شفت زي هـالـربـيـع شـفـت زي حليب هالخلفة شفت وشفت ... لايفووووتك ... مع راعي الهـــدد

[راعي الهـــدد]

http://www.mekshat.com/pix/upload/images29/mk33838_8d.jpg


بسم الله الرحمن الرحيم


بتجاه شرق سحمه وشرق شمال منها بعد الين طلعنا على الخليفية والرجوع من طريق الدمام والهدف الأكبر زيارة أخ غالي هناك والبحث عن الكمرة المفقوده والحمدلله وجدناها

وبحكم أن الأخ الغالي شبح الصحراء طلب مني أن انزل موضوع وصور بمناسبة العثور على الكمرة في الرابط أدناه

http://www.mekshat.com/vb/showthread.php?t=76736&page=5



فتلبية لطلبه اليكم هذا الموضوع المتواضع

---------------------------------------------------

@@@@@@

صليت فجر الخميس والعزبه والمةً في الجيب

وعازم على المرواح يم رفيقاً عزيز علي حيل حيل عند ابله

دايم يتصل يعزم ويطلب المجيء يمه وهذا ليس بغريب عليه


يكفي انه من صبيان اعتيبه الحرار ومن روق اعتيبه موآجهين المنايا ذبّاحة الحيل



المهم

تولمت ويالله ياكريم انك توصلنا سالمين غانمين

واتفاجأ بتصال من أخ عزيز وغالي على قلبي يقول يابو حمد تكفى فزعتك

قلت خير يابو صالح عسى خير

قال واحد من الربع اولده طلع من زواج البارح وطاح عليهم ولا عاد يآكل ولا يشرب ابد والحين في مستشفى الحرس بالرياض وعلى مغذي والدكاتره يقولون مابه شي

قلت وش تبي اسوي له آمرني قال ابيك تروح معي كود الله ينفع بالقرآءة عليه

قلت يابن الأجواد رح يمه وانفث عليه واستعن بالله ولاتعجز ووالله اني الآن محمل عزبتي نبي نمشي لبن صالح في شرق سحمه

المهم خشيت ان اكون قد خذلت مسلم في موطن يحب فيه نصرتي ومساعدتي قلت سم نروح يمه

واتصلنا بوالد الطفل الذي لايبلغ 13 سنه قال انا ما اقدر اقابلكم الآن بعد العشاء اقابلكم عند الولد

ان لله وانا اليه راجعون

قلت سم هالسبوع لك يابو صالح ولايهمك لو ما امشي الا الجمعه

والحمدلله على كل حال والله يسخرنا لنفع المسلمين

المهم بعد العشاء وبعد طول انتظار قابلنا والد الفتى النجيب الوسيم وسبحان من أعطاه تلك النجابة

لا اله الا الله

وحقيقة الولد لم يبلغ 13 سنه ولكن تلمس فيه النجابة والرجولة شي لايصدق والعين حق ولا اشوف الا ان به عين

المهم يسر الله وقرينا عليه شي من القرآن ومشيت من عنده اليني تعبان وحالتي حالة

وتصور معي القسم قسم أطفال وكل المرافقات نساء ونشبنا بأنفسنا كل وحده تقول تكفون اولدي معه ربو ونازل على رئته والثانيه اولدي عمره سنتين ومعه ضغط لا اله الا الله الله يشفي مرضى المسلمين

ويالله ولا طلعنا الا بعد تعب عسى الله يكتب الأجر

المهم رحت للبيت وريحت ويوم صليت الفجر يوم الجمعه والشكوى لله وش تبي نسوي هذا حق الفزعات ههههههه وجهت موتري وربعي الي معي

واتجهنا مع الطريق المناسب لمكان ابو محمد جنوب شرق سحمه

المهم

وقفنا للتزود من الوقود وأخذ النواقص من محطة العمانية او البعض يسميها حزوة العمانية

وكما تشاهدون الأشهب ماشاء الله لااله الا الله يآخذ حقه من البنزين

http://www.mekshat.com/pix/upload/images29/mk33838_4d.jpg


ولابد نشقر على البقالة تخبرون مثل هالبقالات تحصل فيها شي نادر ومتكدس عندهم ولاتحصله في الرياض مثل بعض نوعيات الأباريق او الأشياء الي تهم الرحال


ولكن انتبه لاتنزلون كلكم وتنسون موتركم مابه أحد او قفله وانزلو هذا شي ضروري انتبهو تكفون


وهذي بقالة العمانية

http://www.mekshat.com/pix/upload/images29/mk33838_1d.jpg


وكان للفاكهة نصيب في طلعتنا ولابد منها يا أخوان لأنها تعطي الجسم طاقة وغذاء يكفيه وسوائل كافية

http://www.mekshat.com/pix/upload/images29/mk33838_3d.jpg


المهم وصلنا الغالي ابو محمد وياسلام سلم ابل شوفتها تشرح الصدر وأوجيه تجمل بالعلوم الطيبة

ويوم جينا الا والله هاك الناقة الي على جنبها تحن تبي تولّد وصار اعسرها الحويّر وتفككت من علاوي الفخذ وطاحت وانكسرت

ويالله وش حلها عاد مالها الا الجزار ويالله لك الحمد تعتبر هالناقة من اطيب البل عندهم والله يعوض

انضر اليها ساقطة على جنبها وشف كيف حياها مورم وهذا دليل قرب الولادة عند الناقة ولكن بعد كسرها ازداد بشكل غريب فتحول الى أذى

http://www.mekshat.com/pix/upload/images29/mk33838_13d.jpg



بعد هذا كله وبعد الجولة التفقديه

صارت معركه بيني وبين ابو محمد هههههه

الا بيذبح وبيفعل ويترك واناواياه والحمدلله تم الأنتصار عليه بعد تهديد بعدم القدوم عليه مرة أخرى إن فعل فانتم شادين بابلكم وحنا طبينا عليكم بدون موعد ولابينا رسميات ونبيها على الراحة

وطلبتكم طلبه اضبط غداكم وابو محمد رجل يقدر طلبات الرجال شرواكم ولايردهم

فنزلت العزبة وضبطت الغداء

ولكن لا أخفيكم صور الغداء وكبستنا اعذروني عن تتنزيلها لأني اول مره اشوف أن العين تصيب من ورى الشاشة هههههه عقب الموضوع الأول الي طرحته

على العموم الجايات اكثر

تغدينا ووسعنا الصدر ويوم صلينا العصر وحنا في مكان صلاتنا جبت القهوة والشاهي الي شبيت عليها قبل من نصلي وزليت القهوة وجيت بها


ويالله ما أحلااها من جلسه

اقسم برب العزة اني ما سعدت كثر سعادتي بهالجلسة يالله الجنة


حليب خلفه وتمر واقهوه وشاهي وش تبي بعد ماناقصك الا .... هههه اخاف اقول وش ناقص ويحذف الموضوع كله هههه

http://www.mekshat.com/pix/upload/images29/mk33838_17d.jpg


ياربي لك الحمد شف الرغوه بس واشكر الله والله الصحة والعافية والنشاط

http://www.mekshat.com/pix/upload/images29/mk33838_12d.jpg


أحم احم سلم لي ابو محمد الطاسة وهذي عادة العرب في تكريم الضيف اول من يشرب هو وهذي صفة طيبة حيل ههههههههه الله لايقطعنا منها هههه

وتفاجـأت اني شربت ثلثين الطاسة وانا ما ادري من زين الحليب وريح العشب يشق خشمك شق شق شق هههه

استحيت ونزلتها مثل ماتشوفون


http://www.mekshat.com/pix/upload/images29/mk33838_18d.jpg




تــــــــــــابــــــــع >>>>>>

ارجوك لاترد تكفى طلبه ثواني وينزل بقية الموضوع

تــــــــــــابــــــــــع >>>>>>

[راعي الهـــدد]

