المساعد الشخصي الرقمي

مشاهدة النسخة كاملة : (( لغز من تأليفي )) يا اهل الرمعات...الحل:داخل اللغز...حله:تركي


عبدالله العمرو
11/03/2007, 01:53 AM
السلام عليكم .....
لغز وجا على الطاير وترى حلّه أسهل من قرايته :


أنشدك عن بنت ٍ لعوب ٍ نقيّة
........... تحمل وتولد ما يبيّن عليها

ما يمنع الرّجّال عنها حميّة
.......... تنقاد له بنت الشرف لو يبيها

=========
العمرود
الحسكولي
11/03/2007, 09:12 AM
وش رايك بالبندقية
عبدالله العمرو
11/03/2007, 10:19 AM
أخوي الحسكولي / لا عدمتك

مالك لوى طال عمرك ....
ما هي البندقية ...

تحياتي ...
شبح الآلغاز
11/03/2007, 01:05 PM
مساء الخير يالعمرود
وش رايك في بطارية الجوال
ذيب الموشم
11/03/2007, 10:12 PM
ش رايك يالعمرود بمكينة الصرف
عبدالله العمرو
11/03/2007, 10:43 PM
مساء الخير يالعمرود
وش رايك في بطارية الجوال


مساء النور والسرور يا شبح الألغاز .....

مالك لوى يالغالي ....
عبدالله العمرو
11/03/2007, 10:52 PM
ش رايك يالعمرود بمكينة الصرف

أخي ذيب الموشم لا عدمتك

مالك لوى ماهي مكينة الصرف .....

حاول مرة ثانية ما انت بعيد ....
هاوي المرقاب
12/03/2007, 01:44 AM
اخوي العمرود

صح لسانك على اللغز

ماتكون البطاقه الائتمانيه
البيطار
12/03/2007, 02:36 AM
تكون مكينة البيبسي
او السيارة
عبدالله العمرو
12/03/2007, 06:39 AM
اخوي العمرود

صح لسانك على اللغز

ماتكون البطاقه الائتمانيه


هلا والله بهاوي المرقاب ....

صح بدنك ياغالي .....

ومالك لوى طال عمرك .... في اللغز مفتاح يخالف الحل ...
تقبل التحايا ....

أخوك /
البركة
12/03/2007, 09:35 AM
بطاقة الذاكرة ؟
عبدالله العمرو
12/03/2007, 03:54 PM
تكون مكينة البيبسي
او السيارة


هلا وغلا بالبيطار ....

لا والله يا بعدي ماهي السيارة ولا مكينة البيبسي ....

مع التحية والتقدير
عبدالله العمرو
12/03/2007, 04:00 PM
بطاقة الذاكرة ؟


أخي البركة .... حياك الله

مالك لوى ما هي بطاقة الذاكرة ....


مع التحية ....
الشاقي
12/03/2007, 04:43 PM
البندق.........
هاوي المرقاب
12/03/2007, 06:16 PM
طيب وشرايك بمكينة تعبئة الوقود بالمحطات

مع التحيه
عبدالله العمرو
13/03/2007, 11:14 PM
البندق.........

أخوي الشاقي :
جعلها براس عدوك ....

مالك لوى ......
قرناس نجد
14/03/2007, 11:01 AM
والله ما ني راعي اللغاز لكن يمكن اسطوانت الغاز او البطاريات
عبدالله العمرو
14/03/2007, 03:16 PM
طيب وشرايك بمكينة تعبئة الوقود بالمحطات

مع التحيه

الغالي / هاوي المرقاب / لاعدمتك

فالك طيب ... :)

ما هي مكينة تعبئة الوقد ولا تهون ...

والله فيه كلمة وحدة في اللغز اللي بينتبه لها اعتبروه حله خلاص :)


شكراً يا بعدي ...
اسير الغربة 1
14/03/2007, 04:09 PM
بنت ورقه العب
عبدالله العمرو
14/03/2007, 10:26 PM
والله ما ني راعي اللغاز لكن يمكن اسطوانت الغاز او البطاريات


أخي قرناس نجد / لاعدمتك

مالك لوى يا بعد راسي ....

تقبل تحياتي ....
عبدالله العمرو
14/03/2007, 10:27 PM
بنت ورقه العب


حياك الله يا ابو سعد ....

مالك لوى ....


