لاتستغرب لو قالولك ان ماليزيا جنة الدنيا....

[خالد الجارح]

سبحان الله....ماليزيا ...دوله ساحره الجمال...

وحاولت ابحث واروح يمين شمال وش اللي يخلي كل هالخضره عندهم...

ووجدت بنظره فقط الى احوال الطقس حاليا لديهم فزال تعجبي...

شوفوا التوقعات لديهم في العشر ايام القادمة

والحمد لله على كل حال ويستاهلون الماليزيين...بلاد مسلمين. ورايح هناك رايح مافيها كلام.

بس هناك شيء غريب...سمعن من اكثر من شخص انه لما ينزل المطر يكون هناك حراره مع نزول المطر...بعكس مانعرف انه مع نزول المطر المفروض يبرد الجو...وش الوضع عندهم هناك...

هذا من اليوم حتى الاحد
http://www.mekshat.com/pix/upload/images29/mk38159_untitled.jpg

وهذا من الاحد حتى اخر يوم.

http://www.mekshat.com/pix/upload/images29/mk38159_untitled2.jpg

[فنجال]

اخوي خالد
هلابك
معلومه بسيطه جو كوالا استوائي يعني مطر ورطوبه يعني .....ماهو شرط ان الامطار بس بالشتاء مثل عندنا ....ولو يبيلك تدرس جغرافيا مرتن ثانيه .......
ودي اقول شي اهل الوسطى مايعجبهم جو كوالا يحسون بكتمه واجسامهم ياساتر بسرعه طرطش ماء ..بس اهل الغربيه والشرقيه يكيفون بجوها .
تحياتي

[المرقاب]

وأزيدك من الشعر بيت أن شهر أغسطس (آب) هو من شهور المطر عندهم

[خالد الجارح]

شكرا اخوي فنجال...

بس مااذكر انا درسنا مناخ ماليزيا بالجغرافيا...او المناخ الاستوائي....ممكن كنت غايب ذاك اليوم.. :)

اخوي المرقاب...

سبحان الله...اغسطس موت عندنا في المملكة وهم مطر....سبحان الله.

[صالح الربيعان "برق السناف"]

هلا أخوي خالد ترى رجلي برجلك إن رحت هناك عسانا نشبع من المطر عقب جفاف هالسنة لا حول ولا قوة إلا بالله

[خالد الجارح]

والله ونعم الخوه اخوي برق السناف ياليت لو الواحد فاضي نسوي رحلة جماعية لاعضاء مكشات.. عاد بنتعب نكتب تقرير لمشكات عن المطر يبيلنا منتدى منفصل لحاله...ولا بلاشي تقارير عشان مانقهر خويانا.. :)

[أبرق الشقيقة]

السلام عليكم ورحمة الله بركاته هلا اخوي خالد الجارح

ااااااااااااه ياماليزياء انشهدوبالله انه جنت الله بارضه شي يهوووووووووووووووووول العقل انا ياطويل العمر بعد عيد الفطر سافرت لماليزياء والخضره والجو الي يردالروح والامان والناس الي تشرح الصدر تعامل زين واخلاق ازين بعد
بالنسبه ياخوي للمطر مثل ماقلت انا عشت الجو هناك في مدينه اسمها بينانق شمال شرق كوالا شواطي حلوه وشي يرد الروح امطرت علينا هناك بس ماكانت حر لاوالله بالعكس براااااااااااااااااااااااااااااااااااااااااااااااا د ونسنااااااااااس يرد الروح بالنسبه لي انا عشاني متعود علي برد نجد الجاف لكن بالنسبه لهم هم البرد الي بعد المطر يهبل بهم ..
شكرا

[أبـو فـايـز]

ماليزيا صحيح حلوة بس والله ان تنقرفون من الحر لاتغركم درجات الحرارة 32 تحسبوها براد والله مووووووووت حر انا رحت هناك اسبوعين ما اصدق على الله ارجع للفندق اخذ شاور لأن ملابسي صارت كنها مغسوله من العرق الله يكرمكم
وكل من راح لماليزيا انصدم فيها يعني ترا الناس ضخمت امرها وعطتها اكبر من حجمها
لايغرونكم يقولون بلاد مسلمين اقسم بالله ماسمعت الاذان ولا مرة الا مرة وحدة في جامع كبير
في الاسواق اذا جاء وقت الصلاة اروح اصلي ما اشوف الا ربعنا هم اللي يصلون استغرب وش سالفة هالاسلام اللي نسمع عنه ولا نشوفه
واسف على الخروج عن الموضوع بس حبيت اوضح النقطة على طاريها

[أبرق الشقيقة]

السلام عليكم
انا لي مداخله اخوي ابو شنب فسفوري

ياطويل العمر بالنسبه لماليزياء انا رايح له بعيد الفطر الي فات والوضع مغاير لما ذكرت ببداء اول شي بالمساجد

المساجد ياطويل العمر في كوالالمبور ماانقعطت والجامع الكبير الي قريب من اكبر برجين بالعالم الناس يصلون وغير المسجد هذا يعني الحمدلله مافقدت المساجد ورحت بعد لمنتجع قريب من العاصمه اسمه سن وي لاقون نفس الحكايه المساجد موجوده والناس يصلون والحمدلله بالعكس عندهم احترام للمساجد ماشفته عندنا ولا عند غيرنا .....
ورحت بعد لبينانق وتمشيت فيها كلها من قرى صغيره وكل شي الحمدلله والشكر شي يشرح الصدر المساجد موجوده والأذان ماتفقده وصلاة الفجر مساجدهم اكثر منا جماعه هذا بالنسبه للمساجد ..
..................................................
..................................................
الجوياطويل العمر يمكن وقتي غير وقتك انا رحت ياطويل العمر مثل ماقلت لك بعيد الفطر والجو حلووو لارطوبه ولا حر طبعاً الشمس مهب حاره بالحيل لكن حويره شوي للي يبي يطول به .اما بينانق الصراحه جوروووووووووووعه وامطااااااااااااااااااار ونسناااااااااسن يرد الررررررررررروح حبيت ابين الوضع الي عشته .
شي عشته وشاهدته والف شكر . في امان الله

[ابوتركي$]

والله ياخوي انا رحت لها شهر العسل

شيء من الخيال ماينوصف

المطر لايتوقف طوال اليوم والخضار يغطي كل مكان

وسجلت افلام فيديو لحد ماتعبت

بختهم يستاهلو بلد اسلامي متحضة

وهي افضل بلد اسلامي في شرق اسيا

[مطر جدة]

ودي اقول شي اهل الوسطى مايعجبهم جو كوالا يحسون بكتمه واجسامهم ياساتر بسرعه طرطش ماء ..بس اهل الغربيه والشرقيه يكيفون بجوها .
تحياتي
ومين قال حنا متكيفين بالرطوبة .. بالعكس مثل ما انت تحس بكتمه وجسدك يطرطس ماء على قولتك
حنا بعد نفس الشي ..

اخوي خالد الجارح

جرحتنا بالتوقعات الجميله عن ماليزيا ..
وكما هو معروف ماليزيا تقع في المنطقة الاستوائية .. كما ذكر الاخوان .. المناخ الاستوائي .. حار ممطر طوال العام .. وبما انه ممطر يعني رطب .. وتختلف كمية الامطار من شهر إلى شهر .. بس الامطار على مدار العام وليست موسمية ..

تحيتي
مطر جدة