مــــتـــــبــــــوع <<<<


وقبيل المغرب اعصير رحنا يم مراحهم الين البيت قد بنوه وكل شي تمام وجلسنا فيه اقبال عود هالأرطى الي يطربك ريحه ياسلالالالام سلّم
ونكمل السوالف والقهوة وكل علم غانم

http://www.mekshat.com/pix/upload/images29/mk33838_5d.jpg


وهذي صورة أخرى خلها تطربك ياغالي

حياة اتمنى الرجوع لها والسلامة من المدنية المقيته


http://www.mekshat.com/pix/upload/images29/mk33838_9d.jpg


وهذي من جهة أخرى وشف زين هالمعاميل وزين الترتيب


http://www.mekshat.com/pix/upload/images29/mk33838_7d.jpg



وهذي أرجاحه ونوتر بها


http://www.mekshat.com/pix/upload/images29/mk33838_8d.jpg



وكان لابد لنا من جولة على ربيع هالمنطقة ويعلم الله يا أن ربيعها هوى كل راعي ابل تخيل ربله وخزامى وشكاعي وشوي رمث وش بقى كل هذي تشط في سنام الناقة واليك الصور

http://www.mekshat.com/pix/upload/images29/mk33838_15d.jpg


واليك الأخرى لعشان مايقال راعي الهــدد يتعمد يدور الأماكن الزينه ويصورها والله يالربع انها من هالشكل وأزود


http://www.mekshat.com/pix/upload/images29/mk33838_16d.jpg



المهم رجعنا مرة أخرى لبيت الشعر وحنا جالسين وشوي الا والله هاك الولد الي ماودك الا تنضر فيه معتصب بالعمامه وفي يمناه الطاسة


لالالالالا ما اصدق


والتفت على ابو محمد قلت ابو محمد قال سم قلت ارفق علينا تكفى ترى ماحولنا احد ههههههههه والديرة بعيد بعيد (( وصار عيارة مايصح نقولها هنيّا ))

ضحك الين انشقت لحيته فرقين وقال اشرب اشرب وترآه عافية وصحة يابو حمد

http://www.mekshat.com/pix/upload/images29/mk33838_11d.jpg



لاوبعد حليب خلفة وتمر وربيع يعني على طول يحول في شغايا بطنك ههههههه امزح ترى مانيب سمين

وش بقى يالله لك الحمد والشكر

http://www.mekshat.com/pix/upload/images29/mk33838_10d.jpg



صلينا المغرب والعشاء جمع تقديم وتقهوينا عقب الصلاة وخذنا شوي وبحكم ان ورآنا دوامات وحوسة قلت نضبط العشاء مبكر ونرجع بدري واخلي قدر الضغط يتستس له شوي على ذيك الكبسة

تقولون كبسه في الضهر والليل اقول هذا طلب ورغبة الربع


http://www.mekshat.com/pix/upload/images29/mk33838_6d.jpg


وفي الختام المعذرة على التقصير والحوسة الي تشوفونها في الترتيب فالذهن مشغول هذا ولد ياناط على ارجولك او ناشب لك يبيك تكلمه وتعطيه وجه او جوال داق او لزوم لابد تقضيه او خلها على ربك

عموماً تقبلو محبتي وتقديري لكم يأعضاء ياشقردية ياقرووووم والله لايحرمني منكم ومن طيب كلامكم وحسن أدبكم يالله ياربي اغفر لي ولهم وادخلنا جناتك جنات النعيم

محبكم

ابو حمد





والقاااااادم ..... القااااااادم ..... القااااادم ... أشد .... وانكى

[ابو ابعاد]

بيض الله وجهك يابو حمد والله ان علومك كله زينه

ياخي مواضيع تعجبني كثير الا انت بكبرك تعجبني ياعسى عمرك طويل

[الاداري]

الحمد لله على السلامه

[مرخ]

ما شاء الله لا قوة الا بالله.............

الحمد لله على السلامة يا ابو حمد

كذا تخليني ادوخ اذا شفت الحليب جعله بالعافية والله يعيد علينا وعليك هالايام واسعد منها

[مكشاتي ون]

رحله موفقه
وعلوم غانمه ما تجي الا من الطبين مثلك وشرواك - وشروى من يقرأ -

[سرهيد]

مرحبا براعي الهدد ومرحبا بمواضيعك المتميزة

الحليب وما ادارك ما الحليب وخاصة هذه الأيام وقت الربيع

ذكرتني براعي الحريق يوم يقول في قصيدته على الحليب


http://www.alriyadh.com/2006/05/10/img/105022.jpg


قالوا حليب وقلت وشهو حليبه؟


----------------- قالوا: حليب وارد في كراتين

الزين و الله يوم تسمع شخيبه

--------------من ديدها في طاهرات المواعين





شعر: ابن تويم - الحريق



ايو والله من ديدها لطاهرات المواعين


http://www.mekshat.com/pix/upload/images26/mk22112_u.jpg

[راعي الهـــدد]

بيض الله وجهك يابو حمد والله ان علومك كله زينه

ياخي مواضيع تعجبني كثير الا انت بكبرك تعجبني ياعسى عمرك طويل



الله يغفر لك ووالديك

وشاكر مرورك ومقدر لك ذلك ياغالي

تسلم والله

[ديم نجد]

مشكوووووور ابوحمد
رحله رااااااااائعه وصووووور اروووووووووووع

[الكهف1]

مشكور
وياليت صور الطبخ وتفصيل كامل
حتى تعم الفايدة

[راعي الهـــدد]

الحمد لله على السلامه




الله يسلمك ياغالي

واشكر لك المرور والرد ياجعلك سالم وغانم

[ابوهتون]

ما شاءالله...حليبات طيبــــه بالحيل....ربي يوفقك ابومحمد...

[جمس قطعه 10]

تسلم والله يارعي الهدد


والله ابداع ترتيب صور روعه والحمد لله على السلامه


وننتظر جديدك


تحياتي:..جمس قطعه 10..

[راعي الهـــدد]

ما شاء الله لا قوة الا بالله.............

الحمد لله على السلامة يا ابو حمد

كذا تخليني ادوخ اذا شفت الحليب جعله بالعافية والله يعيد علينا وعليك هالايام واسعد منها



اخوي الغالي مرخ اشكر لك المرور والرد

والحليب لاتقاطعه تكفى ترآه عافية ولايوقع الا في عضمك ههههه

[راعي الهـــدد]

رحله موفقه
وعلوم غانمه ما تجي الا من الطبين مثلك وشرواك - وشروى من يقرأ -



تسلم ياغالي

وشرواك الطيب يابعدهم

تسلم والله ثم تسلم ثم تسلم

[ولدكنق]

الحمدلله على السلامه

وننتظر جديدك

[saag]

الحمد لله على السلامة

رحلة موفقة

بس ترى صورة الغدا مثل ما قلت ما طلعت وبعدين وشلون تخاف من العين وهي حق وانت اللي تقرا على الناس الله

يكفينا واياكم شر الاشرار

والمرة الجاية تراني خوي لك الله يسعد قلبك انت ورفيقك النشمي وكلكم نشامى قروم

مشكور يالطيب على المشاركة الحلوة

[راعي الهـــدد]

مرحبا براعي الهدد ومرحبا بمواضيعك المتميزة

الحليب وما ادارك ما الحليب وخاصة هذه الأيام وقت الربيع

ذكرتني براعي الحريق يوم يقول في قصيدته على الحليب


http://www.alriyadh.com/2006/05/10/img/105022.jpg


قالوا حليب وقلت وشهو حليبه؟


----------------- قالوا: حليب وارد في كراتين

الزين و الله يوم تسمع شخيبه

--------------من ديدها في طاهرات المواعين





شعر: ابن تويم - الحريق



ايو والله من ديدها لطاهرات المواعين




http://www.mekshat.com/pix/upload/images26/mk22112_u.jpg






الزين و الله يوم تسمع شخيبه --- من ديدها في طاهرات المواعين



من ديدها في طاهرات المواعين

من ديدها في طاهرات المواعين




اوووووووه

هلا هلا هلا هلا هلا والله ملايين

هلا بالغالي ابو عبدالله


يامرحبا ويامسهلا زاد روعة الموضوع بردك وتعقيبك

ياهلا بك يالطيب يالحبيب

اقول وش رايك في مقطع الفديو الي صورته لك من عند ابل ابو محمد ماتشوف انه مخل اشوي ههههههه توني اذهن الحين

ياهلابك يابو عبدالله ومرور كريم

[ابو عاذر]

يعطيك العافية أخوي راعي الهدد والله شوقتنا للمطلاع هذا الاسبوع عوائدك ابو حمد بمواضيعك الشيقة التي تتحفنا بها بين فينة وأخرى


مع تحيات اخوك ابو عاذر

[أبونواف42]

ما شاء الله لاقوة إلا بالله الله يعطيك العا فيه على هالصور الي تجيب العافيه والحقيقه انك هيضتني والحقيقه اني مشتاق لهل العلوم لكني الآن خارج المملكة الغالية دورة وراجع ان شاء الله . الله يجزاك خير أخوك أبو نواف

[راعي الهـــدد]

مشكوووووور ابوحمد
رحله رااااااااائعه وصووووور اروووووووووووع



هلا بالغالي ابو يزيد شاكر مرورك

والله يغفر لي ولك ولوالديك

شكرا شكرا

[الجافي]

ياحبيلك ياراعي الهدد ويا حبي لمواضيعك

[الهمر]

تسلم يابو حمد ،،

شوقتنا للحليب ،، هههههههههههههههه
ربي يسعدك ،، وفي انتظار جديدك ،،

[@أبو زيد@]

تسلم يالغالي على هالموضوع الطيب

الله لايحرمك الأجر ,,, جزاك الله خير

أخوك سمحان

[راعي الهـــدد]

مشكور
وياليت صور الطبخ وتفصيل كامل
حتى تعم الفايدة


أخوي الغالي الكهف

اشكر لك المرور والرد

وابشر اتمم طلبك بأنزال صور للطبخ

بس في موضوع آخر وقريبا بأذن الله شي يسعدك

شكرا شكرا لك

[راعي الهـــدد]

ما شاءالله...حليبات طيبــــه بالحيل....ربي يوفقك ابومحمد...