تحياتي ....
عبدالله العمرو
16/03/2007, 07:58 AM
وينكم ؟؟؟؟؟؟؟؟؟؟
justscience
16/03/2007, 08:43 AM
الدله اللي ماتبهر من الهيل
عبدالله العمرو
17/03/2007, 05:42 AM
الدله اللي ماتبهر من الهيل

justscience أخوي الغالي :

مالك لوى ولا انت بعيد :)

في اللغز مفتاح لو أحد انتبه له حله ....
الهيلاوي1
17/03/2007, 12:08 PM
اهديك يالعمرود مني تحيه=
وتشكرعلى ابيات لغز مسويها
من السحب ديم وفيه منها برديه=
وريح اللواقح باوله وتحتيها
ان صبتها حصلت منك الهديه=
وان اخطيت حله مكسبى عرف راعيها
عبدالله العمرو
17/03/2007, 02:26 PM
اهديك يالعمرود مني تحيه=
وتشكرعلى ابيات لغز مسويها
من السحب ديم وفيه منها برديه=
وريح اللواقح باوله وتحتيها
ان صبتها حصلت منك الهديه=
وان اخطيت حله مكسبى عرف راعيها


ألف شكر أيها الباهي لسبقك الطيب وحقيقةً شرواك مكسب لنا جميعاً ....


يا مرحبا مليون مليون ميّه=
.......... واعداد اهل مكّة مع اللي يجيها

واعداد ما تنبت غصونٍ نديّة =
.............. بين الفياض وعد وبلٍ عليها

بين الرجال أهل القلوب النّقيّة=
............ اللي علوم المرجلة تهتويها

الحل ما له يالسنافي طريّة =
........... عسى السّعد في دنيتك يحتويها




تقبل كل الود والإخاء .....
هاوي المرقاب
18/03/2007, 12:25 AM
حييت ياراع الكفوف النديّه

........ تصيب والاّ غيرها مانبيها



بنتٍ لياصاحت لها جاذبيه

.......تطربك يالعمرود جرة وحيها



هات الربابه والقصايد عليّه

........وازهم لنا مشعان يلعب عليها
الهيلاوي1
18/03/2007, 03:24 AM
صح لسانك يالعرمود
=السحابه= تحياتي
عبدالله العمرو
19/03/2007, 12:20 PM
حييت ياراع الكفوف النديّه


........ تصيب والاّ غيرها مانبيها

بنتٍ لياصاحت لها جاذبيه
.......تطربك يالعمرود جرة وحيها

هات الربابه والقصايد عليّه


........وازهم لنا مشعان يلعب عليها



صح قلبك يا بعدي ....


حييت يا شوق الهنوف الرّضيّة
........... بنت الرّجال المرضية والديها

نقيّةٍ ما داست المزرويّة
..........وإن بان عيب البنت عيّوا عليها

تعطى لمثلك يالسنافي قريّة
مير البلا يا كثر من يشتهيها

ما فضّحت بالنوح صبح وعشيّة
............ بين الرجال و ورعها معتليها
==================

:)
:)

الجايّات أحلى وأقرب ....

تقبل كل الحب والإخاء ....
الهيلاوي1
19/03/2007, 03:16 PM
======== السحابه=====
سلطان العوني
20/03/2007, 03:31 PM
صحت اللسنتكم جميعا
وانا ما ادري انحل اللغو ولا باقي
ان كان ما انحل بقول رمعتي
الرمعه ><
الليبتون تخديرة الشاهي
عبدالله العمرو
20/03/2007, 09:22 PM
صح لسانك يالعرمود
=السحابه= تحياتي


أخي الحبيب الهيلاوي1 / لاعدمتك

صح كللللللللللك ولا هنت ....

ما هي السحابة يا علّها تسقي مراويحك :)


حظّ أوفر ...

أخوك /
عبدالله العمرو
20/03/2007, 09:26 PM
صحت اللسنتكم جميعا
وانا ما ادري انحل اللغو ولا باقي
ان كان ما انحل بقول رمعتي
الرمعه ><
الليبتون تخديرة الشاهي


هلا وغلا يالعوني حييت وبييت ....

لا والله يا لغالي ما لك لوى ....

تقبل كل الحب ....
أخوك /
سلطان العوني
21/03/2007, 02:57 AM
مساء الخير يالعمرود اقول لك ااخر رمعه
وش رايك بشريحة الجوال
سلطان العوني
21/03/2007, 02:59 AM
ولا القصيده التي تحمل فوائد وتنتج فوائد
وقلي ما لك لوى
عبدالله العمرو
23/03/2007, 07:58 AM
مساء الخير يالعمرود اقول لك ااخر رمعه
وش رايك بشريحة الجوال


يا مساء الأنوار يا سلطان .....

خيرها في غيرها يا بعد راسي :)

اعذب التحايا ....
عبدالله العمرو
23/03/2007, 08:00 AM
ولا القصيده التي تحمل فوائد وتنتج فوائد
وقلي ما لك لوى



مالك لوى يا بعدي ....


