المساعد الشخصي الرقمي

مشاهدة النسخة كاملة : افضل ماطور نفخ كفرات


أبوعمار
13/03/2007, 02:56 PM
ابي الشور ياشباب وياشياب ابي اشري ماطور نفخ كفرات بس محتار من ابو جمل والهدروليك البيوك مع انه عندي هدروليك واحدبس اذا جاء ينفخ ياخذ ساعه على الكفر الواحدبس انفخ به من سيارتين الي اربع سيارات بس مايحتمي ولايقفل مثل ابو جمل
عابد
14/03/2007, 01:20 PM
السلام عليكم ورحمة الله وبركاته

اخوي أبو عمار
من واقع تجربة توكل على الله واشتر بو جمل أنا انفخ الكفر من 20 إلى 40 في دقيتين فقط .
السارحي
14/03/2007, 02:19 PM
ابو عمار انا مع كلام الاخ عابد

ابو جمل افضل ماطور من واقع استعماي له انفخ كفرات البالون ما تاخذ معي 10 دقايق

ولا يفتر من الحراره

بس دير بالك في انواع كثيره من ابو جمل دور الزين وانا اللي عندي ابو شنطه خضراء:good: :good: :good:

وبالتوفيق
شاص محترق
15/03/2007, 04:42 AM
ابو جمل الاصلي
او تايقر اللي وكيله العليان لايعلى عليه......
مسافر1
15/03/2007, 07:17 AM
في اعتقادي وحسب تجربة
ابو جمل الأصلي ..
وعليك مراجعة هذا الرابط لعل فيه الفائدة
http://www.mekshat.com/vb/showthread.php?t=30093 (http://www.mekshat.com/vb/showthread.php?t=30093)
دغيم1
15/03/2007, 08:14 AM
السلام عليكم
حياك أخوي ابو عمار ولا يهون الجميع
بالنسبة لأفضل ماطور هواء - كما ذكر الأخوة أبو جمل - وانا اشتريت من دبي ماطور هواء 2- راس وهو جيد وسريع ولكن لايحضرني اسمه الأن .
ويوجد لدى محلات التويجري اللي في الصناعية القديمة بالرياض - وانت متجه شمال - بعد تقاطع شارع الحلة - بعد حقين زجاج السيارات على يمينك . تجد عنده ماطور هواء على البطارية قوي وجيد ولكن عيبه قيمته غالية جدا - تصل في قرابة ( 2000 ) ريال مع اللي والراس .
وكذلك تجد نوع آخر في محل بيت العدد في شارع الريل - نوع جيد اعتقد صناعته استرالي - تصل قينته 1200 ريال .
وكذلك تجد في محل الفانوس في شارع الريل - ماطور الهواء القديم الياباني الأزرق - ولكن عيبة بطيء شوي بس عملي . ولديهم ماطور بخزان وبدون خزان - ولكن غير مجرب .
تقبل تحياتي - دغيم 1
دحيم العبود
16/03/2007, 03:23 PM
ابو جمل الاصلي قيمته 250 ريال فقط عندي من 4 سنوات وسبق اني عبيتبه تلاث سيارات في نفس الوقت :good:
بس تاكد انه الاصلي :D
عرق رملان
17/03/2007, 10:47 AM
اخي الكريم
من وجهه نظري ومن خلال تجربه ابو جمل الإصلي وعلى ما إظن وكيلة مؤسسة الشراع اذا انت محتاج رقم تلفونهم ابشر
وبخصوص مده نفخ الهواء 20 الى 40
حقيقة ما حسبتها بس اتوقع انها اقل من الدقيقتين ... وعلى فكره يحتر شوي الماطور .
والله يوفقك
وعلى فكره سعره 250
جي اكس أر 3
17/03/2007, 11:05 AM
السلام عليكم

اخي الكريم انا جربت ابو جمل الاصلي وشاريه من موسسه الشراع جيد ولاكن اذا استخدم في الحر والله يحتمي كثير ولا تستطيع ان تعبي اكثر من سياره فقط وانا مجربه ولاكن نصيحتي لك اخي الكريم عليك بلماطور الاسترالي ولله لا يعلو عليه شئ واعتبره افظل مابسوق ولاكن عيبه سعره غالي 980 ريال وتجده عن الرمايه وعلي فكره مظمون سنه اظف جميع القطع متوفره لدي الوكيل هذا بحكم تجربتي والله اعلم
تحياتي
عبدالرحمن السالم
18/03/2007, 01:45 PM
الله يعطيكم ألف عافيه .. بس ياجماعه وين ألفي أبوجمل الاصلي هل فيه محل معين يبيعه ..
انا عندي ابوحصان يحتمي ويخرب وانت تعبي كفراتك ..

بالتوفيق للجميع
باترول 4×4
18/03/2007, 04:36 PM
أبو جمل الأصلي ( ضع خطين تحت الأصلي )اللي أعرف انه متوفر عند :
برق الحيا في مخرج 15.
الفراسة في مخرج 15 أيضا .
البرية في حي السلام أمام كلية المعلمين .
ولكن احذر من أبو جمل غير الأصلي وهو يكون في شنطة بنية وهو مشابه جدا لشكل أبوجمل الأصلي ، أما الأصلي فيكون في شنطة خضراء ومعروف عليه ختم مكتوب عليه (احذروا التقليد يوجد في الأسواق منتج مشابه لهذا المنتج )
dodo2003
07/04/2007, 11:54 PM
والله ياخوك عندي ابو جمل ابو شنطه بنيه ولا قد قال لا
عابد
08/04/2007, 03:03 PM
والله ياخوك عندي ابو جمل ابو شنطه بنيه ولا قد قال لا

وأنا أيضاً أبو جمل الذي استخدمه أبو شنطة بنية وسبق نفخت به سيارتي وسيارة ثانية معاها أنا كنت منسم كفرات سيارتي على 20 والشيروكي منسم كفراته على 15 والحمد لله الآن له اربع سنوات ونصف ولم أجد فيه ما يعيبه ويوم شريته كان سعره 300 ريال من العوبثاني أو العربة في الدمام
شامخ ألهيلا
08/04/2007, 07:34 PM
السلام عليكم
الاسبوع الي طاف درت بالغرابي ادورلي ماطور المهم
لقيت ابو جمل الي عليه ضمان الشراع سعره 270الي يجي معه لي طويل الاصفر
ولقيت ابوجمل بدون اللي الطويل من250 الى 260علماً ان ضمان الشراع 6 شهور
بس لقيت واحد زي ابوجمل ونفس موصفاته اسمه sil او صال وكيله موسسة صال في الغرابي ويعطيك سنه ضمان استبدال وسعره 170
بس صراحه مدري وش اخذ قلت خلني اسال الشباب الي في مكشات يعلمونا ويشوفون فرق السعر والضمان ويمكن احد جربه يعلمنا