الأخ الغالي ابو هتون

شاكر لك المرور والرد الطيب

الله يغفر لك ووالديك ولايحرمك الأجر

يالله ياربي انك توفقه وتسدده آمين

دمت بود ومحبة وإخلاص ياغالي

[Algthami]

اول شي الف مبروك علي ايجاد الكميرة

ثاني شي يعطيك الف عافيه علي موضوعك الرائع ودايم مواضيعك مميزه وتمنياتي لك بالتوفيق

[مسافر1]

حمداً لله .
وتشكر أخي أبو حمد على هذا الترير الجميل والمنوع .
لك كل تقدير

[طالب الحور]

أولا


أقول ماشاء الله تبارك الله




لاتقول بعد كم يوم طالب الحور




:D أرسلها :D





وش أقول بصراحة الموضوع سحرني من أوله إلى آخره




أسلوبك في الطرح راقي جدا بالفعل وتغبط عليه




كعادتك معود الجميع على الزين والجديد



أقولها بصراحة ولا مهونة للربع




مواضيعك بدأت تكتسح مكشات




اللهم زد وبارك





قل آمين



أسأل الله أن يسكنك



عالي الجنان مع الحور الحسان

[Mohammad]

ماشاء الله لا قوة الا بالله

اللهم زد وبارك للجميع


اخوانى احب ان ازيد شىء مهم لنا جميعا و يجب علينا الحرص والتأكيد عليه دائما وابدا وهو الدعوه بالبركه لاهل الحلال فى حلالهم الذى يشقون من اجله ويصرفون عليه الكثير من المال ويسعدون ضيوفهم بتقديم الحليب لهم فى هذا الموسم او غيره ...هذا اقل شىء نستطيع عمله وهو امر بسيط وفيه باذن الله خير عظيم للجميع !

نسأل الله ان يبارك لنا ولهم انه على كل شىء قدير

قولو امين

[راعي الهـــدد]

تسلم والله يارعي الهدد


والله ابداع ترتيب صور روعه والحمد لله على السلامه


وننتظر جديدك


تحياتي:..جمس قطعه 10..



شاكر لك ياغالي

والله لايحرمنا من طلاتك

وابشر بالجديد

دمت بود

[ابونايف الروقي]

السلام عليكم
مشاء الله يابو حمد موضوع رائع وجهد رائع وتشكر على مجهودك ..
اخوك P52

[سرهيد]

لك شنو مقطع انت شووووو ناوي يا ابو حمد

ترا الأرض منزولة;) ;) ;)

[دغيم1]

السلام عليكم
الحمد لله على السلامه - رحلة موفقه
صور رائعة - واسلوب متميز - وصف جيد
تسلم يمينك - وحمد ا لله على السلامة و العقلان في الكاميرا .
تقبل تحياتي - دغيم 1

[راعي الهـــدد]

الحمدلله على السلامه

وننتظر جديدك



الله يسلمك ياولد الكنق

وابشر بالجديد ياغالي

اشكر لك المرور والرد

دمت بود

[راعي الهـــدد]

الحمد لله على السلامة

رحلة موفقة

بس ترى صورة الغدا مثل ما قلت ما طلعت وبعدين وشلون تخاف من العين وهي حق وانت اللي تقرا على الناس الله

يكفينا واياكم شر الاشرار

والمرة الجاية تراني خوي لك الله يسعد قلبك انت ورفيقك النشمي وكلكم نشامى قروم

مشكور يالطيب على المشاركة الحلوة



الأخ الغالي saag

اشكر لك المرور والتكرم بالرد الطيب

والعين حق كما قلت

العين حق تنزل الفارس عن فرسه

وكما قال صلى الله عليه وسلم
((العين تورد الرجل القبر
وتدخل الجمل القدر))

وقال صلى الله عليه وسلم
((العين حق، ولو كان شىء سابق القدر لسبقته
العين، وإذا استغسلتم فاغتسلوا ))

كذا قال المصطفى صلى الله
عليه وسلم.

و لكنه علمنا صلى الله عليه و سلم أنها ليست رعبا , فما هى إلا امتحان و بلاء تقليدى يمر كغيره , و هى
من أمر الله , فالصواب أن نجمع بين اليقين بأثرها و اليقين بأنه من قدر الله تعالى
و هو من بيده النفع و الضر و الشفاء و البلاء


فالصواب أن تتقى العين قبل وقوعها، و أن نفعل الأسباب المأذون بها شرعا بعد وقوعها


وابشر ياغالي بالي يسرك ويطربك في الجايات بأذن الله

ويعلم الله اني اتشرف بخوة الرجال شرواك وابشر ابشر
وشكرا لك على المرور والتكرم بالرد

[هاوي قصيده]

موضوع رائع

ورحله قروم

تستاهل كل خير يابو حمد

وعساك عالقوه ياراعي الطيب والواجب

[راعي الهـــدد]

يعطيك العافية أخوي راعي الهدد والله شوقتنا للمطلاع هذا الاسبوع عوائدك ابو حمد بمواضيعك الشيقة التي تتحفنا بها بين فينة وأخرى


مع تحيات اخوك ابو عاذر



هلا بك ياغالي هلا والله

ولاتترك الطلعات ترآها ترد لك الخاطر وتجيب سعة الصدر

والروحات والجيات ابد ماتخسر فيها بل والله تكسب لو بس علم من احد او تجارة او اي شي

والله الله اذا طلعت نبي نشوف جديدك

دمت بود ومحبة وإخلاص اخي ابو عاذر

[عاشق VXR]

السلام عليكم ورحمة الله وبركاته .
مشكور على الموضوع الرائع ... :good:
الله يعطيك العافية ... جزاك الله خير ...
لا تحرمنا من جديدك .. :type:

تقبل تحياتي :
اخوك / عاشق vxr

[نقا خريم]

بالعافيه يابو حمد ... بالعافيه انت وربعك...
لكن..اثبت لنا انك منتب بسمين...:eek: :D
أمزح ابو حمد جعلك بالجنه والديك ومن يقرأ..
ولاتنسانا من هذه المواضيع الشيّقه..
زادك الله من واسع فضله ورزقه..
وتقبل تحيات اخيك الصغير
نقــــــا خريــــــم

[راعي الهـــدد]

اخوي الغالي نقا اشكر لك المرور ومقدر لك ذلك

وراجع الخاص في منتديات الرحلات

وانا في انتضارك

[راعي الهـــدد]

ما شاء الله لاقوة إلا بالله الله يعطيك العا فيه على هالصور الي تجيب العافيه والحقيقه انك هيضتني والحقيقه اني مشتاق لهل العلوم لكني الآن خارج المملكة الغالية دورة وراجع ان شاء الله . الله يجزاك خير أخوك أبو نواف



الغالي اليوكون اسود

اشكر لك المرور

ويعجبني من هو مثلك لسانه رطب بذكر الله

واوصيك وصية يوم انك في الخارج الله الله بطاعة رب الأرض والسماء

واجعل ذكر الله ملازماً لك وكرر ولاتمل ولاتكل قول استغفر الله

والله الله بالعبادة والحرص على كل خير وتجنب الشر وأهله

فوالله مهما زين اهل الشر شرهم وخبثهم فإن الخير والحق اجمل واحسن

نصيحتي لك ان تضهر المضهر الحسن للأسلام والمسلمين وكن داعية بأفعالك وتعاملك وكلامك وحتى ببتسامتك وضحكاتك

انا اقول لك ذلك ويعلم الله اني على يقين انك بأذن الله من أهل الخير ومضهرك مضهر خير وكلامك كلام خير ولا ادل على ذلك الا ردك الطيب علي هنا

ياحبي لك وتآصل سالم وغانم وفالك النجاح والتوفيق

دمت بود ومحبة وإخلاص

[راعي الهـــدد]

