اجعل رحلتك البحرية ممتعه ...........مع طبخة مظغوط الناجل في القارب !!!

[بيرق البحر]

السلام عليكم ورحمة الله وبركاته
اعزائي اعضاء وزوار منتديات مكشات حبيت اليوم اطلعكم على طبخة في القارب تزيد من روعة الرحله فان كان عندك صيد وفير تتوجه بالاكله اللذيذه وان كان مافي صيد فعلى الاقل لا تفوتك الاكله (اذا فاتك الكفر لا يفوتك الزول):D
الطريقة بسيطه جدا بس لازم تعتمد على ام العيال بالتجهيزات قبل ما تطلع البحر واليكم الطريقة..
اولا المقادير:-2كاس رز او 3 (حسب العدد) تكفي لخمسة اشخاص ويفضل نوع مثل ابو كاس<<من دون دعايات
-4 ملاعق بهارات مشكلة
-كيس كشنة (طماطم مطحون)
-قليل من الملح حسب الرغبة
-كمية من الماء تساوي كمية الرز
-السمكه(لازم تصيدها لاتجيبها معاك من البيت)
ثانيا الادوات:-القدر الكاتم
-دافور صغير
-مغرفه (ملاس)
ثالثا طريقة الطبخه:-قم بتقطيع السمكه الى 3 اجزاء او 4 حسب الحجم
-رش السمكة بالبهارات (بهرها)ثم ضعها بالقدر الكاتم
-ضع الكشنه كامله في القدر مع السمكه
-صب عليها الماء
-ثم اضف قليلا من الملح
-واختم مجموعتك بالرز
-واخلطهم جيدا عدة مرات وقلبها
-اقفل غطاء قدر الظغط باحكام ثم رج القدر ليزداد الخلط
-وضع القدر على نار عاليه لمدة 10 دقائق
-ثم خفف قوة النار وانتظر حتى تبدا الصفاره بالحركة(عادتا لا تستغرق اكثر من 45 دقيقه)




http://www.mekshat.com/pix/upload/images29/mk46879_20070308359.jpg

هذي المقادير اللي تحضر لك اياها ام العيال:)

http://www.4nw.net/get-3-2007-kaprbvb6.jpg (http://www.4nw.net/)

اذا ما قدرت تصيد ناجل حط اي سمكه:cool:


http://www.4nw.net/get-3-2007-h8kbtvir.jpg (http://www.4nw.net/)


وهذا قدرنا ودافورنا



http://www.4nw.net/get-3-2007-wbnlodi7.jpg (http://www.4nw.net/)

وهذا شكل الطبخة بعد ما تستوي

http://www.4nw.net/get-3-2007-znig52jf.jpg (http://www.4nw.net/)
اكلة بوسط البحر ما تقدر بثمن;)

http://www.4nw.net/get-3-2007-7aqeroyn.jpg (http://www.4nw.net/)

وهذ شكل السفره مع السلطه وبالعافيه



##تحذييييييييييييييير##
-ابعد النار عن البانزين او اي مواد قابلة للاشتعال

[ابوتركي1]

الله يعطيك العافيه والحمد لله توي متعشي ولا رحت فيها 0000 بس بصرحه مايحتاج ومشكووووووورررررر000

[ابوحمد 10]

شغل عدل

الله يعطيك العافيه

كبسة مظغوط وبوسط البحر
ياسلاااااااااااااااااااااااااااااااااااااام

[أبو فيء]

اي والله تونا متعشين والا كان رحنا فيها

ماشاء الله شغل عدل

بصراحه ما تفوت الطبخه هذه

عليكم بالعافيه

تحياتي

[صادوه]

شهيتنا يا بيرق البحر واحلى مضغوط لأحلى ناس بالدنيا وفي البحر من قدك يا عم تسلم وما قصرت يالغالي الاسبوع هذا باذن الله اسويها

مشكوووووور يا بيرق البحر يعطيك الصحه وتسلم

[jwan]

اش تتوقع اقولك مشكور على هذا الصباح
وجهز حالك لعزيمة عشان تعرف تعرض هذه الصور ونحنا بعد مورخين على ناجل


الف الف شكر لك بيرق

[Swordfish]

-السمكه(لازم تصيدها لاتجيبها معاك من البيت):director:
أفا يالعلم كيف تقول لا تجيبها من البيت

اذا ما قدرت تصيد ناجل حط اي سمكه:cool: :director:

ايه والله انك صادق مرة نويت الناجل طلعلي شاقة


مشكور اخوي على طرحك الشيق

[نجم حفرالباطن]

يعطيك العافيه ماقصرت يالغالي بارك الله فيك

[ابوا اسامه]

السلام عليكم
ماششششششاء الله يا أبو أسامه وعساها بالعافية, لاكن سلامات الظاهر عندك السكر علشان كذى السفن الدايت!!!!!!
الله يخليلك أم العيال لاكن الى ماعنده أم العيال أيش يسوى؟ يا ترى أم العيل تطلع معاك؟ أكيد لو هي معاك كان الجو يصير حاجة ثانية خالص.

