معقد الشوش
11/04/2003, 11:44 PM
رفيق ولاهو صديق كل ماأحتاج لي لقاني وبكل مره يقول ماقصرت معي وعساها ماتجيك الحاجه أللي تعرفني
فيها 000 وجت لاحياها الله الحاجه والمشكله ماهي لى ولاهي ماديه ولكنها فزعة جاه ... وأهل نجد يقولون
أبخل بخيل بجاهه !! في البدايه تزّهل ولاالزير سالم .. وراحت الأيام وراعي العازه محرجني .. دورّت بعدها
ابا الفزعات مالقيته .. ودرى ولد عم له شاعروجاني قال أنا داخل على الله ثم عليك مايطوله منك شي !! قلت
أعذرني القصيده وساقها شيطانها قال أجل من فضلك وأحسانك تنوشه نوش ولاتخليها صريحه قلت بهذي أبشر
وأنا معقد الشوش 000
ناديت ياطير(ن) شهر شامخ الراس=ألوح فاالمرقاب وأزريت أشوفه
ريشه هوى بين المقادير والناس=وصارت خراعيب الحباري تلوفه
جف القلم وأرخى جناحين عباس=ياسعود والله ماعليها حسوفه
شفت الرجال أجناس والعرق دساّس=ومصانع المعروف ضحكة هنوفه
فيهم عريب(ن) عنبره طيب الأنفاس=يغنيك والشيمه عليه أمخلوفه
يلمع من الداخل كما يلمع الماس=ماضاع نوره في ليالي خسوفه
وفيهم وضيع(ن) في معانيه محتاس=ضيّع سيوفه في معاني حروفه
يضيع صوت النجر مع دق الأجراس=لوكان شرّاب القهاوي يحوفه
وترى الردا من بادي الوقت وسواس=يبني به الرعديد ساسه وطوفه
يعيش عمره فاقد الشي حسّاس=آخاذ مايعطي وهذي ظروفه
يبرق على خد السما برق ميّاس=ويعميك عجه في مثاني شعوفه
طيبه على المكشوف مشوار عسّاس=وباق المعاني في مداه أمعروفه
جّوه من العتمه غثاريب نسّاس=يفوح من داخل ضميره وجوفه
ويلاه يامن لابيض الطيب غراّس=ويكماه لوأللي خلافه يشوفه
هذاك جدوده للمواجيب نبراس=مغروس طيبه بين جلده وصوفه
;)
فيها 000 وجت لاحياها الله الحاجه والمشكله ماهي لى ولاهي ماديه ولكنها فزعة جاه ... وأهل نجد يقولون
أبخل بخيل بجاهه !! في البدايه تزّهل ولاالزير سالم .. وراحت الأيام وراعي العازه محرجني .. دورّت بعدها
ابا الفزعات مالقيته .. ودرى ولد عم له شاعروجاني قال أنا داخل على الله ثم عليك مايطوله منك شي !! قلت
أعذرني القصيده وساقها شيطانها قال أجل من فضلك وأحسانك تنوشه نوش ولاتخليها صريحه قلت بهذي أبشر
وأنا معقد الشوش 000
ناديت ياطير(ن) شهر شامخ الراس=ألوح فاالمرقاب وأزريت أشوفه
ريشه هوى بين المقادير والناس=وصارت خراعيب الحباري تلوفه
جف القلم وأرخى جناحين عباس=ياسعود والله ماعليها حسوفه
شفت الرجال أجناس والعرق دساّس=ومصانع المعروف ضحكة هنوفه
فيهم عريب(ن) عنبره طيب الأنفاس=يغنيك والشيمه عليه أمخلوفه
يلمع من الداخل كما يلمع الماس=ماضاع نوره في ليالي خسوفه
وفيهم وضيع(ن) في معانيه محتاس=ضيّع سيوفه في معاني حروفه
يضيع صوت النجر مع دق الأجراس=لوكان شرّاب القهاوي يحوفه
وترى الردا من بادي الوقت وسواس=يبني به الرعديد ساسه وطوفه
يعيش عمره فاقد الشي حسّاس=آخاذ مايعطي وهذي ظروفه
يبرق على خد السما برق ميّاس=ويعميك عجه في مثاني شعوفه
طيبه على المكشوف مشوار عسّاس=وباق المعاني في مداه أمعروفه
جّوه من العتمه غثاريب نسّاس=يفوح من داخل ضميره وجوفه
ويلاه يامن لابيض الطيب غراّس=ويكماه لوأللي خلافه يشوفه
هذاك جدوده للمواجيب نبراس=مغروس طيبه بين جلده وصوفه
;)