحث طويل وتحت نفس النخلة اللي فيها العش
سبحان الله فعلا هالطائر غريبا
ورجعوا الفرخ للعش الحمد لله:D
وقررنا بكرا نشي الفراخ ان شاء الله بدل الخميس الجاي لانهم شكلهم بدوا يطلعون من العش
ماكملت القصة لاني كنت بشوف من بيتحمس للقصة ولا اعطاني احد وجه غيرك يااخوي دكتور:D
الله يجزاك خير
يعلم الله مرت علي ساعة ماتوصف اليوم ومصدعة للحين بسبب هالشي
الحمد لله رجع لي سويد
شرفني مرورك ياخوي

ريم البراري

22/03/2007, 11:38 PM

دورت (خردل) في محل في الرس ومحلين في عنيزة ولا لقيت

وشكلهم مايعرفونه
احد يعرف له اسم ثاني الله يجزاكم خير؟

ريم البراري

22/03/2007, 11:58 PM

بما اني اخطط لزرع مساحة صغيرة بالبرسيم داخل قفص ام سويد لتوفير الديدان:D سمعت معلومة غريبة وجديدة حبيت اكتبها لكم
البرسيم يزرع مرة واحد ويستمر نفس المحصول لمدة 7 سنوات.يعني تزرعة مره وتستمر تحصده ويطلع مره ثانية حتى سبع سنوات سبحان الله.
والبرسيم يحصد كل عشرين يوم الى ثلاثين يوم.
سبحان الله.
تخيل بذرة تنتج 7 سنوات.وبعد 7 سنوات تحرث الارض من جديد ويبذر البرسيم من جديد لسبع سنوات اخرى.
سبحان الله.

دكتور بر

23/03/2007, 09:03 AM

حلوة ....
البرسيم يزرع مرة واحد ! ! ! ! :D :D
ما فيه معلوم صديق.....:rolleyes: :rolleyes:

ريم البراري

23/03/2007, 10:09 AM

جد يادكتور بر
الكلام هذا كلام مزارع كبير ماهو من اي مصدر
رجال شايب مزارع كل حياتة وسط البرسيم:D
شرفني مرورك ياخوي

ريم البراري

23/03/2007, 02:26 PM

ريم البراري

23/03/2007, 07:29 PM

ابشركم:D
الحمد لله
صدنا واحد من الاهل
مدري الام والا الاب:o
بس ماهو مهم:D
لاني اليوم عجزت احاول اشربهم واكلهم:(
حسيت بالذنب قلت ماارتاح لحد مااجيب الاهل
والحمد لله صدنا واحد وبكرا بنرجع نحاول نصيد الثاني:D
ادعوا الله يوفقني واصيده الله يجزاكم خير

دكتور بر

23/03/2007, 07:50 PM

ما شاء الله عليك وين تلقين هالوقت فيه ؟؟؟
شكلك من المنتدى طيران على أم سويد :hot: :hot: :hot:ومن أم سويد طيران على المنتدى :hot: :hot: :hot:....
كان الله في عونك :looney: :looney:....
الله يفكك من عيون خلقه :j...

ريم البراري

23/03/2007, 08:42 PM

حياك الله اخوي دكتور بر

عندي وقت لكل شي الحمد لله:o

هذي هوايتي وشي خططت له وبحاول كل مااقدر ان شاء الله علشان اكمله:D

شكرا على مرورك ياخوي:D

ريم البراري

24/03/2007, 12:18 PM

ابشركم صدنا الثاني:D
يعني كل العائلة عندي:D
بكتب لكم تفاصبل عن العملية قريبا ان شاء الله:D واوريكم العش الجديد حقهن:D

ريم البراري

25/03/2007, 06:40 AM

اليوم صحيت واسرعت علشان اشوف طيوري(ام سويد) الام:الاب:الصغار2..لقيت الصغار ماتوا.
يالله احساسي بالذنب والحزن لايوصف.
كنا مسكنا الصغار يوم الجمعة الصباح وقررنا نمسك الام علشان تاكل الصغار.وفعلا مسكناها في نفس اليوم.وامس السبت مسكنا الاب.
وضعتها جميعها عندي في مكان اعددته مسبقلا لهم.
للأسف اخطانا لما حاولنا ناكل الصغار.لام مجرد لمسنا لهم راح يخلي الام تتخلى عنهم.
حاولنا طوال يومين ناكلهم وكان هالشي صعب جدا.
الصباح اليوم لقيت الصغار ماتوا.
استغفر الله العظيم.
اخطات انا من البداية لما اخذتهم اصلا من بيئتهم وحرمتهم من امهم لكن والله كنت حريصة عليهم ووفرت لهم كل شي لكن مشيئة الله فوق كل شي.
الان هل اطلق سراح الكبار والا اتركها عندي؟

دكتور بر

25/03/2007, 05:11 PM

اطلقي سراحهن وتعوذي بالله من الشيطان ودوري لك على هواية ثانية لا تستاثمين فيهن

ريم البراري

25/03/2007, 05:18 PM

تم اطلاق سراحها
وانا استاثم اذا كان حصل مني تقصير
انا وفرت مكان واكل وماء
وحبس الطيور مباح على ان مايحدث تقصير يسبب هلاكها.

راع الابل

25/03/2007, 05:28 PM

عظم الله اجرك واحزن عزائك ::::::::::::::::

ما كل مجتهد مصيب خصوصاً ليس لديه دراية او معلومة عن نوعية الطير ولو انك نزلتيهم عن حديقة فيفا في الرياض احسن يرعايتهم .