ياحبيلك ياراعي الهدد ويا حبي لمواضيعك




تسلم ياغالي والله يحبك ويغليك

دمت بود ومحبة وإخلاص ياغالي

[مزاجي]

الله يجزاك خير ويرحم والديك

بسس غير كذا مقدراقول شي

[راعي الهـــدد]

تسلم يابو حمد ،،

شوقتنا للحليب ،، هههههههههههههههه
ربي يسعدك ،، وفي انتظار جديدك ،،


الله يغفر لك وشاكر لك المرور

والله يجزاك الجنه

[الطـرقي]

يعطيك العافية يا ابو حمد








مشششششششششششششششششششششكوررررررر على الصور الأكثر من رائعة

ما تقصر


الطرقي

[الصريح جدا]

السلام عليكم،،

الغالي راعي الهدد،، والله اني افرح اذا شفت مواضيعك لأني ادري انها مطعمة بالصور الزينه والعلوم الغانمة ... لكن وانا خوك

لاتشره علي تراني على اسمي!!! ماتلاحظ انك تمدح نفسك واجد ،، يعني ونا اخوك مهوب لازم ترى ندري انك مطوع وتقرى على

الناس علشان نحترم الموضوع ونرد عليه ... يعني وانا اخوك الخير اللي سويته في ولد الناس يوم رحت تقرى عليه ووضحت لنا

انك فزااااع ماشاء الله ولازم ماتخذل المسلم ،، ترى كل هالسالفه إقحام في الموضوع ماله داعي أبدا وبالعكس يقلل من ثقة القراء

بالكاتب ،، وغير مسألة القراءه على الولد ،، يعني كل شوي تقول وسويت انا وحطيت انا وانا اللي اقوم وازين وانا اللي اصلح وزينت

القهوة وزليتها وجبتها و........و... وطبخت العشا وصلحت وفعلت وعملت !!!

لا وانا اخوك حتى لو انك انت فعلا اللي مسوي هذا كله ،، مايليق انك تنسبه لنفسك في الرواية وكان الأفضل لو قلت وسوينا حنا

وزينا القهوة ،، وصلحا العشا... بدل من اسلوب مدح النفس واظهارها بطريقة انت في غني عنها ماشاء الله عليك فأنت مشهود لك

في هالمنتدى ومانحتاج اي معلومات او مدح عشان ندخل اي موضوع لك ...

انا اسف على صراحتي الزايده وشكرا لك على سعة صدرك ...

تحياتي لك

[نقا خريم]

اخي الكريم
الصريح جدا
اسمح لي انا ايضا
ان صراحتك زايده
يعني هالرجال متعنّي يبيكم تستانسون بهالصور..
انظر اخي الكريم..
اذا انت مسجّل بمكشات لتدرج صراحتك هذه في جميع المواضيع..
انفع الغير اخي الكريم بما هو مفيد...
والسلام عليكم

[الطـرقي]

كلام الأخ نقا خريم صحيح وفي محله


وحتى لو كانت هناك بعض الملاحظات

فإنه من الأفضل ارسال رساله على الخاص



ولا يا أخ صريح

[راعي الهـــدد]

الأخ الغالي السمحان شاكر مرورك والله يغفر لك ووالديك

الأخ الغالي القثامي شاكر لك ومقدر ولا تحرمنا من طلاتك ياغالي

الأخ الغالي والحبيب مسافر 1 اشكرك ياغالي ومرورك اروع ياغالي شكرا شكرا يابعدهم

الأخ الغالي طالب الحور يالله انك تغفر له ووالديه ياربي وجزاك الله الف الف خير وجودك في مواضيعي يزيدها روعة وجمال ياغالي

الأخ الغالي محمد اشكرك واقدر لك المرور يابعدهم كلهم

الأخ الغالي بي 52 اشكرك بعنف والله لايحرمني من الطيبين امثالك

الأخ الغالي والمحب دغيم 1 اشكرك والله ياغالي والله لايحرمنا منك ومن طلاتك يابعدهم كلهم

الأخ العزيز والمحب هاوي قصيده الله يسلمك ويغفر لك ولاقصرت مرور طيب والله لايحرمنا ممن هو مثلك وشرواك

الأخ العزيز عاشق في اكس آر هلا بابو سعود هلا شرفني والله مرورك ياغالي وشكرا لك

الأخ العزيز نقا خريم شكرا لك ياغالي وانت والله الي قاهرنا بطيبك وكرمك ياغالي شكرا شكرا

الأخ العزيز والحبيب مزاجي هلا بك يابو غلا يالله انك تغفر له وتيسر امره ياربي شكرا لك

الأخ الغالي الطرقي شكرا لك وجودك في مواضيعي يعلم الله انه يشرفني



اخوتي الفضلاء اشكر لكم المرور والله يجعلني عند حسن ضنكم

اخواني الفضلاء عجزت عن افارد كل اخ برد

فاعذروني يوم جمعتكم برد واحد ويعلم الله اني اتمنى اني اعطيكم حقكم

شكرا لكم




أخوي العزيز والغالي الصريح جدا

اشكر لك مرورك وسأفرد لك رد لوحدك لأبين لك الصراحة المطلوبة وسامحك الله على سوء ضنك بأخيك

وتقبل مني المحبة والتقدير اخي الغالي

[مزاجي]

بسم الله الرحمن الرحيم

والصلاه والسلام على افضل المرسلين سيدنا محمد ابن عبد الله

اما بعد .....

اخي العزيز صريح جداً جعلك الله من عباده الصالحين الامرين بالمعروف والناهين عن المنكر ..احسن الظن باخيك المسلم يعلم الله اني تعرفت على اخي ابو حمد من فتره ليست بالقصير ومالقيت عنده الا كل علم غانم ولاكن هناك امور تخفى لديك عزيزي المتلقي ..احياناً بعض الرواه يتميزون ببعض الصفات عن البعض الاخر فعندما وانا لااجد في اسلوب ابو حمد اي بهرجه زايده غير انه صادق معنا ويعاملنا بحسن نيه ولا كن البعض دائماً يفسر حسن النيه ب ماذا كان يقصد ولماذا وكيف يعني بالعربي لو كل واحد قال الزبده كان حط الصور وقال شف وخلص الموضوع بس وشهو اللي يفرق بين كاتب وكاتب الا الاسلوب المميز ونه يعيشك انك كنك معه


على العموم الموضوع يطول ولاكن اكتفي بهذا القدر لاني ماحب الجدال واجد وعساك ان شاءلله تحسن النيه بخوك اللي تجهله

[راعي الهـــدد]

السلام عليكم،،

الغالي راعي الهدد،، والله اني افرح اذا شفت مواضيعك لأني ادري انها مطعمة بالصور الزينه والعلوم الغانمة ... لكن وانا خوك

لاتشره علي تراني على اسمي!!! ماتلاحظ انك تمدح نفسك واجد ،، يعني ونا اخوك مهوب لازم ترى ندري انك مطوع وتقرى على

الناس علشان نحترم الموضوع ونرد عليه ... يعني وانا اخوك الخير اللي سويته في ولد الناس يوم رحت تقرى عليه ووضحت لنا

انك فزااااع ماشاء الله ولازم ماتخذل المسلم ،، ترى كل هالسالفه إقحام في الموضوع ماله داعي أبدا وبالعكس يقلل من ثقة القراء

بالكاتب ،، وغير مسألة القراءه على الولد ،، يعني كل شوي تقول وسويت انا وحطيت انا وانا اللي اقوم وازين وانا اللي اصلح وزينت

القهوة وزليتها وجبتها و........و... وطبخت العشا وصلحت وفعلت وعملت !!!

لا وانا اخوك حتى لو انك انت فعلا اللي مسوي هذا كله ،، مايليق انك تنسبه لنفسك في الرواية وكان الأفضل لو قلت وسوينا حنا

وزينا القهوة ،، وصلحا العشا... بدل من اسلوب مدح النفس واظهارها بطريقة انت في غني عنها ماشاء الله عليك فأنت مشهود لك

في هالمنتدى ومانحتاج اي معلومات او مدح عشان ندخل اي موضوع لك ...

انا اسف على صراحتي الزايده وشكرا لك على سعة صدرك ...