سلطان : نقيييييييييييييييييييييييييييييييييييييييييييييييي ية .....

انتبهواااااااااااا ......
ابرق العزاف
23/03/2007, 03:42 PM
أنشدك عن بنت ٍ لعوب ٍ نقيّة
........... تحمل وتولد ما يبيّن عليها

ما يمنع الرّجّال عنها حميّة
.......... تنقاد له بنت الشرف لو يبيها



((( القصيده))))
عبدالله العمرو
07/04/2007, 02:06 AM
أنشدك عن بنت ٍ لعوب ٍ نقيّة
........... تحمل وتولد ما يبيّن عليها

ما يمنع الرّجّال عنها حميّة
.......... تنقاد له بنت الشرف لو يبيها



((( القصيده))))




هلا اخوي أبرق العزاف ...
قالها سلطان قبلك يا بعدي وقلت له مالك لوى
الرمعة موفقة لك ولسلطان وقريبة جدا من ناحية المفاتيح ...
دوروا شي ثاني يطابق أكثر :)
تحياتي لقلبيكما ...
أخو جوزاء
07/04/2007, 02:56 AM
أخوي العمرود

السلام عليكم ورحمة الله وبركاته ,,,,,

عندي ثلاث رمعات :

1 - الملعبه 0

2 - السالفه 0

3 - القصه 0

هااااااا وش رايك عساها صايبه ولا هي مخطيه


أخو جوزاء
عبدالله العمرو
07/04/2007, 03:17 AM
أخوي العمرود

السلام عليكم ورحمة الله وبركاته ,,,,,

عندي ثلاث رمعات :

1 - الملعبه 0

2 - السالفه 0

3 - القصه 0

هااااااا وش رايك عساها صايبه ولا هي مخطيه


أخو جوزاء



إرررررحب يا أخو جوزاء وعلييكم السلام والرحمة وصبحك بالخيرات ...
لا هنت على رمعاتك الثلاث ...
ما انت بعيد يا اخو جوزاء بكل اللي قلت ولا يهون الأخوان ...
باقي مفتاح واضح (( نقية )) والقصد معنوي ولفظي بمعنى الكلمة ..
وليس تعمية أو تغطية :)

تقبل عاطر التحايا والمحبة ..
هاوي المرقاب
07/04/2007, 03:25 AM
العمرود صباح الخير

المحاوره

او

القلطه

اعذب التحايا لشخصك الكريم
عبدالله العمرو
07/04/2007, 03:55 AM
العمرود صباح الخير

المحاوره

او

القلطه

اعذب التحايا لشخصك الكريم


أخي الحبيب هاوي المرقاب / لاعدمتك

يا بعدي والله :)

منت بعيد ... نعم كلامك وكلام أخوي أخو جوزاء وأبرق العزاف وسلطان كلكم أقرب وتفكيركم واحد ولكن ما نتبهتوا للمفتاح (( نقيّة )) وأوضحت انه لفظي ومعنوي لا تورية ولا تعمية ولا حشو ...
وعلشان اقرب لكم الحل لو طبقتوا هالمفتاح على حلولكم وصلتوا بسهولة :)
هاه ترى غششتكم الحل :)

لاهنت ولا شنت ياغالي ...
أعذب التحايا ...
أخو جوزاء
07/04/2007, 06:25 AM
ما عاد باقي الا رمعه

وهذي الرمعه اللي تبي

تذبحه أنشاء الله يا العمرود


((( رمعة اللغز )))



أخو جوزاء
طرقيه وحطابه
07/04/2007, 07:36 PM
السلام عليكم ورحمة اللة وبركاتة وبعد
عندى رمعة
الربابة
راع الابل
07/04/2007, 07:57 PM
راع البل يالعمرود اعوزمه قوية ..... القصايد ورمعات الاخوان ماعليها
تجليها معزوم وتلعب فيها الرديه .... اعروس الصيف بالقصور ماليها
والا حفلات المحاورة ترا عاديه .... عطني التمام والا عطنا مواريها

تحياتي
مدالنظر
08/04/2007, 02:43 PM
1
دلــّــة الــقهــوة

.................
2
طاسة الحليب

:)
أخو جوزاء
11/04/2007, 05:48 AM
وينك يالعمرود

رد على الرمعات يا مال الغنيمه

تراني رمعت وبعد الأخوان رمعو بعدي ثلاث رمعات


عجل علينا


أخو جوزاء
عبدالله العمرو
13/04/2007, 02:34 AM
ما عاد باقي الا رمعه

وهذي الرمعه اللي تبي

تذبحه أنشاء الله يا العمرود


((( رمعة اللغز )))



أخو جوزاء









هلا وغلا باخو جوزاء ....

