فقع في طبق من فخار

[ابو درع]

السلام عليكم ورحمة الله


في التنهات تباح جميع الشهوات


فقع مع الحم بقدر الفخار طعم :good: وطريقه سهله وسريعة



الطريقة كما في الصور بدون تقطيع الطماط بعدلة ولثوم كذالك بدون دهن او اي زيت بهار وملح .. السر في الفخار


وبلهني والعافية



http://www.mekshat.com/pix/upload/images30/mk9458_s2020003.jpg


http://www.mekshat.com/pix/upload/images30/mk9458_s2020015.jpg


http://www.mekshat.com/pix/upload/images30/mk9458_s2020023.jpg


http://www.mekshat.com/pix/upload/images30/mk9458_s2020033.jpg


http://www.mekshat.com/pix/upload/images30/mk9458_s2020034.jpg


http://www.mekshat.com/pix/upload/images30/mk9458_s2020035.jpg


http://www.mekshat.com/pix/upload/images30/mk9458_s2020036.jpg

[عنيزااااوي]

مشاء الله عليك

روعه الطريقه سلمت يمينك

[ابو درع]

ومن قال سالم وغانم

[السنع كله]

شكرا ابو درع على هذا الابداع ولو تاذن لي عندي ملحوظه هاه اذنت كني سمعتك تقول ايه نعم اقول يالغالي شغلك سنع والطبق الفخاري روعه واللحم ماشاء الله طازج من الخروف الى القصعه لكن يقولون القصدير اذا عرض للنار والحرارة الشديدة يتحلل في الاكل ويورث الامراض حماك الله ثم مكان السلخ غير ملائم وازيد لقافة واقول المصران ما ينحطن كذا لاطعم ولا ريق ولقافة اخيرة اشوف الاكل جاف لو وضع معه شيء يرطبه اخيرا ماتقدم من كلام سيظل كلام الى ان تظهر معه انوار الحقيقة والا ردوه على قائله حتى لا يتعود على اللقافه الزايده وانت سالم وغانم000آخر لقافه :اشوفك كتبت(( في التنهات تباح جميع الشهوات ))والصحيح جميع المشتهيات اي الماكولات بخلاف الشهوات فهي تعم امورا اخرى لا تعنيها وياصبرك علي

[الضاري]

صحتين وعافيه يابودرع



ومطرح ما يسري يمري على هالحركات الحلوه



تجربتي مع المصران بعد تنظيفهن اضعهن على الصاج وأحركهن وأضع عليهن ملح



وأتركهن لين يابسن بدون ما يحترقن طبعا من التحريك



وبعدين أخطفهن من الصاج وحط رجلك



وأنتبه لا تطيح بسطل الكاسات

[ابو درع]

كلك على بعضك سنع يا السنع كله .. ونت تمون يالحبيب .. وبنسبه لجفاف الحم بلعكس

طلع شي خيال . وعلى فكرة انا او مره اجرب الفخار بهاذه الطريقة .. اعتقدت في البداية

ان الفقع مو مستوي .. وبلعكس طلع خيال والحم كذالك .. لحظ الصورة الطماك بدون تقطيع

وكذالك الثوم .. ومع ذالك وبعد الانهاء تجد ربع القدر ماء من الحم والطماط فمابالك لو قطعتة

عموماً اشكرك على ابداء رايك ..

الضاري حياك .. بجرب طريقتك بس اخف احط رجلي على الصاج تحترق ههههههه:D

تحياتي

:j

[الغزال الشارد]

تسلم يمينك على ترتيب طيب والله يعطيك العافية ومشكور00000000تحياتي

[أبو رداد]

1000 عافيه يابو درع
شكل هالطبخه مشهي جدا
وهالفخار عجيب والله
كيف قدر يستوعب هالذبيحه !!!!
شكله يبين اصغر من تقارنه مع الدله
والموتر هذا شكله مامتحرك من زمان وفي ذبايح سابقه مذبوحه
في نفس المكان هههههههههه
مشكور

[راعي الهـــدد]

الغالي ابو درع

ماشاء الله تبارك الله

الله يبارك وش هالزين ماشاء الله

بس لو بينت لنا تفصيل شوي عن هالطبخة الطيبة

يعني كم الوقت وهو على النار ... ؟ وهل ينفع في وسط الفرن بالبيت ..؟

وهل كبر او صغر الذبيحة له دور في وقت جلوسه على النار ... ؟

شكرا لك ياغالي

[ابو درع]

الغزال الشارد .. ومنقال سالم وغانم

ابو رداد الله يعافيك

كيف قدر يستوعب هالذبيحه !!!! طبق الله يسلمك وليس قدر

وهذا الطبق تصبيرة وليست وجبة اساسية شوو ف شبك الشوا بجنبة ... حق اضحوية ( فطور )

والموتر هذا شكله مامتحرك من زمان وفي ذبايح سابقه مذبوحه
في نفس المكان هههههههههه..

هذي تريقة ولا استفسار

انكانت تريق روح الله يسلمك لمفرق الطوقي وشوف الوايت والمعلاق لجميع المارة

وحوشة الغنم تشتري الذبيحة مع الذبح او بدون .. ولي شدة الريخ والغبار اجبرنا على

ذبحها عند السوداني ........ مكان معروف

انكان استفسار فكما ذكرت لم نتمكن من شده الهوا والغبار ورحله خفافية


ام عن هههههههههه


انا اقولك هههههههههه هي


راعي الهـــدد حياك الله وبياك

اما عن الوقت في عمري لم اعرف قيمة للوقت في اي طبخة سويتها .. يعني والله مادري

فقط شم الريحة يبين لك

وهل ينفع في وسط الفرن بالبيت ..؟


بزبط رع المحل يقول هذا قدر فرن .. دليلك بعد ما خلص الاكل انكسر ورميته


وهل كبر او صغر الذبيحة له دور في وقت جلوسه على النار ... ؟

مايبي كلم اكيد لاصارت الذبيحة صغيرة تكون اطرا ..

تحياتي