تحياتي لك


الأخ العزيز الصريح جدا

كم نحن بحاجة ماسة للصراحة في هذا الزمن

وانت اسم ولا اضن انه على مسمى

ويعلم الله جل جلاله لم يكن المقصد أن اخبرك اني مطوع او اقرى على الناس

ومن قال لك اني اقرى على الناس اصلاً

كل مافي الأمر ان الأخ هذا اعرابي ومن البادية ولا يجيد القراءة حتى المريض وابيه ومن حوله كذلك ولا حصّل الا انا الله يعفو عني ويتوب علي واتصل علي

والا والله ان ذنوبنا اثقلت الكاهل اي والله ومن انا حتى اتصدر لذلك او انصب نفسي لذلك

أخوي الغالي يعلم الله اني ما اردت شيء مما ذكرته انت اصلحك الله

والأخوة الأعضاء عرفوا عني اني اذكر كل شيء وكما هو ومثل ماحدث وانا ذكرت لهم كل الذي حدث وبصراحة

واردت من ذكر سالفة القراءة أمرين والله يعلم نيتي

الأمر الأول ان اخبرهم لماذا تأخرت الى يوم الجمعة ولم اطلع يوم الأربعاء ووالله اني في تردد يوم اكتبها خشيت وجود من هو مثلك يفسر بتفسيرك هداك الله

الأمر الثاني احياء جانب الأيثار وحب الغير والقيام لهم بواجبهم وانت تعلم زمننا هذا ومافيه من حب الذات وتقديم رغبات النفس على رغبات الناس الواجبة لهم

ويعلم الله ان فيه من رد على موضوعي هذا هنا ويطلب مني القراءة على ابنه وهكذا ويعلم الله اني ارسلت لهم بالخاص ان يعدلو ردهم في العام ولاداعي لذكر مثل ذلك هنا لأني لست اهل والحمدلله استجابو واليك الرسالة الخاصة التي ارسلته لبعضهم وياليت يردون هنا هل صحيح ماقلت ام لا واليك الرسالة

رسالة خاصة: تكفى لاتردني
http://www.mekshat.com/vb/images/statusicon/post_old.gif بالأمس, 03:08 PM
راعي الهـــدد (http://www.mekshat.com/vb/member.php?u=33838) http://www.mekshat.com/vb/images/statusicon/user_online.gif vbmenu_register("postmenu_", true);
عضو مكشاتي
تاريخ التّسجيل: Sep 2006
المشاركات: 1,181
http://www.mekshat.com/vb/images/reputation/reputation_pos.gif


تكفى لاتردني
السلام عليكم

شاكر لك ردك
بس تكفى طلبه عدل ردك لاتطري فيه قراءه ولا شي من ذلك

اخاف الربع يفهمون ان قصدي من الموضوع القراءة ويعلم الله ماهو القصد

تكفى بسرعه عدله ما ابي طاري تقرى على اولدي او شي من هذا

اخوك ومحبك ابو حمد


واخونا الي ارسلتها له هو ابو ابعاد وياليت يبين الموقف كما هو

انا لم اقل ذلك الا دفاعاً عن نفسي ولكي اوضح لك الصورة ويبعد عنك وعن الأخوان الشيطان


ثم أخي الكريم سالفة اني امدح نفسي واني سويت وفعلت والله الذي لااله الا هو ولايحلف بسواه اني ما اردت مدح نفسي


واعلم اني واضع نصب عيني

قول الله جل وعلا (( لا تحسبنّ الذين يفرحون بما أتوا ويحبون أن يحمدوا بما لم يفعلوا فلا تحسبنهم بمفازة من العذاب ولهم عذاب اليم ))

ووالله لم اقل غير الحق والذي صار فما المانع من ذكره كما كان وصار




اخي الفاضل

فلأن كانت الصراحة مطلوبة في زمن اليأس والدجل والكذب

فإن مراعاة تجنب المفاسد لهي اطلب وانفع وافضل

وتذكر اخي في صراحتك التي تطلبها مراعاة أمور لابد منها

أولاً احسان الضن بالناس فالضانين ضن السوء عليهم دائرة السوء

ثانياً قارن بين المصالح والمفاسد وسدد وقارب

ثالثاً اصدع بكلمة الحق ولاتهاب وكن اسد الله ولاتخف بشرط وضع كل شيء في موضعه الحسن

اخي الصريح جداً

اشكر لك مرورك واقدر لك ذلك

تقبل محبتي وتقديري لشخصك الكريم

وترآك غالي علي حيل ولو صار ماصار

الله يجمع شملنا وييسر امرنا ويصلح نياتنا ويؤلف بين قلوبنا


(( ربنا ولاتجعل في قلوبنا غلاً للذين آمنو ))

[الصريح جدا]

والله ياجماعة لافهموني غلط ،، انا ماقلت في اخوي الغالي راعي الهدد شي ،،، انا ماتهمته ولا أسأت الظن فيه ...

قد أكون مخطيء بل فعلا مخطيء أنني لم أتعمد أخي راعي الهدد برسالة خاصة !!

وأكرر أن لم أقل عنه ماقال البعض داهم الله أنني قلته .... كل ماذكرته هو وجهة نظري حول أسلوب طرحه ،، فلم أنكر أبدا

إبداعه واستمتاعنا بصوره المميزه وعلومه الغانمة ... لكن لي وجهة نظر متواضعة قد تخطيء وقد تصيب وهي أن مدح الرجل

لنفسه وذكر مناقبه ليس ماتعودناه من راعي الهدد وأمثاله من الكرام.... ولقد كررت أنه ليس بحاجة للمدح ..

وأن لم أقلل من شأنه ...

أنا مع القائل أن التفاصيل الدقيقه ضرورية لكي نعيش القصة ولكن لاأظن أن سالفة طلب الفزعة بالقراءه على ولد وسيم لها علاقة

بالربيع والنياق والحليب!!!!

كما أنني لم أفسر بعض كلماته أو أسيء الظن فما قلته وتطرقت عليه واضح لايحتاج تفسير ...


أخي الغالي راعي الهدد،،،

العفو يالذيب وشكرا لك على سعة صدرك وصدقني أنا لم أقل مايستدعي أن تعتقد إساءة الظن فيك فكل ماقلته مجرد تعليق على

طريقتك في الكتابة والتعبير واستخدام اسلوب مدح النفس..... تحياتي لك وللجميع

[الصريح جدا]

توني شايف ردك الاخير وماقلو الا بيض الله وجهك،،،،


وفعلا طلع كلامي صحيح والبعض فهموا انك مطوع وتقرى على الناس ،، صح ولا لا يالغالي...

والشي الثاني في موضوع إساءة الظن !! يشهد الله اني ما أسأت الظن فيك ولا علقت الا على اللي قريت....

إلا أذا كان كلام مثل: انا سويت القهوة وانا زليتها وجبتها وانا اللي زبطت الكاتم وفعلت وزينت !! مايعتبر مدح للنفس

فأنا أعتذر للجميع إذا معاد صرت افهم عربي زين ...

لكن هذي بوسه على راسك وانا متأكد ان انا وانت وغيرك بنستفيد من هالدرس وهذا واضح من الرسائل الخاصة لديك...


تحياتي لك وماقول الا ياحلالاه بس من يكشت معك ويتفلسف عليك الين تدوووووخ :)

[راعي الهـــدد]

الغالين نقا خريم ... الطرقي .... مزاجي ..

اشكر لكم الرد وان دل ذلك على شيء فإنما يدل على حب نصرة الحق وأهله

واخونا الصريح جداً اخ عزيز وغالي والله يغفر لي وله ياربي


شكراً شكراً نقا خريم .... الطرقي .... مزاجي ..

[راعي الهـــدد]

توني شايف ردك الاخير وماقلو الا بيض الله وجهك،،،،


وفعلا طلع كلامي صحيح والبعض فهموا انك مطوع وتقرى على الناس ،، صح ولا لا يالغالي...

والشي الثاني في موضوع إساءة الظن !! يشهد الله اني ما أسأت الظن فيك ولا علقت الا على اللي قريت....

إلا أذا كان كلام مثل: انا سويت القهوة وانا زليتها وجبتها وانا اللي زبطت الكاتم وفعلت وزينت !! مايعتبر مدح للنفس

فأنا أعتذر للجميع إذا معاد صرت افهم عربي زين ...

لكن هذي بوسه على راسك وانا متأكد ان انا وانت وغيرك بنستفيد من هالدرس وهذا واضح من الرسائل الخاصة لديك...


