بروستد عراجين

[كشات]

http://www.mekshat.com/pix/upload/images24/mk485_besmellah.gif

العنوان غريب صح
بس وش اسوي لزوم التشويق
خصوصا اني واحد مادل باب هالخيمه الرائعه

مالكم بالطويله
لقطنا عراجين بطريق كشتتنا اول يوم وبالليل فاضيين قلنا نسويها بروستد
ماكذبت خير
حطيت العراجين بماء وبديت انظفها اقشرها
http://www.mekshat.com/pix/upload/images29/mk485_sany0735.jpg

بعد كذا لقيت القدر الكاتم فاتح ذراعيه يستقبل العراجين بكل بشاشه :D
http://www.mekshat.com/pix/upload/images29/mk485_sany0737.jpg

ولزوم الطبخه بعض الزيت (جبت شي جديد):mad:
http://www.mekshat.com/pix/upload/images29/mk485_sany0738.jpg

طيب وبعدين؟
ابد الكاتم اشتكاني لخويي:no: يوم زريت على مناسمه
وراضيناه عقب الزعل
وقال تفضلو عراجين بروستد بقدر الضغط
http://www.mekshat.com/pix/upload/images29/mk485_sany0739.jpg

مدة الطبخ 10 دقايق فقط
نصيحه اللي يبي يسويها يحرك الكاتم اثناء الطبخ
عشان تتحمر العراجين من كل جهه

ياليتها تعجبكم مثل ماعجبتنا :p

[abo naser 21]

عاشت أيامك يالذيب ...
وبروست ... من أجمل البراسيت هههههههههه

[مروي السيف]

ممكن اعرف وشي العراجين؟؟؟؟؟

[(محمد العبري)]

الغالي كشات
عز الله انك طيحت سعابيلي
بس خلني أجربها
واكيد طعمها لذيذ
______________
الأخ مروي السيف
العرجون هونوع من أنواع الفطريات ويسمى العرجون (في نجد )وفي غالب المناطق
وينبت ويتكاثر في المناطق الرملية
ولا عرف له اسم غير العرجون
___________________
تحياتي للجميع

[شغل عدل]

اظنه الترتوث ..........

[راع الابل]

اشكرك على هذا العرض الطيب
والعرجون فطري طبيعي يأتي حين نزول المطر وقت الوسم مثله مثل الفقع وغيره من الأعشاب وله فوائد خاصه للرجال دون النساء اما اخوي شغل عدل فالطرثوث وليس الترتوث هذا اعتقد انه ما يوكل

واللي يبي عراجين وبكثرة شفها بعد سعد بحوالي خمسين كم يسار وشكراً

[صخب]

هذي قرادتك يالغطروف ** جابتك من عند رام الله


عقب البطاطة كولي طرثوث** ولا دايمن غير وجه الله


هذا بدوي تزوج فلسطينية ويوم صاروا بوسط الصحرا قالت ابي بطاطه (بطاطس) فرد عليها بالابيات السابقة

============================================


يعطيك العافية على بروستد العراجين واظن اهل الشمال الاقصى يسمونه طرثوث

وفيه نبته شبيهه به اسمها شين (فس.. :D .. العجوز) وهو اللي ماينوكل



والله أعلم

[ابو درع]

والله شكلة لذيذ بس لونك سلقته قبل ثم قليتة .. اتوقع يطلع شي

[جفيل]

============================================


يعطيك العافية على بروستد العراجين واظن اهل الشمال الاقصى يسمونه طرثوث
وفيه نبته شبيهه به اسمها شين (فس.. :D .. العجوز) وهو اللي ماينوكل



والله أعلم

ههههههههههههههههههههههههههههههههه


اخوي مكشات لاهنت على المشاركه ..بس صخب روعنا الله يهديه:D

[ولـد الدوادمي]

شهويتنا الله يهديك

[عنيزااااوي]

بصراحه روعه بس الله يصلحك بطني راح ملح مع العراجين

[راع الابل]

للمعلومية ياخي صخب فس العجوز او فسوة العجوز يطلق على العرجون ا عندما يفسد العرجون او يقل عليه الماء او تذبحة الشمس فيتحول ألى فاسد من الداخل ويخرج رائحة من ليست طيبة ويتغير ما بداخله ويخرث وشكرا

[ع العمرو]

http://mrame.org/up/uploads/d5e7a333b5.gif

[فل اوبشن]

صح عليك شكل طعمه جنان ذر عليه شوي ملح يم يمي ..

[ابو مشعل 1]

يم يم يم يم شكل الطعم جنان

ابروح اتعشى احسن

[قري شنى]

شكله يشهوي .. بس ما يطلع قاسي مع القلي ...