والله إن ودي أقول صح لسانك لكن !!! باقي لك شوي :)


واعذروني يا بعدي تراني هاليومين ماني لنفسي .... :(

لا هنت ولا شنت وتقبل أعذب تحياتي ....

أخوك /
عبدالله العمرو
13/04/2007, 02:37 AM
السلام عليكم ورحمة اللة وبركاتة وبعد
عندى رمعة
الربابة


وعليكم السلام والرحمة

هلا ورحب طرقية وحطابة ....

مالك لوى يا بعدي خيرها بغيرها .....
لاهنت ولا شنت ....
وتقبل وافر التحايا .....
أخوك /
عبدالله العمرو
13/04/2007, 02:53 AM
راع البل يالعمرود اعوزمه قوية ..... القصايد ورمعات الاخوان ماعليها
تجليها معزوم وتلعب فيها الرديه .... اعروس الصيف بالقصور ماليها
والا حفلات المحاورة ترا عاديه .... عطني التمام والا عطنا مواريها

تحياتي





يا راعي البل باقي شويّه
.......... والرمعة اللي ما تجي لك تجيها

وضّحت والتوضيح خلّه عليّه
.......... والقصد بنتٍ ساعفت من يبيها

يسوقها الرجال والا اوخيّه
......... (( لاقح )) وترجع والشرف معتليها

واكثر من التوضيح شفها (( نقية ))
........ مثل القزازة بينٍ ويش فيها

================
عبدالله العمرو
13/04/2007, 02:55 AM
1

دلــّــة الــقهــوة

.................
2
طاسة الحليب

:)


الغالي مد النظر / لاعدمتك

مدّ النظر بعد شوي وتراها حولك :)

حظ أوفر ....

تقبل تحاياي ...
عبدالله العمرو
13/04/2007, 03:00 AM
وينك يالعمرود

رد على الرمعات يا مال الغنيمه

تراني رمعت وبعد الأخوان رمعو بعدي ثلاث رمعات


عجل علينا


أخو جوزاء







سم سم سم هذا انا يا اخو جوزاء ....

ويامال السلامة أنت واياهم ....

اعذرني يا اخوك تراني غبت شوي لضرف :)

وكلكم مالكم لوى .....

تحياتي لشخصك ....
بوراشد9
13/04/2007, 03:23 AM
هذه اول مشاركة لي في هذا المنتدى الرائع وأحب أشكر جميع الأخوة المشرفين والأعضاء وأعتقد الاجابة هي بيالة الشاهي أو كاسة الماء
أخو جوزاء
13/04/2007, 03:51 AM
أخوي العمرود

وش رايك في


خيمة الالغاز صفحة الالغاز

ما عاد فيها أنت أرمع في لغزي وأنا أبرمع في لغزك

الأخوان النشاما مدري وين راحوا أكيد أن راعي البل

ورى السالفه ههههههههههههههه


أخو جوزاء
عبدالله العمرو
13/04/2007, 08:29 PM
هذه اول مشاركة لي في هذا المنتدى الرائع وأحب أشكر جميع الأخوة المشرفين والأعضاء وأعتقد الاجابة هي بيالة الشاهي أو كاسة الماء


بو راشد / لاعدمتك

أولاً يشرفني أن تكون أول مشاركة لك على متصفحي المتواضع ....

وثانياً :




.






.






.






.






لللللللللللللللللللللللله درررررررررررررررك وصح فكرك ....

نعم هي بيالة الشاهي ... لا فضّ فوك ....

وتستاهل المدحة :

منّي لابو راشد سلام وتحية
........... والورد ما بين الحروف يغشاها

ذيبٍ على أول هدّته جاب 100
............ والصيدة اللي ناشها في حشاها

ألغازنا يالربع رااااحت ضحية
............ مادام أبو راشد وراها وراها

:) ................................... :)

تحيااااااااااااتي
عبدالله العمرو
13/04/2007, 08:36 PM
أخوي العمرود


وش رايك في


خيمة الالغاز صفحة الالغاز

ما عاد فيها أنت أرمع في لغزي وأنا أبرمع في لغزك

الأخوان النشاما مدري وين راحوا أكيد أن راعي البل

ورى السالفه ههههههههههههههه


أخو جوزاء




هاهاهاهاااااااااااا

راعي البل ؟؟؟؟

هاهاهاااااااااااااااااااا وش دراك ؟؟؟

هو له أيام وانا أشوفه معطيها فصيح .....
وانت الله يسلمك بهالألوان ما ادري وش وراك أنت واياه ؟؟؟ !!!