تحياتي لك وماقول الا ياحلالاه بس من يكشت معك ويتفلسف عليك الين تدوووووخ :)



أخوي الغالي الصريح جدا

ماصار الا كل خير وابشر ولايهمك المواضيع القادمه صور وبس موضوع صامت يعني

كل هذا خشيت الفهم الغير طيب وتفادياً لوقوع شيء مثل هذا

وانا اتمنى من المشرف تعديل موضوعي وحذف كلامي الزايد على فهم البعض

ياليت يامشرف تحذف الكلام وتبقي الصور يعني تحذف قولت اني صلحت غداهم واقهوتهم واني قريت على المريض واني واني واني واني واني واني واني

اخوي الصريح والله لم تكن بهذا الأسلوب اسلوب اني واني

بل بأسلوب راعية فيه اسلوب الرواية القديمة

انت لو تجالس مع شيبان تشوف كيف يقصون سوالفهم وطلعاتهم ومقانيصهم تشوف انهم في القصة الواحدة يعطونك عشرين فايدة والسالفة طويلة ولا تمل منها

لتنوعها وتشعبها الجميل والمطلوب في الروايات القدامى

انا احاول اقلدهم اي والله وأجد في ذلك رغبة

والحمدلله على كل حال

الغالي الصريح جداً ماصار الا كل خيرات واتمنى أن تضيف لقناعاتك السابقة قناعة واحدة وهي حسن الخطاب وفهمه

واتشرف بخوة شرواك بس اخاف مانعود الا متطاقين او يقال مذبوح فلان هههههههه

[راعي الهـــدد]

أخي الغالي راعي الهدد،،،

العفو يالذيب وشكرا لك على سعة صدرك وصدقني أنا لم أقل مايستدعي أن تعتقد إساءة الظن فيك فكل ماقلته مجرد تعليق على

طريقتك في الكتابة والتعبير واستخدام اسلوب مدح النفس..... تحياتي لك وللجميع


انت والله الغالي ولاحصل الا كل خير


وهذي حبة خشم

وحبة بعد على جبينك ياغالي


تسلم لي وخلافنا خلاف ودي لاداعي لتشعبه

ارجو يا اخوان ان نبقى في صلب الموضوع الذي وضع من أجله

شكرا للجميع

[جبل مشرف]

كعادتك يا راعي الهدد مواضيعك جزله ومتكامله وشامله الله يوفقك ويجعل ايامك كلها افراح ومسرات

[الغزال الشارد]

مشكور اخوي ابو حمد والله يوفقك http://www.moq3.com/pics/up_2007/01_2007/6411719c56.gif (www.moq3.com)ورحالة موفقة انشاء الله وتسلم الغالي 000000تحياتي

[نجم حفرالباطن]

يعطيك العافيه اخو ي ماقصرت بارك الله فيك على الصو ر الرائعه

[راعي الهـــدد]

كعادتك يا راعي الهدد مواضيعك جزله ومتكامله وشامله الله يوفقك ويجعل ايامك كلها افراح ومسرات




الغالي جبل مشرف

يشرفني مرورك ياغالي

والله لايحرمك الأجر والله يستجيب دعائك

شكرا لك

[راعي الهـــدد]

مشكور اخوي ابو حمد والله يوفقك http://www.moq3.com/pics/up_2007/01_2007/6411719c56.gif (http://www.moq3.com/)ورحالة موفقة انشاء الله وتسلم الغالي 000000تحياتي




شكرا لك أخوي الغالي الغزال الشارد

مرور يشرفني ورد طيب

الله يغفر لك ووالديك آمين

دمت بود

[فتى الدهناء]

الحمد لله على السلامة يابو حمد ..

وبارك الله فيك على التقرير الرائع والجميل اللي عشت ساعاته ولحضاته ..بسردك الجميل ..

وفقك الله

[سهود ورعود]

كفوووووووو و الله راع الهددددددددددد اعلومك اعلوم الرجااااااال

[أخو ريان]

راعي الهدد ماناقص الا ..................
ههههههههههههههههه الله يسعدك
قلها ونا اخوك ومايحذف ان شالله
مشكور مشكور على هالطلعه الزينه ونت اللي زينتها الله يعطيك العافيه
حي الرفيق اللي مثل سالم الزير++++++++++++++++++++ سود الليالي ماتغير طباعه
وتقبل تحياتي اخو ريان

[راعي الهـــدد]

الحمد لله على السلامة يابو حمد ..

وبارك الله فيك على التقرير الرائع والجميل اللي عشت ساعاته ولحضاته ..بسردك الجميل ..

وفقك الله



الأخ الغالي واستاذي الكبير فتى الدهنا

الله يسلمك ويغفر لك ووالديك

ويسعدني اقتناعك من الموضوع وفكرته وسرده

شكرا لك ياغالي وياشيخي الفاضل

[راعي الهـــدد]

كفوووووووو و الله راع الهددددددددددد اعلومك اعلوم الرجااااااال




تسلم ياغالي

والله يغفر لك ووالديك

اشكر لك المرور والرد الطيب ياطيب

دمت بود

[راعي الهـــدد]

راعي الهدد ماناقص الا ..................
ههههههههههههههههه الله يسعدك
قلها ونا اخوك ومايحذف ان شالله
مشكور مشكور على هالطلعه الزينه ونت اللي زينتها الله يعطيك العافيه
حي الرفيق اللي مثل سالم الزير++++++++++++++++++++ سود الليالي ماتغير طباعه
وتقبل تحياتي اخو ريان


ههههههههههههههههه

حياك ياغالي ونبي نقدر مشاعر البقية فالمنتدى يحوي الصنفين ولا نريد أحراج لأحد

والي في الخاطر كافي والا وش رايك ههههه

الله يحفضك ياربي ويشرفني والله مرورك يابعدهم

[HRH_220]

مجهود تشكر عليه

[راعي الهـــدد]

يعطيك العافيه اخو ي ماقصرت بارك الله فيك على الصو ر الرائعه





أخوي الغالي نجم حفر الباطن

اشكر لك المرور الطيب ياغالي

ويعلم الله اني نسيت ارد عليك فاعذرني ياغالي

وهذي حبة خشم تستاهلها

وشكرا لك يابعدهم كلهم

[راعي الهـــدد]

مجهود تشكر عليه





شكرا لك ياغالي

الله لايحرمنا من لسانك الطيب

دمت بود

[سنا البرق]

أخي راعي الهدد
الله يسلمك على التقرير
وصور رائعه

[جي اكس أر 3]

السلام عليكم ورحمه الله
اخي العزيز والحبيب ابو حمد
مشكور ياقلبي علي هذه الصور والتقرير الوافي عن رحله تكللت بنجاح
والله الحمد ،،،،،، مبدع والله مبدع يا ابو حمد وفقك الله والله ينور طريقك
ومواظيعك دئمأ مميزه ،،،،،،،،،
تحياتي

[راعي الهـــدد]

أخي راعي الهدد
الله يسلمك على التقرير
وصور رائعه




الغالي سنا البرق

شاكر لك المرور الطيب

والله يغفر لك ووالديك

[راعي الهـــدد]

السلام عليكم ورحمه الله
اخي العزيز والحبيب ابو حمد
مشكور ياقلبي علي هذه الصور والتقرير الوافي عن رحله تكللت بنجاح
والله الحمد ،،،،،، مبدع والله مبدع يا ابو حمد وفقك الله والله ينور طريقك
ومواظيعك دئمأ مميزه ،،،،،،،،،
تحياتي





الغالي والحبيب

جي اكس آر 3




شكر الله لك هذا المرور الطيب


ولاقصرت والله لايحرمنا منك ياطيب


دمت بود ومحبة وإخلاص

[كن كن]

ما شاء الله عليك ياراعي الهدد على هالطلعة وبالمناسبة أنا من أشد المعجبين بمواضيعك لما فيها من التوسع والشرح المفيد ولا تخلينا من جديدك

[راعي الهـــدد]

ما شاء الله عليك ياراعي الهدد على هالطلعة وبالمناسبة أنا من أشد المعجبين بمواضيعك لما فيها من التوسع والشرح المفيد ولا تخلينا من جديدك



الأخ الغالي والحبيب المحب كن كن

تسلم والله ولاقصرت على هالمرو الطيب

وابشر بكل جديد


الموضوع الجاي الجديد صرخة في عالم تجهيز السيارات

لايزال تحت الأعداد والعمل والتجهيز


وترآه يهمك الموضوع حيل حيل

وبتستانس عليه بإذن الله

لاتنساني من دعائك ياغالي

[فراس1]

ماشاءالله عليك وش ها لفله تسلم على هاالمناضر اللي ترد الروح الله يغفر لك ياخيي

[راعي الهـــدد]

ماشاءالله عليك وش ها لفله تسلم على هاالمناضر اللي ترد الروح الله يغفر لك ياخيي





الأخ الغالي فراس 1

شكرا لك والله يغفر لك ووالديك

دمت بود ومحبة ياغالي

[شبح الصحراء]

ماشاء الله رحلة طيبة ومباركة وبصراحة التقرير ممتاز جداً واعجبتني الصور خصوصاً هذه الصورة تسوى ذهب عندي :good: :

http://www.mekshat.com/pix/upload/images29/mk33838_10d.jpg

بلغ سلامي وسلام اعضاء مكشات لرفيقك الروقي العتيبي وقله كرمك واصل مكشات ومتعديه وعساك على القوة يا راعي الجود .
ومشكووووووور يا راعي الهدد على التقرير الرائع :) .