بصراحة على طويل القصة توقعت في النهاية ان البس (القط) اكلهم هههههههههه.

تحياتي على الدرامى ولا تنسي تسجلين جميع الاحداث اللي صارت تراه قصه حلوة مرة ولكن عليك ضبط السيناريوا حتى يكون فيها نوع من الاثياره

تحياتي

ابوطعيمه

26/03/2007, 02:12 PM

اختي بنت الرس
السلام عليكم ورحمة الله
لقد اطلعت اليوم على موضوعك الشيق ولم استطع الخروج الا بعد ان اكملت هذا الموضوع للنهاية
انا من المتابعين لمواضيع كثير من الاخوان في المنتدى ولكن لا يأتي على بالي الرد الا اذا كان لدي
كلام يفيد الموضوع نفسة .
على كل لا استطيع ان امدح بما فيه الكفاية لمواضيعك الشيقة والجديدة وعزائي الوحيد ان رحال الخبر -
والذي اتابع مواضيعه الشيقة - قد اطراك بما فيه الكفاية ولا استطيع الزود عليه .

بخصوص هذا الموضوع بالذات كنت زمان اصيد الطيور من اعشاشها واربيها وبفضل الله لا اذكر ان مات منها الا ما مرض
ولكن كنت اوفر لها المكان المناسب والاكل المناسب - وهذا ما فعلتية ولم تقصري - ولا اتعب معها الا في اليومين او الثلاثة الاول واقوم بإطعامها بنفس
عن طريق التلقيم واستخدم قطارة للماء وملقاط نظيف للأكل والحمد لله كانت تكبر واذكر انه كل قفص لدي وهو مترين × مترين
يوجد من 20 الى 25 طائر
والطيور التي كنت اربيها منها القيمري والبلبل وما اجده في الاشجار ، وكانت هذه الهواية تلازمني حتى كبرت وانتقل مكان عملي وسكني
ولكن الموت والحياة هي بيد الله
اذكر في ليلة وانا نائم في الحوش ويوجد في المنطقة اسلاك كهرباء الضغط العالي واسمع صوت الكهرباء في احد الاسلاك الممتدة بين عمودين وذهبت الى مكان هذا الصوت ووجدت حمامة مصروعة تحتها ( ويشهد الله ان رائحة الحرق تفوح من ااجنحتها او ريشها واخذتها اتأمل فيها حتى وقفت على رجليها وربيتها مع الحمام الذي عندي وعاشت ما اراد لها الله ان تعيش .
فثقي ان الحياة والموت بيد الله سبحانه وتعالى فأسأل الله ان اخطأتي في ان يغفر لكي وانما الاعمال بالنيات .
هذا بعض ما لدي ولا تلامي على شيء
وفي النهاية شكراً لك على هذا الموضوع الشيق الذي رأيت التفاعل الكبير من الاخوان والاشادة به

وتقبلي اطيب تحياتي،،،

ابوطعيمه

ريم البراري

26/03/2007, 08:26 PM

حياك الله اخوي راعي الابل
الحمد لله على كل شي
شكرا على مرورك ياخوي

ريم البراري

27/03/2007, 07:49 PM

وعليكم السلام ورحمه الله وبركاته اخوي ابو طعيمه
الله يجزاك خير ياخوي ويسعدك في الدنيا والآخرة
يشهد الله ياخوي سويت اللي علي
الخطا هو استعجالنا باخذ الصغار
كنت انوي تركها مده اطول حتى تعتمد على نفسها
الجهل بهذا النوع من الطيور هو سبب الكارثة التي وقعت وهو درس ان شاء الله استفيد منه في المستقبل
حاليا الكل يغريني بانواع الطيور المختلفة لكن انا مااحب احبس الطيور لكن شي ما جذبني لهذا النوع.
شرفني مرورك ياخوي

أبو فهد ( 1 )

29/03/2007, 01:10 AM

ابشركم جو عيالي:D

بس للأسف بدون الام:(
وتورطت فيهم:(
لي ساعة ااكلهم:( وحلطه جنبي ماء اخاف يغصون:D
واشربهم:(
بس اكيد يبون وقت يتعودون عليهم:D واتعود عليهم:D
صوتهم يهبل
ادعو الله اني اقدر اهتم فيهم على اكمل وجه ويعيشون عندي الله يجزاكم خير:)

من شفت هذه المشاركة وأنا متوقع ما صار

جزاك الله خير على اطلاق صراح الأم والأب علشان يرزقهم الله أفراخ صغار قبل إنتهاء موسم التفريخ.

نجم حفرالباطن

29/03/2007, 05:06 AM

مبرررررررررروك

ريم البراري

29/03/2007, 08:34 AM

حياك الله اخوي ابوفهد1

شكرا على المرور

راعي الحزم

29/03/2007, 01:21 PM

بنت الرس شكرا جزيلا على هذه المتابعة الشيقة التي ذكرتني بأيام الطفولة كنا نتابع الطيور في النخل وناخذ فراخها وكم مرة يموتون بايدينا

موضوعك جميل جدا واعتقد الخطأ الوحيد الذي وقعتي فيه هو اخذ الصغار قبل مايصيرن مطايير يعني ينبت ريشهن وينزلن من العش ويطيرن لمسافة متر الى مترين
وتبدأ امهم في الاستغناء عنهم غير ذلك انسي انهم يبي يعيشون لان جميع الحوقل ( عصافير - حمر - شولة ) وغيرها بمجرد لمس الانسان لها تكرهها امهاتها وربما ترميها من العش وهذا شي معروف ومجرب