أما الألغاز الظاهر مثل ما تفضلت ماعاد فيها إلا((( نترامع )))) هههههه

لكن راح عليكم جابها ابو راشد9 بيض الله وجهه ....

وحقك فالجاي ........

تحياتي وقبلاتي لجبينك ....

أخوك /
كبرياء عتيبي
13/04/2007, 08:49 PM
التمر ؟؟؟؟؟؟؟
بوراشد9
13/04/2007, 10:58 PM
بو راشد / لاعدمتك


أولاً يشرفني أن تكون أول مشاركة لك على متصفحي المتواضع ....

وثانياً :




.






.






.






.






لللللللللللللللللللللللله درررررررررررررررك وصح فكرك ....

نعم هي بيالة الشاهي ... لا فضّ فوك ....

وتستاهل المدحة :

منّي لابو راشد سلام وتحية
........... والورد ما بين الحروف يغشاها

ذيبٍ على أول هدّته جاب 100
............ والصيدة اللي ناشها في حشاها

ألغازنا يالربع رااااحت ضحية
............ مادام أبو راشد وراها وراها

:) ................................... :)

تحيااااااااااااتي

تسلم يا العمرود على هالكلام الطيب
وصح لسانك وأتمنى اني أكون عند حسن الظن
وبانتظار جديدك يا الغالي
تحياتي لك ولجميع الاعضاء
أبوتركي 999
14/04/2007, 09:56 AM
برادة الماء
T U R K I 0 9 0
14/04/2007, 10:23 AM
أنشدك عن بنت ٍ لعوب ٍ نقيّة
........... تحمل وتولد ما يبيّن عليها

ما يمنع الرّجّال عنها حميّة
.......... تنقاد له بنت الشرف لو يبيها


يالعمرود صح لسانك بس انت تقول تحمل وتولد مايبين عليها والبياله يبين عليها ولا وش رايك :)
عبدالله العمرو
14/04/2007, 12:08 PM
التمر ؟؟؟؟؟؟؟


أخوي الحبيب كبرياء / لاعدمتك

اللغز إنحل طال عمرك والمدحة راحت لأبو راشد :) ....

خيرها بغيرها وأشوفك في الثاني :)
عبدالله العمرو
14/04/2007, 12:10 PM
برادة الماء


حبيب قلوبي أبو تركي 999 / لاعدمتك

اللغز حلّه أبو راشد الله يعطيك واياه العوافي ....

أتمنى تواجدك في الثاني وحظ أوفر يا بعدي .....
عبدالله العمرو
14/04/2007, 01:10 PM
تسلم يا العمرود على هالكلام الطيب
وصح لسانك وأتمنى اني أكون عند حسن الظن
وبانتظار جديدك يا الغالي
تحياتي لك ولجميع الاعضاء



الله يسلمك يا ابو راشد وتستااااااااهل ....

آمل تواصلك الدائم معنا :) .....

حياك وبياك ...

تقبل أعذب التحايا ...

أخوك /
عبدالله العمرو
14/04/2007, 01:14 PM
أنشدك عن بنت ٍ لعوب ٍ نقيّة

........... تحمل وتولد ما يبيّن عليها

ما يمنع الرّجّال عنها حميّة
.......... تنقاد له بنت الشرف لو يبيها


يالعمرود صح لسانك بس انت تقول تحمل وتولد مايبين عليها والبياله يبين عليها ولا وش رايك :)





هلا وغلا أخي الحبيب ... تركي على ما اعتقد !!

صح بدنك يا بعدي بل كلللللللك ....

نعم أخوي أقول ما يبيّن عليها ما قلت ما يبين وش فيها وللتأكيد قلت تحمل .. وتولد ... وما يبين عليها ...
يعني لا يكبر بطنها ولا يتغير فيها شي بعد الولادة ... :) آمل أن أكون وضحت ....

حياك يا بعد راسي ولا هنت ....

تقبل أعذب التحايا ....
T U R K I 0 9 0
14/04/2007, 01:35 PM
اهاااااااااااااااااااااااااااااااا قصد الشكل وارد و وافي يالعمرود وصح لسانك :D
T U R K I 0 9 0
14/04/2007, 01:36 PM
اهااااااااااااااااااااااااااااااا قصدك الشكل وارد و وافي صح لسانك يالغالي :)
عبدالله العمرو
14/04/2007, 01:47 PM
اهاااااااااااااااااااااااااااااااا قصد الشكل وارد و وافي يالعمرود وصح لسانك :D







حياك الله يا تركي أسعدني تواجدك يا غالي ....