[راعي الهـــدد]

ماشاء الله رحلة طيبة ومباركة وبصراحة التقرير ممتاز جداً واعجبتني الصور خصوصاً هذه الصورة تسوى ذهب عندي :good: :

http://www.mekshat.com/pix/upload/images29/mk33838_10d.jpg

بلغ سلامي وسلام اعضاء مكشات لرفيقك الروقي العتيبي وقله كرمك واصل مكشات ومتعديه وعساك على القوة يا راعي الجود .
ومشكووووووور يا راعي الهدد على التقرير الرائع :) .



الغالي شبح الصحراء

شكرا لك يابعدهم على هذا المرور الطيب

والسلام يآصل لهم باذن الله

ويعلم الله انهم رجال ولاقصرو

شكرا لك ياغالي

[ابو سعد التميمي]

مشاء الله ياابوحمد الله يعطيك العافيه على هالموضوع ماقصرت بيض الله وجهك

[راعي الهـــدد]

مشاء الله ياابوحمد الله يعطيك العافيه على هالموضوع ماقصرت بيض الله وجهك





تسلم ياغالي

والله لايحرمنا منك يابعدهم

دمت بود ومحبة

[* Storm *]

مشكور00000000000000

[راعي الهـــدد]

مشكور00000000000000



الغالي مراقب السحاب


شكرا لك شكرا


الله يغفر لك ووالديك

[abumashal]

بيض الله وجهك

[راعي الهـــدد]

بيض الله وجهك




اخوي الغالي

اشكرك على هذا المرور الطيب

شكرا شكرا

دمت بود

[الرائد2006]

جزاك الله خير على التقرير الرائع

وسبحان الله انا مالله عطاني من حليب الخلفات

[الطير حوران]

بيض الله وجهك وعز الله ان مواضيعك تشفي الغليل

[غازي 1]

بيض الله وجهك يابو حمد والله ان علومك كله زينه

تسلم والله ثم تسلم ثم تسلم

[راضي]

ابو حمد السلام عليكم ورحمة الله وبركاته
على طاري شمة ريح العشب في حليب الابل
صار لي موقف مضحك بعض الشي كنا طالعين انا و الاخوان
لمزرعة واحد من الجماعه عنده ابل المهم يوم صلينا المغرب
قلت لمه وش اخبار الابل يابوعبدالرحمن
والله ياذقت لك حليب قبل فتره كنك تاكل عشب
المهم ربعي يضحكون في انفسهم مستحين من الرجال
جاب الحليب الرجال وشرب ودار علينا بالغضار
كل واحد عطاه غضاره اخذت الغضاره واسمي
قلت والله يابوعبدالرحمن الله يستر اول مرة اشربه عسى مااجيب العيد والى يوم انفجروا من الضحك
اجل تاكل عشب فيوم جاء الصدق بانت العلوم .....

الله يرحم والديك يابو حمد ويشكر سعيك عسى الله يجمعني واياك في كشته بالدنيا وفي كشته بالاخره
ودمت سالم غانم ....................

[هوايل]

شكرا لراعي الهدد وارجو قبول هذه الابيات
لاضاق صدري قلت دنو لي الجيب ::::::حطو معاميلي وحطو فراشي
وبكره لزوم تكلمون المعازيب:::::::::: لاجاالمعاش ايحولولي معاشي
وقولو تراءخويكم ناوي ايغيب::::::::::مذكورله دارن عليها ارشاشي
والبارحه ماغاب ماغير بالسيب:::::::::ويخيل برقن مثل نورالفلاشي
وياخوي ماتلقى ادمين بلاعيب:::::::::بس العيوب انواع مثل القماشي
وناعيوبي شوفت الطعس والجيب::::::وشوف الفياض الي بهن انتعاشي
وساعات نقضيها بذيك العراقيب:::::::تسوى حيات اهل الطرب والغراشي

[راعي الهـــدد]

جزاك الله خير على التقرير الرائع

وسبحان الله انا مالله عطاني من حليب الخلفات


اشكرك اخي الكريم

والله يغفر لك ووالديك آمين

ولايفوتك حليب الخلفات اغصب نفسك عليه ترآه شي خصوصاً اذا انت متزوج هههههه

دمت بود ياغالي

[راعي الهـــدد]

بيض الله وجهك وعز الله ان مواضيعك تشفي الغليل




تسلم تسلم ياغالي

الله لايحرمنا منك ومن طلاتك يابعدهم

شكرا لك

[راعي الهـــدد]

بيض الله وجهك يابو حمد والله ان علومك كله زينه

تسلم والله ثم تسلم ثم تسلم


ووجهك ياغالي

الله يغفر لك ووالديك

وجعلك سالم وغانم يابعدهم

[راعي الهـــدد]

ابو حمد السلام عليكم ورحمة الله وبركاته
على طاري شمة ريح العشب في حليب الابل
صار لي موقف مضحك بعض الشي كنا طالعين انا و الاخوان
لمزرعة واحد من الجماعه عنده ابل المهم يوم صلينا المغرب
قلت لمه وش اخبار الابل يابوعبدالرحمن
والله ياذقت لك حليب قبل فتره كنك تاكل عشب
المهم ربعي يضحكون في انفسهم مستحين من الرجال
جاب الحليب الرجال وشرب ودار علينا بالغضار
كل واحد عطاه غضاره اخذت الغضاره واسمي
قلت والله يابوعبدالرحمن الله يستر اول مرة اشربه عسى مااجيب العيد والى يوم انفجروا من الضحك
اجل تاكل عشب فيوم جاء الصدق بانت العلوم .....

الله يرحم والديك يابو حمد ويشكر سعيك عسى الله يجمعني واياك في كشته بالدنيا وفي كشته بالاخره
ودمت سالم غانم ....................



هههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههه

يعلم الله قصة موتتني ضحك

الله يكون بعونك بس تدري والا لا ترى هالكذبه وهالموقف الي صار لك الله يهديك بيمشي داري ليش لأنهم بيموتون عليه ضحك وبتمشي وبتروح ضحك

الله يصلحك ويهديك لاعاد تكذب ثانية ههههه يازين الصدق في كل شي (( ولايزال الرجل يصدق ويتحرى الصدق حتى يكتب عند الله صديقا )) الله اكبر تكتب عند الله صديقا هذي منزلة ليست بهينه

ياحبي لك ياراضي

[راعي الهـــدد]

شكرا لراعي الهدد وارجو قبول هذه الابيات
لاضاق صدري قلت دنو لي الجيب ::::::حطو معاميلي وحطو فراشي
وبكره لزوم تكلمون المعازيب:::::::::: لاجاالمعاش ايحولولي معاشي
وقولو تراءخويكم ناوي ايغيب::::::::::مذكورله دارن عليها ارشاشي
والبارحه ماغاب ماغير بالسيب:::::::::ويخيل برقن مثل نورالفلاشي
وياخوي ماتلقى ادمين بلاعيب:::::::::بس العيوب انواع مثل القماشي
وناعيوبي شوفت الطعس والجيب::::::وشوف الفياض الي بهن انتعاشي
وساعات نقضيها بذيك العراقيب:::::::تسوى حيات اهل الطرب والغراشي



هلا بك ياغالي

والله يشكر سعيك

مرور كريم من رجل كريم

وابيات مقبولة وروعة وتسلم والله على هذا الأختيار الطيب

تقبل محبتي وتقديري

وياليتني شاعر كان رديت لك بالمثل ياغالي

[* Storm *]

ماشاء الله!!!!
http://www.mekshat.com/pix/upload/sign/images/mk42127.gif

[مشعل_1001]

الأخ راعي الهدد رحلة موفقه اعتقد اني انا شفتكم كنت عند نياقي العصر ونتم مريتو علي جيب بترول ربع فيه 3 اعتقد والمكان بعد قرية الدهو ( الخليفيه) خلفها شمال صوب نفود حروري
المهم رجلة موفقه وياليتكم ميلتو علي انا نياقي بعد الخليفيه 25 كيلو خلف النفود في فيضة الهبكة عند الجودي
اخوك مشعل العتيبي

[راعي الهـــدد]

الغالي مراقب السحاب شكرا لك يابعدهم

الغالي مشعل وافي وكريم وياليت انا عرفناك كان والله انها حلاتها وصدقت كنا ثلاثة وثالثنا سوداني نبيه يشيل صيد من ناقة

عموما شرفتوني ولا قصرتو ياغالين

[راعي الهـــدد]