وشلون القدر ما يطيح؟

[maysarh]

الله يعطيك العافيه

[الغريري]

ماشاء الله ... فعلا ...جو غير .. ;)


وانصحك المرّة الجاية تاخذ معك عودين من السمر، وواحد ارطى، وعود صغير من الغضا ، ومركابة للقدر، وتشب النار طال عمرك ، ولا يهونون القرّاء ..:D ... خاصة إذا توسّطت بالبحر ... ولا انتصفت النار بالأعواد الأربعة سالفة الذكر ، حط المركابة لمدة دقيقة ، وبعدين حط القدر عليها ..بعد تجهيزه كما ذكرت في الموضوع ...

وبعدها ..

تكفى ادعي لي ... لا تدعي علي ... :D :D :D

[فل اوبشن]

فله تسلم يمناك اكله شهيه ..

[gulfhunter]

السلام عليكم ورحمة الله وبركاته

حياك الله أخوي بيرق البحر

ماشاء الله موضوع متعوب عليه وطبخه احلى منها مافي والأزين الصور اللي تفتح النفس

عليكم بالعافيه

[المحتسب]

بيرق البحر والله انك شهيتني من جد وبالعافيه

[Google]

الف شكر يامبدع

شكر قليله بحقك

بس فيه مشكله

مع الامواج ممكن يطيح قدر الضغط الله يكون بالعون

مشكور

[خادم الإسلام]

شغل حقيقة قمة الروعة بس لا يكون معك واحد مصاب بدوار البحر :D

[بيرق البحر]

الاحباب ... ابو تركي , ماسك خط , المايسنرو , ميسرة (ابو صهيب ) , فل ابشن , المحتسب , نجم حفرالباطن
اشكركم على مروركم و تعليقاتكم اللطيفة وياليت يوم مريتم تغديتم
الوافي صادوة , مشكور على الرد و ياليت تعلمني اذا طبختها كيف طلعت معاك
الغالي ابو اسامة (السمي) مايجيك الشر السفن دايت للخوف من السكر و البعد عن السمنة , والي ماعندة ام العيال اللة يخلبلة الوالدة
بالنسبة للقدر يمكن تثبيتة بربطة مع البتقاز بسلك علاقة الملابس و اذا كان فية هواء حطة لة الرادة ( التي تتطبق مثل حقت البر )
العزيز عماد (جوان) اللة يحييك و نتشرف بمعرفة الطيبين
اخوي قوقل اشكرك و انشاءاللة ازودكم بصورة القدر وهو مثبت غلى الغاز
اللة يهديك يالغريري تبي تولع بالقارب تحسبنا في الصمان او روضة التنهات ولكنني ابدعيلك انشاءاللة
واخيرا الشكر موصول لمشرفنا العزيز

[وسام نجد]

بيرق أنا اشك أنك الشيف رمزي اللي يطلع بالـ MBC

ماشاء الله عليك شغل عدل ، بس مو كنك مكثر الصلصه والطماطم

لأني اشوف بالمقادير صلصة وطماطم واتوقع واحد يفي بالغرض عن الثاني :confused:

والصوره هذي لحاااااااااااال لو انت شبعان تجوع منها

http://www.4nw.net/get-3-2007-7aqeroyn.jpg


يسلمووو دياتك ولا حرمتنا من طبخاتك

لك مني كل الود والتحيه
وسـام نجد

[بيرق البحر]

ااخوي خادم الاسلام اشكرك على ردك ونصيحه اذا بتاخد معاك واحد ممكن يصاب بدوار البحر خذ دواء دوار البحر المذكور بموضوع الاخ صادوه سابقا
اخوي وسام نجد تعليقاتك الجميله اجمل من الموضوع نفسه وبالنسبه لمعجون الطماطم والكشنه فعلا تكفي وحده وهذا المكتوب بالمقادير
اما الاخوان قوقل وصادوه يستفسرون عن تثبيت القدر على الغاز ومثل ما ذكرت لكم سابقا يكون التثبيت بسلك حديد مثل سلك علاقة الملابس والصور التاليه توضح لكم طريقة التثبيت....

http://www.4nw.net/get-3-2007-wzq71e56.jpg (http://www.4nw.net/)










http://www.mekshat.com/pix/upload/images29/mk46879_20070315045.jpg
اذا كان فيه هوا استخدم الراده في حال كانت الرياح اكثر من 25كيلو متر بالساعه يفضل رسو القارب خلف القطعه(جزيرة-الكساره-الذر)
وشكرا للجميع

[بحارالاحلام]

وفقكم الله وشكرا لكم

[عقام جدة]

ماشاء الله

الله يعطيك العافية

[عشيق البحر]

ماشاء الله تبارك الله

عليكم بالف عافية

وطريقه مررررررررررررره رهيبه اتوقع كل من شاف هذا الموضوع اول طلعه يطلعها راح يتعشا من هذا الموضوع


لك مني التقدير والتحية

اخوك
ابو وسام عشيق البحر

[deep sea]

مااااااشاااااااااء الله الله ينور وتسلم الاياااااااااااااااااادي وبالعافيه انشالله واهنيك على الموضوع المتكامل والكمال لله سبحانه وتعالى شوكرن