ممكن طلب؟

[الهارف]

بسم الله الرحمن الرحيم

السلام عليكم ورحمة الله وبركاته

اخواني ممكن طلب

انا سمعت بيت من شعر أعجبني والصراحة ما حفظته

وأرجو من عنده الشعر ما يبخل علينا

وهذا ما في البيت

((ا نا حزامك لا عوى الذيب للذيب ___ وانا يمينك لا رقص كل شيطان ))

وهذا الثاني

(( تعال فاحت دلة الشوق بالهيل... ماغير أنا وهموم قلبي معازيم ))

ومشكووووووووووورين.

[راعي العشــه]

والله الابيات كلها مرت علي
ولاكن انشاء الله بسوي لها بحث واتمنى اني افيدك

واذا فيه احد يعرف الابيات لا يبخل علينا

[المسفهل]

أخي الكريم الهارف سوف أشارك في الجواب على السؤال الثاني أما الأول فللأسف أنني

لا أعرف القصيدة !!

أما القصيدة الثانية فهي لنهار بن ممدوح



طولت لا بالله تماديت بالحيل=والشوق لك طيرٍ مع الجو حايم
أنا أدري أن أيامنا صابها ميل=والجو عندك بعض الأحيان غايم
بعدك عذاب وقربك العشب والسيل=ولو غبت عن غيرك من الناس صايم
اتخيلك يا أم العيون المضاليل=وأنا على هاك المضاليل هايم
تعال فاحت دلة الشوق بالهيل=وهبت من عيون القصايد نسايم
تعال مالي غير قربك محاصيل=ما غير أنا وهموم صدري عزايم
أسهر مع الهوجاس وأناجي سهيل=وأقول يا حظك تشوف النعايم
لكن عزاي تزينن بالمقابيل=ومن طول الغيبات جاب الغنايم

[abuturky]

السلام عليكم ورحمة الله وبركاته

اخوي المسفهل تسلم على الفزعة وماقصرت اقولها عن نفسي ونيابة عن جميع اعضاء المنتدى واريد ان اسألك عن كيفية الحصول على هذه القصائد وهل مرجعك الكتب او من مواقع في الانترنت ولي عودة معك قريبا ان شاءالله ........ ودمتم

اخوكم / ابوتركي

[نقا هشال]

مرحبتين الهارف


بصراحه اختيارك قوي ومنتااااز

وماقصر مشرفنا المسفهل

وإن شاء الله مايبخلون علينا الشباب باالقصيده الثانيه

تحياتي.....

[المسفهل]

وعليكم السلام ورحمة الله وبركاته ..

حياك الله أخي الغالي abuturky ونحن في رسم الخدمة في كل ما نستطيعه ..

أما مرجعي في الحصول على مثل هذه القصائد فالأغلب في ذلك هو الرجوع إلى الكتب والدواوين

والمجاميع الشعرية وقد أرجع إلى الصحف والمجلات المعنية بذلك ...

ولا أكون مبالغا إن قلت إن كل الدواوين المطبوعة في الشعر العربي والعامي موجود عندي !

[الهارف]

مشكووووروين اخواني

الله يعطيكم العافية كلكم اللي جاب القصايد واللي ما جابهن

والله يعافيك اخوي المسفهل وما قصرت والله