ماشاء الله!!!!
http://www.mekshat.com/pix/upload/sign/images/mk42127.gif






الأخ الغالي الركامي

شرفني مرورك ياغالي

واعذرني على التأخر في الرد عليك

والله لم انتبه لردك

عذراً ياغالي

دمت بود ومحبة يابعدهم كلهم

[طارق الحربي]

ماقصرت يابو حمد

وحياة البدو زينة ماودك تفارقها وربيع سحمة طيب بالحيل

ماشالله عليك عندك دوام ووصلت هكالديار

[راس الرعيلة]

تسلم يبوحمد على الصور والعلوم الغانمة
علوم طيبها من طيب راعيها
ننتظر إبداعاتك القادمة
الله يأجرنا وإياك

[راعي الهـــدد]

ماقصرت يابو حمد

وحياة البدو زينة ماودك تفارقها وربيع سحمة طيب بالحيل

ماشالله عليك عندك دوام ووصلت هكالديار






هلا بالغالي طارق الحربي


شرفتني ياغالي


وقل ماشاء الله تبارك الله


وابشرك مابه اي اخلال بالدوام


منضبط وزي الحلاوة


هههههههههههههه


دمت بود ومحبة ياغالي

[nda21]

تسلم والله ابومحمد والله رحله جميله تستاهل كل خيرررررررررررررررررررر

[راعي الهـــدد]

تسلم يبوحمد على الصور والعلوم الغانمة
علوم طيبها من طيب راعيها
ننتظر إبداعاتك القادمة
الله يأجرنا وإياك






الله يسلمك ياغالي

شاكر لك ومقدر يابعدهم كلهم

[السااهر]

الحمد لله عل سلامتكم ونفع الله بكم وبارك الله فيكم وجعل مداخيلة العافية حليبة وكبستة

[راعي الهـــدد]

تسلم والله ابومحمد والله رحله جميله تستاهل كل خيرررررررررررررررررررر





ومن قال سالم وغانم

هلا بك يابعدهم شرفتني والله

[ونيس البرق]

مع عدم الماخذة لا يوجد صوره بها ربيع كما في العنوان مجرد صور نياق ومشب وما يوجد داعي للتسحيب وشكرا على المشاركه

[الحلفي]

ماشالله تبارك الله وناسه وسعة صدر

[alburkan]

تسلم على الموضوع عذبتني بصور الحليب جعل والديك الجنه

[راعي الهـــدد]

الحمد لله عل سلامتكم ونفع الله بكم وبارك الله فيكم وجعل مداخيلة العافية حليبة وكبستة





أخوي الغالي الساهر

شرفني مرورك يابعدهم كلهم ولاقصرت

دمت بود

[راعي الهـــدد]

مع عدم الماخذة لا يوجد صوره بها ربيع كما في العنوان مجرد صور نياق ومشب وما يوجد داعي للتسحيب وشكرا على المشاركه





ههههههههههههههههههههههههههههه

انت على اسمك ونيس

عموما الربيع فيه ربيع

والتسحيب ما من زود تسحيب بس على خفيف ههههه

دمت بود ومحبة يابعدهم كلهم

[ابو_حمد]

هههههههههههههههههههههههههه اسم والله على مسمى راعي الهدد ماشاء الله عليك ولا اروع من كذا عليكم والله بالعافية وتسلم على الصور الاكثير من رائعه لاوبعد مقرب الدله والبريق عند النار يامال الف عاااافية عليك وعلى ابومحمد والي معكم بعد يستااااهل ها الفلة
تحياتي لك ياراعي الهدد
ابوحمد

[مغرم مقناص]

راعي الهدد


الله يسامحك ذا المره


لكن ...




المره الجايه اتصل فيني وأتواعد انا وياك

لاتروح بروحك :)


الله يوسع صدرك على طاعته على هذا الموضوع وهذه الصور اللي توسع الصدر

[zaxs2010]

ماشاء الله ....


موضوع مميّز

[w5070]

ماشاء الله تبارك الله

دوماً مواضيع مميزة

..الحمد لله على السلامه..

.. وتروح وترجع بالسلامه ..:D
جزاك الله خير وماقصرت على هذا المجهود الطيب
وعلى هذه المواضيع المميزة وعلى الصوروالتعليق المتميز.

تحياتي لك وتقبل مروري
أخوك ومحبك
A.K.H

[راعي الهـــدد]

ماشالله تبارك الله وناسه وسعة صدر





الله يغفر لك ووالديك

شاكر لك المرور والرد يابعدهم كلهم

دمت بود ومحبة

[راعي الهـــدد]

تسلم على الموضوع عذبتني بصور الحليب جعل والديك الجنه






ووالديك ياغالي

وماعاش من يعذبك ههههه

ماعذبناك ولا حاجه تفضل والله يحييك وابشر بكل مايسرك

دمت بود ومحبة

[راعي الهـــدد]

هههههههههههههههههههههههههه اسم والله على مسمى راعي الهدد ماشاء الله عليك ولا اروع من كذا عليكم والله بالعافية وتسلم على الصور الاكثير من رائعه لاوبعد مقرب الدله والبريق عند النار يامال الف عاااافية عليك وعلى ابومحمد والي معكم بعد يستااااهل ها الفلة
تحياتي لك ياراعي الهدد
ابوحمد




هلا بك ياغالي

شرفني مرورك كثيرا اي والله

دمت بود ومحبة ياغالي

[راعي الهـــدد]

راعي الهدد


الله يسامحك ذا المره


لكن ...




المره الجايه اتصل فيني وأتواعد انا وياك

لاتروح بروحك :)


الله يوسع صدرك على طاعته على هذا الموضوع وهذه الصور اللي توسع الصدر




ياجعلك تسلم

خوة شرواك عز ومعزه

تسلم والله تسلم

والجايات بيحصل لنا بك لقاء اتمنى ذلك

وفقك الله ياغالي

[راعي الهـــدد]

ماشاء الله ....


موضوع مميّز



المميز اخي الغالي حضورك وتشريفك لموضوعي

وفقك الله ياغالي

شاكر لك ومقدر

[راعي الهـــدد]

ماشاء الله تبارك الله


دوماً مواضيع مميزة

..الحمد لله على السلامه..

.. وتروح وترجع بالسلامه ..:D
جزاك الله خير وماقصرت على هذا المجهود الطيب
وعلى هذه المواضيع المميزة وعلى الصوروالتعليق المتميز.

تحياتي لك وتقبل مروري
أخوك ومحبك
A.K.H









هلا بالغالي هلا

شرفتني والله

مرور اسعدني كثيرا

شاكر لك ومقدر ياغالي

[ولد المكاشيت]

ما قصرت على الموضوع الحلو هذا شكرا لك

[راعي الهـــدد]

ما قصرت على الموضوع الحلو هذا شكرا لك






شاكر لك ومقدر يابعدهم كلهم

دمت بود ومحبة ياغالي

اعتذر عن التأخر بالرد مسافر ياغالي

[ابوعزيزm]

سلمت أخي العزيز راعي الهدد

كالعادة إبداع . .

بارك الله لك فيما أنفقت . .

[omiran]

الحمدلله على السلامة ورحله موفقه يابو حمد

[عضو آخر]

ماشاء الله .. صور رائعة يا أبو حمد ..

[ابن الحناكية]

تسلم ياغالي والى الامام ننتظر ابداعك يالذيذ......

[راعي الهـــدد]

سلمت أخي العزيز راعي الهدد

كالعادة إبداع . .

بارك الله لك فيما أنفقت . .




هلا بك يابو عزيز

هلا وغلا ... وش هالساعة المباركة ....

شاكر لك الرد ياغالي

[بــح ــر الــكــرم]

مشكور ياخوي




الله يعطيك العافيه

[راعي الهـــدد]

الحمدلله على السلامة ورحله موفقه يابو حمد




هلا والله بالغالي ابو احمد ...

الله يسلمك ويغفر لك ووالديك ...

شاكر لك ومقدر هالمرور الطيب ....

[غاوي مقناص]

يعطيك العافه أخوي
الصور أكثر من رائع

[KING GALAXY]

مشكرور على ها الصور الجميلة

[راعي الشهامه]

الله يعطيك العافيه اخوي راعي الهدد

عز الله انك كفيت ووفيت ... وبيض الله وجهك ورحم الله والديك

موضووع قمه في التنسيق والطرح

الله يحيينا حياتن طيبه ونلحق على الربيع السنه الجايه وحنى بالف خير وسلامه .. ومن يسمع (( ومن يقراء )) ههههههههههههه

تقبل مروري .. ولك منى كل التقدير والاحترام